((نفسيـ ولو عافتـ ))

[مشعل الروقي]

السلام عليكم ورحمة الله وبركاته


مساكم الله بالخير وصبحكم بمثله


اضع بين يديكم هذه المتواضعه


واتمنى ان تحوز على استحسانكم





نفسي ولو عافت تعـز اجنابهـا=تعزهـا نـاري وانـا شبابهـا
الفعل مانصخـي عليـه العايبـه=لو عاثيات البيـن كشـر نابهـا
فعلـي واعنـه والليالـي عنتـه=فارس وقبلـي فارسـاً عدابهـا
جبت القوافي والقوافـي ساقتـي=ماكل من غناء يحسـب جابهـا
البيت قدري وأن عسفته عاذنـي=والقدر من قدري يحط انصابهـا
صابت وانا مالي صواباً عندهـا=صوب وانا مابه صويب(ن) صابها
وقت(ن) عسا وقته يبين وقتهـا=وان كان مابين تجيـب اعجابهـا
عسرا تحير من بحل فـي وصفهـا=وصفاء توصف من نساء وصابها
كثر الخطاء منها وجابت علتـي=علت عليل(ن) ماقـدر يدرابهـا
ان رحت اخبيها تبيـن حسرتـي=واطلع واحَاكيها علـى مرقابهـا
عجفاء عجيفت من يزين عجفها=كسرا كسيرت ماكسر حطابهـا
لاصـار وده ودهـا هـو ودي=اصير خبراهـا و انـا خضابهـا
زين الملامح في وصايف وجههـا=والقول قوآله وقـال احدابهـا
ياهيه لك مدت وانا لـي مدهـا=ماعديبها جتكم وهـي يعدابهـا
من غيضها جتكم وهي في حلها=حلت حليل(ن) يحتـري ندابهـا
ندبت نديب(ن) مايضيع ندبتـه=كشر عن انيابه مصيـر انيابهـا
البيت بيتـي والقوافـي صنعتـي=مثل المسابـح عقدتـه يقرابهـا
عقدت عقيد(ن) ماتعب في عقدها=يعقد وتعقـد ماعقـد منشابهـا
ماضنتي ماحد(ن) بيفهم حيرتـي=يضيع من يقراء وهـو يشقابهـا
عومتها عامت ولاهـي عايمـه=طارت وعلت فوق جنح اسرابها
ختمتها بسم الولي ربـه وربـي=الواحد المعبـود منهـي مابهـا




وسلامتكم

اخوكم

مشعل الروقي

[زاهي التومي]

أخوي مشعل


صح لسانكـ


نص أكثر من رائع


لاهنت

[أم نــــــــــواف]

مبدعة منك أخي مشعل


قصيده كريستالية برّاقه


بارك الله فيك


( فقط أجد ثقلا في الشطر الأول من البيت الأخير فهل به خطأ ما !! )

[مشعل الروقي]

زاهي حمود

ام نواف

صحت ابدانكم


اختي ام نواف لا اعلم ولاكن انا لا ارى بهِ ايُ شياء من الثقل

ليس تكبراً وتغطرساً على رايك حاشا لله ولاكن اتمنى لو انكي تعيدي النظر مرتً اخرى

اتمنى ان لا اكون قد اسأت التعبير اعتذاري مسبقاً واتقبل منكي ايُ نقداً قادم بكل صدرٍ

رحب فأتمنى ان تتقبليني كذلك


اخوكمـ


مشعل الروقي