عبدالله عبيد
11-11-2007, 10:24
السلام عليكم ورحمة الله
تواجد اوّل بين هلي وربعي، اتشرف بوجودي بهذا الصرح الراقي
اتمنى ان تنال استحسانكم ...
أنا والبدْر بايام (ن) خوالي = ودرب الود ممدودة جسوره
تجاورنا جميع (ن) بالمفالي = وصمت الليل مغشينا غموره
تحاوطنا حطبنا والدلالي = يفور البن واسمع صوت فوره
بديت القول ارخيت العقالي = أبنزع هم قلبي من جذوره
بدر اسمع خلاصة ما جرا لي = أبنثر هم (ن) اتعبني ثبوره
على صدري هموم (ن) ما تشالي = لها فوق الصدر دور امعمورة
لو ارميها على شمّ الجبالي = تدكّ الشمّ ثم تنثر صخوره
عشقت الفاتنة نبع الدلالي = غلاها أشعل الاحساس ثورة
لها ناظر ولا عين الغزالي = لها ثغر(ن) من الدانات سوره
شفاها يا بدر شي (ن) خيالي = كما التوت الطري باوّل ظهوره
هويت الريم وافِيْةَ الخصالي = هواها شيّد ابقلبي قصوره
بديت ارسم لنا صورة ببالي = يا عون اللهِ يا محلاها صورة
وهام اللي رسمته بالزوالي = كأن القلب محظور(ن) سروره
بدون انذار بانصاف الليالي = حضرها الموت يا مقسى حضوره
بعدها يا بدر كَنّي لحالي = بوسط الحزن هايم في بحوره
يجيني طيفها ياقف قبالي = يناديني ويغمرني بنوره
أناظر بالبشر وارثي لحالي = زماني هدّني من بعد "نورة"
بعدها يا بدر شاللي بقا لي؟ = وش ارجي من زمان (ن) زاد جوره
تحرك ناظره يم الشمالي = كأنه ناوي (ن) يخفي شعوره
رجيته: " يا بدر جاوب سؤالي = لعلي استقي منك المشورة "
تلاقينا بـ لعيون وبدا لي = بعينه دمع (ن) يعاند ظهوره
يجاوبني ولا ادري وش حكا لي = كأن الحرف ينشب له بزوره
كأن الحظ ناذر ما يوالي = أنشهد بانه اموفّي نذوره
وسلامتكم ...
تواجد اوّل بين هلي وربعي، اتشرف بوجودي بهذا الصرح الراقي
اتمنى ان تنال استحسانكم ...
أنا والبدْر بايام (ن) خوالي = ودرب الود ممدودة جسوره
تجاورنا جميع (ن) بالمفالي = وصمت الليل مغشينا غموره
تحاوطنا حطبنا والدلالي = يفور البن واسمع صوت فوره
بديت القول ارخيت العقالي = أبنزع هم قلبي من جذوره
بدر اسمع خلاصة ما جرا لي = أبنثر هم (ن) اتعبني ثبوره
على صدري هموم (ن) ما تشالي = لها فوق الصدر دور امعمورة
لو ارميها على شمّ الجبالي = تدكّ الشمّ ثم تنثر صخوره
عشقت الفاتنة نبع الدلالي = غلاها أشعل الاحساس ثورة
لها ناظر ولا عين الغزالي = لها ثغر(ن) من الدانات سوره
شفاها يا بدر شي (ن) خيالي = كما التوت الطري باوّل ظهوره
هويت الريم وافِيْةَ الخصالي = هواها شيّد ابقلبي قصوره
بديت ارسم لنا صورة ببالي = يا عون اللهِ يا محلاها صورة
وهام اللي رسمته بالزوالي = كأن القلب محظور(ن) سروره
بدون انذار بانصاف الليالي = حضرها الموت يا مقسى حضوره
بعدها يا بدر كَنّي لحالي = بوسط الحزن هايم في بحوره
يجيني طيفها ياقف قبالي = يناديني ويغمرني بنوره
أناظر بالبشر وارثي لحالي = زماني هدّني من بعد "نورة"
بعدها يا بدر شاللي بقا لي؟ = وش ارجي من زمان (ن) زاد جوره
تحرك ناظره يم الشمالي = كأنه ناوي (ن) يخفي شعوره
رجيته: " يا بدر جاوب سؤالي = لعلي استقي منك المشورة "
تلاقينا بـ لعيون وبدا لي = بعينه دمع (ن) يعاند ظهوره
يجاوبني ولا ادري وش حكا لي = كأن الحرف ينشب له بزوره
كأن الحظ ناذر ما يوالي = أنشهد بانه اموفّي نذوره
وسلامتكم ...