الــصــفــيــان
21-12-2007, 16:39
أخواني الأعضاء المتذوقين للشعر .. وأخواني شعراء مضايف شمر
السلام عليكم ورحمة الله وبركاته
أحب أن أقدم لكم قصائد من قصائد للشيخ الشاعر / عبدالرحمن بن سعد الصفيــان ،، والتي صدرت مؤخراً في ديوانة الشعري بعنوان [ ديوان نحمد الله ] والذي سيتواجد قريباً بإذن الله في الأسواق والمكتبات الكبرى .. وسأبدء بطرح أول قصيدة له والتي عرفها و ردها الكبير والصغير وعبر فيها عن حبه لدينه ومليكه ووطنه وهي بعنوان ( نحمد الله )
نـحـمـد اللــه
مناسبة هذه القصيدة :
كتبت هذه القصيدة في الحفل الذي أقيم في عهد الملك فيصل بن عبدالعزيز - رحمه الله - بعد الانتصار السعودي في حرب الوديعة ضد التحالف اليمني المصري عام 1389 هـ ، وقد شارك الشاعر في هذه الحرب
نحمد الله جت على ما تمنا = من ولي العرش جزل الوهايب
خبر إللي طامعٍ في وطنا = دونها نثني إٍٍلي جا الطلايب
يا هبيل الراي وين أنت ونا = تحسب إن الحرب نهب القرايب
واجد إللي قبلكم قد تمنا = حربنا ليا راح عايف وتايب
دام فيصل يزهم الكل منا = فازعينٍ كل صبيٍ وشايب
انهض الجنحان قم لا تونا = بننكلهم دروس وعجايب
ليا مشى البيرق فزيزومه إنا = حن هل العادات وأهل الحرايب
كان ما نجهل على اللي جهلنا = ماسكنا الدار يوم الجلايب
ديرة الإسلام حامينها إنا = قاصرينٍ دونها كل شارب
نـــاح الــحـمـام
هذه إحدى الروائع الغزلية من أجمل قصائد الشاعر التي دفعه إلى نضمها لهديل الحمام :
ناح الحمام وقمت أنا مثله أنوح = وهيضني القمري بنوحه وانوحي
على غزالٍ كامل الزين مملوح = شفت العزاري منه واحيا جروحي
قلت السلام وقمت أحاكيه بمزوح = قفى ولا كنه من الهرج يوحي
وأرسلت له خطٍ من الروح للروح = وجاني ردوده سر حالي وروحي
يقول انا يوم أني عرضت وأروح = ماهوب قصدي يم هرجك شحوحي
لكن هرج السوق مافيه مصلوح = يا كود ما يبغي الحساسيد توحي
ترى الزعل من بيننا صار مدموح = واعطيك ميثاقٍ وخلك سموحي
واليوم سامحني وانا أقول مسموح = ومن عقب هذا بالسلامة تروحي
أسباب ماهيضني الورق وانوح = هيضني القمري بنوحه وانوحي
صـويـبٍ ولا مــات
إيضاً من أروع قصائده الغزلية والتي ناجا وشكاء فيها لصديقه عبيد بن برجس العردان الشمري المذكور هذه القصيدة
الله من قلبٍ تعرض له آفات = من وقت والمسكين حاله نحيله
يا عبيد أنا من عقب شوف الخوندات = لا عاد يومٍ شفتهن في المسيله
أشرت للي شايفٍ فيه شارات = بانت مواريها ولا فيه حيله
بالغصب ما نبغيه ما فيه لذات = كوده يصاحبنا بحالٍ جميله
الخد ياضي مثل نور المرايات = والحب لا منه بلغ وش يزيله
طرد الهوى مابغيه مير المصيبات = يومه نطحني ناقضٍ للجديله
صديت عنهم ثم انا جيت بخفات = ولا لقيته قاعدٍ في مقيله
ونشدت عنه وقالوا الناس قد مات = وجريت صوت بعاليات الطويله
ياونتي ونت صويبٍ ولامات = يصيح يبكي ما حدٍ بيجيله
وإلا فونة واحدٍ من البزيرات = يتيم ما عنده حدٍ بيشيله
يا لايمين القلب في بدع الأبيات = ليا تلومه ذاكراً له خليله
عينه تهل الدمع ما طاعت اتبات = على اريش العينين مثل المخيله
تــقــبــلــوا خــالـص تـحـيــاتــي
السلام عليكم ورحمة الله وبركاته
أحب أن أقدم لكم قصائد من قصائد للشيخ الشاعر / عبدالرحمن بن سعد الصفيــان ،، والتي صدرت مؤخراً في ديوانة الشعري بعنوان [ ديوان نحمد الله ] والذي سيتواجد قريباً بإذن الله في الأسواق والمكتبات الكبرى .. وسأبدء بطرح أول قصيدة له والتي عرفها و ردها الكبير والصغير وعبر فيها عن حبه لدينه ومليكه ووطنه وهي بعنوان ( نحمد الله )
نـحـمـد اللــه
مناسبة هذه القصيدة :
كتبت هذه القصيدة في الحفل الذي أقيم في عهد الملك فيصل بن عبدالعزيز - رحمه الله - بعد الانتصار السعودي في حرب الوديعة ضد التحالف اليمني المصري عام 1389 هـ ، وقد شارك الشاعر في هذه الحرب
نحمد الله جت على ما تمنا = من ولي العرش جزل الوهايب
خبر إللي طامعٍ في وطنا = دونها نثني إٍٍلي جا الطلايب
يا هبيل الراي وين أنت ونا = تحسب إن الحرب نهب القرايب
واجد إللي قبلكم قد تمنا = حربنا ليا راح عايف وتايب
دام فيصل يزهم الكل منا = فازعينٍ كل صبيٍ وشايب
انهض الجنحان قم لا تونا = بننكلهم دروس وعجايب
ليا مشى البيرق فزيزومه إنا = حن هل العادات وأهل الحرايب
كان ما نجهل على اللي جهلنا = ماسكنا الدار يوم الجلايب
ديرة الإسلام حامينها إنا = قاصرينٍ دونها كل شارب
نـــاح الــحـمـام
هذه إحدى الروائع الغزلية من أجمل قصائد الشاعر التي دفعه إلى نضمها لهديل الحمام :
ناح الحمام وقمت أنا مثله أنوح = وهيضني القمري بنوحه وانوحي
على غزالٍ كامل الزين مملوح = شفت العزاري منه واحيا جروحي
قلت السلام وقمت أحاكيه بمزوح = قفى ولا كنه من الهرج يوحي
وأرسلت له خطٍ من الروح للروح = وجاني ردوده سر حالي وروحي
يقول انا يوم أني عرضت وأروح = ماهوب قصدي يم هرجك شحوحي
لكن هرج السوق مافيه مصلوح = يا كود ما يبغي الحساسيد توحي
ترى الزعل من بيننا صار مدموح = واعطيك ميثاقٍ وخلك سموحي
واليوم سامحني وانا أقول مسموح = ومن عقب هذا بالسلامة تروحي
أسباب ماهيضني الورق وانوح = هيضني القمري بنوحه وانوحي
صـويـبٍ ولا مــات
إيضاً من أروع قصائده الغزلية والتي ناجا وشكاء فيها لصديقه عبيد بن برجس العردان الشمري المذكور هذه القصيدة
الله من قلبٍ تعرض له آفات = من وقت والمسكين حاله نحيله
يا عبيد أنا من عقب شوف الخوندات = لا عاد يومٍ شفتهن في المسيله
أشرت للي شايفٍ فيه شارات = بانت مواريها ولا فيه حيله
بالغصب ما نبغيه ما فيه لذات = كوده يصاحبنا بحالٍ جميله
الخد ياضي مثل نور المرايات = والحب لا منه بلغ وش يزيله
طرد الهوى مابغيه مير المصيبات = يومه نطحني ناقضٍ للجديله
صديت عنهم ثم انا جيت بخفات = ولا لقيته قاعدٍ في مقيله
ونشدت عنه وقالوا الناس قد مات = وجريت صوت بعاليات الطويله
ياونتي ونت صويبٍ ولامات = يصيح يبكي ما حدٍ بيجيله
وإلا فونة واحدٍ من البزيرات = يتيم ما عنده حدٍ بيشيله
يا لايمين القلب في بدع الأبيات = ليا تلومه ذاكراً له خليله
عينه تهل الدمع ما طاعت اتبات = على اريش العينين مثل المخيله
تــقــبــلــوا خــالـص تـحـيــاتــي