ياعارف الأمثال تلقى دليلك=في عرف بنت مابنا من تحلاه

[الاعصار]

السلام عليكم


ياعارف الأمثال تلقى دليلك=في عرف بنت مابنا من تحالاه
بالــربح توصــف يالله اني دخيلك=تو خـــذ من ابوٍ خاسر من تولاه
شرواك لبــــوها عايفه لو يجيلك=وش عــــاد بنت من الوف تعلاه





تحيتي للجميع

[الاصمعي]

يا هلا بالاعصار:hala1:

عصرت مخي تالي هالليل ولا طلع معي شي:za3lan:

لي عوده على رواقه وبإذن الله أجيب خبره:thumb:

تحياتي

[الاعصار]

الله يحييك اخوي الاصمعي
واللغز ماضنه يصعب عليك
انتظر عودتك يالغلا

[بالمختصر..]

البورصه :d:

هاه صح وألا خطا ؟؟




.
.

[الاعصار]

بالمختصر
صباح الخير
الرمعه مع الاسف ماهي صحيحه
انتظر مرماعك القادم

[الاصمعي]

طيب وش رايك بالفائدة الربوية:)

[ريال الفسحه]

شرايك بالفايده الربويه <--العن شكل من علمك السرقه :315r:

[الاعصار]

اخوي الاصمعي
الرمعه مالك لوى والمطلوب وارد في مثل شهير ووصفي له من واقع المثل
تحيتي لك

[الاعصار]

ريال الفسحه
حياك يالغلا واشرافك على فلة الحجاج بينت في مزوحك هههههههه لاعدمناك
تحيتي لك

[الاصمعي]

والمطلوب وارد في مثل شهير ووصفي له من واقع المثل


مثل شهير!!!

عاد بخفي حنين!

مابنا من تحالاه صح:goooood:

بالربح توصف يالله اني دخيلك<<كناية عن الكسب الزهيد:goooood:
تو خذ من ابوٍ خاسر من تولاه <<shlwee7
شرواك لبوها عايفه لو يجيلك<<حنين مانيب أحب حنين:)
وش عاد بنت من الوف تعلاه <<ماش تسنه ما تركب مع رمعتي:3ayyen_khair:

والله اني مادري يالاعصار ولكن أظنه حول بنات حنين وشلته مثل (فود عوجان) ..........

تحياتي

[الاعصار]

اخوي الاصمعي
صباح الخير وتحليلك للغز حلو ولكن لاتنسى بالربح توصف
انتظر مرماعك القادم
تحيتي لك

[ثامر]

سلااااام

ماهو اللي يقلون نوب راس المال مكسب

[الاعصار]

هلا باخوي ثامر
لاوالله ماهو اللي يقول راس المال ماكسب
ولا تنسى البنت من الآلاف اللي يتعلن ابو هن
تحيتي لك

[شموخ]

هلا بالاخ الاعصار

والله ان رويسي دايخ بس برمع معهم اتوقع الدنيا والمكاسب اللي يحصلها الانسان منها ...


تحياتي
شموخ

[راعي الوقيد]

ياهلا والله بالإعصار مستور

صح لسانك يالعزوة

شباب:3ayyen_khair:

اقول وش رايك بالمثل اللي يقول

من طول الغيبات جاب الغنايم

[الاعصار]

هلا بالاخ الاعصار

والله ان رويسي دايخ بس برمع معهم اتوقع الدنيا والمكاسب اللي يحصلها الانسان منها ...


تحياتي
شموخ
الله يحييك
الرمعه مالك لوى
انتظر مرماعك القادم
تحيتي لك

[الاعصار]

ياهلا والله بالإعصار مستور

صح لسانك يالعزوة

شباب:3ayyen_khair:

اقول وش رايك بالمثل اللي يقول

من طول الغيبات جاب الغنايم
هلا والله بالغلا
مرورك اسعدني
والرمعه مالك لوى ومن شان هالطله المباركه ومن شان طلب اخوي ثامر بالتوضيح اقول مثل مشهور والابو والبنت جميعهم مذكورين بالمثل وابوها ممقوت ومكروه مني ومنك ومن جميع الزملاء
تحيتي لك

[الاصمعي]

ههههههه لقيته يالاعصار:7ayyoh:

الله يا هو لغز مميز عن جد:3ajebni:

وين تسلطت على هالبنت الي ما ظنتي أحد سبقك عليه:goooood:

خلاص نعطي الزملاء فرصة ولا تقريباً أني حليته 99% :mabrook:

وبعد للتقريب نقدر نقول من ملايينٍ تعلاه:goooood:

لي رجعة لفضخة عينه ان ما سبقن عليه أحد

تحياتي

[الاعصار]

اخوي الاصمعي
كفو كفو يالغلا
صح لسانك مليون
ومتوقع انك تذبحه لان مراميعك السابقه مؤشر ودليل انك حول الحروه
والف شكر للتشجيع وما عليك زود يالغالي
ولا تبطي ان ماحلوه الربع عطنا رمعته لاعدمناك

[الاصمعي]

الحل والله أعلم هو المثل المشهور (شعرة من جلد الخنزير فايدة)

الله لا يهينك يالاعصار وتسلم على هاللغز السمين:)<<تسثر لنا من هالنمونة:thumb:

تحياتي

[الاعصار]

اخوي الاصمعي
صح لسانك يالغلا
نعم هو المثل
شعره من جلد الخنزير مكسب
تحيتي لك

[راعي الوقيد]

ههههههههه

كفو يابو خالد:thumb:

والله يعافيك اخوي الاعصار على هاللغز الرائع

لكم التحية

[ثامر]

صح لسانك يالاصمعي وصح لسانك يالاعصار

لغزن مثمن ومليان