المساعد الشخصي الرقمي

مشاهدة النسخة كاملة : بيتـه مثـل هـداج بالطيـب مــورود=قلـيـل الـلـي مــن شـمــراً مـايـدلـه


سميحان السويدي
17-12-2007, 11:52
بسم الله الرحمن الرحيم
هذه الابيات رثاء للشيخ مطلق بن عواد العبيكة رحمة الله عليه
الشاعر سميحان بن فهد السويدي






نواف سلملـي علـى عـمـك الـعـود=لـبــو فـهــد بـلــغ سـلامــي وقـلــه
سميحان مثلك يشكي الهـم ملهـود=من الحزن عـد بداخـل الصـدر ملـه
دمعي على خـدي براهيـن وشهـود=والـصـدر عـبـرات النـكـد يــرسلله
على فراق اللي له الطيـب مشهـود=والفعل سجل فـي صحايـف سجلـه
للطيب عنده بنك الامجـاد مرصـود=ويشهـد لنـا مـن زار واسـع محلـه
بيتـه مثـل هـداج بالطيـب مــورود=قلـيـل الـلـي مــن شـمــراً مـايـدلـه
وعلمه مع الاجناب بالطيب مسنود=والفعـل يعـطـي واضـحـات الادلــه
غاب الشهيم اللي خذا بيرق الجود=مطـلـق وفعـلـه بالـفـخـر شـاهـدلـه
دايـم مــن العلـيـا مطاليـبـه الــزود=والنـعـم وافـعـال الـفـخـر مـدركـلـه
يامـا بـذل بالطيـب مالـه ومجـهـود=والـمـدح زيــزوم الـفـخـر زاهـيـلـه
عسـاه فـي جنـاة فـردوس وخـلـود=نطـلـب لــه الـغـفـران والله يـحـلـه
اليـوم مـات وداخـل القبـر ملـحـود=وفـعـلـه بـتـاريـخ الـفـخـر بـاقـيـلـه
وبيت الوفاء يبقا على العز مشيود=ويحمـونـه الـلــي بالـمـراجـل هلله
علـى المعـزه فيـه نــواف وسـعـود=واخوانـهـم ماشـيـن فــي منهجـلـه
وعمامهـم اللـي لهـم فـعـل مـاكـود=بالـطـيـب كـــلاٍ وافـيــن مسهـمـلـه
وعيال زامـل حاميـة مجـد وعهـود=نـرفــع عـزاهــم لـلـرمـالات كــلــه
نيـابـةٍ عنـهـم بــداه بــن مـسـعـود=ابــــن فــهــد والـتـعـزيـه كـاتـبـلـه
خميس صلفيق
17-12-2007, 12:23
والنعم بالاجواد
الله يرحمه ويسكنه فسيح جناته
نص شجي يستحقه صاحبه
مانع السرحاني
17-12-2007, 16:03
نعم النعم بالاجواد والله يرحمه ويرحم اموات المسلمين

قصيده اكثر من رائعه
مشــــعل
17-12-2007, 18:36
صح لسانك ياسميحان

ورحمة الله على بن عبيكه

رجل يفخر بفعله الجميع

نسأل الله له المغفره
وان يجعل الفردوس مقره
نافع بن طواله
17-12-2007, 21:27
العبيكه

رجل كريم

حسن المعشر


يشهد له جميع جيرانه


سكن الرياض ونقل لها تربية جبـّه

صارع من اجل اعلاء اسم الشمري وكرمه امام الجميع

وهاهو يرحل ببدنه ولم يرحل بذكره

والعوض في ابناءه الذين لن يخذلوه

ولن ينسوووه بالصدقه الجاريه

ولن يتقفوا عند الموت الذي اخذ والدهم مطلق العبيكه الرمالي

ومن خلـّف ما مات


ومن هنا ارفع يدي لله الغفور راجيا ً

اللهم اغفر للإنسان الذي به من الصفات ما ترضى
فانت الكريم الذي تحب الكرم
فهذا عبدك يشهد له كل من رآه بكرمه
فاغفر له يا غفور


وبحكم سكن المرحوم بإذن الله في الرياض وان جيرانه هم عمامي الطواله في النسيم

فأنا سمعت عن سالفته مع صاحب الارض التي بنى فيها بيت شعر وهو لا يملكها حيث ان هذه الارض لم يعرف صاحبها

وبعد فتره جاء صاحب الارض ووجد بيت الشعر في ارضه وتفاجأ وقلط عند العبيكه ويوم شاف الحفاوه فيه ومطلق ما يعرفه زاد ذهول الرجل

ووجه الرجل صاحب الارض سؤال للعبيكه وقال له هالأرض هي لك قال العبيكه لا

قال له الرجل طيب لو يجيك صاحب الارض وقال لك شيل هل تشيل بيت الشعر ؟

رد العبيكه : ايه اشيل اطوي بيت الشعر واشب ناري بالمجلس

قال الرجل صاحب الأرض لمطلق العبيكه : لا والله ما تشيل وهالأرض انا راعيها والله عطاك اياها
ماجد علوان
18-12-2007, 00:34
صح لسانك

والله يرحه



ويسكنه فسيح جناته



وان رحل فذكره باقي عند النشاما
سميحان السويدي
18-12-2007, 13:23
الاخ خميس صلفيق
شكراً لك على هذا الرد الله يعطيك العافيه
اتمنى لك التوفيق
سميحان السويدي
18-12-2007, 13:24
اخي مانع السرحاني
مشكور على ردك الله يوفقك كل خير
سميحان السويدي
18-12-2007, 13:25
الاخ مشعل الغفيلي
مشكور الله يعطيك العافيه على هذا الرد والله يرحم مطلق العبيكه
الرحمة الواسعه
سميحان السويدي
18-12-2007, 13:27
الاخ العزيز نافع بن طواله
اشكرك جزيل الشكر على هذا الرد الوافي الله يعطيك العافيه
واكرر لك الشكر على ايضاح هذه المعلومه الصحيحه والخاصه في موصوع الارض
سميحان السويدي
18-12-2007, 13:28
مالوم نفسي
مشكور على ردك الله يعطيك العافيه
حمـود
18-12-2007, 16:08
الله يرحم الشيخ

وصح لسانك يا سميحان السويدي
ريال الفسحه
18-12-2007, 18:22
\


الله يرحمه ويسكنه الجنه ..!



صح لسانك ياسميحان والله يبيض وجهك



جزل




لاهنت
سميحان السويدي
20-12-2007, 11:21
الاخ حمود الناصر
شكراً لك على ردك الوافي الله يعطيك العافيه
واتمنى لك التوفيق
سميحان السويدي
20-12-2007, 11:22
ريال الفسحه
مشكور على ردك الله يعطيك العافيه
وللمعلوميه الطلاب معطلين هذه الايام
محمد الهزاع
21-12-2007, 18:58
صح لسانك ياسميحان ولا هنت

ورحمة الله على ابن عبيكه

رجل يفخر بفعله الجميع

نسأل الله له المغفره
وان يجعل الفردوس مقره
سميحان السويدي
21-12-2007, 21:28
اخي محمد الهزاع
مشكور على ردك الله يعطيك العافيه
ألماس آل جربا
24-12-2007, 22:41
اخي العزيز سميحان ..شاكره لك هذا القصيده الرائعه راجيه من الله العزيز ان يغفر لجميع موتانا المسلمين اللهم ىمين
شكرا ً
سميحان السويدي
19-01-2008, 20:32
الماس ال جربا
الله يحيي هذا الاسم العزيز علينا
شكراً لك على هذا الرد الله يعطيك العافيه
والله يرحم مطلق بن عبيكه
سميحان السويدي
24-01-2008, 13:11
الماس ال جربا
الله يحيي هذا الاسم العزيز علينا
شكراً لك على هذا الرد الله يعطيك العافيه
والله يرحم مطلق بن عبيكه
نايف حزوم
26-01-2008, 11:05
عزالله انه فقيده رحمه الله عليه وعلمه غانم جعل مثواه الجنه وصح لسانك