لأني أنا السبب

[نوف الفهد]

صبحكم الله بالخير جميع

أقسم باللي خلق أغلى البشر ((أبوي)) الله يطول بعمره ويبقيه تاج فوق الراس

الرجال بالذات يعرفون إن الدمعة للرجال صعبة .. وشلون لو كانت الدمعة هذه دمعة أبوي

ووشلون بالأساس لو كنت أنا اللي نزلت دمعة أبوي .. ماهوب ذنبي ولاهوب ذنبه

لكن من طيبة قلبه .. أقسم باللي خلق عزة أبوي وحط فيه طيب الخصال إن موتي أهون من دمعة أبوي

وهذه كيبوردية متواضعة جداً جداً جداً ارتجالية كتبتها أعتذار للوالد .. وعسى الله يطول بعمر كل أب

ولا يوريكم دموع كل غالي عليكم ..





كل شي عندي يهون .. حتى لو أشرب قهر = أهون تروح العيون .. بس ماشوفك حزين
دمعك الغالي يابوي عندي أغلى من البشر = تدري دمعك لاتحدر وش تقول الوجنتين ؟!
من سما الشيخ ارتوينا مزنةٍ تعصر مطر = لكن حسوفه علينا ذا المطر ((غالي وثمين))
لا يابوي إلا دموعك .. أفتديها بالعمر = وإلا أمسحها بيديني لجل ((تتبارك يدين))
لبى دمعٍ في عيونك .. محتضن صافي النظر = ليتني "دمعة" بعينك .. وانقسم بين الثنين
[[دمعة الرجال صعبة ودمعتك أدهى وأمر]] = وشهو يستاهل دموعك ؟! غير سجدات الجبين
ما أقول إلا عسى الله يسعدك طول العمر = منبسط مرتاح ضاحك .. مرضي رب العالمين


آسفة يا الغالي

الله يطول بعمرك ويخليك لي إنت والوالدة

الله يطول بعمركم آمين

[شام]

لا يانوف ..

إلا الوالد ...

ليحزن الكون و لــ تبكي المجرات


فلتصرخ النسوة و يرحل الاطفال


إلا الوالد يا نوف ...

هو بابا و هو ماما

و هو الدنيا كلها

ربي يحفظه لك و يطول عمره

و كل اباء العالم و أمهاتها


نوف ... لقلبك الطاهر rooose2

[سيف الدولة]

الله الله يانوف


إعتذارك هناا للوالد الله يطوّل بعمره هوالبر بحد ذاته

والبر صفة من صفاتك دايم لوالديك كم قرأنا لك المرة الاولى لوالدتك

ماشاء الله عليك

هالمره مسحتِ دمعة الوالد بهذه ألأبيااات الجميله

التي مثّلت كفيك الحنونين

أخيرا يطول عمرك وعسى الله يبقي لك والديك

دائماً وهم راضين عنك

شكرررا على هذه الأبيات اللي فيها خضوع وتواضع للوالدين

[سند مطر]

الشاعره / نوف الفهد

اعتذرتي واجللتي احترام لابوك
ياعضمتك
الله لايحرم ابوك حبك ووفاءك
تحيه لاحساسك الراقي المندفع
الله لايجيب الزعل
والله لايحرمك

[ماجد علوان]

الله يطوووول عمره ويخليك له
واعتذار لبوك ان دل دل على برك به
صح لسانك اختي



وان شا ماتنزل دمووووع غالي




وبالتووووفيق

[محمد الهزاع]

صح لسانك أختي نوف

والله يطول عمرك أبوك ويخليه لك

تقديري لك

[زاهي التومي]

نوف الفهد


صح لسانكـ


قصيده في قمة الروعه و الجمال


الله يخليلك أبوك


تحياتي

[ريال الفسحه]

ما أقول إلا عسى الله يسعـدك طـول العمـر
..............منبسط مرتاح ضاحك .. مرضي رب العالمين



اللهم امين امين ..


صح لسانك وسلم بوحك الراقي ..




دمتي بود

[عشوق]

صدق نافع يوم قالي نوف شاعره ماهي بسيطه


صح لسانك


ما أقدر اقول كفيتي ووفيتي

تدين ليش ؟؟

لأن القصيده في أبوك والاب ما توفيه أبيات القصايد اللي بالكون كلها

وانا بعد ضيفيني مع نافع في جمهورك

[فهد المويهي]

بنت الفهد نوف




هنا




سأكتفي بالصمت





فقط

[بطيحان البطيحان]

جزى والدينا الجنة


والله مهما نسوي مانرد الجميل


تحياااتي لك

[نافع بن طواله]

نوف يااااااااااااا.................


انتي سبب هالدمعه


شكلي أبي أزعل عليك



مقصره مهما قلتي

تقصدين ولا تسوين اضراب عن الطعام مقصره




علميني اذا طيبتي خاطر ابوك وبعدها لنا كلام ثاني

[نوف الفهد]

"تنـــــــــويه هاااااام للجميع"

قبل لا أرد على أي إنسان شرفني في صفحتي

وفضل علي وعلى راسي بالرد

حبيت أقول قبل لا ينفهم الموضوع غلط

"لا عشت .. ولا كنت .. لو فكرت أو جاء في بالي يوم من الأيام إني أزعل الغالي اللي ما أبي إلا رضاه"

أنا السبب لأن الوالد الله يطول بعمره ويبقيه لي ذخر بكى عشاني ماهوب مني

بكى ياجماعة لأنه راضي عني ولله الحمد

بكى وهو يدعيلي جعل ربي مايقصر بعمره

وجعل ربي يقصر بعمري لو فكرت في يوم من الأيام إني أضايقه

أبوي عزوتي وسندي وتاج راسي ونور البيت وعموده هو والوالدة الله يطول بأعمارهم

أنا ما أبي إلا رضاهم وعساهم يرضون عني

دمعة أبوي كانت رضى لي ماهوب دمعة مني

أنا السبب لأن دمعة أبوي غالية علي نزلت رضى وإلا زعل

يهون عمري بس ماتهون دمعة الغالي

"إلا فهد"

الله يطول بعمره ويخليه تاج فوق راسي

الله يحفظهم ويقر عيونهم هو والوالدة

ولكل الأعضاء .. لا عشت لا عشت لا عشت ولا كنت لو أغضب أمي وأبوي أو أزعلهم مني

ذولا اللي فيهم الجنة والنار

إلا الوالدين

إلا الوالدين

إلا الوالدين

والردود اللي شفتها تدل على أخوان وأخوات بارين ..

الله يحفظ كل أم وكل أب وكل غالي عليكم يارب

وعل الدمعة ماتنزل إلا دمعة فرح ودمعة رضى

آمين يارب

سامحوني لكن وجب التنبيه فقط لا أكثر

دمتوا بكل التقدير والود والإحترام

أختكم
نــ بنت الفهد ــوف

[نافع بن طواله]

هههههههههههههههههههههه



أجل خرعتك نوف




لا بالله إلا بيّض الله وجهك


ومثل ما قالوا البنت روح أبوها



صح لسانك



لكن ماراح أغير آخر سطرين


بقول


مقصره

[حمـود]

شكرا نوف الفهد


الاب كلمه من الصعب التخلي منها


الله يخليلك ابوك يا نوف


بالتوفيق

[نوف الفهد]

إيمان قويدر

"شمس المضايف"

يا حياك الله يانور عيون أختك نوف

لا يا إيمان .. مو أنا اللي أزعل الغالي

الله يقصر بعمري لو زعلته

وأعتقد إن كل الأعضاء قرأوا التنويه

أنا مالي بركة إلا الوالد والوالدة الله يطول بعمرهم ويحفظهم ويخليهم تاج فوق راسي

والله يقدرني على برهم ورضاهم .. مع إني مهما سويت فأنا مقصرة ومقصرة ومقصرة

الله يحفظ كل أم وكل أب في كل مكان

اللهم آمين ..

إيمان شرفتي أختك بوجودك في الصفحة

لا خلا ولا عدم

دمتِ بكل الود

أختك
نــ بنت الفهد ــوف

[نوف الفهد]

الأخ القدير والشاعر الرائع سيف الدولة

أولاً لك جزيل الشكر على التواصل الرائع وتشريفك الدائم لمواضيعي

ثانياً فعلاً أخجلت تواضعي ياطويل العمر

وعطيتني أكبر من حجمي

أنا مهما سويت فأبقى مقصرة بحق أغلى اثنين بحياتي

الله يطول بعمرهم ويخليهم لي ويقدرني على برهم ورضاهم

اللهم إني أعوذ بك من عقوقهما

اللهم إني أعوذ بك من عقوقهما

اللهم إني أعوذ بك من عقوقهما

سيف الدولة أنا عاجزة عن الشكر

والله يخليك لكل عين ترجيك ويخلي لك كل غالي عليك

دمت بكل الود

أختك
نــ بنت الفهد ــوف

[نوف الفهد]

أخوي سند مطر

اعتذرت لكن هم مقصرة بحقه

ولو فديته بروحي هم مقصرة بحقه

ولو أشكر الله على طول الأيام ما ألحق جزاه إنه أنعم علي بأعظم إنسان وخلاه أبوي

الله لايحرمني منه

الله لايحرمني منه

الله لايحرمني منه

فديت تراب رجليه

فديت تراب رجيليه

فديت تراب رجليه

الله يخليه هو والوالدة تاج فوق راسي ويطول بعمرهم وعل عيني ماتبكيهم وعساني ماذوق حزنهم

اللهم آمين

سند مطر

شرفني مرورك وأسعدني ردك

والله يحفظك لكل عين ترجيك ويحفظ لك كل غالي عليك

دمت ولاهانت يمينك ولاهنت

أختك
نــ بنت الفهد ــوف

[هايس الشمري]

الشاعره.. نوف الفهد..



حفظ الله لك والدك..





و صح لسانك على القصيده الرائعه..



اخووك..

[نوف الفهد]

مالوم نفسي

حياك الله ياطويل العمر

أسعدني ردك

وشرفني حضورك

وأرجع وأقول مقصرة في حق أبوي فديت تراب رجليه

صح بدنك ياخوي وماعليك زود

دمت ولا هانت يمينك ولاهنت

أختك
نــ بنت الفهد ــوف

[نوف الفهد]

محمد الهزاع

صح بدنك ياطويل العمر

والله يخلي لك كل عزيز وغالي عليك

والله يخليك لكل عين ترجيك

دمت ياخوي ولاهنت

أختك
نــ بنت الفهد ــوف

[نوف الفهد]

مشرفنا القدير وشاعرنا المبدع

زاهي حمود

قمة الروعة هو وجودك ياطويل العمر

وأنا مهما سويت بظل مقصرة في حق الوالد الله يحفظه ويطول بعمره ويدوم عزه يارب

لكن هذا اللي قدرت عليه

عسى الله لاينزل دموعك على غالي إلا بفرح ياخوي

صح بدنك يازاهي

ويسلم راسك على هالحضور اللي زادني شرف

دمت ولاهنت

أختك
نــ بنت الفهد ــوف

[نوف الفهد]

حياك الله يا ريال

ويسلم راسك على هالحضور

ماتقصر طال عمرك

والله يخليك لكل عين ترجيك

ويخلي لك كل غالي عليك

صح بدنك ياخوي

دمت ولاهنت

أختك
نــ بنت الفهد ــوف

[نوف الفهد]

أخوي عشوق

يسلم راس نافع ويسلم راسك

والله أنا لي الشرف إن شاعر مبدع وبحجم نافع إنه يقول عني هالكلام

وما أدري وش أقدر أقول لكن إن شاء الله إني أكون عند حسن الظن

وهذه شهادة أعتز فيها من شاعر ماتوفيه الحروف

عشوق أنا مهما سويت مستحيــــــــــــــــــــــــــــل أوفي بحق الوالد والوالدة الله يحفظهم

الله يطول بعمرهم ويخليهم ذخر وتاج فوق راسي

الله يقدرني على برهم ورضاهم إن شاء الله

وعساهم يرضون عني

عشوق إن شاء الله الوالد يسمح لي على القصور وأبيك تسمح لي على القصور

وأبي الكل يسمح لي على القصور

وقصوري هذا بيكون طول العمر لأن ما راح أقدر أوفي الغوالي حقهم

عشوق حضورك كان له نور

دمت ياخوي ولا هنت

أختك
نــ بنت الفهد ــوف

[نوف الفهد]

الشاعر المبدع فهد المويهي

وجودك بحد ذاته شهادة أعتز فيها

دمت ياخوي ولا هانت يمينك ولاهنت

أختك
نــ بنت الفهد ــوف

[نوف الفهد]

الشاعر بطيحان البطيحان

مثل ماقلت جزا الوالدين الجنة

والله يقدرني على برهم ورضاهم

أسعدني وجودك طال عمرك

تقبل كل الود والإحترام

أختك
نــ بنت الفهد ــوف

[نوف الفهد]

يابو طواله

يامبدعنا الكبير

الله يطول بعمرك لأنك أب وتعرف وش معنى الأبوة

أنا فعلاً مقصرة

بس لا يابو طواله مو روح أبوها اللي تزعل أبوها

ماهيب بنت الفهد اللي تزعل "الشيخ فهد"

يكفني الفخر إن العالم عرفوني فيه

بنت الفهد

نوف بنت الفهد

ياعلني ماعدمه

والله يطول بعمره سنين وسنين وسنين على أحسن حال

وعسى عيني ماتبكيه

ودمعته اللي طاحت هي أغلى عندي من حياتي بكبرها

الله يقدرني على بره ورضاه هو والوالدة

نافع أتمنى إني أكون عند حسن الظن

وكلامك هذا شهادة فعلاً أعتز فيها

ويكفي وجودك ياطويل العمر

الله يخلي لك هدلاء وطواله ويخليك لكل عين ترجيك ويخليلك كل غالي عليك

صح بدنك ياخوي ولاهنت

أختك
نــ بنت الفهد ــوف

[نوف الفهد]

حمود الناصر

حياك الله ياخوي

الأب كلمة صعب التخلي عنها أكيد

لكن يكفي الشرف إن اسمي مرتبط باسمه

الله يطول بعمره هو والوالدة والله يقدرني على برهم ورضاهم

اللهم آمين

وإنت ياخوي الله يخليك لكل عين ترجيك ويخلي لك كل غالي عليك

دمت بكل الود

أختك
نــ بنت الفهد ــوف

[نوف الفهد]

مبدعنا هايس الشمري

زاد نور المكان بوجودك ياطويل العمر

الله يديمك للشعر نبراس

ماتقصر ياخوي وشرفني جداً هالتواجد

صح بدنك ياطويل العمر

وعسى ربي مايعدمك أغلى الحبايب

دمت بكل الود والإحترام

أختك
نــ بنت الفهد ــوف