لغز مليان!!!

[نسايم نجد]

أنشدك ما عشر حسابي بيمناي 0000في حضرة من راي والقلب والعين

وكريتهن بحساب عن تيهت الراي0000ولقيتهن في الحال خمسة وخمسين

سجمت أدير أفكار فكري وش الراي0000في غلطةٍ ماهي بوحدة وثنتين

وبانت لي الدعوى وصدقت بمضاي0000على ثبوت الزود من غير تبيين

واللي يعاكس ناكسٍ كنه إياي0000لا بان له ما بان لي رد في الحين

[غلا شمٌر]

صح لسانك نسايم

من ناحية لغز مليان اشهد انو مليان وكامل الدسم بعد

إن شاء الله تكون لي عوده غلاتي

< تبنجت من اللغز :315r:

[الاعصار]

صح لسانك
محاوله
هو عد من1 الى10
ثم جمعهم1+2+3+4+5+6+7+8+9+10=55
تحيتي لك

[نسايم نجد]

غلا شمر صح بدنك وحياك الله،

الاعصار حياك الله،

آسفة يا جماعة على التأخير،

أبي أسهلكم شوي باللغز ،يقول الراوية محمد الشرهان ان حل اللغز في نفس اللغز،يعني داخله.

وشدوا حيلكم الله يقويكم

[الاعصار]

اللغز عباره عن عشرة اشطر
وعدد كلماته خمس وخمسين

[ثامر]

صح لسانك اخوي وتسلم على اللغز الطيب

بس عندي رمعه ولا تواخذن عليها

ماهي الساعة

[نسايم نجد]

أخوي الاعصار ما أعتقد انه هذا الحل ،والعلم عند الله،

أخوي ثامر صح بدنك،لكن حلك خطأ،

أفيدكم علما اني ما أعرف الحل بس هاللغز معقدن من لي زمن،وشفتكم ماشاءالله عليكم ذيابة

واللغز ما يعوق معكم قلت جاك يا مهنا ما تمنى ، غديهم يحلونه لي0

[الاعصار]

نسايم نجد
المشكله اذا الحل غير معروف فكيف نتوصل للرمعه المطلوبه والحقيقه لم ارمع رمعتي الاولى الا وانا شبه واثق انها تنطبق ولو علمت بعدم معرفتك للحل مارمعت الرمعه الثانيه
تحيتي لك وتقديري

[غلا شمٌر]

نسايم نجد

لازم تكون لك معرفه بالحل

كذا ماراح نتوصل للحل المناسب حتى لو أحد رمع رمعه صحيحه

لأنك مو عارفه الحل !!

وأنا ماعندي أدنى شك في خبرة وذكاء أخوي الاعصار

لأني من وصلت لهذا المنتدى وأنا انزل الغاز

فكان هو السباق دائما للحل المناسب للغز برمعه واحده

ولا تتأكدين من الحل اختي نسايم وثقي تماما

مابعد رمعة أخوي الاعصار رمعه :thumb:


غلا شمٌر

[نسايم نجد]

عوذا ليتي ما علمتكم اني ما أعرفه،

كان تحاولون،(أمزح)

المعذرة يا جماعة كاني ازعلتكم،بس هذا من زود الثقة بكم. ومشكورين وعافاكم الله

[ثامر]

معذرتا

تم اغلق الموضوع لعدم تجاوب صاحب اللغز على شروط مضيف الالغاز

ويرجى من صاحب حله وارساله لي عبر البريد الخاص او برساله خاصه


وارجوا الا يكون في اغلاقي للموضوع موضع زعل ودمتم