مدينة الملك عبدالعزيز الطبية ..!! اخلاقيات تختور

[ريال الفسحه]

بسم الله الرحمن الرحيم



عذرااااا على التواجد المتكرر <== طيب يا اخي ضف وجهك ولانشوفك هنا :)

المهم يالربع هذي السالفه والله لم اتوقع بيوم اني اكون بهالموقف لكن قدر الله
وماشاء فعل وصدق الشاعر الذي قال

الليل والخيل والبيداء تعرفني
........والرمح والسيف والمستشفى ودكتوروه


:goooood:


اليوم داومت دوامن طبيعي وطلعت طبيعي وتغديت العصر كالعاده :g:
ويوصليت المغرب وتقهويت وشربت شاهي منعنع من نعناع حاااااايل


تحيه للعجوز اللي تبيعوه بعقده :goooood:


لقيت اخون لي بالمتوسطه منزوي بحدا الغرف ومريض قلت شنوحك يافلان
قال بطني بوه مغص ووووو ...الخ
تاكدت انوه اكلن شي بفسحه المدرسه قلت لوه بعد العشاء اصلي واوديك
للطوارئ وتاخذ لك دواء ..


توجهت بعد الصلاة مباشرة لمدينة الملك عبدالعزيز الطبيه بالاحساء ودخلت
الطوارئ وعطيتهم الكرت ( بطاقه المعالجه ) ودخلت غرفة الانتظار ومن شدة
الزحمة يالله لقيت لي كرسي فاضي وجلست يمار بوه شايبن شمري جاي
من الساعه سبع يعني قبل العشاء ..
قلت اجل متى اطلع انا :puzzled:
والله واسولف معوه وهو معلق هذولاء لوق هذولاء مايستحون اللي مايخاف من
الله مايخاف من الناس والغرفه ملياااانه وانا اي والله صادز ياعمي اي والله انهم
لوق :) ..


الكادر الطبي بالطوارئ لهذه الليله اجنبي ( فلبين باكستان الهند اليمن مصر )
المهم نادوا على اخو ريال قلت قم جاك الفرج خذو الحراره والضغط وقالو انتظر


دقيقه ... ثنتين .. عشر .. عشرين .. نص ساعه ساعه



كل هالوقت مانادوا ولا شخص من اللي جالسين ينتظرون طلع البعض وعقب نادوني
مع اني اعرف ان قدامي قرابت الخمس معالجين هذا غير النساء المهم دخلت اتى
الممرض قال للدكتور بالانجليزي ظنا منهم اني ما اعرف انقليزي لكن وييييين طاحوااا
بلهم داهيه


والله يالربع بالحرف الواحد انقل لكم ماقال طبعا ابجيب لكم بالعربي يعني الترجمه ..!


الممرض :- يادكتور لو سمحت نبيك تتعاون مع المرضى فغرف الانتظار ملييئة ؟
الدكتور :- خلهم ينتظرون ..
الممرض :- يادكتور بس ...
الدكتور :- انا علي اني اخذ راحه واشرب قهوه واذا صارت لجه برا وزحمه اعالج وارجع
ونفس الشيئ لين يحتجون من الزحمه ....وهكذا ..
الممرض :- بس يادكتور المرضى كثار
الدكتور :- خلهم ينتظرون ..


هنا طارت عيووووني وراعيت لوه حس اني فهمت قال للمرض اطلع برا ..!


خليته يعالج اخوي ويوم كتب الدواء وعطاني الوصفه :)


قلت تعاااال ياتختور :)


وش هالكلام الي سمعته بالله هذي اخلاقيات دكتور

قال انا داري انك فهمت ومشى وخلاني لحالي
طبعا راح يشرب قهوه ..


صرفت العلاج ورحت لشؤن المرضى واذ بالشايب الشمري
يخانقهم :) اخر شيئ وصلوا معه انهم يحبون خشمه وراح
المسيكين ووقفت اناظر لمدير الشؤن قال خير يالاخو


قلت له السالفه كااااامله


قال انت خلصت قلت ايه قال تعوذ من ابليس وسامحه ورحه


؟



قلت غريب هذا وانت سعودي المهم بعد محاولات منه اني مااشتكي
يحسبن مثل الشايب :d:
قلت والله لو تنقزون شاتسيه شاتسيه هاللوقي ..!

قال خلاص ومعه بالمكتب واكتب لهم شكوى والله انه بورقتين ويالله كفت :goooood:


شوي الا جايبن لي دكتور سوداني جراح وثاني مدري وش جنسيتوه بس اكتنه
باكستاني ويقولون الدكتور فلان ( طبعا اكتشفت انه يمني الجنسيه ) غلطان
ونبي نجيبه يعتذر لك قلت لاتشوفوه عيني ..
قالوا قال تعالى ( واما من عفى واصلح ...)
قلت المؤمن للمؤمن كالبنيان المرصوص والسالفه مهي علي انا بس ومهو بس
ريال المتضرر بل الاف المرضاء ..



كتبت الشكوى وسلمته للمدير بعد ان تعرفت على اسمه وقال الشكوى باذن الله توصل
بكرا للمدير وراح نتصل بك ونعلمك بالاجراء المتخذ ..

قلت انا اشهد عليك الله وتراه طلعت من ذمتي وبذمتك


قال لاتخاف عز الله خوووش ولد :goooood:







\



الان والله يالربع اني اراوي اني انكس للمستشفى واعض هالبيطري
مع جبهتوه يما ......على روحوه :)







اخيرا بالله هل هذي اخلاقيات دكتور ؟
المفروووض يضحي بوقته عشان المرضى وهذا يسوي كذا !؟






اخيرا






انا عندكم وكل يوم موضوع لاني متخانق مع فييدين الفله وعرض
علي الشاهري لجوووء سياسي ووافقت دايركت :hala1:



























تحيه لكل من مر من هنا

[بالمختصر..]

ههههههههههههه وش عندوه الريال ؟؟ انت ممرح هنّيا ؟؟


والله مشكله بعض هالممرضين والدكاتره اللي مايفهمون خير شر وعذرهم انهم مايعرفون عربي !!

قبل كم يوم رحنا نزور أمي بالمستشفى

وعلى بالنا انه بقسم الترقيد ..!! مدري وش اسموه !!

وموظفات الأستقبال ماجن للحين من بريك الصلاة ..

فـ اضطرينا ندور عالغرف ندور اسمه .. وكل مادخلنا غرفه ألا الأسره فاااااضيه ..

يوم طفشنا وقلنا نجلس ننتظر أحد يجي .. ألا جايه ممرضه تقول انه للحين بغرفة الولاده !!

ليييييييه طيب ؟؟

قالت : مافيه سرير !!

انا ارتفع ضغطي .. قلت شلون مافيه سرير !! فيه غرف فااااضيه مو سرير بس !! رووحي شوفي

ألا جايه موظفة الأستقبال ( سعوديه ) و تعتــذر ..


المشكلــه .. انهم لاقينه سالفه .. يغلطوون و لاقين من يرقع لهم .. ولاكأن شيء صار !! :148r:




.
.

[الشاهري العبيدي]

حيى الله كل الاشقاء العرب اللاجئين والساكنين (بعد ما وطناهم بالواسطات هنا بالعام)

اخ ريال معاملتك قيد التنفيذ بالمواطنة بالعام




دكاترتنا بدون وجود رقابة دقيقيه...معناها تسيب وتعطيل وتأخير كبير للمرضى

انا احط 90 % من المسؤليه المهنية على من انيطت به مسؤليه ادارة ورقابة المؤسسات الطبية


وما تبقي هو اخلاقيات الطبيب نفسه



اخوك مابقي مسؤل ما كلمه وناقشه لكن

اسمعت لو ناديت حيا......والباقي انت تخبره







اخيرا العام مبسوط بطلاتك فلا تغلى علينا

وخلك من العجوز عجب والمطنوخ ترا ماوراهم الا القلق النفسي :)

[ابو ضاري]

اخ سلمان والله ان هذه مشكله عندنا في بلادنا

كم من دكتور طلع عكس ذلك من الاخلاق والعمل المشكله الاساسيه هي المراقبه

من الشؤؤن الاداريه .

[عبدالله المهيني]

عليكـ واجبات كمواطن
( كإحترام المكان ، وجوب الإنتظار بأدب وهدوء ، تقديم بطاقة المستشفى وغيرها من الواجبات )


ولكن



أين
حقوقكـ داخل هذه المؤسسات ؟!!!




في التصاريح الرسمية
وفي المؤتمرات والندوات

فقط يتم التحدث عن حقوق المراجع أو المريض



ولكن على أرض الواقع
لا وجود لهذه الحقوق


وعليكـ الرضا بأأأأي شيء يحصل لكـ مقابل
تقديم الخدمه لكـ




وأنا أجزم لكـ بأن هذا الدكتور لن يعلم عن شكواكـ
لأنها سوف تموت في مهدها



هذا إن كان لم تمت إلى الآن





:goooood:

[ريم شمر]

عذرااااا على التواجد المتكرر

شكراااااااا على التواجد المتكرر

وشكرا على المواضيع القيمه



ريالنا

ترى مابعد قريت الموضوع ( لطوله :) )

بس اكيد برجع اقراه وبتمعن

المهم حبيت اعلق على المقدمه وبنفس الوقت اشكرك على تواجدك القيم

وتسلم

[ابو راكــــــــان]

كالعاااااااااااااده

يالغالي

[المشرف العام]

/

من أمن العقاب أسآآء الأدب

/

تسلم اخي سلمان ..

فعلا .. يعاني أغلب المجتمع السعودي من اهمال الكوادر الطبيه .

ويُشعرون ان المريض عليه الصبر على اهمالهم وتهميشهم له ، وان الصبر واجب من واجبات المواطن السعودي.


/

فكما قلت سابقا : من أمن العقاب اساء الأدب <<< قالتها العرب منذو قرون ولازلنا نرددها



:

موضوع جدا جميل

[منصور الغايب]

هلا برياااال


اعرفك من زمان بلوس :)

بس هالمرة بلستك جت بمكانه ...


نسال الله ان يجعلنا ممن يتقنون اعمالهم ....

بارك الله فيك وزادك حرصا ....

[أبوطروق]

!!!!!!!!!دكتور يمني!!!!!!!!!!!

ليه ضاقت عليهم ولا خلصوا دكاترة سوريا ومصر

شكرا يابن فسحة الحساوي والله انك أقديت بما سويت وتكفا لا تخليهم وخلك ورا شكواك لو توصله للوزارة وترك ماجور.

تحيا تي

:

[ريال الفسحه]

ههههههههههههه وش عندوه الريال ؟؟ انت ممرح هنّيا ؟؟


والله مشكله بعض هالممرضين والدكاتره اللي مايفهمون خير شر وعذرهم انهم مايعرفون عربي !!

قبل كم يوم رحنا نزور أمي بالمستشفى

وعلى بالنا انه بقسم الترقيد ..!! مدري وش اسموه !!

وموظفات الأستقبال ماجن للحين من بريك الصلاة ..

فـ اضطرينا ندور عالغرف ندور اسمه .. وكل مادخلنا غرفه ألا الأسره فاااااضيه ..

يوم طفشنا وقلنا نجلس ننتظر أحد يجي .. ألا جايه ممرضه تقول انه للحين بغرفة الولاده !!

ليييييييه طيب ؟؟

قالت : مافيه سرير !!

انا ارتفع ضغطي .. قلت شلون مافيه سرير !! فيه غرف فااااضيه مو سرير بس !! رووحي شوفي

ألا جايه موظفة الأستقبال ( سعوديه ) و تعتــذر ..


المشكلــه .. انهم لاقينه سالفه .. يغلطوون و لاقين من يرقع لهم .. ولاكأن شيء صار !! :148r:




.
.



هلا ياخاله :)


ومشكلة الاسره هذه لحاله ذلك لان بعض الغرف محجوزه
لاهل الواسطه :d: ولزوم الفزعات :tongue:


الله يعين ويعدل الحال


بالمفيد

مرورتس زاد الموضوع بهجه وسرور <== عيد :)



لاهنتي

[ريال الفسحه]

حي الله ابو يوسف الغالي :7ayyoh:



حيى الله كل الاشقاء العرب اللاجئين والساكنين (بعد ما وطناهم بالواسطات هنا بالعام)


يدوم عزك يما ارجع للفله وعقبه بكيفك :7ayyoh:



اخ ريال معاملتك قيد التنفيذ بالمواطنة بالعام

ايه يالغالي بالله دور لي شقه ديلوكس ورخيصه وياليت حول
شقة منصور :)



دكاترتنا بدون وجود رقابة دقيقيه...معناها تسيب وتعطيل وتأخير كبير للمرضى

انا احط 90 % من المسؤليه المهنية على من انيطت به مسؤليه ادارة ورقابة المؤسسات الطبية

فعلا فغياب العقوبة واهمال الرقيب خطا عظييييم ..!



وما تبقي هو اخلاقيات الطبيب نفسه

نعم .. بل حتى لو كانت الاداره حازمه وشديده فالاخلاقيات اهم
ماتميز به مهنة الطب ..



اخوك مابقي مسؤل ما كلمه وناقشه لكن

اسمعت لو ناديت حيا......والباقي انت تخبره



اخبر باقي لي خمس ريالات عند هندي المغسله

تخبر غيرهن :goooood:




اخيرا العام مبسوط بطلاتك فلا تغلى علينا

والله تخبر مشاغل ودنيا <== اقول احمد ربك رضوبك :d:




وخلك من العجوز عجب والمطنوخ ترا ماوراهم الا القلق النفسي :)


هنا وبهذه الجمله


اشد على يدك


ورجلينك


وبطنك :)



فعلا قلق نفسي :(



هههههههههه



لاهنت يابعدي


مرورك اسعدني تقبل الود ..

[ريال الفسحه]

اخ سلمان والله ان هذه مشكله عندنا في بلادنا

كم من دكتور طلع عكس ذلك من الاخلاق والعمل المشكله الاساسيه هي المراقبه

من الشؤؤن الاداريه .


هلا وغلا بابوضاري نعم فالسبب الرئيسي هو غياب الرقيب
ويقولون

من أمن العقاب اساء الادب



هلا بك يالعزوة



مرورك شرف لي

تحيه

[ريال الفسحه]

اهلا بالاخ الغالي عبدالله المهيني وحياك يالغالي ...










عليكـ واجبات كمواطن
( كإحترام المكان ، وجوب الإنتظار بأدب وهدوء ، تقديم بطاقة المستشفى وغيرها من الواجبات )


صحيح ..



ولكن

وشو لكنوه :)




أين
حقوقكـ داخل هذه المؤسسات ؟!!!

صدقت يابعدي ...



في التصاريح الرسمية
وفي المؤتمرات والندوات

فقط يتم التحدث عن حقوق المراجع أو المريض

ولكن على أرض الواقع
لا وجود لهذه الحقوق


كلام رائع وصحيح وواقعي ..






وأنا أجزم لكـ بأن هذا الدكتور لن يعلم عن شكواكـ
لأنها سوف تموت في مهدها

هههههههههههه

تهقا :)

وراوه وراوه يما اشوف وش يصير لوه <-- عردز النذاله لاخروه :)



هذا إن كان لم تمت إلى الآن


منهي :goooood:





عبدالله


تحيتي لك ولمرورك الذي اثرى الموضوع




لاهنت

[ريال الفسحه]

ريم شمر هلا يالله حيه ..!



شكراااااااا على التواجد المتكرر

وشكرا على المواضيع القيمه

وشكرا لمرورك




ريالنا

هنا اعترض ليه الاخت قاطتن بي والا ناويتن بلتس يوم
تشرين بي قوطي ببسي :)

اخت عزيزه ايه ادارية بالمنتدى على الرحب والسعه

اما ريالكم لا يالربع :)<-- خايف على روحوه :tongue:




ترى مابعد قريت الموضوع ( لطوله :) )

متى ماتهيت لتس فرصه اقريه ترى تبين تضحكين :)



بس اكيد برجع اقراه وبتمعن

منهو ؟ <== نسى سالفتوه الدلخ :goooood:



المهم حبيت اعلق على المقدمه وبنفس الوقت اشكرك على تواجدك القيم

وتسلم


وتأكدي ياام طلال اني اسعد بمرورك وبمن هم مثلك



تحيتي لمرورك الاول وبانتظار التالي







الف شكر ولكي التحيه

[ريال الفسحه]

كالعاااااااااااااده

يالغالي


وشي اللي كالعاده <== الولد اليوم بوه بلا :goooood:



هلا بابومطر



تحيتي لمرورك




الف شكر لك

[ريال الفسحه]

هلا بابوسلطان ..



من أمن العقاب أسآآء الأدب

بهذا الموضوع تنطبق هالمقولة على هذا البيطري :)






تسلم اخي سلمان ..

والقايل ..



فعلا .. يعاني أغلب المجتمع السعودي من اهمال الكوادر الطبيه .
ويُشعرون ان المريض عليه الصبر على اهمالهم وتهميشهم له ، وان الصبر واجب من واجبات المواطن السعودي.


والله مشكلة عظيمه ولكنها بعيونهم لاشيئ ..







فكما قلت سابقا : من أمن العقاب اساء الأدب <<< قالتها العرب منذو قرون ولازلنا نرددها


وريضين ..ونسال الله تعديل الحال ..



موضوع جدا جميل


ماتهقى انه ( جميل جدا ) :goooood:<--- مهو صاحي الولد اليوووم :good1:




ابوسلطان تواجدك اسعدني



تحيتي

[ريال الفسحه]

هلا برياااال


اعرفك من زمان بلوس :)

بس هالمرة بلستك جت بمكانه ...


نسال الله ان يجعلنا ممن يتقنون اعمالهم ....

بارك الله فيك وزادك حرصا ....



اجل كل يوم ابروح للمستشفى وسوي كني مااعرف انقليزي :goooood:





منصووووووور



تواجدك يعني لي الشيئ الكثير




اغليك ياخوخ :)

[ريال الفسحه]

!!!!!!!!!دكتور يمني!!!!!!!!!!!

ليه ضاقت عليهم ولا خلصوا دكاترة سوريا ومصر

شكرا يابن فسحة الحساوي والله انك أقديت بما سويت وتكفا لا تخليهم وخلك ورا شكواك لو توصله للوزارة وترك ماجور.

تحيا تي

:



الغالي ابوطروق ..


المشكلة مهي بمصري يمني سعودي المشكله اولا باهمال
الطاقم الاداري وثانيا اهمال الدكتور ولايمنع ان يوجد مبدع يمني
كما ان هناك مصري وغيره ..


وراهم وراهم ولاتوصي نذل قصدي حريييص:goooood:<== بوه بلا يعني بوه:)






الغالي



تواجدك ادخل الى قلبي السرور وعيا يطلع منوه :goooood:



لاهنت