@ @ غصن الوله @ @

[العقداوي]

احبك كل ما غنى على غصن الوله قمري ..=احبك كل ما قالوا على سلمى رعد وبروق ..
أسرني صوتك الساحر وسلمته رضا بامري ..=ابا شرب من عنا حبك وتحيا بالغرام عرووووووق ..
واقول انتي زهر دنياي وعن برد الشتا جمري ..=تعال نجدّد الاشواق انا مشتاق ياحلى شوق ..
تدلل يا "دلال الحسن "تسلطن يا ندى عمري ..=ترى مالك على عرش الغلا ياسيدي مخلووووق ..
تمرّد واسرق الورده بطلّة خدّك الخمري ..=وحدّك في شريعة مغرمك رفعة يد المسروق ..
تعب ردفك وخاصم يشتكي من وسطك الضمري ..=وهز الليل مجدولك حكاية عاشق ومعشوووق ..
على روض الهوى رفرف نغم مجنون في سمري ..=ويفداك القمر وسهيل لعيونك يهلّ الشوووووق ..
انا والريح بشراعك وموجك غايته دمري ..=الاشفتك رحل همي ولا ادري لو بطبعك بوق ..
انا محتار في حسنك وحار بحيرتك امري ..=لانك فتنة الخالق وانا مفتونك المخلوق ..
دخيلك لا تجافيني وانا لغصونك القمري ..=اباصبر وانتظر وارجي عسى لي في سماك بروق ..

تحياتي
فهد عايد الزعيزع
- العقداوي-

[مشــــعل]

صح لسانك يافهد

رائعه من رائع

لاهنت

[نافع بن طواله]

صح لسانك


قصيده جميله ورائعه


ننتظر الأروع

أخوك

أبو طواله