تعقيب مهم حول شيخة الهربيد

[ابو رفحاء]

أتحفنا الراوي الجميل فواز الغسلان بتحليله لشيخة الهربيد
ولكن تبقى الردود والاختلافات واردة
وخاصة حول الاسماء
وباعتقادي والله أعلم أن هذه الروايه قد تكون هي أقرب الروايات الى الصحة والله أجل وأعلم
تحليل الغسلان للشيخة ونشره بالمنتدى على حسب ذاكرتي انه صارله سنه تقريبا
ومن تلك الرواية وانا ابحث عن مدى صحتها
ٍسالت الشيبان اللي يروون سوالف شمر وعندهم علم من الشيخة
وقرأت الكتب التي أهتمت بالتراث مثل كتاب (المعلقات النبطية)للباحث الخالدي
ونقله عن (السويدا)احدرواة حايل سابقا من اهل رمان وهو خالدي كذلك من عائلة الجناح
وكذلك روايات فهد المارك وهو اشهر من نار على علم في مجال الرواية
والذي جعلني أؤيد رواية الغسلان أن الشيبان اللي أقرا عليهم تحليل الغسلان يقولون نعم وصحيح
الا عندما نأتي الى البيت
وصعب من الصيداد سقم الاضاديد_____________وبرجس دلال معبسات الشمالي
فيقولون ماهوبرجس المجلاد وانما برجس العردان الشمري
مع موافقتهم لكل الاسماء التي ذكرها الغسلان جزاه الله خير
واما الكتب التي قرأتها للرواة سالفي الذكر وهم ليسوا من قبيلة شمر
فيذكرون في برجس انه برجس بن عردان الشمري
مع موافقتهم لكل الاسماء الاخرى
وعندما ننظر الى الاسماء التي ذكرها الهربيد بعضهم ليسووا شعراء اطلاقا ومع هذا عدهم الهربيد من شهرتهم وفروسيتهم كجارد بن رمال وبنية الجربا وغيره
والسؤال الذي يدور في بالي ويجعلني اميل الى ان المقصود في برجس انه برجس العردان وليس ابن مجلاد مايلي
1_هل يعقل ان الشيبان اللي سالناهم والكتب اللتي قرأناها اصابت في ألأسماء كلها وأخطأت في برجس0000
2_بحثت عن سيرة الفارس برجس المجلاد (غدير الموت)وكل الاشعار التي قيلت فيه من الموقع الرسمي لقبيلة عنزة الشقيقة فذكروا كل الأشعار التي قيلت فيه
ولم يذكروا بيت الهربيد وبرجس دلال معبسات الشمالي
3_الدراسات التي قام بها الروات المذكورين أعلاه وقعت في يد رواة عنزة المشهورين ولم يبدو اعتراضات عليها
3-في قرائتي لسيرة الفارس ابن مجلاد ذكر الموقع الرسمي لقبيلة عنزة بأن برجس المجلاد لم يكن شاعرا ولم يقل الشعر
4_مات برجس المجلاد في عام 1275للهجرة في وقتن متقدم جدا لم يصل شعره حتى في تلك اللحظه
5-وجود برجس بن عردان في نفس منطقة الهربيد وفي زمنه وشهرته بالفروسية في ذلك الوقت وقيادته للزميل في معارك مشهوره تجعل حظه من الشيخة اقوى من ابن مجلاد
6-ذكر برجس بن عردان مع صعب الصديد كشمامرة في نفس البيت يقوي من ان القصد هوبرجس ابن عردان كذكره لعبدالله وعبيد الرشيد
7-أخيرا ذكر فلان أو فلان والمقصود فلان ولا فلان لاينقص من قيمة أي شخص
ولكن ودك الواحد يضع الأمور في نصابها الصحيحويقارن ويشوف منهو الاقرب للقصد
وانه مايقبل اي شي على طووووووول
وانما يسأل ويتثبت لان هذا تاريخ
والموضوع مطروووووووح للنقاش ياأحلى مضيف

[راعي الوقيد]

حي الله ابو رفحاء

والله يالعزوة كلامك منطقي:thumb:

وننتظر رأي راوينا ابو فهد

لك التحية

[ابو رفحاء]

ياراعي الوقيد عدل يابعدحي عدل
انت من كبار الشخصيات
مانقدر نقولك شي

[راعي الوقيد]

^
^
ما عدلت شي يابعدحي:3ayyen_khair:

اللهم اني كبرت الخط على شان نشوف:wallah_hoo:

[فواز الغسلان]

حياك الله اخوي ابو رفحاء وياهلا فيك00


واللي جاء في بالك يالغالي تراه جاء في بالي ودرسته وناقشت فيه ناس كثير لكن التاريخ مايساعد

لان برجس بن عردان ومياح الشلاقي وغريب الشلاقي وعقاب بن عجل وحواس ابن خمسان وهذه

الطبقه من الفرسان كان ظهورهم وبروزهم للساحه بعد شيخوخة الهربيد وموته فجميع هؤلاء كان

شبابهم وقوتهم وظهورهم قبل سقوط حائل بعشر سنوات تقريبا وهو تاريخ متأخر عن الهربيد فوق

ان الهربيد قال هذه القصيده وهو في قوة شبابه مع عساف الهربيد وكانت تربيعة السويد هذي مع

عساف الهربيد في امارة طلال الرشيد ومواجهتهم مع الشرارات بل ان بعض الروايات تثبت ان عبيد

بن رشيد كان حيا وقتها وكبير السن 00

وانا درست ذلك من اجل غريب الشلاقي لكونه تنطبق عليه الصفات اللي بالشيخه واشعاره حكم

ومضرب مثل في حين لم يذكر لبرجس ابن عردان شعرا 00

ووجدت حياة غريب الشلاقي كانت بعد الهربيد واذا كانت كذلك فكون ابن عردان لم يحضر وقت الهربيد

من باب اولى لان غريب الشلاقي اكبر سنا بعض الشي من برجس العردان00

كان برجس ابن عردان في نفس سن ووقت مياح الشلاقي ومياح اللي عاصره اكثر فرحان ابن غريب

الشلاقي فلاحظ كيف ان هذه الطبقه لم تحضر قوة الهربيد ولا هي قريبه ابدا 0

اي ان ظهور برجس العردان كان بعد وفاة الهربيد فكيف يكون في شيخته00

آخر ذكر للهربيد كانت مساجلته وهو كبير السن مع راجي بن طوعان الذي كان شبابا وقام راجي

ونخى حواس التبيناوي اللي كان شبابا ايضا وهذا في العشرينات من القرن المنصرم في حين ان

برجس لم يبرز ذلك البروز الا في الثلاثينات وكان في قوته في حين كان الهربيد في شيخوخته00

والقصيده قالها الهربيد في شبابه اي قبل ذلك بما يقرب من اربعين سنه000

اضافة الى ان برجس العردان ليس شاعرا ابدا ولو كان شاعرا لانتشر شعره لانه قريب

في حين ان برجس قديم وهو في طبقة بريك راعي بقعاء00 ولو قيل ماهو بن مجلاد فمن يكون لانه

لم يشتهر سواهما واذا كان ابن عردان متأخر كثيرا فلم يبق سوى ابن مجلاد وعدم وجود اشعار له

في منتديات عنزه لاينفي ذلك وربما يضيع مثل غيره او يعرفه اولاده وسلالته00

ولو التاريخ الذي يبعدهم عن بعضهم لقلت ابن عردان0000

[خلف الرويتع]

هلا وغلا اخوي ابو رفحاء ملاحظه مهمه وجواب مقنع من اخي ابو فهد ونحن نستفيد من مثل هذه المحاورات الرائعه من الاعضاء

[ابو رفحاء]

[QUOTE=فواز الغسلان;558041][CENTER]
حياك الله اخوي ابو رفحاء وياهلا فيك00




لان برجس بن عردان ومياح الشلاقي وغريب الشلاقي وعقاب بن عجل وحواس ابن خمسان وهذه

الطبقه من الفرسان كان ظهورهم وبروزهم للساحه بعد شيخوخة الهربيد وموته فجميع هؤلاء كان

شبابهم وقوتهم وظهورهم قبل سقوط حائل بعشر سنوات تقريبا



وانا درست ذلك من اجل غريب الشلاقي لكونه تنطبق عليه الصفات اللي بالشيخه واشعاره حكم

ومضرب مثل في حين لم يذكر لبرجس ابن عردان شعرا 00

[[SIZE="6"]COLOR="MediumTurquoise"]لم اقتنع حتى الان
ممكن تحدد لي الفترة التي عاش فيها عدوان الهربيد
لان انا احدد لك الفترة التي عاش فيها برجس بن عردان
من عام 1290الى عام 1363للهجرة تقريبا
وبروزه كان في وقت متقدم
وغزواته كانت في شبابه قبل السقوط بفترة طويله
مثل معركة نقيرة العرق
ومعركته مع شهاب الفقير

فابيك تحدد لي الفترة التي عاش فيها الهربيد كي ننظر ونتبين
بعدين شجاب طاري (غريب)

[فواز الغسلان]

[QUOTE=فواز الغسلان;558041][CENTER]
حياك الله اخوي ابو رفحاء وياهلا فيك00




لان برجس بن عردان ومياح الشلاقي وغريب الشلاقي وعقاب بن عجل وحواس ابن خمسان وهذه

الطبقه من الفرسان كان ظهورهم وبروزهم للساحه بعد شيخوخة الهربيد وموته فجميع هؤلاء كان

شبابهم وقوتهم وظهورهم قبل سقوط حائل بعشر سنوات تقريبا



وانا درست ذلك من اجل غريب الشلاقي لكونه تنطبق عليه الصفات اللي بالشيخه واشعاره حكم

ومضرب مثل في حين لم يذكر لبرجس ابن عردان شعرا 00

[[SIZE="6"]COLOR="MediumTurquoise"]لم اقتنع حتى الان
ممكن تحدد لي الفترة التي عاش فيها عدوان الهربيد
لان انا احدد لك الفترة التي عاش فيها برجس بن عردان
من عام 1290الى عام 1363للهجرة تقريبا
وبروزه كان في وقت متقدم
وغزواته كانت في شبابه قبل السقوط بفترة طويله
مثل معركة نقيرة العرق
ومعركته مع شهاب الفقير

فابيك تحدد لي الفترة التي عاش فيها الهربيد كي ننظر ونتبين
بعدين شجاب طاري (غريب)




هلا اخوي ابو رفحاء وسعداء بالحوار معك00

واللي جاب طاري غريب الشلاقي اني قلت اني بحثت هالفتره لاني رايت ان غريب

ليش ماذكره الهربيد ووجدت انه هو وطبقته من الفرسان اللي ذكرت كانوا في وقت بروزهم هو وقت

الايام الاخيره للهربيد وربما انهم مامكنوه 00

فتربيعة الهربيد مع عساف الهربيد في مكيحيل كانت في وقت طلال الرشيد اي الفتره من عام

1262 حتى 1286 للهجره وهذه الفتره هي عز شباب الهربيد واخر ذكر للهربيد كانت مساجلته مع

راجي بن طوعان في حدود الفتره 1320للهجره يوم يدعي الهربيد بالمطر لنخلاته بالظلع ويعارضه

راجي ويدعي عليهن وكان الهربيد كبير بالسن000

ولامانع اننا نجيبهن لفائدة القراء لانهن رديات طرائف00



أطلب ليا جت مزنتن هـيـدبيه = ملكن يشـايع له وملكن يسـوقه
تحدث بنضناض الرعد عقربيه = يشمخ كما أرقاب القلع مع وسوقه
تمطر على هدلاء وهدباء وأنا أدري = ونوير اللي سـايـحـاتن عـذوقه
زينات الرطـايب والشماليل كنهن = دلاخيم صفر(ن) من خواوير نـوقه




قال الشاعر/ راجي بن طوعان السويدي رداً على الشاعر/عدوان الهربيد منها



عسى لياجت مزنتن هـيـدبيـه = ملكن يشـايع له وملكن يسوقه
تزج الطخاء من مدهش الغيم غراء = وتسمك مع أرقاب القلع مع وسوقه
تبرق مـقـاديـمه وتمطر عقابه = وينّرن الثعالب للزبن عن حقـوقـه
عسى على حيـّة ليا العين للظهر = ليا جوّن اللي سـايـحـاتن عذوقه
جـوّن ليـامن الكريم إلتفت له = غـيـدن يطيّشن الـمرابد شلوقه
يشبع به الجيعـان واللي يحتري = والآهلي واللي نـزل في لـثـوقـه
دار اللذي كم بيدوا من بكـيره = ومن هبشـتن سمن العـرابي بروقه
أوي قمشت شـايـبن مـاخسربه = عقن ولا توبع عوارف حقـوقـه
خذوه بصنع البنت ياحفـدولـهن = حدبن ضرايبهن قليل (ن) عـتـوقـه
ياالله عسى في منزل الرسل منزله = إلى جـنان الخـلد ربي يسـوقـه
ماهي ديرتك ديرة حنيشن مصدع = مايسمع القاري شـطوبن شـدوقه
في ديرتك صوايـّة الليل كـنـّه = تصوي ولا تلقاء محاري شـروقـه
لعلهن با النيـصـة الحـظـرميه = النيـصـة اللي كل ضبن تذوقـه
نيصن ورى نيصن ونيصن وراهـن = ونيصن مع البطحاء ونيصن يـحـوقه
ويبراله اللي مثل مبســم مشاري = ماتصبح إلا مـشيّـنن لك وفوقـه
بربيتن شـراء وقيتن قـبـالـتـه = وقسم على الأصيّاف من مـا فلوقه
لـيّـن بطـيّـن يم الأصياف يذكر = حتى إنت على مـاحكو مـاتـذوقه


رد الشاعر عدوان الهربيد على الشاعر راجي بن طوعان



البارحه قال اللذي بات مـا غفى = من تيهــتن ماتنتخيط فتــو قـه
أنا ياجماعـــه وش أسوي براجي = وجه العجوز اللي تراوك نـشوقـه
يدعي على هدلاء بسرايـّة الدجاء = اللي ترمي بالـمـخـامـر إربـوقه
هدلاء كما عيني ليا نـيشت أ هـمله = وأنا اللذي مـا أصـبر ليا نيش مـوقه
والله لأودع من بـلاني بـشــره = كما شـنـتن تجدع تهاوى شـقـوقه
أنا دوى العـايل وأنا أبو خــزيم = مثل الحريـشـاء تقتل اللي يـذوقـه
قيلي يـشادي فارس(ن) فوق سـابق = يلحق ويـقـصرن الرمـك عن لحوقه
يالله تصـخـر للغـيـور بلهـيـبه = ليا الصبح من بكرى تلضـاء إطـبوقه
سـناه ياكل مـابقى من رطـيـبـه = والجمر يحرق مـا بـقـاء من عـروقه
ياحيث مابه للنشـامـا عـريـشـه = دومن خـفـافن بالـمبادي عـلوقه
ياجينا على الـعـيرات ضراب نيّـه = مـابه حذاء القـطـماء تناسـق فروقه


قال الشاعر/حواس نهار التبيناوي



يا راكبن من عندنا فوق حمراء = باالعـد من فـاطر شـرار ٍ عمـوقه
ياروّحت مع سـهـلتن به مـذله = ترويج علطـاء روّحت من شـروقه
فوقه مـرس الدو خدام ربـعـه = ياضيّقت بالغــانمين الـبـيـوقـه
دزه إلى باب الـشجـاع أبو راشد = ملزوم أ عزز حـالهم عن غـروقـه
إ يـط وتثيقل وإترك الخوف وإيمن = وإرثـع بشـنن ثم قطع بـنـوقـه
وإلا تخبره مايقرب لـشـلـتـه = خبيث مثل الموس شينن صـفـوقه
إلكان هـادنـّا وحنا نـهـادنـه = وإن زاد وحنا باا لصعـاصيع عـوقه
قل حـال صفرك بالتماثيل عندنا = بأطراف جّو أسـقاه رايّـح دفوقـه
لو كانت أمداحـك لحـيـّة للظهر = ملوكن وثنوا بالحـدايق إرفوقـه
لو إنت تمدح مثلهن كان سـاكت = مـاقال لك راجي بنيصن يحو قـه


ويكفي يالغالي اننا اذا عرفنا ان القصيده قيلت في نهاية امارة طلال الرشيد فهذا يعني انه

وقت ولادة برجس بن عردان تقريبا 00 علما اني والله مااخترت الاسماء من نفسي وتحليلي وانما

اللي روى لنا القصيده هم اللي اعطونا اسمائهم بالضبط وليس مني ويشهد الله لم يقل لي واحد

منهم انه ابن عردان والا كان ذكرته لانه اقرب لي من ابن مجلاد واللي من الجماعه اولى لكني تبعت

الرواة اللي اخذت القصيده منهم 00

تحياتي لك يالغالي ومستعد لاي استفسار والجواب عليه000

[مشــــعل]

اعتقد مثل ماقال ابو فهد

وهو ان برجس العردان متأخر عن الهربيد


ابو رفحاء
انت تقول ان الهربيد ذكر اناس لم يجيدو الشعر
و ان برجس موافق لزمن الهربيد

طيب لماذا لم نرى ذكر للجنازه او ضاري الطواله في قصيدة الشيخه ..
والسبب على ماعتقد انهم مثل بن عردان
وقتهم متأخر والله اعلم

[ابو رفحاء]

حوار جدا رائع يا أخوان
الله يسلم كل من رد وعلق
راعي الوقيد شكرا لك ولقبك ماني عارف معناه اسمحلي
الشكر لاخي فواز الغسلان
والشكر لخلف الرويتع
وكذلك مشعل الغفيلي

[راعي الوقيد]

راعي الوقيد شكرا لك ولقبك ماني عارف معناه اسمحلي



العفو يابعدي

ولقبي ما انت ملزوم تعرفه وليانشدك احد عن معناه قل مادري:)

لك التحية

[فواز الغسلان]

حوار جدا رائع يا أخوان
الله يسلم كل من رد وعلق
راعي الوقيد شكرا لك ولقبك ماني عارف معناه اسمحلي
الشكر لاخي فواز الغسلان
والشكر لخلف الرويتع
وكذلك مشعل الغفيلي





حياك الله اخوي ابورفحاء وتشرفت بحوارك وتقبل شكري وتقديري00


علما اني جزمت وتأكدت ان قول الشاعر ( شومن لبرجس وابن هادي ) انه برجس

بن عردان بدون شك وشهد بذلك رواة من مطير وقحطان لانها القبائل اللي

نسبوا القيصده لهم 00 والسلام

[ابو رفحاء]

العفو يابعدي

ولقبي ما انت ملزوم تعرفه وليانشدك احد عن معناه قل مادري:)

لك التحية

ولك التحية كذلك
ولقبك يدل على معنى سامي
وبعدين انا حرصت اعرف المعنى
انك على ما قيل من كبار الشخصيات يعني (عود شايب)ا
مزح امزح امزح

[ابو رفحاء]

حياك الله اخوي ابورفحاء وتشرفت بحوارك وتقبل شكري وتقديري00


علما اني جزمت وتأكدت ان قول الشاعر ( شومن لبرجس وابن هادي ) انه برجس

بن عردان بدون شك وشهد بذلك رواة من مطير وقحطان لانها القبائل اللي

نسبوا القيصده لهم 00 والسلام


اقول يااستاذي فواز
والله ماني عادك الا واحدن من اخواني
او اكثر بعد
وتقبل تحياتي

[فواز الغسلان]

حياك الله اخوي ابورفحاء وتشرفت بحوارك وتقبل شكري وتقديري00


علما اني جزمت وتأكدت ان قول الشاعر ( شومن لبرجس وابن هادي ) انه برجس

بن عردان بدون شك وشهد بذلك رواة من مطير وقحطان لانها القبائل اللي

نسبوا القيصده لهم 00 والسلام


اقول يااستاذي فواز
والله ماني عادك الا واحدن من اخواني
او اكثر بعد
وتقبل تحياتي




تسلم والله ياابورفحاء والقلوب عند بعضها والله عساك سالم00

وهذي قصيده مثل شيخة الهربيد بس انها لي انا يوم ذبحن العشق الله يكفيك شره00




ليت منهو عاقبـن خـط سامـوده=مهرفن محني كما الذيـب لاجاعـي
فوق جيبـن دافعـن كـل منقـوده=اشهبن من جمركه وقـم الارباعـي
زايدن سعره بالاسواق من جـوده=وبالفعايـل نايفـن كـل الانواعـي
ان دعس له طلقتن ثـار بـاروده=وان نخيته فاع مع كـل مطلاعـي
قيمته من وافـي الجـود موجـوده=ويشهد الله ماشريتـه بـلا داعـي
ماترك درب الوعر خايفـن كـوده=عارفن طرق الفيافـي والاسناعـي
والرفاقه ضايـح البـرق ورعـوده=بارقن يوضي ظلامـه بالاشعاعـي
سيلها يرمي مـن الظلـع جلمـوده=عن طريقه يشلعه عشرة ابواعـي
في ليالن ترهب القلب مـن سـوده=موتري يقطع بنـا كـل مرباعـي
ومع طلوع الشمس والبدو مع ذوده=زان كيف اللي شكى شين الاطباعي
راح عن صدري غثى البال ولهوده=حين فاح العشب مع كـل ذعذاعـي
وانتعش جسمن غدى ذابلن عـوده=يوم بانت دار منقـوش الاصباعـي
عندلن كن القمـر ضـاح بخـدوده=حبها لاقصـى المعاليـق شلاعـي
والجدايل فـوق الامتـان مرجـوده=طيفها يودع خفى الـروح ملتاعـي
اجتمع فيها شـذى العطـر ووروده=والحلا مايستـره ثـوب وقناعـي
قطعتينن تجمـع الـردف ونهـوده=كم نصحت القلب عنها ولا طاعـي
ان بغيته كـل الاسنـاع مسـدوده=وانت تركت عيونها خافقي ضاعـي
عفت من حبه هنى الليـل ورقـوده=ترقد عيون الخوالي وانـا واعـي
ماحسبت لنقص الاموال مـع زوده=ولو توسدت الحصى الشين وذراعي
ولاشكينا هجر الاقـراب وصـدوده=مع عيونن زانها الكحل ووساعـي
خطوتي صارت مع الزين مرصوده=لين ذقت بدربهـا كـل الاوجاعـي
ويل قلبن ضايعـن كـل مجهـوده=العرب تطرد هواها وانـا اراعـي
صارت ايامي بالاصبـاع معـدوده=ضايعن عمري وراء شقح الاقطاعي

[خلف الرويتع]

يامسكين يابن غسلان rooose2rooose2 اثري العشق ذابحك صحيح وانا اشوفك ماتنام الليل كل موضيعك تالي الليل وجه الفجر الله يرفع عنك ولا يبلانا:):solh:

[فواز الغسلان]

يامسكين يابن غسلان rooose2rooose2 اثري العشق ذابحك صحيح وانا اشوفك ماتنام الليل كل موضيعك تالي الليل وجه الفجر الله يرفع عنك ولا يبلانا:):solh:





تشوف اني صادق يوم اقول حنا مزايين المضايف؟ شف انت اللي حسيت

بسهر عيني يابوعتيق الله يسلمك00


اخوي ابورفحاء نسيت ان اكتب هجينيات برجس بن مجلاد الشهيره والتي فيها دلاله على كونه

يجيد الشعر وربما انه مقل00


قال عندما زبن عليه مسلط ابن ربيعان هاربا عن ابن سعود:


حـيـيـت يـاراع الـقــعـود=يـالـلــي تـحــده يــمـــنـا
الـيــاتـلاقـن بـالـســنـود=نرضيـك ونـغـضب عـمـنـا



وقال في ساق وهو تل حول القصيم :


ياساق يالـظـلع الطـويل=الــعـود وصــانـي عـلـيـك
لعـيـون منسوع الجـديل=الـحـربـي مـاوالـلـه يجـيـك

[السهيلي]

صح لسانك يابن غسلان


والله انك تحفة المضايف


لاعدمتك


اخوك

[راعي الوقيد]

ابو عتيق:7ayyoh:

هو صحيح ذابحه العشق ولكن ماوالله يقدر يفلفص من ام فهد لو يحنقز:3ayyen_khair:

وتدري انه مايقدر ياخذ عليه:qannaj:

مع انه تصبحه بقدر وتمسيه بصاج:wallah_hoo:

الا ياجبيبي يابو فهد:solh:

[خلف الرويتع]

هلا راعي الوقيد صدقني انا اعتبر ابو فهد شجاع يقول انا عاشق ويكتب انا عاشق احسن من الي ماعمره قال شي هههههههههه لااحد يشك في نفسه . راعي الوقيد ابو فهد يتحمل القدر والصاج وهذه تحسب شجاعه الى ابو فهد ذكرتني قول الشاعر شهودي بجلدي ههههه وبعدين ترى ابو فهد ذهين مايبي يزعل ام فهد قبل مايتزوج واحده ثانيه ويصبح مثل معايد القريتين على فكره ممكن ابو فهد تقولنا قصه معايد القريتين