حزنلوجيا ..! [الأرشيف]

سامي الشمري

25-10-2007, 15:12

.

سامي الشمري

متواجد في هذه الصفحة ..!

فقطّ لا غير ..!

roooose

.

سامي الشمري

25-10-2007, 15:14

ينقسم هذا الموضوع إلى عدّة أقسام

شعر نبطي - تفعيلة - خزعبلات شعرية -

و الأهمّ

حزنلوجيا

roooose

سامي الشمري

25-10-2007, 15:17

http://www.r15r.com/data/media/121/man36_L.jpg

مع فجّة الصبح .. جيتك .. يا بحر هالك ..!
..................... لا الحبّ يقبل ... ولا الأحزان .. تقبلني ..!

أشوا لي أني أجيك .. و أنت .. أشوالك ..!
..................... و إن كان مليّت منّي .. قوم و أقتلني ...!

سامي الشمري

25-10-2007, 15:24

http://www.alraidiah.org/up/up/15433916120060731.JPG

أشكي إلى الهمّ .. ولاّ الهمّ .. يشكيلي ..! = كلٍ على همّ غيره .. يشكي الثاني ..!
.
.
.
ملّيت .. أرسم حزن .. في فنّ تشكيلي ..! = حتى أصبح الدمع .. يسكن وسط شرياني ..!
.
.
.
يا مغلقة باب حبّي .. هييييييه .. فكّيلي ..! = شوفي غياب المحبّه ... وين وداني ...!
.
.
.
من أوّل أبكي عليك ... و صرت .. أبكي لي ..! = وشلون مجني عليّ .. و صرت أنا الجاني .؟

سامي الشمري

25-10-2007, 15:32

.

كل الكلام عتاب ..!

و كل الجروح " غياب " ..!

يا صاحبي ماغبت ..!

لو غبت أنا كذاب ..!

ماغبت عن طيفك ..!

ولا غبت عن زولك ..!

أنا مثل ضلّك ..!

أنا مثل ضلّك ..!

أمشي معك .. أبكي معك ..!

و حزني يفجّر مدمعك ..!

لو متّ ..!

أكيد .. تاخذني معك ..!

خذني معك

.

سامي الشمري

26-10-2007, 18:48

.

مساء الخير و الإحساس و الطيبة
................................ مساءٍ مايليق إلا ... بـ أحبابي ..!

.
roooose
.

مساء الهمّ و الغربال و الضيقة ..!
...................................... مساءٍ مايليق إلا ... لأحزاني ...!

.

سامي الشمري

26-10-2007, 19:19

roooose

أبرشف من رحيقك حبّ ..!

أبشرب .. من أنفاسك الهوا .. و أسكّنه جوفي ..!

ولا يطلع من أنفاسي .. سوا همّي .. و غمّي ..!

و إذا حاول يتسلّط علي .. و يطلع مع زفيري ..!

أحط على فمّي كفوفي ..!

roooose

سامي الشمري

28-10-2007, 00:49

roooose

لله .. يا كبر الألم ساكنٍ بيّ ..! = لا لا تقول إن البشر .. يشبهونك ..!
/
/
مرّات أنا ميّت .. و مرّات أنا حيّ = إذا سمعت أن البشر .. يذكرونك ..!
/
/
عمرك سمعت بـ.. شخص .. عايش .. بلا شيء ..؟ = هذا أنا ... [ عايش حياتي بدونك ..! ]

roooose

سامي الشمري

31-10-2007, 14:22

عفوا ً ..!

حزءً من القلب مفقود ..!

أو ..!

إحتمال القلب .. مفقود كلّه ...!

roooose

سامي الشمري

01-11-2007, 14:32

أحيانا ً يكون العاشق يتملك القلب الذي يؤهله للعشق بقيّة حياته

و لكن للأسف أن تكدّس العشق داخل قلبه يجعل الحُب يموت وهو حي

و يصبح حُبّه .. كما الدم الفاسد في جسم الإنسان

فهو يمتلك القلب العاشق و لكن لا يستطيع أن يعشق ..!

للفيلسوف النيوزلندي / س.س.الشمري :surprised

سامي الشمري

01-11-2007, 14:38

.

.

تبي تشوف الآدمي ... كيف ينحاس ..؟
.............................. شفّ ضيقته ... لامنّه ... إحتاج " لـ فلوس " ..!

.

.

سامي الشمري

08-11-2007, 22:34

.

الحظيظ .. اللي من الهمّ أستراح ..!
............................... عايش بالدنيا ... بـ لا ( همّ ) و ( كدر ) ..!

roooose

سامي الشمري

08-11-2007, 22:43

.

الحُب .. شيء جميل .. !

يزيد عندما ينقص .. و ينقص عندما يزيد ..!

roooose

.

سامي الشمري

11-11-2007, 18:38

.
.
.
.

roooose

.
.
.

حدث .. في مثل هذا الجرح
صاحب .. خان .. صاحب هرب .. !
ولا بان ..!

شفني أضحك له .. و تنقص ضحكتي ..!
بعد ماغاب .. تنقص ..!

و تنقص .. و تنقص ..!

مالي إلا أنت .. يا الشتات ..!

روح دوّر لي بركات ..!

قلّه أن جرحي عميق .. قلّه .. شبّوبي حريق ..!

يا هلابك .. يا بركات .. !

أسمع أسمع يا أبو محسن .. جرح جاك .. و جرح .. هات ..!

.......

صوت ( سامي الشمري )

لا يا أبو محسن .. طوّلوا .. و المساء .. فات ..!
و أنا أحسب .... إن الناس .... ما يتركوني .....!

جيت .. و حنين الشوق .... يطوي مسافات .....!
وشلون ... ؟؟ مدري ... يا بركات خذلوني ......!

.....

صدى ( بركات الشمري )

حتى أنا يا صاحبي ... عشت الأوقات ...!
بدونهم ... و أحسّ ... كنّي ... بدوني ....!

مايشبهونك يا الخوي و الحيا مات ......!
طاحو ... ولا طاحت معاهم .. عيوني ...!

ما حرّكوا ساكن .. جروحي و الآهات ..!
ما غيّروا .. نبعي .. و طبعي .. و لوني .!

......

صوت ( سامي الشمري )

تدري وش اللي يكسر و يجرح الذات .؟
إن الأماني ... و الصّحاب .. خذلوني ..!

على كثر ماقيل .. عنهم .. روايات ....!
على كثر ماهمّ ... بغلّ ... كرهوني ...!

( علمتهم وشلون يقرون الأبيات ....!
و لمّا حضر وقت القصايد هجوني ..!)

........

صدى ( بركات الشمري )

رح قلّ لهم .. هيهات هيهات هيهات ..!
تخفون حلمي .. أو بعد .. تاصلوني ...!

أبوي ربّاني على الطيب .. بسكات .....!
أموت ما أحكي فيه .. لين يحكوني ....!

و إذا زرعوا في داخل الروح ضيقات !
بحاول أنساهم ... مثل مانسوني ......!

أنا .. أنا .. مازلت .. عند السحابات ..!
شاعر ... رغم أنف الجسد مايجوني .!

....

صوت ( سامي الشمري )

تدري وش اللي غامضن .. يا بركات ؟
الدمعة اللي دحدرت ... مع جفوني ....!

لكن قسم بالله .. لا أنساه .. مافات ....!
و أنسى معه حلمي و أنسى جنوني ...!

الذيب .. لامنّه شبع .. يترك الشاة ....!
و أنا بخليهم .. إذا ... يشبعوني .......!

أنا أنا .. ثابت .. رغم نار .. و شتات .!
ما حرّكوني ..!
لاااااااااااا ..!
ما ( حرّ ) كوني ...!

....

بركات الشمري .. شاعر و صديق الشعر العذب
له و لكم التحيّة ..!

:roooose:

سامي الشمري

29-11-2007, 03:40

:rooose2:

لو غبت ..!

تكتب دنيتي

( غاب .. واحد ..! )

و أن جيت ...!

تبقى في ذرى القلب .. واحد ..!

خذني معك .. مخّلص ...!

أبقى أسير عيونك " الخجلاء" .. أسامر رمشها ..!

خذني معك .. مخّلص ..!

شف خطوتي تتعب بدربك .. يا غناتي مشّها ..!

خذني معك .. [ مخّ .. لصّ ..! ]

أسرق نظر عينك و أخّلي نظرتك يمّي ..!

خذني معك [ مخّ .. لصّ ..! ]

ما أحد قدر يكسر حواجز حبّي و همّي ..!

لأن عاشقك مخلص ..!

و لأن عاشقك [ مخّ .. لصّ ]

و لأني قدرت أبني معك .. يا صاحبي حبٍ جديد ..!
ـــــــــــــ و لأني كسرت القاعدة .. رجعت لك .. عقب البطا ..!

وصلت لك .. من بعد ما كفّ اللقاء أصبح بعيد ..!
ـــــــــــــ شفّ عاشقك .. دربك تشوّك له ... و مع ذلك وطا ..!

و جيتك .. أبي منك العذر ..!

و أبعتذر ..!

و أبعتذر ..!

و أبعتذر ..!

و أبعتذر ..!

و أبعتذر ..!

و أبعتذر ..!

حتّى إذل ملّ الصبر

أبعتذر ..!

و إن كان .. ما منّك عذر .؟؟

خذّ قلبي اللي ما أستحى ...!

و قطّه على أوّل قبر ..!

ــــــــ

بسّ بالقلم خلّه معك ..!

و أكتبني من أوّل سطر ..!

حتى إلى آخر سطر ..!

ماقلت لك [ مخّ .. لصّ ..! ]

:qannaj:

::

سامي الشمري

09-12-2007, 12:19

.

مع السلامة ..." حُب " ..!
............ روح أبتعد .. عنّي ..!

صبّت دموعي صبّ ....!
............ و الليل .... جنّنّي ..!

.

سامي الشمري

09-12-2007, 12:23

.

ياشينها .. لا صار حبّك .. كما الميّ ..!
ـــــــــ إن ماشربته .... تشربه قبلك " الشمس " ...!

.

سامي الشمري

28-01-2008, 18:16

.

عيوني بير ...!

و فراقك " دلو " ..!

و أوجاعك أوجاع ..!

تجرّ الدمع .. ما ترحم

وتسألني من اللي باع ؟؟

يشقّ الجرح جيبه .. و يصرخ

من كشف عيبه ؟؟

من اللي زعزع الطيبه

و خلاني ؟؟

أنا الأوّل فـ ترتيبه

ولا جاني ..!

حكاااااااية جرحي مصيبة ..!

تناساني ..!

و قلبي ضاع ..!

حبيبي .. جرحي الليلة غريب ..!

أبحكي لك ... حكاية طبيب .. مالقى له طبيب ....!

كان يا ماكان " عاشق " ... !

كان في ذاك الزمان ...!

ملّته بيض الليالي ..!

وأتّجه .. لـ سوادها ..!

مات .. مدري حيّ .. مدري راح ..!

بسّ أنه بــ أمان .!

المهمّ أنه .. كتمّ نفسه ...!

على إسعادها ..!

و ملّته أوجاع ..!

و ليله اللي ضاع ..!

طار .. بأحزانه .. و ناره .. طار ..!

جرحه يزعزع كيانه .. و اغترابه جار ..!

إرتفاعه نار .. و إنحداره نار ..!

ليت لي قدره أنا أطرد هالحزن يا سيف ..!
.......................... و ليت لي قدرة أغيّر ... باقي الأوضاع ..!

جرحي دلالي و ليلي بيت و الأحزان ضيف
.......................... آتقهوى جرح قلبي و " أقدع " الأوجاع .!

قال : أفرح ..!

قلت : أشرح !

مابقى للجرح مطرح ..!

حبّ شاع .. و صااااار مسرح ..!

و تضحك الأوجاع ..!

:101:

سامي الشمري

03-02-2008, 19:30

لا أعلم لماذا عندما أتواجد في هذه الصفحة

أجد كل الأدوات الشعرية متواجدة أمامي ..!

و لو أني كنت آمل أن أكتب عباراة قصيرة

و تخرج معي بالنهاية قصيدة كاملة :)

سامي الشمري

05-02-2008, 20:13

http://www.alraidiah.org/up/up/20223085920080205.jpg

نعم ضايق ..!

و لازالت بيّ الأوجاع ..!

و مع جرحي توايق ..!

نعمّ

و الهمّ

يسكن مع فتيل الروح .. و يشبّ الحرايق ..!

يا فراش الهمّ أدري

جلستي .. من دون عذري

ماتفيد .....!

و الضياع اللي ملا صدري ..!

و أمتلا .. مع طول عمري ...!

مو جديد ....!

علميهم يا طيور الصبح .. وشّ كنّا نقول ..!

أنا .. و الهمّ .. و الحرمان .. و الضيقه ..!

علميهم ..!

كيف نجلس .. كيف نسهر .. وش نسولف به عليهم ..

علميهم ..!

أنا و الهمّ و الحرمان و الضيقه ...!
............................ تسابقنا .. من اللي يعشق الثاني ..!

أمانه .. يا فراش الهمّ .. أصبر لي شوي ..!

يمكن النومه .. تجيّ .. و تعدّل عليّ ..!

لا جديد .. أن قلت ضايق ..!

لا و الجروح اللي توايق ..!

لا جديد .......!

سامي الشمري

07-02-2008, 03:18

.

تستبيح الجرح .......... و تحلل كياني ..!
................... تعتذر للقلب ...... تستنكر جريمة ..!

صاحبي .. شفّ صاح بك باقي زماني ..!
................... من بعد مافزت ... ياشين الهزيمة ..!

.

سامي الشمري

07-02-2008, 19:58

هذي سنة عدّت ... و عدّت .. غرابيل ..! = أشعلت لك " شمعة حياتي " و جايب ..
حزن و هموم . و جرح .. و دموع منديل ! = و " باقة حزن " و الكرت في أسم " غاايب " ..!
مغلّفة من دمع ... و المحتوى ( ويل ) .! = فيها كلام ٍ يجعل الدمع " ذايب "
.
.
.

أشعلت بغيابك عيوني قناديل = و هبّت على صدري جميع الهبايب
و في غيبتك " شايب " أكل همّه الليل = و في غيبتك طفل ٍ سكن فيه " شايب "
و في غيبتك أسهر مع الجدي و سهيل = أسامر نجوم السماء .. و السحايب
أزعلت من شانك رجال ٍ حلاحيل ! = و أزعلت من شانك جميع القرايب
كفرت بك ( حزن و مواجع و تذليل ) ! = و رجعت لك مع " مورق الحب " تايب
جيتك .. و حظّي خايب .. و حبّك يخيل ..! = لكن رجعت .. و يرجع الحظّ خايب
( الليل و البيداء و الثالث الخيل ) = حزني و همّي و السهر لي حباااااااايب
أشيل جرح .. و ترجع تحطّ .. و أشيل != و أشيل .. و أنت تحطّ .. و الجرح .. عايب
قهويتني " بخلك " و قهويتك الهيل ! = و هذا أنا مازلت .. مازلت ذاااايب ..!
" كل عام و أنت بْخْيلْ " يا صاحبي حييييييل ! = و كل عام و غيابك يجيب المصايب
و كل عام .. و دموعي تجي كنّها سيل = و كل عام .. و عيوني تشوف العجايب ..!
هذي سنة .. عدّت .. و لكن ( غراااااابيل) ! = وشلون تحلى ؟ وأنت مازلت غايب ؟

1/1/2008 السـاعة 4 فقرا ً

سامي الشمري

07-02-2008, 20:19

هذا أنت .. !

كل ماجيتك .. تغيب .. !

و كل ماشفتك .. تغيب .. !

بيّض الله وجهك .. ولا هنت ..!

سامي الشمري

16-02-2008, 01:40

.

يغيب شعور بعض أحيان فيني ..!
........................... و بعض أحيان يملاني شعوري ..!

و بعض أحيان .. ما ألقى يديني
........................... و بعض أحيان .. ما هالطور طوري

و بعض أحيان .. ماودّك تجيني
........................... و بعض أحيان .. ما هالنور نوري !

تغيب سنين .. تتحسف سنيني
........................... تغيب شهور .... تتباكى شهوري ..!

أنا أدري أن قلبك هو عريني
........................... و تدري .. أنني فاقد ...... نموري !

و إذا ماجيتني .. تسكن بعيني ..!
........................... تأكد .. أنتهى للحبّ ...... دوري ..!

سامي الشمري

20-03-2008, 02:23

http://www.alraidiah.org/up/up/20561796120080316.jpg

جريدة الأنباء الكويتية - 16 مارس 2008 م

سامي الشمري

06-04-2008, 06:58

http://www.alraidiah.org/up/up/20674929020080329.jpg

و تتوارى مواجعنا ..!
أنا .. و القلب .. لك جعنا ..!

طفل .. أرسم حنينك .. يا حنين الأمنيّه بالصمت ..!
..................... قعدت .. أذكر ورودك .. يوم كانت .. في بساتيني...!

جفاف العمر .. خيّم بالضلوع . وشوفني أستسلمت
..................... غصب .. ماهو بكيفي و الحزن يعرف عناويني ....!

بعد ماغبت غيّبت الشعور و رحت .. ما سلّمت ..!
..................... و أنت أوّل .. تجي يمّ الشعور ... تحسسه فيني ....!

أخاف أنك بعد مدّة .. تجي .. و تثبعره هالصمت ..!
..................... أخاف أنك بعد مدّة ............. تدوّر .. ماتلاقيني ...!

سامي الشمري

15-04-2008, 14:41

.

لا تقاطع .. حطّ يدّي في يديك .!
.................. أرضي الرحبه .. تدوّر .. عن مطرك ..!

لا تقاطعني .. أنا ميّت عليك ..!
.................. ما أعتقد أنّي .. من أهل" الدينمرك" ..!

سامي الشمري

20-04-2008, 01:15

--------------------------------------------------------------------------------

وين أودّي وجهي من الحزن ..!

و الجرح الدفين ..!

قلت لك : لا تجرحين .؟؟

سامي الشمري

20-04-2008, 01:34

http://www.alraidiah.org/up/up/20838886620080417.jpg

جريدة الأنباء الكويتيّة .

سامي الشمري

09-05-2008, 01:08

.

يا غايبة .. عن مدار صويحبك .. عذبي ..!
..................... خلّي غرامي .. و لكنّ .. لا تخليني ..!

شوفي عيون الحزين شلون .. تشحذبي ..!
..................... ماتت يديني .. سببها .. مدّت يديني !

إن كان بك شكّ .. من صدقي و من كذبي
..................... بثّي جروحك .. تلاقيني .. تلاقيني ..!

يا موطن الهمّ .. تكفى .. طالبك .. خذّ بي
..................... مبطي عن الجرح .. و أحزاني تناديني

.

سامي الشمري

12-05-2008, 06:26

قال : ولّ ..!
وشوف لك بالحُب .. حلّ ..!

قلت : قلّي ..!
وين أولّي ..؟
دام .. ما أحدٍ بي يهلّي ..!

أنت قلّي .. وين أولّي ؟

سامي الشمري

12-05-2008, 06:30

.

العين تبكي الغياب .. و رمشها " رمّد " ..!
................. و الليل .. أشبه بـ قاضي .. ظالم .. بـ همّي ..!

علم الحزن في حنايا الصدر .... متجمّد ....!
................. إن جيت أبشكي ... يهدد .... في هدر دمّي ...!

مرّات أحسّ الحزن .. يجتاج .. متعمّد .....!
................. و مرّات أحسّه يضيق ... و يتّجه .. يمّي .....!

الحزن .. يجتاح صدري غصب .. يا محمّد .!
................. مثل البحر ... لا صفق موجه .. على يمّي ....!

سامي الشمري

14-05-2008, 11:55

http://www.alraidiah.org/up/up/21058338520080512.jpg

تمتلي دنياي .. من حزن .. و قهر ..!
......... و من عيونك .. لا ..ولا هيّ أمتلت ....!

شفّ عيوني . كيف به طال السهر . !
......... شوف كيف أفراح عيني ... أنجلت ....!

تمتلي .. من دمع .. جاري كالنهر ..!
......... و المصيبة .. من نظر عينك .. خَلَت ..!

تصوير + إحساس / Sami

سامي الشمري

23-05-2008, 11:25

.

يا أناني .....!
ليه تتحدّى زماني .....!
و تسرق أفراحي و تروح ..!
و تعشق شخص .. ثاني ........!

.

القلوب اللي معي من أوّل وفت ..!
................ يختلف هالكون ... تصبح جارحه ..!

كل ماشبيت شمعة .... أنطفت .....!
................ الهوى الغدّار ... شمعي طارحه ...!

لا جروح تطيب ... لا عين نشفت .!
................ الزمان المرّ ..... كيف آصارحه ..؟

ضحكتي يا حاضري .. لو هي صفت
................ ترجع لماضيك . تضحك سارحه ..!

ليه عينك .. يا بعد عيني .... جفت .؟
................ ليه تعطي درسّ ... يِتْعبْ شارحه .!

العيون الساهره ... شفها .. غفت
................ علمها بالنوم ...... قبل البارحه ...!

و القلوب الجارحه .. مهما صفت
................ باقية في " موق عيني " جارحه ..!

....

يا زماني ..!
كيف .. يقهرني أناني ..!
و يترك فـ قلبي جروح ..!
و يعشق شخص .. ثاني .!

....

أشكي إلى الهمّ ... ولا الهمّ .. يشكيلي ..؟ = كلٍ على همّ غيره .. يشكي الثاني ..!
ملّيت .. أرسم حزن .. في فنّ تشكيلي ...! = حتى أصبح الدمع .. يسكن وسط شرياني ..!
و مادام ليل المواجعّ .. همّ .. مركيلي ..! = مالي سوى رجعتك ... كانه بينساني ...!
يا مُغلقة باب حبّي هييييييييه .. فكّيلي ..! = شوفي غياب المحبّه .. وين ودّاني ..!
من أوّل أبكي عليك ... و صرت .. أبكيلي ..! = وشلون مجني عليّ .. و صرت أنا الجاني ؟؟

....

يا حناني ..!
ودّي بدعوة زماني ....!
" ليت أنا جرحي يروح " .....!
و يسكن شخص .. ثاني ..!

....

http://www.alraidiah.org/up/up/20674929020080329.jpg

طفل .. أرسم حنينك .. يا حنين الأمنيّه بالصمت ..!
..................... قعدت .. أذكر ورودك .. يوم كانت .. في بساتيني...!
جفاف العمر .. خيّم بالضلوع . وشوفني أستسلمت
..................... غصب .. ماهو بكيفي و الحزن يعرف عناويني ....!
بعد ماغبت غيّبت الشعور و رحت .. ما سلّمت ..!
..................... و أنت أوّل .. تجي يمّ الشعور ... تحسسه فيني ....!
أخاف أنك بعد مدّة .. تجي .. و تثبعره هالصمت ..!
..................... أخاف أنك بعد مدّة ............. تدوّر .. ماتلاقيني ...!

سامي الشمري

31-05-2008, 21:33

http://www.alraidiah.org/up/up/20900243920080424.jpg

ثلاث سنين ... و الدنيا تدور .. و خاطري مكسور ..!
..................... أمانه .. ماتخاف الله .. ثلاث سنين ... بغيابك ؟

ثلاث سنين .. و الهمّ الكبير ...... فقلبي المقهور ..!
..................... و أنا واقف حزين .. و مرتكي بهمّي على بابك

سامي الشمري

06-06-2008, 22:56

http://www.alraidiah.org/up/up/21278212920080606.jpg

مجلّة وضوح .. العدد الأخير " العدد 29 "

سامي الشمري

17-06-2008, 20:23

http://www.alraidiah.org/up/up/21218382120080531.jpg

الهـوى غـلاّب .. و العالـم نيـام
يا بقايا قلبي .. النـاس أشتكـت .!

لا تصيح و تزعج العالم .. حرام ..!
المحاجر من عنا الدمـع .... هلكـت

مابقى في مرقب أغصانـي .. حمـام
طارت أسراب الحمام ... و لاحكـت

عانقت روح السماء .. فوق الغمـام
و العيون اللي تناظرها .... بكـت .!

كـل ماشبيـت نـاري .. بالـظـلام
الهموم العوج .. بالصـدر .. بركـت

و كل مالامست .. أطـراف السنـام
شفت سخف الأرض لاطحت ضحكت !

كل جرحٍ .... يفتح بدربي .... كلام !
و كل خطوة من عمى الحزن سلكـت

الليـال الموحـشـة .. والإنـهـزام
أكذب أن قلت بخفوقـي مـا أدركـت

إلا جتني .. و حرمت عينـي المنـام
شفّ كفوفي من عنا الحـزن فركـت

كان تسأل .. وينها .. ووين الغـرام
شوفها .. في داخل القلب .. أرتكـت

و سافرت يـمّ السمـا روح السـلام
و الشجر واقـف و يبكـي ماسكـت

أنتـ/ تهت و انتهت ... قصّة حمـام
لاخذت منّي .. ولا شيء تركـت ..!

10 أغسطس آب
كان الهوى غلاّب
كنت أنتظر .. و آنا أنتظر ..!
بسّ الوعد كذّاب ..!

http://www.alraidiah.com/vb/images/smilies/91.gif

سامي الشمري

17-06-2008, 20:32

هاني العجل ..!

لك هالوردة http://www.alraidiah.com/vb/images/smilies/91.gif

سامي الشمري

21-06-2008, 01:52

http://www.alraidiah.org/up/up/21278934420080607.jpg

يا خيّي الفقر .. شيّب بي .. و أنا طفله ..!
وأنا غنيّه .. بـهالأحزان .. يا خيّـي ..!

لا أب ... لا أم .. لا طيرٍ .. أرفرف له ..!
الليل كاتم نهاري .. ولا أنكشـف ضيـي

تعبت أنا حزن .. و أتنفس . و أف أف له
و الأرضّ .... كنّه تباخل فـي خطاويـي

الجوع .. كافر .. و أنا أختك .. لأوقّف له
الله ورانا .. على الدعوات مـا يعيّـي ..!

...
..
.

أمدّ يدي على الناس ..!
على الله .. ينكشف إحساس ..!
لو هم عطوني ألماس ..!
الله كتب لي فقر ..!
نرجع .. إلى الإفلاس ..!

...
..
.

يا خيّي الناس .. ماترحم ..!
.............. و أنا على الجوع من صغري ..!
الفقر .. لي شايبٍ أبكم ....!
.............. كنّي أشيله ..... على ظهري ..!
بلاش أبكي له . و أشتم ..!
.............. حبيت هالفقر ..... من فقري ..!

...
..
.

تعال أرتح .. على رجّلي ..!
و ناظر .. للبشر ..!
و أملي عيونك فقر ........!
و أنا أطلب الله لك ...!
" يالله عسى ما ينقهر "..!

...
..
.

بس أنت أمشّ ..!
و على الله .. يجفّ الرمش ..!
خلنا .. مع الفقر أخوان ..!
أصل الغنا .. خوّان ..!
لو كان فيه الخير ..!
ما راح يمّ فلان ..!
ولا راح يمّ فلان ..!
ولا راح يمّ فلان ..!
ولا راح يمّ فلان ..!

...
..

http://www.alraidiah.com/vb/images/smilies/91.gif

سامي الشمري

21-06-2008, 17:15

هناك شاعر .. في المضايف ..

يُقال له " بدعه "

أتمنى .. أتمنى .. أتمنى .. أن تحافظ عليه المضايف

ولا تفقده .. مثلما فقدت الكثير من شُعراءها ..!

قال ذات مساء هذا البيت الذي أعجبني جداً ..!

غمست يـ دين الوضو ...بي واذنت ..
......................... وصلوا معي ثلثين .. من ربع ... صدري

.

سامي الشمري

22-06-2008, 01:58

http://www.5foq.com/vb/uploaded/9055_1163121175.jpg

باقي أصبع ... و نتفارق ..!
أييييييييييه أنا بالدمع غارق ..!

أنت فيني ..!
خل يدّك في يديني ..!

لا تفارق ...........!

سامي الشمري

22-06-2008, 02:06

.

أدري يا الحزن .. اتّأمّل ..!

لا تناظر .. فيني كمّل ...!

شاعرٍ .. من فرحته ....!

يا للأسف .. أنه ترمّل ..!

و أنت فيني .. اتأمّل .؟؟

يالله كمّل ..!!!

سامي الشمري

23-06-2008, 01:06

أضغط على الصورة
http://www.alraidiah.org/up/up/21305265720080610.jpg
جريدة الأنباء الكويتيّة
أضغط هُنا (http://www.alanba.com.kw/ArchivePDF/PDF-FILES/2008/06/10-06-2008/28%20-%20الواحة.pdf)

سامي الشمري

30-06-2008, 06:56

.

شف طوّلت .. عضّت الناجد ..!
......................... و هموم قلبي .. تولّتني ...!
مافادني الحلم يا ماجد ...!
......................... ولا اليدين اللي شالتني ...!

.

سامي الشمري

01-07-2008, 00:32

.

أخييه يا وقت الفرح و السعادة ..!
............. تجهل ملامح وجهي اللي عرفته ؟

أوّل عيوني ماتعرف النكاده ....!
............. و اليوم دمعي لأجل عينك ذرفته

.

سامي الشمري

01-07-2008, 22:06

تعب ..!

ولا قدرت .. معنى التعب ..!

هي جمّعتني .. حوّلتني .. إلى بعض اللُعب ..!

مرّة تخليني هنا ...!

و مرّة تخليني هنااااااااك !

مرّة تكسّرني .. !

و تحذف مابقى من قلب .. و أشياء من حزن ..!

و أبقى أدوّر لي وطن ..!

مادام خاين هالزمن ..!

الوقت .. يا سلطان .. يآخوي ... ما أقساه
........................... عطتني الدنيا فرح .... ماخذيته ..!

تصدّق أني

.. من كثر ...

.. ما أبي أنساه ...!
........................... نسيت أنّي في .. حياتي نسيته ...!

و في قلبها .. يبقى وطن ليّ ..!

لكن مُغتصب ..!

سامي الشمري

04-07-2008, 01:54

.

إن كنت ناوي غياب .. و ناوي الفرقى ..!
........................... أرحل ... و لكن أمانه ..!
.......................................................... لا تخليني ..!!

سامي الشمري

07-07-2008, 13:05

.

درهم بي الحزن ..!

و ضايق مابقى بي من حياة ..!

و صرت .. في زاوية جرح المشاعر .. أبكي لحالي ..!

/
/

و أتصبّر ..!

و الصبر .. محتاج .. يصبر ..!

و الجروح الماضية .. تبكي .. و تكبر ..!

/
/

و رحت يمّه .. مالقيته ..!

و نومي يضيّع مبيته ....!

كيف أنسى ؟؟

والجروح الماضية تبكي .. و تكبر .. حول بيته ؟؟

.

سامي الشمري

09-07-2008, 01:53

الصفحة الثالثة من ذكريات جود

لم أقرأ ألم في صفحات الأنترنت طوال حياتي الأنترنتيّة الـ 8 مثل هذا الألم ..!!

ماذا فعلتي بنا يا جود ..؟؟؟

رحمه الله و أسكنه فسيح جنّاته

سامي الشمري

09-07-2008, 10:03

/
/

يعني عشان الشوق .. ماينتهي فيك ؟
كذا .. تحوّل هالخيال ..... لـ حقيقة ..؟

يا صاحبي .. كزّ العتب عن محاتسيك
ترى العتاب .. يشبّ فيني حريقة ..!

ماغبت عن بالي .. ولا غاب طاريك
ولا غاب زولك عن خيالي ... دقيقة

و أدري تحسب أن القصيدة تجي فيك
بعض القصيد أحيان ... ماهو حقيقة

/
/

سامي الشمري

13-07-2008, 05:27

.

الليل .. لامن خذالك صاحبٍ .. يعطي ..!
........................ و الجرح .. لامن عطاك الآه ... لا تنسى :

أن البحور الغميقة .. بالسفن.. تخطي
........................ و تحط بك .. في شواطيء الهمّ و المرسى

يا جرح .. تكفى طلبتك .. بيّ .. لا تبطي
........................ و إن كان طوّلت بيّ ... طالبك .. لا تقسى

.

سامي الشمري

15-07-2008, 03:51

.و جتني ...!و على شان قلبي ...!و رمتني ..!.

سامي الشمري

19-07-2008, 03:46

.

العين تعسف دمعها .. دون خيــّــــال ..!=و الهرج يعجزّ عن كــلام اللباقة ..!
.
هات الدلال .. و بهّر القلب .. فنجال ..!=و أشرب معي يا صاح .. هيل الصداقة .!
.
كان الغيّاب ... اللي كسر .. خوّتك طال ..؟=وش حيلة اللي غاب ... عنه أشتياقة ..؟
.
تعال .. و أنظر .. كيف دوّنت .. تمثال ..!=من جرحي اللي قابــلا ً .. للإعـــاقـة ..!
.
كم من صديق ٍ . يزعله قول .. أو قال ..!=و كم من رفيق ٍ جاهلا ً ... للرفــاقة ..!
.
وكم من عزيز ٍ صفّ مع صفّ الأنذال ..!=و كم من سهمّ صوبي جهزّ لإنطلاقة .!
.
ما أرتحت مع عم ٍ ولا أرتحت مع خال ..!=ولا أرتحت مع قلب ٍ رفضت أعتناقـة ..!
.
إلا أنت ... يا سيد المغاوير ... الأبطال ...!=حــتى بمرّك شفت .... حلو الصداقة ..!
.
كان الزعل .. ياصاحبي .. بيننا حال ..!=ماعاد لي من بيــن الاصحاب ناقة " .!
.
و كان الغياب اللي جرى بيننا طال ..!ما أعتقد أني .... كسبت .. العـــلاقــة ..!
.
لو المحبه تنشرى بجاه . أو مــال .!=رصدتّ لك مليون .. طاقة .. و طــاقة ...!
.
أنت الورود الزاكيـه .. ريحها جال .!=لا و الله ألا أنت .. يا صــاح .. بــاقـة ....!
.
أن قلت لك قول ٍ . تعاكسه الأفعال .!=أعرف ترى قلبي ... قبلت .. إحتراقة ....!
.
خذها عهد منـّـي ولو هالزمن طال .!=ما أنسى رفيق ٍ .. معتنـى بالرفـاقة ......!

من الأرشيف .....

سامي الشمري

20-07-2008, 11:10

.

يخرب بيت الذلّ ... شو بيحبني ...!

:)

.

سامي الشمري

22-07-2008, 07:33

.

يخرب بيت الحُب .. شو بيذل ...!
...................... و يخرب بيت الذل .. شو حبني ..!!

مدري هو الحُب .. صار أنذل ...!
................... ولا ..... من اللي ... مصاحبني ...!!

.

سامي الشمري

10-08-2008, 02:31

.

أبي إحساس ..!!!!
أبي لي ناس ..!!!!
أبي لي شخص .. مايطعن ..!
مثل جسّاس ..!!!!

أبي إحساااااااس ...!!!

.

سامي الشمري

18-08-2008, 10:46

.

يا فراشي .....!

من كثر ما آنا عليك ...
و من كثر ما أسهر عليك ..!
شفتك بـ حظني .....!
و غاشي ...!

نام .. فيني يا فراشي ....!

.

سامي الشمري

21-08-2008, 09:08

.

ظلما ...!
و أنا ياقلب .. أعمى ....!
و هي ظلما ..!
و أنا أعمى ...!

و أنا اللي بالهوى أضماء ..!

.

سامي الشمري

28-08-2008, 00:09

,

يا صاحبي .. و الحال .. ما يُعتبر حال ...!
ـــــــــــــــــــ صاحبك .. من كبر الألم ... طاح .. حيله ...!

إن كنت تنشد .. عن جروحي .. و الآمال
ـــــــــــــــــــ هذي جروحي .. مثل ماهي .... عليله ......!

60 ليلة ... أرتمي ... فوق الأطلال ...!
ـــــــــــــــــــ شهرين ... و دموعي .. تجي .. كل ليله ...!

,

سامي الشمري

30-09-2008, 14:01

.

كل عام .. و أفراحي بخير ..!
......... و آنا الخير .. لـ كل العام ..!

يا عمّ .. يا حزني .. طير ..!
......... ودّي أفرح ......... لو أيام ..!

.

سامي الشمري

21-10-2008, 17:58

.

هذا الحزن .. يا صاحبي .. مو ضدّي ..!
ــــــــ وشلون هو ضدّي .. و هو يشبهني .؟

إذا حضر .. أفتح .. سنابل .. يدّي ...!
ــــــــ و إن غاب عنّي .. أبكي و يولهني .!

هو السنين اللي مضت .. و يعدّي ...!
ــــــــ هو الحياة المقبلة ... هو رهني ...!

تدري .. وش اللي .. يُعتبر من ودّي ؟
ــــــــ ودّي .. يحبنْي .. كثْر ما يكرهني .!

سامي الشمري

22-10-2008, 17:47

ـ

آآآه .. و جروح .. سكنت فيني غصب ..
ــــــــ مانفع تسكيرها كل الخيوط ...!

و الدموع .. اللي من عيوني .. تصب ..
ــــــــ تنهزم في شوط و تعوّض بشوط

لا يغرّك .. شكلي اللي منتصب ..!
ــــــــ صح واقف .. بس آيل للسقوط ...!

ـ

سامي الشمري

06-11-2008, 17:50

تصدّقين ..؟؟

إن قلت لك ..

إنّي حزين ..؟

؟

سامي الشمري

20-11-2008, 09:32

أفا ..!
تعترف بالبرد ..!
تحرمني الدفا ..!
.
.
ماحسبتك بالخفا تخفي عليّ ..!
إنّك البردان .. و ماني لك دفا ..!
.
.
يااا .. أفا ..!
ليه .. ماجاني الوفا ..؟
ليه .. رمشك .. ألتفت يمّي .. يطالع بي .. و غفى ..!

كنّي اللي ماله بقلبك وجود ..!
و أنت تدري .. أنك بقلبي دفا ..!

و كنت أحسبك .. عِلم ..
ماحسبتك حلم ..
ماتخيّلت أني أنطق فيك .. أي كلمة " أفا " ..!

بس أفاااا ..!!

كنت أحسبنك بدايات النهاية ..!
.......... ماحسبتك .. بالنهاية تبتدي ..!

طار كل اللي جمعته من وراية ..!
......... ماتركت إلا المواجع .. في يدي ..!

كان عيدي .. بيت و أحزاني ولاية .!
......... والحزن ... بادي معي من مولدي ..!

كنت أكتب للحزن .. أجمل رواية ..!
........ كان عنوان الحزن .. " جرحٍ ندي " .!

كنت تايه .. لين أعلنت البداية .!
........ للفرح .. لكن حسافة .... سيّدي ...!

أيه أحبّك .. لكنّي أنّي كنت تايه ..!
........ تايهٍ .. بالحزن .. تااايه بسعدي ..!

أيه أحبك .. أيه داري .. يا غلايه .!
........ إن حظّي .. دايمٍ .. حظٍ ... ردي ...!

كنت خايف .. ترحل .. و أبقى معايه
........ و كيف أصارع نفسي ... و آنا وحدي .!

أيه رافع للحزن 2000 رايه ...!
........ و أيه تارك للفرح .... كل جهدي ..!

أيه باقي لي معك .. آخر حكايه .!
........ ودّي أثبت .. أن موتي ... مولدي ..!

روح .. ماباقي معك إلا النهاية ...!
......... دام حزني صار .. حزنٍ .. سرمدي ..!

ما أنافق ..!
و أنت تدري بـ وعدي ..!

أيه أحبّك ..!
و أنت عارف مقصدي ..!

قصدي أنّي .. ما أخونك كان قلت..!
......... إن " قلبي لك " و الماضي طفا ..!

و الله أنّي .. من عرفتك .. ما سألت
......... لأنّي أدري .. أنك أكبر .. من جفا.!

و صرت أدري ..
أنّك أكبر .. من وفا
و صرت مثل الشمع ..
لكنّه طفى ..!

ولو سألني الناس عن أسمك ..

أجاوبهم " أفا " ..!!

...............................

" ملاحظة هامّة جداً "

هذا النصّ .. كيبوردي .. كُتبَ .. بلا شعور ..!

الأربعاء .. ( 19 / 11 / 2008 )
الـ 4 و الـ 34 دقيقة .. فجراً ..!

الخُبر
قبل نافذة شقّة عزوبي .. تطل على الشارع ..

.

http://www.mlame7.com/vb/images/smilies/14.gif

سامي الشمري

21-11-2008, 08:14

الليل .. و الهمّ .. و العبرات .. و شموعك
....... في طاولة حزن .. أجمع باقي شتاتي .!

أيّام .. مرّن .. و أنا في طاري رجوعك ..!
....... أمنّي النفس " يمكن .. يرجع و ياتي "

كنت أحسبك .. ماتخلّي يوم .. موجوعك ..!
....... لكن حسافه .. رحلت .. و متّ بسكاتي

نُفيت .. و الناس .. تحطب داخل ضلوعك ..!
....... ( و حطّموا كُل أشيائي العزيزاتي )

سامي الشمري

28-11-2008, 08:43

.

تدري بأن القلب .. ذا يعني لك ..؟
ـــــ و قلبي ولا يعني .. ولاني همّك ..!

إن كنت ناوي تبيعني .. بعني لك
ـــــ على الأقل أروح منّك ... يمّك ...!

.

سامي الشمري

29-11-2008, 07:18

http://www.alraidiah.org/up/up/22698041720081118.jpg

http://www.alanba.com.kw/AnbaPDF/NewsPaper/2008/10-Oct/7/waha7102008.pdf

جريدة الأنباء الكويتيّة : 7 أكتوبر

سامي الشمري

07-12-2008, 05:07

قصيدة لـ شاعر ميّت

البارحه و الليـل .. هـزّ أمنياتـي ..!
ــ كنّه يوديني علـى الحـزن و أنتـي :

طفلة .. تحطين التعب في شتاتـي ...!
ــ لنّك على هذا التعـب حيـل " منتـي "

كنتي تغنين الحزن .. في سكاتـي ...!
ــ و تدرين أنك في سكوتـي ... مكنتـي

قلتي : تخيّل مـتّ ؟ قلـت : بحياتـي
ــ و الله لا أسمّّي لأجـل عينيـك بنتـي

قلتي : أبعطيك الفـرح قلـت : هاتـي
ــ و أنتي على هالضحك .. صنتي و عنتي

كنتـي إذا غبتـي ثوانـي .. أحـاتـي
ــ و كنتي إذا غبتي دقايق ... رهنتـي :

أحزان في صدري .. تنـادي لـذاتـي
ــ و الذات في صـدري ينـادي ( لـ.. )

و قبل أمس متّ .. و باقيـة ذكرياتـي
ــ مابي تدفنينه .. مع اللـي دفنتـي ..!

و من قبل لا آفارق .. تنادي " شفاتي "
ــ أنا أحبببببك .. يا ذرى الحال يـا أنتـي

و أذكر قبل لا أموت قلـت بوصاتـي :
ــ ما أبي أحد يحزن .... كثـر ماحزنتـي

و أنتي على هذا العهـد .. يـا مُناتـي
ــ يكفيك .. أنك لين هالحيـن .. صنتـي

أنتهى هُنا ...!

بعد يومين ..!

فاق من الغيبوبه و قال :

البارحه شفتك معه .. في وفاتـي
ــ و أنتي معي كنتي .. و كنتي و كنتي

كنتي معي مثل الصخر .. يا غانتي
ــ و البارحه .. شفتك معه حيل لنتـي

و الدفتر اللي محتضن ذكرياتي ...!
ــ ليه يتقطّع .. و أنتي اللي حضنتي ؟

هذي خيانه عشتها .. فـي حياتـي
ــ الله (***) ( خيّرك ) ليه خنتـي ؟

بعدها ماااااااات

..........................................................................

قال ولّ ..!
وشوف لك بالقلب .. حلّ ..!!!

قلت : قلّي ..؟؟
وين أولّي ..؟
دام ما أحدٍٍ بي يهلّي ..!
أنت قلّي وين أولّي ..؟؟

http://www.alraidiah.org/up/up/22802094920081130.jpg (http://www.alraidiah.org/up/up/22802094920081130.jpg)

الطريق اللي يمرّه إنعطاف ..!
ـــ عطّل اللي ناوي يسيّر عليك ..!

جيت .. لكن شفتك بـ ثوب الزفاف
ـــ و خاتمٍ يشنق حياتي بأصبعيك

جيت يمّك جيت بس الوقت .. طاف
ـــ ماتوقعتك تركتي .. من يبيك ..!

ليه ؟ يا أثقل حزن و أجمل خفاف
ـــ و أنتي أوّل حاسبتني لك شريك .!

هو صحيح أنّي على وصلك .. أخاف
ـــ بسّ أنا .. من دمّ قلبي مشتريك .!

آآهـ ..!

قلبي وصّل لـ حدّ الجفاف ....!
ـــ يشتكي منّك .. و يمّك يشتكيك ..!

الحكاية .. وصّلت لـ آخر مطاف
ـــ أرحلي .. لكن أمانه .. في يديك

أذكريني ..!

ليا كسى وجهك .. لحاف ...!

و أذكريني ..!

ليا فركتي ... راحتيك ...!

و أذكريني ..!

ليا قسى وجهك .. و شاف :
ـــ كل هدايا صاحبٍ .. كانت تجيك ..!

النصيب .. أختارك لـ غيري .. عفاف ..!
ـــ ولا أنا ..؟؟ ضاعت حروفي .. ترتجيك ..!

عذّبيني ..!

و ألبسي ثوب الزفاف ..!

ثوبك لـ غيري .. مهو لايق عليك ..!

سامي الشمري

07-12-2008, 05:17

آخر نصّين هُنا ..!
هم آخر ما أكتب من شِعر ..!
لأن .. لا يوجد هُناك ما يستحق الكتابة ..!!

لأنّي فقدت كل الشعور ..
و لأنّي .. فقدت كُل شيء ..
و لأنّي أملك .. كل هذا الحزن ..
لا أودّ أن أتسبب لـ نفسي أزمة قلبيّه ..
لـ علّي أرحل .. و أجد نفسي يوماً ما ..
و أبحث عن ذاتي ..
و أمنياتي ..
و لـ علّي أستطيع أن أمسح كُل ذكرياتي ..
لم يعد لي شيء معكم ..

أنا هُنا .. أسلّمكم هذه الصفحة ..
و أعلم أنها ملطّخه بالحزن ..
فـ إعلموا .. أن كُل ماكٌتِب فيها هو شعوري الحقيقي ..

أعتذر لكل من قرأني ..!
و أعتذر لـ كل من أسأت لهم ..
و أعتذر " لي " من كل من آساء لي ..!

سـ أعتزل كُل شيء ..
و أبحث عن نفسي التي أعتزلتها منذ خمس سنوات ..

لـ علّّي أجدها مجدداً ..!

شكراً لـ كُل من كان هُنا ..
شكراً لـ كًل من عرفتهم هُنا ..
شكراً لـ كل من لا أعرفهم و هم يعرفوني ..
شكراً لـ هذه الصفحات التي جمعتني بِكم و حلقت بها معكم ..

لن تكون هُناك عودة أبداً .. أبداً ..!

تسجيل خروج نهائي