خالد الوقيت
24-10-2007, 14:26
هذي قصيدة "هم ذكّّّروني " كتبتها قبل سنوات لما انتصف الوسم ونزلت في شريط هبوب الشمال بصوت ابو عبد المجيد واليوم انقلها تفاؤلاً ولعلّها تعجبكم
.
الوسم قرّب يالصبيحي نصــــــيفه = والجو خبرك والمرامــــــيث يبّاس
واذنوبنا غطّت بياض الصحـــيفه = لو تنحسب ياصاحبي ماله اقياس
يارب لاتجعل خـــــــطانا نكيفه = ياواحدٍ عدله للانــــسان نبراس
يا الله بمزنٍ هايلٍ في صــــــــفيفه = لاشافه الشايف تبـشّر بالاوناس
برقه يشوق المستخيل برفيــفه = ورواعده ترزم مثل صوت الاجراس
اسبوع ما ياقف علـــــينا وكيفه = يودع مساهيب الخلا كلها اوطاس
من عقبه الاوطان تصبح مريفه =.وتلبس من صنوف الحيا زين الالباس
غرضك خوّة كل نفسٍ شـــريفه= اهل الشكاله والجـــــماله من الناس
لاجوّا في دِعْـبٍ نظيفٍ غريــفه = والورد باطـــــرافه من النود مِيّاس
ثم اضرموا بالرمث نارٍ كثــيفه = وداروا حواليـــها على الزل جِلاّس
وصفّوا بها صفر الدلال الهديفه = اللي مباهـــــــرها تعايط بالانفاس
فنجالها يبرد غليلك رشيـفه= عقب الغثا ويصحْصحك عقب الاعماس
وسوالفٍ في كل فنٍّ طريـــــــفه = ماهي سوالف كل غـــــاوي وهلاّس
هم ذكروني في ليال النشيـــفه =واخذي بها من سجّة العمر مرواس
ايام ربعي للمـــطارد لهيفه = تضرب على التأخير باخماس واسداس
تال الشهر والجيب تسمع وحيفه = يم الحزيم ويـــم نزّاح الارماس
اديار لو هي يالصبيحي مخيفه =لاهل الولع خابر تباسيط واوناس
ذكرى لها عيني تهامل ذريفه = والقلب يسبح في بحر كل هوجاس
.
.
الوسم قرّب يالصبيحي نصــــــيفه = والجو خبرك والمرامــــــيث يبّاس
واذنوبنا غطّت بياض الصحـــيفه = لو تنحسب ياصاحبي ماله اقياس
يارب لاتجعل خـــــــطانا نكيفه = ياواحدٍ عدله للانــــسان نبراس
يا الله بمزنٍ هايلٍ في صــــــــفيفه = لاشافه الشايف تبـشّر بالاوناس
برقه يشوق المستخيل برفيــفه = ورواعده ترزم مثل صوت الاجراس
اسبوع ما ياقف علـــــينا وكيفه = يودع مساهيب الخلا كلها اوطاس
من عقبه الاوطان تصبح مريفه =.وتلبس من صنوف الحيا زين الالباس
غرضك خوّة كل نفسٍ شـــريفه= اهل الشكاله والجـــــماله من الناس
لاجوّا في دِعْـبٍ نظيفٍ غريــفه = والورد باطـــــرافه من النود مِيّاس
ثم اضرموا بالرمث نارٍ كثــيفه = وداروا حواليـــها على الزل جِلاّس
وصفّوا بها صفر الدلال الهديفه = اللي مباهـــــــرها تعايط بالانفاس
فنجالها يبرد غليلك رشيـفه= عقب الغثا ويصحْصحك عقب الاعماس
وسوالفٍ في كل فنٍّ طريـــــــفه = ماهي سوالف كل غـــــاوي وهلاّس
هم ذكروني في ليال النشيـــفه =واخذي بها من سجّة العمر مرواس
ايام ربعي للمـــطارد لهيفه = تضرب على التأخير باخماس واسداس
تال الشهر والجيب تسمع وحيفه = يم الحزيم ويـــم نزّاح الارماس
اديار لو هي يالصبيحي مخيفه =لاهل الولع خابر تباسيط واوناس
ذكرى لها عيني تهامل ذريفه = والقلب يسبح في بحر كل هوجاس
.