[ دستور المضيف الرياضي + إستفسارات + شكاوي + إقتراحات ]

[سالم]

[ شروط عامّه قبل كتابة اي موضوع ]

- يمنع منعا باتا التعدي على الدين الإسلامي الحنيف أو الإساءة للرسول صلى الله عليه وسلم وعلى علماء الدين .
- يمنع استخدام الألفاظ المخالفة للشرع و التي تخدش الحياء العام وتتعدى حدود الأدب .
- يمنع نشر عناوين أو وصلات وروابط لمواقع [ إلاّ بعد اخذ الموافقه من المشرف العام ] أو صور أو رسائل خاصة لا تتناسب مع الآداب العامة .
- الإلتزام بتعاليم الشريعة الاسلامية ومنهج اهل السنة والجماعة في جميع مواضيع الموقع .
- عدم طرح المواضيع التخريبيه من فيروسات او باتشات او برامج تخص تخطي البروكسي .
- ماتم ذكره اعلاه ليس حصرا شاملا لنهج وسياسة المضايف ، بل يوجد شرح مفصل لذلك [ سياسة و نهج المضايف (http://www.shmmr.net/vb/agreement.php) ] .

.

- اخواني , اخواتي اعضاء مضايف شمر , هنا راح نتبع نظام و سياسة و قوانين كتابة المواضيع و الردود في المضيف الرياضي , والشي اللي ماله نظام ماله سنع . . لكن حطينا هـ الشروط ويجب ان الكل يتقيد بها ولا تقولون مادرينا وإلا وراك سويت كذا . .

: شروط و قوانين المضيف الرياضي :


- اهم نقطه يجب ان الجميع يعرف ان المتواجدين بالمضيف الرياضي من خلال مشاركاتهم و مواضيعهم , كلهم سواسية ومافي فرق بينهم بالمضيف الرياضي , والمجامله ماراح تكون موجوده بإذن الله عندنا هنا , يعني لايلحق حديكم شك ويقول فلان يتثبت موضوعه وفلان يتقفل موضوعه , ان شاء الله هـ الحزازيات ماراح نشوفها و لا راح نطريها والله يخلينا لبعض ولا يفرق بيننا ولا يجيب لنا المشاكل ابد ابد . . . !!
- المواضيع اللي من سطر و سطرين و ثلاث مكانها مهوب هنا و ياليت الكل يتعاون بـ الرياضه و نبي الناتج يطلع إبداع عضو , مهوب موضوع نسخ و لصق مصيره لـ القرشعه والله لايقولها , وتكرمون عن سلة المحذوفات ونبي ابداع ونبي مقالات من افكاركم و كتاباتكم

- سالفة منهو اطلق ماجد او سامي . . او من احسن النصر او الهلال , او من ازين نواف او الحقباني
هـ السالفه ماابيها هنا , لانها تسبب مشاكل بين الاعضاء , و محد يرضى يقتنع وكلن يقدم العاطفه على الإنجازات , و من باب : الباب اللي يجي منه ريح سده واستريح , تمنع المقارنات بـ أي شكل من الأشكال .

- تبي تكتب مواضيع محد مانعك ولا احد يقدر يمنعك اصلاً , لكن شف نوعية الموضوع الطيب و اكتبه , وياليت كتابتوه تكون بـ طريقتك مهوب نسخ و لصق وخلاص , واذا فيه خبرين لـ فريقين بدوري واحد , يعني : لو النصر جاب رونالدو و الهلال جاب زيدان , وبك شده تنزل هـ الخبر عندنا , نزله بموضوع واحد مهوب تنزل رونالدو بموضوع و زيدان بموضوع , تقدر تحط هالعنوان وليكن على سبيل المثال : ( النصر يتعاقد مع رونالدو , والهلال يرد عليه بـ زيدان ) .

- مواضيع عام الف واربعمية وحطبه مانبيها , من يفوز بالدوري ؟ من يفوز بـ هداف الدوري . . اللي تحس ان مالها سنع احشم نفسك عن القفل ياملّي .

- بـ الصفحه الرئيسية لـ المضايف جزا الله ابو سلطان خير , حاط ايه و اذكركم بـ الايه // ( ياأَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ)
يجب علينا جميعاً عدم التفرقه بين الجمهور الفلاني و الجمهور الاخر , و نبذ التعصب مهما كان , لان السالفه كلها في كوره , وماتسوى تشوّه سمعتك بـ لفظ تجرح فيه اخوك المسلم , وبخصوص جماهير الانديه ياليت ان الكل ينتبه لما يذب على موضوع معين و رد معين محد يمنعه , لكن الذبه اللي فيها مصاله و تحريف بـ الأسماء راح تحذف مشاركته اولاً و إذا كررها يمنح انذار , وضربتين بالراس توجع , واذا مااوجعه راسه و كررها ثالث مره , اكا الحين نقدم المعامله لـ ابو سلطان لـ إتخاذ مايراه مناسباً تجاه هذا العربجي . . النثر , الزعيق , تشاد , نيجيريا , الهلام , النيفيا , الطواقي , العربيات . . معروفه الكلمات اللي مالها داعي ياليت تتجنبها طال عمرك لـ مصلحتك اولاً و لـ مصلحتك ثانياً . . !!

- مواضيع التصويت و التوقعات و الترشيحات ممنوعه و اذا تسبدك تفرك ع الموضوع وتبي تنزله راسل المشرف واذا الامر يستدعي ان الموضوع ينزل كـ حاله استثنائيه لـ قضيه معينه . . لاحظوا مانجامل عضو معين . . ومانسمح له بـ شي و هـ الشي نمنعه ع الاخرين , اقصد اذا كانت قضيه في الاتحاد السعودي لكرة القدم من إخلال بـ العقود , اختلاف في وجهات النظر , فترات تسجيل اللاعبين , قرارات ظالمه , ايقافات متعمده , عفو متكرر . . هالمواضيع يتم التنسيق بين المشرف على المضيف و بين العضو قبل ينزل الموضوع وبإذن الله مايصير الا اللي فيه خير .

- موضوع مكانه بالصحفه الخامسه و الاربعين , ممنوعه رفعه , وطالما ان الموضوع احذ حقه من الردود وجت مواضيع اخرى غطت عليه , خلاص ياليت مانشوف مواضيع قديمه حيل بالصفحه الاولى بعد مرور شهر مثلاً على طرحه و مناقشته .
- المواضيع اللي مالها مصدر , يعني شلخه و بنفس الوقت يقول انه حصري , لازم يجيب مصدره وإلا مصيره لـ الإغلاق . ( مقابله مع لاعب , تصريح إداري , سبق حصري ) .

- راح تشوفون موضوع فوق مثبت لـ الطلبات و الإستفسارات , يعني ماسكه معك ذاك اليوم متابعة
اهداف ماجد الـ 21 بالهلال :) , تدخل الموضوع و تطلب اللي تبي وراح تشوف طلبك منفّذ بأسرع وقت .

- راح تشوفون موضوع فوق مثبت لـ مكتبة الاهداف و الفيديو , و راح يتم تحديث العنوان بعد كل اضافه , يعني الاهداف اللي تكون فيه حقت الدوريات السنه ذي بس , والمباريات اللي تصير و يحصل لنا تسجيلها .

- حاجه مهمه الكل ينتبه لها ولاتهايط لو انحذف موضوعك او تقفل او علمّت عليك ابو سلطان ونتفك , تسوي تغطيه لـ مباراه معينه ماعندنا اي مانع و نشكرك ع التغطيه و نكافئك و نشجعك , لكن انتبه تتضمن تغطيتك صور حريم , وإلا أغاني وحتى الاغاني اللي بالمنتخب والانديه لا تحطها , هالشي سلمك الله مافيه إلا زيادة سئيات عليك وكل من شاف صورت الحرمه اللي حطيتها زاد عداّد السيئات عندك وهالشي ماودنا انه يصير بكل اقسام المضايف والله يوفق ابو سلطان ويجزاه خير على اتخاذ و تعميم هـ الخطوه .

- سالفة انك تنزل موضوع او ترد على استفسار اخر او ترد على موضوع معين , منيب مانعك او معيي عليك لكن لاتنزل موضوع يتضمن روابط لمواقع اخرى إلا بعد مايوافق المشرف العام على طلبك , وقتها بكيفك عاد .
- الصور ياليت انك قبل تنزلها هنا تسيّر على مركز تحميل الصور حق المضايف وتحملها هناك وتجيبها , هالحركه بس من باب لك و للزمن , يعني لاصرنا اجداد ان شاء الله نجي نشيّك ع الموضوع حقك ونلقى الصور موحوده مهيب مفقوده , سيّر على مركز التحميل من هنا (http://www.shmmr.net/vb/image_host.php?do=uploader) .

,


" المضيف الرياضي "

بتعاون الجميع راح نكون مميزين و هـ التميز يحسب لـ الشبكه اولاً و اخيراً , راح نعتمد إن شاء الله الصدق في مواضيعنا , والأفضليه في تغطياتنا , و الحياد و العدل في ردودنا و بإستطاعتنا لو تعاون الكل مع بعض إننا نشطب و نزيل التعصب من مضايف شمر , والحمد لله كلنا قادرين على هـ الخطوه . .

[سالم]

اقسم بالله العلي العظيم ان كتابتي لـ هالقوانين فوق , مصلحة المضيف الرياضي
ويعلم الله اني معتبر نفسي عضو مثلكم ومافي فرق بيني و بينكم , ولا كتبت هـ الانظمه عشان اني اهيمن او اتحكم بـ المضيف الرياضي , لا والله واللي رفع سبع و نزّل سبع ان كتابتي لـ هالقوانين عشان نطوّر و نميز المضيف الرياضي .
وبتواجدكم و بكتابتكم لـ الاخبار و كل شي , راح نشوف تغيّرات و إشادات بـ المضيف من قبل الكل . . !!

حاجه ثانيه ياليت ينتبه لها الجميع , تميزك و جهودك و مواضيعك بـ المضيف الرياضي مستحيل انساها انا او المشرف العام , لكل مجتهد نصيب , راح تحصّل على مكافأه مقابل جهدك اللي بذلته هنا و بكل مكان بالمضايف , انا عن نفسي راح اقدم للاعضاء المتميزين اوسمه بموافقة المشرف العام , راح يكون بالقريب العاجل موضوع لـ الاعضاء المميزين و طريقة مكافأتهم و الجوائز التحفيزيه . . المضيف الرياضي راح تشوفونه متغيّر بإذن الله لـ الأفضل و الأجمل و الأحلى . . !!

فديتكم كلكم وعساني ماانحرم منكم , اي واحد عنده اقتراح او معارضه لـ الشروط اعلاه بـ إمكانه طرحها هنا و مناقشتها جميعاً , انا منيب رسول , كلنا بشر و نخطي . . والعيب مهوب في الخطأ , العيب في الاستمرار بـ الخطأ . . !!

ماننحرم :315r:

[بسمة العز]

اخوي سالم يعطيك العافيه

كنا محتاجين للانظمه من زمان

وعساك على القوه

اختك/ بسمة العز

احتــراامــي لــك

[المطنوخ]

سامي اطلق من ماجد<--ابثر واحد بالمضايف:solh:


سالم دع عنك الرفق
واضرب بيد من حديد
نحو عالم خالي من العواطف والرفق
والى مزيد من سفك الدماء النصراوية والاتحادية على يد الجيوش الهلاليه :mrrzeff:


//

لاهنت يالذيب وعسى الله يعينك على بعض الناس<--مايقصد ابومرزوق

السلم يابعدي نبي نكحل عويناتنا بباند معتبر بهالادمي:solh:


زعيم الفلة وزعيم زعيم الرياضي وزعيم زعيمة الاهداءات وزعيم زعيمان الترحيب وزعيم الكل شي:315r:
طنخان بيك دوج كنداسة قدس زلفه الشهير:mrrzeff:

[الفيتو]

:puzzled::puzzled::puzzled:

يالمطنوخ لايبرد ولا يحرر ابي احش بالاهلى والهلال لو ابو سلطان يقول لا <===:a: ماتسنه طوله :315r:

والله ياسلوم انا معك بجميع نقاطك اللى قلت وانا اول المرحبين بقوانين الرياضي الجديده بس سؤال بعد قلبي

الاخبار الرياضيه اصلاً كلها واحد سوا بالمواقع او التلفزيون اذا كانت بالمواقع الاختلاف الناقل اما اذا كانت تلفزيون الاختلاف المذيع فقط :3ajeeb::) الا انك تبي شي معين من الاخبار والله مدري ياسلوم او اسلوب معين :thumb: انت بس قل :) <=== مخلص وبقوه :thumb:

اما سالفه المواضيع ياجدي يكون الموضوعين بموضوع قمة الاختلاف ياجدي .

يعني قمة الاختلاف اجيب خبر عن الهداف او جائزه لنور وبنفس الوقت اذكر عبدالغني كا اغني لاعب بالدوري السعودي.

اعتقد ان الموضوعين اذا كانت لفريق واحد ممكن تدمج :thumb: وهذا رايي ولك الامر والحكم وانا اول المتقيدين بما تريد من شروط ترها ترتقي بالمضيف الرياضي

[سالم]

اخوي سالم يعطيك العافيه

كنا محتاجين للانظمه من زمان

وعساك على القوه

اختك/ بسمة العز

احتــراامــي لــك



هلا و غلا . . وتسلمين ع التواجد الدائم
وبإذن الله إجتهادك و تواجدك الدائم ماراح ننساه ومكافئتك واجب علي و تحريّها بأقرب وقت :d:

ماننحرم roooose

[سالم]

سامي اطلق من ماجد<--ابثر واحد بالمضايف:solh:


سالم دع عنك الرفق
واضرب بيد من حديد
نحو عالم خالي من العواطف والرفق
والى مزيد من سفك الدماء النصراوية والاتهادية على يد الجيوش الهلاليه :mrrzeff:


//

لاهنت يالذيب وعسى الله يعينك على بعض الناس<--مايقصد ابومرزوق

السلم يابعدي نبي نكحل عويناتنا بباند معتبر بهالادمي:solh:


زعيم الفلة وزعيم زعيم الرياضي وزعيم زعيمة الاهداءات وزعيم زعيمان الترحيب وزعيم الكل شي:315r:
طنخان بيك دوج كنداسة قدس زلفه الشهير:mrrzeff:



هلا بـ طنخان :puzzled:
إلا ورا ماتشاور احد يوم انك تنزل موضوع المليون :za3lan:
--- > له اسبوع مشفّر عن التنسيق و التسجيل و التغطيه و الموضوع :315r:

تسلم ياغالي ع المرور و لا تباعد , طل علينا كل ماهذا ترا نعجبك ان شاء الله :solh:

ماننحرم roooose

[سالم]

:puzzled::puzzled::puzzled:

يالمطنوخ لايبرد ولا يحرر ابي احش بالاهلى والهلال لو ابو سلطان يقول لا <===:a: ماتسنه طوله :315r:

والله ياسلوم انا معك بجميع نقاطك اللى قلت وانا اول المرحبين بقوانين الرياضي الجديده بس سؤال بعد قلبي

الاخبار الرياضيه اصلاً كلها واحد سوا بالمواقع او التلفزيون اذا كانت بالمواقع الاختلاف الناقل اما اذا كانت تلفزيون الاختلاف المذيع فقط :3ajeeb::) الا انك تبي شي معين من الاخبار والله مدري ياسلوم او اسلوب معين :thumb: انت بس قل :) <=== مخلص وبقوه :thumb:

اما سالفه المواضيع ياجدي يكون الموضوعين بموضوع قمة الاختلاف ياجدي .

يعني قمة الاختلاف اجيب خبر عن الهداف او جائزه لنور وبنفس الوقت اذكر عبدالغني كا اغني لاعب بالدوري السعودي.

اعتقد ان الموضوعين اذا كانت لفريق واحد ممكن تدمج :thumb: وهذا رايي ولك الامر والحكم وانا اول المتقيدين بما تريد من شروط ترها ترتقي بالمضيف الرياضي



هلا بك ياغالي . . !!
المسألة مهيب مسألة لك الحكم ياسالم , زيي زيك , الاهم هو التطور و الإرتقاء بـ المضيف الرياضي لـ الافضل . . !!
انا مشرف يمكن انا داج طيب :315r:
لكن لو نناقش الامور مع بعض و كلنا نتفق على دستور واحد يرضاه الجميع هذا الاهم . . !!

بخصوص الاخبار ياغالي انا اقتراحي انه لو خبرين عاديين يكتفي العضو بـ موضوع واحد . . !!
مثل ماذكرت انت سالفة نور و عبدالغني . . هذي معك حق بكل خبر بموضوع :3ajebni:

لكن اليوم شفت بـ أخبار جريدة الرياض خبرين :

1 - لقب دوري أبطال آسيا بين أفضلية أوروا وطموح سيباهان
2 - منتخب السلة يبدأ مشواره بليبيا غداً

طبعاً يابو مرزوق لو افترضنا انك دمجت الخبرين بموضوع واحد فـ اعرف انك داج وماعندك سالفه :315r:
لان الخبر الاول يتعلق بـ بطوله غير بطولة الخبر الثاني
وش جاب دوري ابطال اسيا بـ دورة الالعاب العربيه :a:

,

لكن , لو تشوف الخبرين اللي تحت من جريدة الإقتصاديه :

1 - الهلال يسد ثغرة تفاريس بزاوي
2 - الجبلين يقترب من جرجير الكوكب

نشوف ان هالخبرين كلها تعاقدات x تعاقدات , وانا اقترح ان موضوع واحد لـ هالخبرين يكفي
عن موضوع مستقل لكل خبر . . !!

بشكل عام , اخبار تخص الدوري السعودي انا اشوف انها تدمج بموضوع واحد وغير مؤيد لكتابة كل خبر بموضوع مستقل . . !!

هذا اللي اشوفه , وياليت ان الفكره واضحه للجميع لاني بصراحه اعاني من دلاخه مزمنه في توصيل المعلومه بالشكل الصحيح :d:

واللي اتمناه و اتمنى انه يتطبق بـ المضيف الرياضي , هو كتابة الخبر بـ إسلوب العضو وموب نسخ و لصق , وقسم بالله هالشيء انه يخلي الزائر يتابعك بالقوه :3ayyen_khair:
ولو ان كل خبر بموضوع مستقل والله ماامانع , بس الاسلوب اهم شي في كتابة الخبر :)

هاه وش رايك يابو مرزوق ولايهون الجميع ؟

[سالم]

بخصوص المواضيع المثبته :
( الدوري الإسباني , الدوري الإيطالي , الدوري الإنجليزي )

ماادري تقترحون شي بـ هالخصوص ؟
يعني لو ندمج هالثلاث مواضيع بـ موضوع واحد يتحدث عنوانه بعد كل إضافه ؟
او يبقى الحال زي ماهو عليه ؟

رايكم يهمني , ومالكم إلا التغطيه السنعه اللي تبيّض الوجه

[الفيتو]

سلوم الله يعينك علينا بالبدايه طبعاً:7ayyoh:

لاكن باذن الله انك تاصل بنا لما تراه لمضيف الرياضي

وانا اول من توطى في بطنه اذا تجوزت شي :thumb:

بس تكفى الله الله بالاتي ياحيي:315r::315r::315r:

<=== مابه طب الله والعالم

[الفيتو]

بخصوص المواضيع المثبته :
( الدوري الإسباني , الدوري الإيطالي , الدوري الإنجليزي )

ماادري تقترحون شي بـ هالخصوص ؟
يعني لو ندمج هالثلاث مواضيع بـ موضوع واحد يتحدث عنوانه بعد كل إضافه ؟
او يبقى الحال زي ماهو عليه ؟

رايكم يهمني , ومالكم إلا التغطيه السنعه اللي تبيّض الوجه



بالعكس ياجدي سالم

كذا الوضع جدا رائع وممتاز وياليت نحط برضو الدوري الالماني و الهولندي والفرنسه ترا له متابعين ودوريات حلوه والله

وبالعكس كل دوري بموضوع لحاله :thumb: وهذا رايي وشف باقي الاخوان وش رايهم

[سالم]

بالعكس ياجدي سالم

كذا الوضع جدا رائع وممتاز وياليت نحط برضو الدوري الالماني و الهولندي والفرنسه ترا له متابعين ودوريات حلوه والله

وبالعكس كل دوري بموضوع لحاله :thumb: وهذا رايي وشف باقي الاخوان وش رايهم



اذا مافي معارضه من الاخرين , يومين الى ثلاث ايام وانزل تغطية شامله لـ
: (الدوري الفرنسي , الدوري الهولندي , الدوري الألماني ) . . !!

و الجمعه او السبت ان شاء الله انزل تغطية لـ ( دوري ابطال اوروبا , تصفيات امم اوروبا 2008 )

[سالم]

العام الماضي كان عدد زوار الموضوع الخاص بـ :
- الدوري الإسباني ( 2657 ) زائر .
- كأس ولي العهد ( 1521 ) زائر .
- كأس الأمير فيصل بن فهد ( 1166 ) زائر .

يعني انا قبل امس تقريباً تابعت المواضيع الموجوده في ارشيف المضيف الرياضي ,
لفت نظري عدد زوار المواضيع . . من جد عدد زوار الموضوع الواحد يتعدى الـ 700 زائر
وفيه مواضيع زوارها اكثر من 1000 و 2000 بعد . على كذا لازم نهتم بـ التغطيه حتى نشوف
اكبر عدد زوار , ودي ان الكل لما يبي يشوف تغطية مباراة معينه مايروح لـ موقع كوره او الرياضة للابد او اقلاع سبورت . . !!
ودي انه يجي لـ المضيف الرياضي و يشوف . . كيف نحقق هـ الامنيه ؟
نحققها بـ العمل الجاد و التغطيات المميزه و الاخبار الحصريه اول بـ أول . . بإذن الله ماراح اقصر
بـ أي شي تجاه المضايف , و خصوصاً المضيف الرياضي ,
انا سحبت عضويتي من اكثر من موقع رياضي عالمي :315r: لعيون المضيف الرياضي .
واكثر من موقع قدمت إعتذار لعدم الإستمرار معهم والسبب " المضيف الرياضي " .
بإذن واحد احد مايمر وقت طويل إلا و المضيف الرياضي متألق و مبدع بـ تواجدكم جميعاً . . !!

[شام]

نقاط مهمة و يجب التركيز عليها

قوانين ممتازة لمضيف مميز و جميل

و الرياضة حياة ..

همسة :

نطلب كذلك الاهتمام بباقي الانشطة و خاصة العاب القوى

و كرة السلة و الطائرة و لو يصار الى فتح زوايا تعتني بهذه الالعاب الشيقة

مثال قوانين كرة السلة و اليد و غيرها

و لو يتم التركيز على يطولات السباحة و الرماية و الفروسية

فلا ننسى هي من اسس الرياضة العربية

و شكراً لك أخي سالم ...

ويعطيك العافية

[سالم]

نقاط مهمة و يجب التركيز عليها

قوانين ممتازة لمضيف مميز و جميل

و الرياضة حياة ..

همسة :

نطلب كذلك الاهتمام بباقي الانشطة و خاصة العاب القوى

و كرة السلة و الطائرة و لو يصار الى فتح زوايا تعتني بهذه الالعاب الشيقة

مثال قوانين كرة السلة و اليد و غيرها

و لو يتم التركيز على يطولات السباحة و الرماية و الفروسية

فلا ننسى هي من اسس الرياضة العربية

و شكراً لك أخي سالم ...

ويعطيك العافية



لك ماطلبتِ , بالتأكيد أم الألعاب يجب ان يكون لها النصيب الوافر من تغطيتنا . . !!
و فريق عمل المضيف الرياضي ماراح يتجاهل العاب القوى و السله و اليد و الطائره ,

شكراً إيمان على الإقتراح الجميل . . دمتِ متابعه و مميزه بـ تواجدك الدائم هنا . . !!

ماننحرم roooose

[سالم]

| - تحديث " الإثنين 19 نوفمبر 2007 م " - |


بإذن الله الأيام الجايه تشهد تفاعل المضيف الرياضي واهتمامه بـ عدة رياضات , منها " ألعاب القوى " , " كرة السلة " , " كرة الطائرة " , " كرة اليد " , " التنس " , " الفورملا ون " . .
واللي يشوف انه قادر يغطّي لعبه معينه او بإستطاعته المساهمه في تطويّر لعبة اخرى - الرجاء مراسلتي عبر الخاص لـ التنسيق و آمل ان يكون ذلك قبل الجمعه القادم .
طلبات الفيديو و الأهداف و الصور " إضغط هنا (http://www.shmmr.net/vb/showthread.php?t=49111) " موضوع مثبّت لطلب اهداف محليه , عربيه , عالميه . . الخ والتنفيذ سوف يكون بـ أقرب وقت ممكن إن شاء الله .

[سالم]

حبيت أنوّه على الجميع التقيد الإلتزام بـ تحميل الصور بـ مركز تحميل الصور في المضايف
تدرون ليش ؟

من باب لك و لـ الزمن :)
وعشان نحتفظ فيها بـ سيرفر المضايف و نرجع لها مره ثانية , يعني الحين لو تشوفون موضوع
بالصفحه المدري شسمه تشوفون ان الصوره التغت و السبب ان راعيها ماحملّها على سيرفر المضايف .

مركز تحميل الصور من مضايف شمر , إضغط هنا (http://www.shmmr.net/vb/image_host.php?do=uploader)


http://www.shmmr.net/vb/images/image_host/image/salim-up-01.jpg

http://www.shmmr.net/vb/images/image_host/image/salim-up-02.jpg

إضغط على تحميل الصور و حمّل اللي تبي وإذا خلصت إضغط على إستعراض الصور و تلقى صورك اللي حملّتها
موجوده و جاهزه و حتى ابو سلطان ماقصّر جهّز لك رابط مباشر لإضافته بالمشاركه بدون ماتضغط على http://www.shmmr.net/vb/images/aja/editor/insertimage.gif :315r:

وقسم قسمات وماحلفّتوني :) إني من الساعه 11 بالليل والحين الساعه 5 , جالس احمل الصور اللي بالمواضيع على سيرفر المضايف كله عشان نحتفظ بها و لا نفقدها :3ayyen_khair:
و شاكر لكم و مقّدر حسن تعاونكم و تعاملكم و متابعتكم و ابشروا باللي يرضيكم :)

ماننحرم

[(((نجم الجدي)))]

عساك على القوة أخوي سالم




ماقصرت

وكلامك على العين والراس


وانا أن شاء الله سأكون وكما كنت من قبل ولا أبرئ نفسي

من المطبقين لهذه الشروط ونطلب الله العون لانا ولكم

[منيف الوبيري]

والله ياسالم انت متهم انك نصرواي متعصب !!!
واي موضوع ينزل عن الهلال (((............. )))
وشرايك بالاتهام الخطير الموجه يمك
.... ارجو الانصاف منك ياسالم !!

[المطنوخه]

شـكــ وبارك الله فيك ـــرا لك ... لك مني أجمل تحية .

[هند القاضي]

شكرا لك

[سالم]

والله ياسالم انت متهم انك نصرواي متعصب !!!
واي موضوع ينزل عن الهلال (((............. )))
وشرايك بالاتهام الخطير الموجه يمك
.... ارجو الانصاف منك ياسالم !!

وانا اخوك ان شفت مني زله او نحيّز لعضو او نادي او غيره
بإمكانك مراسلة المشرف العام وصدقني ان كان لك حق تاخذه غصب عني
مافيها شي اذا اني نصراوي , بس الاهم انك ماتشوف تحيّز لـ النصر عن غيره بالمضيف الرياضي . . !!
سلام

[يـــوسف]

سالم عساك على القوه يالغالي ...

[ريال الفسحه]

مجهوداتك ياسالم لاتضاهى ..

[سبع البوادي]

يعطيك الف عافيه ومن دون قوانين يفلت الوضع وبيض الله وجهك

[سالم]

اذا فيه بند ماعجبك او نقطه مافهمتها او عندك ملاحظه او انتقاد او شفت شي خطأ
قل لي رايك ولا تستحي . . كلنا اخوان و الاهم مصلحة الرياضه في مضايف شمر و الرقي بها

[الشبث]

سلوم


مبروك الشهر الكريم عليك



شخبارك




عندي لك اقتراحن رياضي ان شاء الله يساهم بتحريك المضيف الرياضي


وخصوصا وقت المباريات




انت تعرف طريقة نقل المباريات في منتديات الانديه


يعني يجي واحد ويكتب الحين الدقيقه كذا وفيه هجمه هناك

والدقيقه كذا قول هنا


ويتابع المباراة بشكل دقيق




طبعا كل مباراة يفتح لها موضوع لحاله



ومثل ما تعرف مباريات الدوري اغلبهن مشفره هالسنه

وقليل المشتركين


وخصوصا بنات المضايف يبن يدجن هههههه



وش رايك


اعتقد بيصير حماسن اقشر هههه



وتقلد تحيتي

[سالم]

^
^
^


تم يابعدي :)

[سالم]

من جديد . . اكرر و اقول ان الشي اللي ماله نظام / ماله سنع . . و اليد الوحده ماتصفّق
و ان اللي كتب الدستور بشر و جايز انه يخطي . . و اللي يصحح خطأه افضل من انه يتمادى في الخطأ
إن شفت ملاحظه على حدا الشروط بلّغ و مايصير بخاطرك الا طيب . . !!

- اهم نقطه يجب ان الجميع يعرف ان المتواجدين بالمضيف الرياضي من خلال مشاركاتهم و مواضيعهم , كلهم سواسية ومافي فرق بينهم بالمضيف الرياضي , والمجامله ماراح تكون موجوده بإذن الله عندنا هنا , يعني لايلحق حديكم شك ويقول فلان يتثبت موضوعه وفلان يتقفل موضوعه , ان شاء الله هـ الحزازيات ماراح نشوفها و لا راح نطريها والله يخلينا لبعض ولا يفرق بيننا ولا يجيب لنا المشاكل ابد ابد . . . !!

- سالفة منهو اطلق ماجد او سامي . . او من احسن النصر او الهلال , او من ازين نواف او الحقباني
هـ السالفه ماابيها هنا , لانها تسبب مشاكل بين الاعضاء , و محد يرضى يقتنع وكلن يقدم العاطفه على الإنجازات , و من باب : الباب اللي يجي منه ريح سده واستريح , تمنع المقارنات بـ أي شكل من الأشكال .

- بـ الصفحه الرئيسية لـ المضايف جزا الله ابو سلطان خير , حاط ايه و اذكركم بـ الايه // ( ياأَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ)
يجب علينا جميعاً عدم التفرقه بين الجمهور الفلاني و الجمهور الاخر , و نبذ التعصب مهما كان , لان السالفه كلها في كوره , وماتسوى تشوّه سمعتك بـ لفظ تجرح فيه اخوك المسلم , وبخصوص جماهير الانديه ياليت ان الكل ينتبه لما يذب على موضوع معين و رد معين محد يمنعه , لكن الذبه اللي فيها مصاله و تحريف بـ الأسماء راح تحذف مشاركته اولاً و إذا كررها يمنح انذار , وضربتين بالراس توجع , واذا مااوجعه راسه و كررها ثالث مره , اكا الحين نقدم المعامله لـ ابو سلطان لـ إتخاذ مايراه مناسباً تجاه هذا العربجي . . النثر , الزعيق , تشاد , نيجيريا , الهلام , النيفيا , الطواقي , العربيات . . معروفه الكلمات اللي مالها داعي ياليت تتجنبها طال عمرك لـ مصلحتك اولاً و لـ مصلحتك ثانياً . . !!

,

: العقوبات :

راح تكون قاسيه بـ حق من اخطى و تكرر خطأه . . !!


/


سلام

[قهر]

يعطيك العافية سالم أنت و حمود


عندي اقتراح صغينون حيل


الشات اللي انت حاطه لو تشيله احسن << الحين يتولجونه ابو طروق والشله


اقولك ليش ؟؟؟





قل ليش :)


من شان بعد مباراة المنتخب تحط شات لمدة يومين الشباب يسولفون عن ايجابيات المنتخب

سلبياته اخطاء اللاعبين اقتراحات من هالقبيل يعني وطنية



.

و سالفة هالشات اربع وعشرين ساعه او كل مباراة

ماهقوتي انه تبي تستمر يبي يجي المشرف العام

و يحذف الشات كله و تطير مشاركات الاعضاء ويدعون عليك:148r:



اقتراح فقط ... :goooood:

[سالم]

قهر . . الشات حلاته 24 ساعه مثل ماقلت
وكثرته سماجه نوعا ما :)

الشات اللي فات كان بمناسبة رمضان
و زي اي قسم يبي يجمع اعضائه ويسولفون مع بعض و يتونسون .

غير كذا إما إنه يكون بمناسبه او شي يستحق او طلب من الزقرت
ان شاء بتعاون الجميع يدهر هالمضيف

ماننحرم يابعدي

[غالب]

إنت سالم وليه تعطيني مخالفه

[ابو خلوف]

سويلم وينك ياسويلم وراوه مايرد سويييييلم




وليه الحين معلقن سناعيس بمخالفه



انت وشلون تنام وتهنا بليلك وسناعيس يصيح ليل ونهار



ولا وحاذفن الشات علشان مانتحاور معاك



حسبي الله عليك وتحذف مشاركاتي بعد وهن ماخالفن ولاشين



بس انا عرفت بالذهانه الزايده عندي انك عدو كل مهو فلاوي


اخس عليك بس


طيب ماتبي اهل الفله يدخلون عندك بهذا مايردك الا لسانك احتس



ونهجر مضيف الكوره ومانطب بوه ابد خله لك لحالك تبطح بوه على كيفك



اما لاجاك ضيوف من الفله تقوم تعطيهم مخالفات هذا شي مانرضاوه


وسع صدرك وادخل الفله وشف وشلون الاخلاق الحميده



وتغير بأذن الله


هاه ماقلت متى تشيل مخالفت سناعيس



ياخوفي تجين مخالفتن انا بعد


هههههههههههه

[سالم]

إنت سالم وليه تعطيني مخالفه

اعطيتك مخالفة و وضحت لك سبب منحك لـ هالمخالفه //
صدقني مابيني و بينك شي عشان اتعمّد هاللي تعتقده , ان لك حق و ربي بتاخذه . . !!

[سالم]

سويلم وينك ياسويلم وراوه مايرد سويييييلم




وليه الحين معلقن سناعيس بمخالفه



انت وشلون تنام وتهنا بليلك وسناعيس يصيح ليل ونهار



ولا وحاذفن الشات علشان مانتحاور معاك



حسبي الله عليك وتحذف مشاركاتي بعد وهن ماخالفن ولاشين



بس انا عرفت بالذهانه الزايده عندي انك عدو كل مهو فلاوي


اخس عليك بس


طيب ماتبي اهل الفله يدخلون عندك بهذا مايردك الا لسانك احتس



ونهجر مضيف الكوره ومانطب بوه ابد خله لك لحالك تبطح بوه على كيفك



اما لاجاك ضيوف من الفله تقوم تعطيهم مخالفات هذا شي مانرضاوه


وسع صدرك وادخل الفله وشف وشلون الاخلاق الحميده



وتغير بأذن الله


هاه ماقلت متى تشيل مخالفت سناعيس



ياخوفي تجين مخالفتن انا بعد


هههههههههههه



واضح ان عندك كلام كثيييييييييييير و شايل بقلبك // اجل كيف لو تاخذ المخالفه انت ؟
اكتب الموضوع واكتب اللي بخاطرك و راح اقنعك . . وان مااقتنعت وقتها اضمن لك حقك بيوصلك كامل . . !!

عشان بس ماتقول قفّل الشات مايبي نتحاور معه
اكتب الموضوع وابشر بـ الحق و مايلحق لك ولغيرك

[ابو خلوف]

هههههه


ياحبيبي من قال اني ماكتبت بس يوسف زعل وقال لازم تحذفه

[سالم]

ليش تحذفه ؟ و دام انك تطالب بـ حقك و حق خويك // وش اللي خلاك تحذفه ؟
اكتبه و مثل ماقلت لك " ورب الكعبه بتاخذ حقك كامل " و راح اتحاسب انا تسان تعمدت او ظلمت او غلطت . . !!

[ابو خلوف]

ياخوي ماضلمت احد وهو الغلطان وسه صدرك


حتى انا قايلن لوسف السالفه كله


بس نمارس هوايت المحامي تبع الفله شوي


وسع صدرك

[غالب]

ألا يالخواف ياأبوخلوف:za3lan:
طيب ياسالم وليه دايم تعطي الناس مخالفات وبالأخير تمسحه وتتأسف؟!:a:
وشوله تصير متعصب ؟!:a:
يخي أنا ماكتبت على ضهرك؟!:a:
وإنت تدري إني ماكتبت شكراً على المعلومه غير أبي أزووود مشاركاتي ؟!:a:
يعني جاين للرياضه وش تبيني أسوي به؟!:a:
حتى مواضيعكم أغلبه عن النصر!!!:a:
وأنا هلالي!!!!!!!!!!!!:a:

[سالم]

ألا يالخواف ياأبوخلوف:za3lan:
طيب ياسالم وليه دايم تعطي الناس مخالفات وبالأخير تمسحه وتتأسف؟!:a:
وشوله تصير متعصب ؟!:a:
يخي أنا ماكتبت على ضهرك؟!:a:
وإنت تدري إني ماكتبت شكراً على المعلومه غير أبي أزووود مشاركاتي ؟!:a:
يعني جاين للرياضه وش تبيني أسوي به؟!:a:
حتى مواضيعكم أغلبه عن النصر!!!:a:
وأنا هلالي!!!!!!!!!!!!:a:


مالك لوا . . متى دايم اعطي الناس ؟
هو واحد واللي اعطيته ياها بالخطأ . . لإن ملفه نظيف و لا انذرته اول . . و المره الاولى نكتفي بـ حذف مشاركه //
وان تكرر خطأه . . مخالفه . . وترا انتم اللي حديتوني ع المخالفات . . !!

[عبدالله الجعيثن]

هو صادز سالم


الشات ممنوع بتاتا


لكن هو يحط موضوع شات بكيفه هو مدير ويحقله


يعني تبون تسوون شات اكتبوه برساله خاصه وارسلوه لسالم وهو ينزله باسمه


الا وش رايكم نروح ليوسف ويحط موضوع بالفله ونسميه مضيف الفله الرياضي وهنا ناخذ راحتنا بكل موضوع رياضي ونفتك من المخالفات والتحذيرات

[ريال الفسحه]

8

تجون للفله سو شات على كيفكم
بس محارش ممنووووع :)

[أبو راكان]

لانصر


ولا دلال .




بالخير
شلونك ؟

هذا ليه ما تعطيه مخالفة وتعدل مشاركته وإلا جايزةٍ لك هالكلمة ؟

أنظمتك لا قيمة لها إن لم تطبق على الجميع

أصدق المنى للجميع

[سالم]

^
^
^

والله يابو راكان مهي جايزتن لي , ويشهد علي الله اني ماشفتها الا منك
ان كررها ياخذ مخالفه . . وتم تعديل المشاركه

والساعه المباركه اللي نشوفك فيها

[يـــوسف]

أخوي سالم والكلام موجه للجميع ..



لاتلومون أي عضو لما يزعل اذا أخذ مخالفة ..!!!!




تدرون ليش ؟














لأنه يشوف اشياء والمفروض عليها عقوبات اخس من المخالفة وهو يقول كلمه عادية وياخذ مخالفة ..











يعني ياليت يكون النظام على الجميع مو بس على الشخص اللي ماأشتهيه ...












تقبلو رايي بصدر رحب ...









توسدو إحترامي

[سالم]

يعني ياليت يكون النظام على الجميع مو بس على الشخص اللي ماأشتهيه

يوسف . . ورب الكعبه اني مااتعمد احد او اعطي مخالفه لشخص مستقصده
وربي اني اعامل الكل بالتساوي //

[غالب]

هالحين إنت معطيني إنذار وألا مخالفه؟

[سالم]

هالحين إنت معطيني إنذار وألا مخالفه؟

مخالفه

[غالب]

وليه ماتعطيني إنذار أول شي:151r:

[سالم]

هالشي طال عمرك راجع لي وانا اللي اقرر اعطيك مخالفه او لا . .
رح راجع مشاركاتك اللي نبهّتك فيها و عدّلتها . . !!

[غالب]

كل الأعضاء اللي مروا من هنا إنت عدلت لهم
وزين إنك ماتعدل للمشرف العام
حنا مادخلنا المضيف الرياضي غير علشان نتجادل هذا شنقل يشجع النصر وهذا أنا أشجع الهلال وهذي بسمة العز أهلاويه .......
ولا حنا جايبينه بزعل أكيد إننا نبي نمزح على بعض


الله يعين واحدن يبي يتولاه سالم:d:

[مصيول]

ياشباب عندي كلام وياليت تسمعونه شوي


كلكم على العين والراس والمضيف الرياضي سبب وجوده هو التقاء الاحبه من كافة الميول !

صحيح بيصير فيه حماس ونديه وضحك وشماته وفوز وخساره لكن بالاخير هذا هو ملح الكوره !!


واللي مايخسر مايفوز !


صار همنا اللحين وشغلنا الشاغل هالمخالفات !!!

وكأننا نسينا اننا عيال عم وقرابه وهالامور اقل من انه تفرقنا !


الكوره تبي واحد باله وسيع وصدره شمالي :)



سالم يعلم الله ماهو مقصر وحنا زودناه شوي ــــــــــــــــــ لكن استغرب هالهجوم عليه !!


وانت يا اخونا الفاضل محسن ابو راكان غبت كل هالمده وجيت بمشارركه ماتمنيته منك !!


على الاقل لأنك مجرب الاشراف وتعرف انه ماهو كل شي يعرفه المشرف !


واذا بنتتبع زلات فلان وعلان نترك هالمضيف ابرك !!!





انا ضد وضد وضد وضد وثم ضد المخالفات بالمشاراكات اللي ماتحمل بطياته اساءه !!

لأن المضيف بدون تفاعل اعضاء ماراح يمشي :(



وحمود وسالم والله ماهم مقصرين ولاينكر فضلهم بعد الله الاجاحد !

على الاقل قارنو الان بين المضيف الرياضي الحالي وبين المضيف الرياضي زمان او قل من انشأة المضايف !


مايختلف ثنين على ان المضيف يمر بعصره الذهبي والله يجزا خير كل من طوره




بالعربي والخلاصه ـــــــــــــــــــــ لاتنظرون للجانب الفارغ من الكأس !!!


واذا على مخالفة محارش سالم اعتذر له بشجاعه ولاهي غريبه


واذا على مخالفة سناعيسو فهو يستاهله :) لا ويستاهل فوقه رفسه بعد :):)


اجل احد يرد على موضوع ويقول ترن بس جاي ابي ازود مشاركاتي :):)



خلو النفوس صافيه ولايفرقنا مجرد انتمائتنا !


واللي يقول ان المضيف للنصراويين اتحدا اذا فيه موضوع حذف للهلال ـــــــــــــــ تسان بك خير هها اربط ثوبك واكتب مواضيع عن الهلال ولا احد بيوقف لك !


لكن تسكت والنصراويين ينزلون مواضيع وتقول المضيف كله نصراوي هذا شي مايقبله عقل !!





يالربع ترو كل من تطاول علي وصار بيني وبينه شي او سوء تفاهم او خلاف ترووه بحل



وياليت نصير اكبر بتفكيرنا



وخلونا نلتقي لنرتقي :):)


ويعلكم بخير

[غالب]

^^^^^^^^^
^^^^^^^
يازينك وإنت ساكت:d:

[سالم]

^
^

لا والله يازينك انت وانت ساكت خخخخخخخخ

[سالم]

مصيول . . الله يعطيك العافيه و شهادتك وسام اعتز به
رضا الناس غايه لاتدرك // احاول قد مااقدر اضبط الوضع ولا اتحيّز لـ ميول . . !!
رغم اني نصراوي // هالشي مااتخذه بقراراتي . . الكل سواسيه // بس البعض مايعجبهم
واللي يبي يخرب يلقى عقوبه واللي يتصيّّد بيلقى اللي بيوقفه عند حده . . !!
المضيف الرياضي للجميع و لا فرق بين نادي و اخر , والمخطي يتحمّل خطاه
واللي يحترم نفسه . . غصبن علي احترمه و اقدّره

[غالب]

^
رد على كلامي !

[سالم]

سناعيسو . . رديت على كلامك و بيّنت لك كل شي
بس انت ماادري وش تبي بالضبط . . !!

اللي اعدلهم اول مره و تكرر خطاهم , المره الثانيه ماعندي استعداد احرج نفسي معهم واعدل بردودهم
راح اعطيهم مخالفه على طول // انت عدلت لك بالاولى بس مانفع فيك بالثانيه و اعطيتك المخالفه . . !!

عندك شكوى رح لـ مضيف الشكاوي واكتب شكواك , ان تسان لك حق بتاخذه . . !!