قصيدة هياء الهمزاني

[اخو مضاوي]

السلام عليكم ورحمة الله وبركاته
هذي من قصائد الشاعره هياء بنت حبيب المفوز الهمزاني
والده الشاعر الدكتور شايم لافي الهمزاني
هات القلم ياشوق زين العلومي *** واكتب جواب مانداري خطاره
عسى ليا قدم ثقيل الوسومي *** يمطر على "سراء" ويضفي سماره
صفاق دفاق وسيلٍ دهومي *** سيلٍ يحدر مانبا من زبارة
ضافٍ من "حايل" إلى أقصى القدومي*** مزننٍ يشاد الليل ضافٍ دياره
حيثه مداهيل العيال القرومي *** هل البيوت وقايمين بكاره
والكل منهم للمشاكيل يومي **** يحط مع حب اللقيمي فقاره
وكلن حرٍ بعال الرجومي *** وقت الهداد وضاريٍ للصقاره
ياعل "أبو فياض" عمره يدومي *** يازين الطبخة يكثر بهاره
وعسى لكم القرم حظٍ يقومي *** من شرقي الحمراء ليا بو ظباره
وين الرحوم اللي لهرجي فهومي *** يشفق على علم الشرف والنماره
نطيت راس معمردات الرجومي *** واشرفت راس اللي زمى العصر طاره
العين تذرف والمعاليق تومي *** أومات صقار بشلو الصقاره
عجزت أنا عن نقل حتى هدومي *** لواهني من ربعت عند داره

[شموخ]

ياهلا بالاخ ابو مضاوي

صح لساان الشاعره هيا ...

وتسلم يمينك على النقل ...


تحياتي لك
شموخ

[راعي الوقيد]

الله يعطيك العافية ياخو مضاوي

ورحم الله الشاعرة هيا الهمزاني

فهي شاعرة وام لشعراء

على فكرة هذا رابط لموضوع ذو صلة

http://www.shmmr.net/vb/showthread.php?t=29733&page=2

لك التحية

[نافع بن طواله]

الف شكر على النقل