خالد الوقيت
04-12-2007, 00:56
.
انا انفتنت بوحدةٍ من هل الرسّْ=يذوب قلبي تحت جمرة غلاها
عشقتها عشق البخيل الموسوسْ=لفلوسه اللي ضاع عمره وراها
الشوف والتفكير والظن والحسّ=لو هي معي خِلقه .. تراها معاها
حتى الى مني بغيت اتنفّس=اترك هوايه .. واتنفّس هواها
رعبوبةٍ لاقمت فيها تفرّس=كنّ الجمال اليوسفي محتواها
تنداش فيها عقول .. وعقول تِلحَسْ=لا من مشت ... وعقول تفضح خفاها
لاهب من يمّه هبوبٍ ونسنسْ=تعيش نشوة عارمه من شذاها
موج البحر باهدابها يوم تَلخِسْ=كم من غريقٍ في بحرها فداها
ولو تكشف لثام الحيا بانت الشمسْ=واصبحت تذكر خالقك من بهاها
ماكنّك الاّ فروض وردٍ ونرجسْ=لاعرضت قِدْمك .. وقامت تباهى
لا اللبس جمّلها .. وهي تجمّل اللبسْ=تصبح دعاية لبسها من حلاها
كريمة الجدّين والطبع والنفسْ=في كل شيٍ بالغه منتهاها
اذا اشّرت مافمّ بالصوت ينبسْ=واذا حكت كن العسل في اشفاها
بدر السما موجود بحروفها الخمسْ=لو البدر ماهوب في مستواها
البدر يكمل حين .. واحيان يطمسْ=وهي بحلاها مايلحّق مداها
بيدينها تمطر على جوّي الأنسْ=واسجّ في نزهة حياها ووفاها
.
انا انفتنت بوحدةٍ من هل الرسّْ=يذوب قلبي تحت جمرة غلاها
عشقتها عشق البخيل الموسوسْ=لفلوسه اللي ضاع عمره وراها
الشوف والتفكير والظن والحسّ=لو هي معي خِلقه .. تراها معاها
حتى الى مني بغيت اتنفّس=اترك هوايه .. واتنفّس هواها
رعبوبةٍ لاقمت فيها تفرّس=كنّ الجمال اليوسفي محتواها
تنداش فيها عقول .. وعقول تِلحَسْ=لا من مشت ... وعقول تفضح خفاها
لاهب من يمّه هبوبٍ ونسنسْ=تعيش نشوة عارمه من شذاها
موج البحر باهدابها يوم تَلخِسْ=كم من غريقٍ في بحرها فداها
ولو تكشف لثام الحيا بانت الشمسْ=واصبحت تذكر خالقك من بهاها
ماكنّك الاّ فروض وردٍ ونرجسْ=لاعرضت قِدْمك .. وقامت تباهى
لا اللبس جمّلها .. وهي تجمّل اللبسْ=تصبح دعاية لبسها من حلاها
كريمة الجدّين والطبع والنفسْ=في كل شيٍ بالغه منتهاها
اذا اشّرت مافمّ بالصوت ينبسْ=واذا حكت كن العسل في اشفاها
بدر السما موجود بحروفها الخمسْ=لو البدر ماهوب في مستواها
البدر يكمل حين .. واحيان يطمسْ=وهي بحلاها مايلحّق مداها
بيدينها تمطر على جوّي الأنسْ=واسجّ في نزهة حياها ووفاها
.