زاهي
16-12-2007, 17:58
في واحد جمادى من هالسنة فقدت شخص من أعز أصدقائي في حادث انقلاب (طالب) الله يرحمه
ماشفت مثل خوته
ويوم عديت كم مدة هالخوة إلا إنا ماعرفناه ألا قبل شهر
ومع هذا فرض على الكل احترامه ومودته لأخلاقه الفريدة مع الكل.
فقلت هذه الابيات التي لاتوفيه إلا بعض حقه:
خوة شهر كنه سنينٍ طويله *** ياخوةٍ ماشفتها بباقي الناس
وبعدّها تبقى ثلاثين ليله *** والقلب تبقى به على مر الانفاس
وأون ونة من يفارق خليله *** ودعه بأرضٍ خاليه مابها ناس
ودع بموته ذكرياتٍ جميله *** ودع صديقٍ ماتلى هرج الانجاس
قبلة وداعٍ فوق خده دليله *** دمه على أفمي من الفجر لين الادماس
يضحك وصبعه بالتشهد دليله *** وأبكي وأنا أطالع لتجويفة الراس
وجيت أحمد ألا به جروح قليله *** يزعج ونينه مادري ، فاقد إحساس
ياويل زاهي لا وياويل ويله *** وحيد من عقب الرفاقه والاوناس
وأوقف لنا اللي مانجازي جميله *** عسى الولي يجزيه أجره بلا قياس
من الارض عاونّي على أحمد وشيله *** وقال أبي أغطي صاحبك بقطعة لباس
ماله مكانن يالسنافي نشيله *** قلت أصبر أودع خليلي من الناس
قبلت منهو صعبٍ ألقى مثيله ***ياعلني والناس فدوتك ياراس
ياليتها بي والاهل والقبيله *** وتسلم لنا ياكاسبٍ كل نوماس
ودعت ماأظن لك ملاقا وأجيله *** والدمع فوق الخد يجري بلا قياس
ألين جيتك والكفن ترتدي له *** بالمغسلة وجهك كما بيض قرطاس
والثلج فوق الخد بأيدي أزيله *** وهذا وداعي قبلة كلها ياس
ماأظن أبا ألقى من يساوي قبيله *** ولا أنت تسوى الناس ياطيب الساس
مرحوم ياللي سابقٍ كل جيله *** بالطيب لين أصبح مخاواه نوماس
مرحوم ياشايل حمولٍ ثقيله *** عن الخوي وأبعد بعيدٍ من الناس
مرحوم ياللي لالفته الجليله *** ماهو من اللي يصفق أخماس بأسداس
تبكيك حايل في صباحه وليله *** وقصيمنا من عقبكم مابها أوناس
ولو البكا يرجع خليل لخليله *** ماغبت عنا يوم ياطيب الساس
وغير الصبر (طالب) فلا عاد حيله *** وتراك في قلبي وروحي والاحساس.
الشاعر / زاهي النماصي.
ماشفت مثل خوته
ويوم عديت كم مدة هالخوة إلا إنا ماعرفناه ألا قبل شهر
ومع هذا فرض على الكل احترامه ومودته لأخلاقه الفريدة مع الكل.
فقلت هذه الابيات التي لاتوفيه إلا بعض حقه:
خوة شهر كنه سنينٍ طويله *** ياخوةٍ ماشفتها بباقي الناس
وبعدّها تبقى ثلاثين ليله *** والقلب تبقى به على مر الانفاس
وأون ونة من يفارق خليله *** ودعه بأرضٍ خاليه مابها ناس
ودع بموته ذكرياتٍ جميله *** ودع صديقٍ ماتلى هرج الانجاس
قبلة وداعٍ فوق خده دليله *** دمه على أفمي من الفجر لين الادماس
يضحك وصبعه بالتشهد دليله *** وأبكي وأنا أطالع لتجويفة الراس
وجيت أحمد ألا به جروح قليله *** يزعج ونينه مادري ، فاقد إحساس
ياويل زاهي لا وياويل ويله *** وحيد من عقب الرفاقه والاوناس
وأوقف لنا اللي مانجازي جميله *** عسى الولي يجزيه أجره بلا قياس
من الارض عاونّي على أحمد وشيله *** وقال أبي أغطي صاحبك بقطعة لباس
ماله مكانن يالسنافي نشيله *** قلت أصبر أودع خليلي من الناس
قبلت منهو صعبٍ ألقى مثيله ***ياعلني والناس فدوتك ياراس
ياليتها بي والاهل والقبيله *** وتسلم لنا ياكاسبٍ كل نوماس
ودعت ماأظن لك ملاقا وأجيله *** والدمع فوق الخد يجري بلا قياس
ألين جيتك والكفن ترتدي له *** بالمغسلة وجهك كما بيض قرطاس
والثلج فوق الخد بأيدي أزيله *** وهذا وداعي قبلة كلها ياس
ماأظن أبا ألقى من يساوي قبيله *** ولا أنت تسوى الناس ياطيب الساس
مرحوم ياللي سابقٍ كل جيله *** بالطيب لين أصبح مخاواه نوماس
مرحوم ياشايل حمولٍ ثقيله *** عن الخوي وأبعد بعيدٍ من الناس
مرحوم ياللي لالفته الجليله *** ماهو من اللي يصفق أخماس بأسداس
تبكيك حايل في صباحه وليله *** وقصيمنا من عقبكم مابها أوناس
ولو البكا يرجع خليل لخليله *** ماغبت عنا يوم ياطيب الساس
وغير الصبر (طالب) فلا عاد حيله *** وتراك في قلبي وروحي والاحساس.
الشاعر / زاهي النماصي.