خاص للفلاوية وغير الفلاوية!!!؟؟؟ [الأرشيف]

أبوطروق

15-09-2007, 13:04

للفلاوية وغير الفلاوية يعني الكل (ياشين الفلسفة)

السلام عليكم جميعا وكلن باسمه

هذي لعبة طرت على بالي وقلت أجرب أدخل مجال الألعاب وإذا نجحت الله يعينكم(كل يوم جايب لكم وحده)
وتروا لاهي منقولة ولا ملطوشة يعني الحقوق محفوظة هاهاهاها "ضحكة بغرور"

اللعبة ببساطه كل واحد يرمع اللي قبله (يعني يتوقع ياجاهل)هذي للي يسأل عن معنى يرمع
وطبعا تكون الرمعة عن أي شي تتوقعه في العضو/العضوة اللي قبلك باسلوب فلاوي(الجد مانبيه) يعني مثلا تقول فلان ساكن بالديرة الفلانية وعمره كذا وسيارته كذا (وشنطتها كذا) أو أي شي تتوقعه وتتخيله

شروط اللعبة:-
1_ أن لا يقل عمر اللاعب عن 5سنوات.
2_ رمعتين أساسيتين إجباري وهن العمر ومكان الإقامة.
3_ الزعل مرفوض رفضا باتا والبساط أحمدي.
4_ خلاص يكفي

انشالله تعجبكم واشوف تفاعلكم
وعشان أثبت حسن النية أنا أول ضحية
يعني اللي بعدي يتوقع معلومات عن حضرتي

تحيا تي للجميع

منصور الغايب

15-09-2007, 13:25

هلا ابوطرووق

موضوع جميل يحرك ركزد الفلة شوي

وحظي جابني اني انا اللي راح ارمع اول واحد <<<<< حظي واعرفه :)

انا اتوقع انك يابوطروووق من اهل الرياض وعمرك 35 وشماغك نوعه البسام وتحب الرز والدجاج :)

فيه ثلاث رمعات متاكد منهن 100% تبقى وحدة بس

أبوطروق

15-09-2007, 17:15

يالله حي صديقي منصور
دايم من الأوائل لا اخلا ولا اعدم

رمعاتك قوية يالغايب بس الرياض مهي حولهن والشماغ ألبس أي شي ولا أدقق بالنوع أهم شي السعر خخخخخ وأقرب رمعة حقت الرز والدجاج.

الحين دوري:-
انت يامنصور من سكان المنطقة العاشرة بالكويت وتحديدا في الصباحية قطعة3
وعمرك بالثلاثينات (مليان وحمر) وما تلبس شماغ إلا بالمناسبات
أعزب وتشتغل بالجيش(بس عندك واسطة وما تداوم)
وسيارتك ددسن غمارتين(حقت مشاوير) وعندك سكايلاين82 حقت استعراض

هاه وش رايك؟؟؟
تشاوات

بالمختصر..

15-09-2007, 22:32

.
.

انا احس ان عمر ابو طروق 27 أو 28 .. وساكن ببيت أهلوه << مافهمت السؤال :7ayyoh:

ومامعوه ألا شهادة الثانوي :) ومتوظف عليه

وسيارتوه ياأما كامري ياأما فورد .. بس مهي موديل سنته :7ayyoh:

ووووووو بعد وشو بعد ..!!؟؟

إيه احسوه نحيف بس أكــول << يعني يحب الأكل

و خلاص .. الله يستر من اللي بعدي n)

.
.

منصور الغايب

15-09-2007, 23:23

ابو طروق

ولا رمعة صح :)

بس اني اعزب <<<< شنو معنى اعزب :)

احس انك بديت تخرف

بالمختصر

اتوقع عمرك 23 ومن اهل رفحاء <<<<<< مجرد توقع :)

مهاجرة باحساس

15-09-2007, 23:44

منصور اتوقع ان عمرك ....... 27 سنه

من سكان منطقة الجهراء :)

ودب .... يعني سمين :)

و دمك خفيف :)

بس لو عصبت ... تصير عصبي :) ههههههههههه

وكشخه . وما يعجبك العجب .. يعني كل شي تعلق عليه و تحب تطيح وجه غيرك

......

تحليل مو توقع :)

أبوطروق

16-09-2007, 00:52

ابو عارف

16-09-2007, 14:09

ابو طروق الغالي

مشكور على هاللعبة الحلوة لاهنت.

أتصور إنك رجل محترم جداً

عمرك 35-48 سنة

متزوج ولك 3 أولاد و2 بنات

شنب ولحية بدون عوارض

متوسط الطول ممتليء

حنطي

موظف أرامكو - قسم النقلياتTransportation Department

تسكن أبقيق

سيارتك بكب جمس وسوبربان للعائله

بشوش مرح طيب المعشر

وكل عام ونت بخير وعافيه

أبوطروق

16-09-2007, 20:35

هلا بشيخ الفلة أبوعارف الحكيم

مبروك عليك الشهر يالعشير

رمعاتك طيبة بس مهو أنا اللي انت تبي
(وترك كبرتن شوي)

دوري
أبوعارف من سكان ابقيق
العمر:في بحر الأربعين
الهواية: صيدالضبان والتعاليل
العمل: أرامكو السعودية(متأكد منها)
متزوج ثنتين وأب لثمانية (6من الأولى و2من الثانية) ويفكر بالثالثة
طويل القامة عريض المنكبين ممتلئ الوجه وسيع العينين (في بداية طريق الصلع)
خلوق جدا ووسيع صدر
محبوب من زملائه في العمل
يحب يشرب النعناع ويفطر على بقصم

الأكلة المفضلة المرقوق مع اللحيمات والصرار
وبس

أوفر

الدم الأزرق

16-09-2007, 22:06

أبو طروق...والله رهيب وموضوعك كذا:thumb:

كل عـــام والجميع بخير

وبتكون توقعاتي عن المختصر<<<الله يعينك

أتوقع انها من سكان الرياض أو الشمال وطبعا جامعيه بس كسوله لأنها تشيل مواااد:d:

وبعد اتوقع انها شخصيه أجتماااعية جدا وحساسه وتحب الخواطر والشعر

وطبعا مافيه بنت ماتحب الماركات والشكولاتات

ماتحب لااالحليب ولا اللبن ولا الطبخ:d:

وأتوقع انها راعية مقاااالب:)

ولا هي بقصيره او متينه مثل مهاجره

انتهيت من التوقع

وتحيااتي للجميع

ريال الفسحه

16-09-2007, 23:00

الدم الازرق شاب سعودي يقطن حايل موظف حكومي
اليوم كان صايم :goooood:

اجوديه

16-09-2007, 23:01

خخخخخخخخخخخخخخخ

يعطيك العافية...ابو طروق...

كل عام والجميع بخير...

طيب...

من عليه الدور...

اهااا...

الدم الازرق...طيب يالازرق...

امممممممممممممممممم...

اتوقع انك منت بكبير يعني بالعشرينيات...تقدر تقول 27 لادقق...

ساكن الوسطى...ذا اللي طلع معي...

خخخخخخخخخخخخخخخخخخخخخخخ

اجوديه

16-09-2007, 23:03

يوووة الفرق دقيقة...طيب مايخالف ...مارحت بعيد...

ريال الفسحة...

طيب

اممممممممممممممم

ساكن الدمام ...

وبعدك متخرج من الثانوي...خخخخخخخخخخخخخخخ

منصور الغايب

16-09-2007, 23:16

منصور الغايب

16-09-2007, 23:18

الدم الازرق

اتوقعك 25

وسيم

جنتل

طيب

رومنسي

متدين

عيبك اذا فيك عيب الانطوائية وقلة علاقاتك الجتماعية

مجرد توقع يالشايب

الدم الأزرق

16-09-2007, 23:24

الدم الازرق شاب سعودي يقطن حايل موظف حكومي
اليوم كان صايم :goooood:

ياهلا والله بسلمـــان

والله كان ودي اقول إن توقعك صح بس للأسف

الصح فيها اني شاااب سعودي وكنت صايم <<<لا ياذكي

والباقي ولا شي صح:d:

ياهلا فيك بعد يالأجوديه

تقريبا توقعك صح

انا ساااكن بالرياض بس عمري أقل من 27سنه

ولاتروحون بعيد ياسلمان أنت والأجوديه الحين دوري:thumb:

اجوديه

16-09-2007, 23:28

يالله اتحراك...

خخخخخخخخخخخخخخخخخخخخخ

حلت لها السالفة...

منصور الغايب

16-09-2007, 23:29

الدم الازرق ريال قال لك :

المشاركة الأصلية كتبت بواسطة ريال الفسحه
الدم الازرق شاب سعودي يقطن حايل موظف حكومي
اليوم كان صايم

وانت قلتله ولا شئ صح بس انك شاب سعودي

يعني نفهم منه انك منت صايم اليوم :) <<<< هذا اللي تعلمته من علم المنطق !!

اجوديه

16-09-2007, 23:31

منصور ...انا وين رحت ...شكلك بعدك ماكونت لي صورة...

الدم الأزرق

16-09-2007, 23:31

منصور الغايب

يعني نفهم منه انك منت صايم اليوم :) <<<< هذا اللي تعلمته من علم المنطق !

منصوروه أقرا ردي زييين يالدب

اجوديه

16-09-2007, 23:35

خخخخخخخخخخخخخخخخخ

ضبطت الوضع...

الدم الأزرق

16-09-2007, 23:48

سلمـــان

انت دمك خفيف مره وذكي وعصبي حبتين

نحيف متوسط الطول تحب النوم وتكره اكلات الفاست فووود

وطبعا ساكن بالشرقيه وعمرك معروف

تفكر قبا لاتخطو اي خطوه يعني لنت انساان حذر

اذا حبيت شخص وضحتله هالشي ونفس الشي اذا ماستلطفت شخص يعني انت انسان واضح

وهاذا الي عندي مادري توقعي صحيح؟؟؟:)

الحين دورك يالأجوديه

الدم الأزرق

16-09-2007, 23:58

الأجوديه

طبعا انتي بالكويت اتوقع انك جامعيه يعني عمرك 22أو21سنه

صداقاتك محدوده وخجوله يعني منتي بجريئه

وتحبين الأسواااق والسفر :d:

وبس ويعطيكم العااافيه

الدم الأزرق

17-09-2007, 00:03

الدم الازرق

عيبك اذا فيك عيب الانطوائية وقلة علاقاتك الجتماعية

مجرد توقع يالشايب

اجاوبك بصراحه والله فعلا علاقاتي الأجتماااعيه محدوده جدا:thumb:
مجرد توقع يالشايب

وما زلت يامنصوروه مصر على الشااايب يالدب :g:

أبوطروق

17-09-2007, 00:28

الدم الأزرق
وسيم جدا (وله قذلة دايم تنزل على عيونه)
من عائلة اروستقراطية
ساكن فالرياض
عمره بأوائل العشرين
أكبر أخوانه ومدلع
مخلص الثانوي وكل سنة ينوي يدخل الجامعة بس مايدخل (جازله النوم)
يحب وجبات ماكدونالدز وكنتاكي ويعشق الاندومي
مشروبه المفضل بيرة بالتوت

وخلاص

بالمختصر..

17-09-2007, 01:24

.
.

وبتكون توقعاتي عن المختصر<<<الله يعينك

أتوقع انها من سكان الرياض أو الشمال وطبعا جامعيه بس كسوله لأنها تشيل مواااد:d:

وبعد اتوقع انها شخصيه أجتماااعية جدا وحساسه وتحب الخواطر والشعر

وطبعا مافيه بنت ماتحب الماركات والشكولاتات

ماتحب لااالحليب ولا اللبن ولا الطبخ:d:

وأتوقع انها راعية مقاااالب:)

ولا هي بقصيره او متينه مثل مهاجره

انتهيت من التوقع

وتحيااتي للجميع

:7ayyoh:

لاماني من الرياض ولا الشمال .. انا من السعوديه :)

والحليب اشربوه عكس ماقلت :puzzled:

والباقي تقريباً صحيح ..

أما المقالب ماأمون ألا على بنات عمي وخالي .. والعيال احياناً :)

أما أنت أتوقع إنك تحب تعتمد على نفسك .. يعني مو إتكالي

وعمرك 24 أو 25 .. وندري إنك من الرياض

وإنسان صــريح وواقعي وماتحب الفلسفه ولا الكذب والمظاهر

مجرّد توقعات :)

.
.

أبوطروق

17-09-2007, 06:12

بالمختصر
الإقامة: الخرخير
السن: 24سنة
الهواية: التسكع بالنت
المواصفات
فوضوية وما تهمها الموضة
تكره الترتيب وشغل البيت
معصقلة والعيون مبققة
جواله n70 والشاشة مكسورة ومشدخ
دايما يهددونها اهلها بفصل النت (من كثر ما تقابلة ومخلية دروسها)
مرات تنام والعلك بافمها وإذا قامت تلقاه لازق بشعرها خخخخخ(وما تتوب)
ماتروح مع اهلها للعزايم إلا بطلعة الروح
مهي من النوع اللي لازم يشيل شنطة حتى لو كانت (فاضية)
وأخيرا مثل ما كلكم تعرفون تدرس بالجامعة قسم لغة انجليزية (بس فشلتنا العام وما نجحت) كله من المصرية خخخخخخخ

بالمختصر/أبي توقيع<<<(ولك وجه بعد تطلب)

تحيا تي
وشوي شوي علي

اجوديه

17-09-2007, 09:31

الأجوديه

طبعا انتي بالكويت

طبعا والكويت...خخخخخ:)خخخخخخخ:)خخخخخخ:)خخخخخ

اتوقع انك جامعيه يعني عمرك 22أو21سنه

يب يب ...صدقت ...شوي والمحاضرة تبدي...

صداقاتك محدوده وخجوله يعني منتي بجريئه

يب...يب

وتحبين الأسواااق والسفر :d:

يب...يب

وبس ويعطيكم العااافيه

يعافيك ربي...

اجوديه

17-09-2007, 09:35

تحيا تي
وشوي شوي علي

خخخخخخخخخخخخخخخخخخخخخخخخ

يالله حيوة...

ابو طروق...

اتوقع انك خنفشاري بقوة...

من اصحاب المثل طقها ولحقها...

عصبي حبتين ...بس قلبك كبير...حبوب...ونور المضياف...

وووخخخخخخخخخخخخخخخخخخخخخخخخخخخخ

بس...

ابو عارف

17-09-2007, 10:29

صديقي ابو طروق

صغرتني كثير خذ مليون ورجعني للأربعينات

موظف ارامكو والباقي يفتح الله

الله يسامحنا كيف الصديز مايعرف صديزه هنا.

-------------------------------------------------

أجودية

مبروك عليك الشهر و كل عام وانتي بخير.

العمر 28

الطول 158

طالبة جامعيه لغة انجليزية نشيطه

مخطوبه لإبن خالتها

جميله وخلوقه وجدية في حياتها

تسكن الرياض
محبوبه من الجميع وبس

اجوديه

17-09-2007, 13:24

صديقي ابو طروق

صغرتني كثير خذ مليون ورجعني للأربعينات

موظف ارامكو والباقي يفتح الله

الله يسامحنا كيف الصديز مايعرف صديزه هنا.

-------------------------------------------------

أجودية

مبروك عليك الشهر و كل عام وانتي بخير.

علينا وعليك...وانت بخير..وينعاد ع الجميع...

العمر 28

نو نو ...هارد لك...

الطول 158

نو نو...اطول من كذا شوي قصدي كثير...يعني 7 سانتي

طالبة جامعيه لغة انجليزية نشيطه

طالبه جامعية يب...لغة انجليزي نو نو تاركته للمختصر...نشيطة يب يب...

مخطوبه لإبن خالتها

؟؟؟؟؟؟؟؟؟؟؟؟؟؟؟؟؟؟؟؟؟

جميله وخلوقه وجدية في حياتها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تسكن الرياض

نو نو ...

محبوبه من الجميع وبس

؟؟؟؟؟؟؟؟؟؟؟؟؟؟؟؟؟؟؟ ان شاء الله أأمل ذالك...

اجوديه

17-09-2007, 13:35

طيب من عليه الدور...

اهاااا...

ابو عارف...:7ayyoh::hala1:

طيب...

اممممممممممممممممم

ساكن الحفر ...ليه لاتسال ذا اللي طلع معي...

متزوج...كبير بس ماهو مرة يعني بعدك شباب...

مدمن شاي...

مزاجه متقلب بين حين وتارة...يعني عصبي حبتين بس ماهو منه من التدخين...بس بالاخير راعي وناسة ووساعة صدر وفرفشة...بس بحدود يعني يعرف حدوده وذكي...

وبس...وتقبله مني...

ابو عارف

17-09-2007, 14:45

اجودية
سبق لي أن كتبت عن توقعاتي فيها

وهذا جوابي على توقعاتها فيني

العمر شاب الشياب
السكن المنطقة الشرقية راس تنورة
الحالة الإجتماعية ابو عارف مايبغالها
غير مدخن
الذكى خارق أعرف أذكي الأضحيه بمساعدة البيه

الله يعطيك العافيه ماقصرتي

مهاجرة باحساس

17-09-2007, 20:30

ابو عارف اسمحلي اتوقع أشياء بشخصيتك !!! :)

أنت من النوع المسالم يعني ماتحبش المشاكل.... بس لو احد داس لك طرف تعوفه الدنيا .. تصير موذي

وأنت مع اهلك يعني زوجتك وعيالك اي شي يطلبونه تجيبه لو مانت راضي ,, واخر الشهر مفلس

وبعد تحب تسافر كل صيف لحايل عشان كذا ماتجمع فلوس ولا تسافر ابد برا السعوديه ,, من وراء روحاتك

وجياتك لحايل ,,

طيب حييييييييل ,,, وتحب تستعرض وتميلح بمواهبك :)

مهاجرة باحساس

17-09-2007, 20:42

مهاجرة من سكان العاصمة
العمر 20سنة بالكثير
الهواية (النوم)
الشعر مجعد
قصيرة ومتبتبة
تحب الماركات ولبس الكعب العالي
تحب تاكل السنكرس مع كوب لبن
مشاغبة وكثيرة المشاكل بالبيت
وبس هذا اللي جا على بالي

تشاوات

.............

لا ماني من سكان الرياض .... بس شكلي راح اصير من سكانها n)

لا عمري قدامي ... اكثر من 20 :)

الهوايه النوم :148r: وانا احصل نوم من وراء الازعاج ,, لا مو من هواياتي أنا اطبق نظام 8 ساعات تكفي

الانسان الطبيعي .

الشعر .. :d: وش تبيني اقول خخخخخخخخخخخخ حسبي الله عليك قايل غجري ,, لالالا غلط

وبعد قصيره ومتبتبه ... لا يابوي غلط غلط :a:

طبعا احب الماركات اكثر من حب الاكل .. :) والكعب فيه بنت ماتحب تلبس كعب عالي ....

احب الكاكاو بانواعه ... السنكرس مليت منوه ,, يعني كان حب قديم

واللبن احب لبن الغنم بس اما لبن السوق ... لا مااحبوه

والمشاغبه .. اوه هذاك اول يومني بالابتدائي والمتوسط علي لقافه مهي طبيعيه , بس ما اغلط على احد

ابد عشان كذا كانن البنات يهابني :thumb:

... وهذا بس اللي جاعلى بالك ...... أمانه اذا جا شي ثاني لا تستحي قول :)

مهاجرة باحساس

17-09-2007, 20:52

مهاجرة باحساس

كل اللي ذكرتيه تقريبا صحيح

بس انا ضعيف ماني دب مثل ماقلتي

اما اني اعلق على كل شئ <<< والله انك جبتيها صح

ما شاء الله عليك

مهاجرة

انا اتوقع ان عمرك 24

ماتحبين الدراسة

تحبين شغل البيت

من اهل الرياض

طيبة بس عيبك شكاكة <<<<< مجرد توقع :)

...............

العمر ..24 سنه يعني اعتبرها صح

لا ما احب الدراسه ولا اداني اطلع من البيت ... بس وش اسوي القعده بالبيت ماتنفع والايام دربق دربق

تركض ,, عشان كذا قلت يابنت خوذيلك شهاده جامعيه احسن والحمد لله هذا انا اخر سنه :)

احب كل شي مرتب ونظيف ..... بس ما احب اغسل المواعين :puzzled:

لالالالا ماني من اهل الرياض ... :d: هالفترة على الاقل .... بسم الله حاسين انتم ان فيه شين :g:

ايه والله طيبه حيل لدرجه ان الناس تهول من طيبتي .... لان بالغالب يكونون ماخذين فكره غلط :g:

اشك بالشي الغامض والغريب بس . من تتوضح الصوره لي خلاص اتعامل عادي

انا اسميها حذر مو شك ... وبعدين مو يقولون الشك من سلامة الفطر :)

حلوه توقعاتك ....:7ayyoh:

ابو ضاري

17-09-2007, 21:03

أبو طروق يعطيك العافيه

كل عـــام والجميع بخير

:goooood::goooood:

لي عوده

أبوطروق

17-09-2007, 21:09

مهاجرة
مبروك مقدما وعقبال ما تنورين الرياض

=نبي توقعاتس عن اللي يبي ينور العاصمة فيتس=

(أعزمينا تري ما فيها شي)

تحيا تي

أبوطروق

17-09-2007, 21:16

هلا بك يالضاري

الضاري
الإقامة: الجبيل الصناعية
العمر: 26سنة
الهواية: لعب البلايستيشن
العمل: أحد شركات سابك
أعزب وما فيه نية للزواج

تشاو

اجوديه

17-09-2007, 21:32

مهاجرة
مبروك مقدما وعقبال ما تنورين الرياض

=نبي توقعاتس عن اللي يبي ينور العاصمة فيتس=

(أعزمينا تري ما فيها شي)

تحيا تي

خخخخخخخخخخخخخخخخخخخخخخخخخخ

اقول لاتسمعك....

مهاجرة باحساس

17-09-2007, 21:49

مهاجرة
مبروك مقدما وعقبال ما تنورين الرياض

=نبي توقعاتس عن اللي يبي ينور العاصمة فيتس=

(أعزمينا تري ما فيها شي)

تحيا تي

..........

:d: :d: :d:

مهاجرة باحساس

17-09-2007, 21:50

خخخخخخخخخخخخخخخخخخخخخخخخخخ

اقول لاتسمعك....

............

هين اوريتس :d:

ريال الفسحه

17-09-2007, 21:55

8

عمرتس 24 سنه :)
عزوبية :)
تحبين جمع المال ( بخيله ) :) ههههههه

تكرهين بالمختصر وتغلينه عند اللزوم :)

سلملم

مهاجرة باحساس

17-09-2007, 22:02

8

عمرتس 24 سنه :)
عزوبية :)
تحبين جمع المال ( بخيله ) :) ههههههه

تكرهين بالمختصر وتغلينه عند اللزوم :)

سلملم

..............................

صح 24 يالذكي :)

عزوبيه ... :) هذي صح بعد :d:

والله مااجمع شين ابد , اليوم مليونيره و باتسر لوتطقن بالجدار ماتلقى ريال معي :)

ياويلك من الله ,,, بالمختصر الانسانه الوحيده اللي لا جلست معها يصير فيني خليط من المشاعر

بلحظه اضحك ومبسوطه لمن يبن يتفتقن جنوبي واحيانا ترفع ضغطي وتخلي دمي يغلي وهي عادي

و لايهمه :148r:

........

توقعاتي لك ...

انت عمرك 23 سنه :)

وتسكن بالشرقيه :) بسبب العيشه والا ماتقعد به يوم واحد

وووو ضعيف ..... ودب نوم :)

وبصراحه احس ان بالواقع مااحد يقدر ياخذ وجه عليك الا اذا انت فتحت المجال :) لان يبين عليك

انك عصبي >>> هذي الفكره اللي ياخذونه عنك الناس

والظاهر انك ما تنجز شغل ابد ,, كل شي تأجلوه لبعدين :)

ووووووووو بس اذا جا شي على يالي اقولك

سلملم

الدم الأزرق

17-09-2007, 23:22

الدم الأزرق
وسيم جدا (وله قذلة دايم تنزل على عيونه)

هههههههههه حلو ه القذله ولاتفوتك الوسااامه برايد بيت على غفله:)

ساكن فالرياض

والنبي صــــح:tongue:
عمره بأوائل العشرين
لا تعديت اوائل العشرينات بشوي
أكبر أخوانه ومدلع

والله مو مدلع يااااليت:g:

مخلص الثانوي وكل سنة ينوي يدخل الجامعة بس مايدخل (جازله ]

لا والله مخلص الجـــامعه واموت بشي أسمه النوم:tongue:
يحب وجبات ماكدونالدز وكنتاكي ويعشق الاندومي

وع وع وع والله يديم النعمه أكره شي اسمه الأندومي وأذا احد يبي يعذبني ياااكل قدامي هالأكله
مشروبه المفضل بيرة بالتوت

أحب انواع البيره ولامااانع من التوت:luvlove:
وخلاص

احييييك يابو طروق على توقعاااتك:d:

منصور الغايب

17-09-2007, 23:30

الدم الازرق

اشوف جازتلك سالفة مهاجرة باحساس يوم قالت عني دب

والله ماني متين انا جسمي عادي ووزني 75 :)

مو تعلق على هالسالفة يالشايب

ومهاجرة اذا علق عليه الدم الازرق

تراني راح اطالبك بتعويض مالي ونفسي

مهاجرة باحساس

17-09-2007, 23:37

:d: :d: :d: :d:

منصور الغايب

17-09-2007, 23:39

^
^
^
^

المهاجرة

شنو نفهم من هالكشرات اللي فوق ؟؟!!

مهاجرة باحساس

17-09-2007, 23:41

اللي اضحك سني >>> التعويض المالي والنفسي .

الدم الأزرق

17-09-2007, 23:43

الحين بعلق على الدب...لحظه بكبر الخط الـــــــــــــــــدب منصور الغايب:d:

بسم الله يالله راااح ابدأ يالـــــــــــــــدب

صريح ... متقن لعمله ... مايشيل في قلبه على أحد

يقول رايه بكل صراحه

وهاذي انا متأكد منها انه محبوب من الجميع وعنده حب الأيثاااار

يحس بغيره كثييير

مثقف جدا ويحب القراءه وخاصه في الأمور الدينيه يكره الكذب وايضا انصدم في ناااس كثير

وبدون مجامله منصور هو الصديق في زمن قل أو ندر فيه الأصدقاااء

وهاذي توقعاااتي فيك يالــــــــدب:thumb:

منصور الغايب

17-09-2007, 23:43

اجل صدق اخوي رياااال يوم قال انك بخيلة :)

هذي اللي يسمونه شر البلية ما يضحك :)

مهاجرة باحساس

17-09-2007, 23:49

ومنين جبت سالفت اني بخيله اجل ماقريت انت وجهك النفي اللي صرحت بوه :)

والا كاشخ علي بسوالف ريال , على فكره روح واقرأ توقعاتي لك , مابه شين مايسر الا ياكود

دب :)

شليويح

18-09-2007, 00:59

:puzzled:وشووووووووووووو هذااااا :puzzled:

مهاجرة باحساس

18-09-2007, 01:01

والله ياشلح لح هذا زي ماانت شايف موضوع جديد :)

ريال الفسحه

18-09-2007, 01:02

8

شليويح بن غصن الشجره

هو نبته تتواجد بالصحاري القاحله ومضره جدا
ليس لها اي فائده وقيل في كتاب
( التنويه المليح فيما قيل عن شليويح ) :)
ان هذه النبته تعيش وتتكاثر خلال الصيف
وعلى مايبدو ان لها رائحه غير طيبه :)

شلاويح وين مصلوخيك :)

مهاجرة باحساس

18-09-2007, 01:04

:d: :d: :d: :d:

Rose

18-09-2007, 01:24

مبارررررررررررررررررك عليكم الشهرررررررررررررررر

بالمختصر اتوقع انك طويلة نحيفة مشااااااااااااااااااغبة حيل .في الدراسة مش ولابد كلة على النت قاعدة اذا

ماخاب ظني انتي طالبة لغة انجليزية,,,, تحبين choclate بجنون مملوحة واللة العالم :luvlove:

الدم الازرق اتوقع انك ولد عز راعي مقالب نفسك شينة جامعي اكيد الا الحين ماتوظفت لانة على

قولتك تحب النوم وينك وين العمل ياعمي !!!!!!!!!!! تحب القهوة وطلعات البر مثقف وفيلسوف

:d: seeeeeeeeeeeee u soon

مهاجرة باحساس

18-09-2007, 01:27

للأسف ما اعرف انجليزي والاتسان رديت عليها :) المكرفون للي بعدي

شليويح

18-09-2007, 01:33

8

شليويح بن غصن الشجره

شجرة طيبة اصلها ثابت وفرعها بالسماء ......تؤتي أكلها كل حين باذن ربها :)

هو نبته تتواجد بالصحاري القاحله ومفيده جدا
لها فائده وقيل في كتاب
( التنويه المليح فيما قيل عن شليويح ) :)
ان هذه النبته تعيش وتتكاثر خلال الصيف
وعلى مايبدو ان لها رائحه طيبه :)

هههههههههههههههههههه

صدقت

هذي صفات الشمري الاصلي

شلاويح وين مصلوخيك :)

ههههههههههههههههههههههههههه

كركركركركركركر

:puzzled:

هو يا هالحين ما تكصمت اصابعك

شفه عند باب الفلة يبيك تدح معه :goooood:

:goooood::goooood:

مهاجرة باحساس

18-09-2007, 01:42

شليويح العمر 20 سنه

والثاني بترتيب اخوانك

ولا عندك سياره

ومن سكان الشمال :)

يمكن رفحاء يمكن لينه

ومنت طويل ولا قصير :)

ولا سمين ولا ضعيف

ونفسك براس خشمك لدرجة ان كل بنات القبيله يتعوذنك ولا يوافقن عليك :)

وللحين تدرس يعني طالب

بالمختصر..

18-09-2007, 04:08

.
.

بالمختصر

اتوقع عمرك 23 ومن اهل رفحاء <<<<<< مجرد توقع :)

العمر اعتقد معروف ألا تسان منت مصدّق هاذي مشكلتك :)

أما رفحاء :) لاتسمعك مهاجره وتستانس .. هي وده اني انفّـي للشمال :7ayyoh:

.
.

مهاجرة باحساس

18-09-2007, 04:17

اي والله ودي تنفين للشمال :)

بالمختصر..

18-09-2007, 04:26

.
.

بالمختصر
الإقامة: الخرخير

:a: هاذي وينه فيه ..؟؟

السن: 24سنة

شكلك شاطر بالرياضيات :puzzled:

الهواية: التسكع بالنت

n) لاوالله

المواصفات << حشى جوال ماني آدميه :)

فوضوية وما تهمها الموضة

:a:

تكره الترتيب وشغل البيت

:a:

معصقلة والعيون مبققة

:a: << يعني زي هالايقونه .. لأ غلط

جواله n70 والشاشة مكسورة ومشدخ

:goooood: n70 بس جديد يلمع

دايما يهددونها اهلها بفصل النت (من كثر ما تقابلة ومخلية دروسها)

لا بس أمي تمنّى يقطعون النت عن العالم كلوه :)

مرات تنام والعلك بافمها وإذا قامت تلقاه لازق بشعرها خخخخخ(وما تتوب)

وشو العلك ..؟؟ n)

ماتروح مع اهلها للعزايم إلا بطلعة الروح

هيك شي :)

مهي من النوع اللي لازم يشيل شنطة حتى لو كانت (فاضية)

لأ غلط .. أصلاً إذا مامعي شنطه أحس مافيه توازن .. أخاف أطيح على وجهي :)

وأخيرا مثل ما كلكم تعرفون تدرس بالجامعة قسم لغة انجليزية (بس فشلتنا العام وما نجحت) كله من المصرية خخخخخخخ

يـؤؤ :a: من قال مانجحت ..؟؟

ناجحه وانتقلت لفصل جديد

بس كان عندي مادتين محمول واختبرتهن بيوم واحد من القراده :g:

بالمختصر/أبي توقيع<<<(ولك وجه بعد تطلب)

هههههه لا هات برنامج اوبرا اللي عطيتك اياوه :)

تحيا تي
وشوي شوي علي

يصير خير

.
.

مهاجرة باحساس

18-09-2007, 04:30

والله انتس قويه :d: :d: أجل تسوين تواقيع من ورا ظهري :148r:

أبوطروق

18-09-2007, 04:40

هاااااي
بالمختصر طلع أوبرا جديد (أوبرا4) تلقينه بالياهو
فضيع بس ما عرفتله (الكتابة كله مقلوبة مو بس الأرقام!!!!!!!
يالله أبي تلخيص وشرح له

بسرعة ولا تبطين

ومبروووووووووووووك ما سمعنا

تشاواتي

بالمختصر..

18-09-2007, 04:43

.
.

.............

لا ماني من سكان الرياض .... بس شكلي راح اصير من سكانها n)

و ويش عــآد :) كه كه كه :7ayyoh:

.
.

بالمختصر..

18-09-2007, 04:48

.
.

والله انتس قويه :d: :d: أجل تسوين تواقيع من ورا ظهري :148r:

تبيني اقولتس عشان تبلشيني :puzzled:

بالله يعني لازم كل شي اعلمتس !! ياماما أنتي شوفي توقيعي واحكمي :)

لو اعرف تسان سويت لي :7ayyoh:

.
.

أبوطروق

18-09-2007, 04:49

مهاجرة
من ورا ظهرتس وكرشتس
فيه مانع؟؟؟؟؟؟؟؟؟؟؟؟؟

أبي توقيع مستعجل
(يبي يجوني ضيوف)

أبي أكشخ هاههههههههههاهاهههههههههها

بالمختصر..

18-09-2007, 04:52

.
.

هاااااي
بالمختصر طلع أوبرا جديد (أوبرا4) تلقينه بالياهو
فضيع بس ما عرفتله (الكتابة كله مقلوبة مو بس الأرقام!!!!!!!
يالله أبي تلخيص وشرح له

بسرعة ولا تبطين

ومبروووووووووووووك ما سمعنا

تشاواتي

البرنامج اللي عندي تمام وماودي اغيروه

بس تسان تبي اشوف لك هذا .. بكــرا ان شاءالله أسير لـ ياهو وألا قوقل

ويصير خير :)

والله يبارك فيك .. ترى محد يدري !! وويش عاد لو دروا :)

.
.

مهاجرة باحساس

18-09-2007, 04:53

يملا البشمه اللي تبشمكم اثنينكم عوذه جوز >> جوز والا فستق :)

وشو عليه تباركون لبعض علمونا :)

ابو عارف

18-09-2007, 13:28

ابو عارف اسمحلي اتوقع أشياء بشخصيتك !!!

أنت من النوع المسالم يعني ماتحبش المشاكل.... بس لو احد داس لك طرف تعوفه الدنيا .. تصير موذي

وأنت مع اهلك يعني زوجتك وعيالك اي شي يطلبونه تجيبه لو مانت راضي ,, واخر الشهر مفلس

وبعد تحب تسافر كل صيف لحايل عشان كذا ماتجمع فلوس ولا تسافر ابد برا السعوديه ,, من وراء روحاتك

وجياتك لحايل ,,

طيب حييييييييل ,,, وتحب تستعرض وتميلح بمواهبك
-----------------------------------------------------------------------

مهاجره بإحساس
توقعاتك معضمها صح 100%
هل إنتي بنت جيراننا اللي نوصيهم على البيت وسقي الشجر إذا سافرنا لحايل بالصيف؟
-------------------------------------------------------------------
توقعاتي فيك
جامعية لغه إنجليزية
العمر 27 و 5 أشهر و13 يوم و 6 ساعات
من الشرقية - الخبر
طويله - جميله - رشيقه - شمحوطه
مخطوبة من واحد يسكن الرياض مبروك
ذكية جداً جداً
حساسه
طيبه و شكاكه وجريئه
وكل عام وانتي بخير

منصور الغايب

18-09-2007, 17:35

حاتم الطائي

18-09-2007, 19:32

مشكووووووووووووووووووووووووووورر

________
ـًـًـًـًًـًـًـًًـًـًـًـًـًـًـًـًـًـًـًـً

اتوقع انك دب

ما تداني شيء اسمه وغدان << يعني ماتبيهم يستانسون

و .. و... الخ

ابو ضاري

18-09-2007, 19:33

هلا بك يالضاري

الضاري
الإقامة: الجبيل الصناعية
العمر: 26سنة
الهواية: لعب البلايستيشن
العمل: أحد شركات سابك
أعزب وما فيه نية للزواج

تشاو
هلا ابوطروق

الاقامه صحيح العمل صحيح الباقي من جنب القده

شكلك تعرفني يالذيب

حاتم الطائي

عمره 24

بالحرس الوطني

يحب السامري

مهتم بمظهره

بالمختصر..

18-09-2007, 20:37

.
.

مبارررررررررررررررررك عليكم الشهرررررررررررررررر

:7ayyoh:

علينا وعليتس ..

بالمختصر اتوقع انك طويلة نحيفة مشااااااااااااااااااغبة حيل .في الدراسة مش ولابد

لا بالعكس شاده حيلي بالدراسه .. بس المشكله وقت الإمتحانات يجيني نوم مو طبيعي :)

كلة على النت قاعدة اذا ماخاب ظني انتي طالبة لغة انجليزية,,,,

الظاهر كل الأعضاء / العضوات مآخذين فكره عني اني 24 ساعه عالنت :)

طبعاً هالفكره غــلــط ..!! :148r:

تحبين choclate بجنون مملوحة واللة العالم :luvlove:

احب الكاكاو بجنوووون .. صــح .. وماأحب الفانيلا :)

:d: seeeeeeeeeeeee u soon

seeeeeeeee u later :)

رووز انتي منين طلعتي ..؟؟ لايكون مسجونه وأعفوا عنتس قبل رمضان :)

.
.

بالمختصر..

18-09-2007, 20:48

.
.

وشو عليه تباركون لبعض علمونا :)

ذبحتس الشفايه هــاه ..؟؟ :055r:

والله ماكان ودي ارد عليتس .. بس عشان ماتفهمين غلط ( يالشكاكه :055r: )

كان يبارك لي بنجاحي .. هو يحسبن مانجحت وصححت لوه المعلومه بــس !!

ارتحتــي الحيــن ..؟؟ :242r:

لاعاد اشوفتس هنــا .. فـرقـا وجـه :2gunsfiri << مهي من قلب ترى

.
.

اجوديه

18-09-2007, 21:27

.
.

رووز انتي منين طلعتي ..؟؟ لايكون مسجونه وأعفوا عنتس قبل رمضان :)

.
.

:goooood:

ههههههههههههههههه
ههههههههههههههه
ههههههههههههه
ههههههههههه
ههههههههه
ههههههه
ههههه
هههه
ههه
هه
ه

ايه بالله نفس التساؤل ؟؟؟

وين كل ذي الغيبات!!!!!!!!!!!!!!!!!!!:148r:

مهاجرة باحساس

18-09-2007, 21:54

-----------------------------------------------------------------------

مهاجره بإحساس
توقعاتك معضمها صح 100%
هل إنتي بنت جيراننا اللي نوصيهم على البيت وسقي الشجر إذا سافرنا لحايل بالصيف؟
-------------------------------------------------------------------
توقعاتي فيك
جامعية لغه إنجليزية
العمر 27 و 5 أشهر و13 يوم و 6 ساعات
من الشرقية - الخبر
طويله - جميله - رشيقه - شمحوطه
مخطوبة من واحد يسكن الرياض مبروك
ذكية جداً جداً
حساسه
طيبه و شكاكه وجريئه
وكل عام وانتي بخير

..................

الحمد لله كل ماتوقعت لشخص .. يطلع صح :d:

لا دراستي مو انجليزي .. :(

العمر غلط ..:)

من الشرقيه .. :thumb: ... بس مو الخبر

طويله - جميله - رشيقه - شمحوطه :)
مخطوبة من واحد يسكن الرياض مبروك :) :) الله يبارك فيك .
ذكية جداً جداً:)
حساسه:g:
طيبه و شكاكه وجريئه ...........:)
وكل عام وانتي بخير............. وانت بخير وصحه وعافيه

وماني بنت جيرانكم :d:

Rose

19-09-2007, 00:15

بالمختصر . اجودية ............. حياكم اللة من جديد .... اذا انتو نسيتو ررررررروز فا روز مانستكم ابدا

مشغولة بالمدرسة ......... على فكرة اخباركم توصلني وكل جديد اطلع علية بعض الاحيان

مايكون عند الواحد شي يضيفة فاالمشاهدة والاطلاع يكفي ..............

الحين انتي وياها بس استلمتو تحقيق ولا وحدة فيكم توقعت عن روز شي !!!!!!!!!!!1 هذي اخرتها

امحق english team ......................... :148r:

see u :d:

ح.م.ي.د.الغفيلي

19-09-2007, 02:20

اولاً اسمك مو روز

اتوقع انك تدرسين في ثالث ثانوي

وتفكرين بالوزارة وتونا باول العام

واتوقع عمرك بالكثيرررررررررررررر (18)

واتوقع انك دلوعة زيادة (عن اللزوم)
قسمك بالمدرسة ادبي

واتوقع انك (دبة شوي) لا تزعلين اتوقع

وتسكنين في المنطقة الوسطى

أبوطروق

19-09-2007, 03:03

ح م ي د الغفيلي

يالله حيوه

ساكن: الخفجي
العمر: 25
الهواية: الفرفرة بالكرنيش
العمل: لايوجد

طويل ونحيف مرررررة
حنطي مرررررة
مدمن على الشات والشاي وتقرب لريال الفسحة

هذا اللي طلع معي وتقبل تحياتي

Rose

20-09-2007, 01:19

حياك الله اخوي الغفيلي ...... اسمي مو روز هذي صح

طالبه في الثانوي \ قسم ادبي هذي لا : انا متخرجة من الكلية من سنتين وكنت قسم علمي في

الثانوي .......... دلوعه عاد هذي كيف جبتها ولا بزيادة بعد :148r:

سمينة شوي لا والله انا مو سمينة ابدا

ساكنة الوسطى هذي اوكي :thumb:

اتوقع انك موظف حكومي \ طووووووويل نحيف ساكن الرياض مدمن نت

see u

بالمختصر..

20-09-2007, 01:25

.
.

روز جابك الله .. :)

انتي اتوقع تخصصك ( ياإنجيزي .. ياأما ماده علميه !! )

وتحبين الحلويات بشكل عااااااام

وماتأيدين زواج الأقارب :)

والوظيفه ماهي شئ أساسي عندك

يعني توظفتي وألا لا .. عادي عندك ..

وكسوله شوي أو على الأقل ماتشتغلين ألا لـ نفسك :)

.
.

AL-SAAD

20-09-2007, 01:49

والله موضوع فلللللللللللللله

عرفنا عنكم
ناس بالكويت وناس مادري وين بس الخرخير ماشفت فيه احد هههههههه
بقول توقع عن اللي قبلي سفري سفري لان وراي دوام

بالمختصر اتوقع عمرها 24
جامعيه للان
سكنها القطيف\\\ياويلك ويلاه ههههههههه

مزوحيه
نحيفه ومتوسطه الطول
دلوعه
هوايتها ككل البنات تسوق وشراء الماركات العالميه من المجمعات
هذا اللي طلع معي سفري سفرررررررري

أبوطروق

20-09-2007, 03:39

AL-SAAD

20-09-2007, 07:20

السعد

إقتباس

والله موضوع فلللللللللللللله

عرفنا عنكم
ناس بالكويت وناس مادري وين بس الخرخير ماشفت فيه احد هههههههه

____________________________________________________________

راجع الردود تلقاني متوقع أحد الأعضاء من الخرخير

أتوقع عمرك 26
ساكن الدمام (وكاشخ بالخبر)

سواق ليموزين ههههههههههههه

تحب المندي والتونة

تحياتي إلك

ابو طروق
ههههههههههه
يطقع ابليسك
ضاقت الا لموزين
كان قلت لي بأرامكو سكرتير ولا ولا ولا
ههههههه
بس ماعليه جانبك الصواب بهالتوقع

العمر صغرني شوي وتضبط معك

السكن بما ان وظيفتي بالخبر ساكن بها
بس ليه لا نفكر بالدمام لانتقلت وظيفتي لها

المندي افا عليك فيه واحد مايحبووووووووووووووووووووه

تسلم يابو طروق
اضحك الله سنك ياشيخ

ابو طروق بما اني اسرجع الذذاكرة وكني سمعت انك بشركة
انا اقول انك بسابك
عمرك 45 متزوج من ثنتين ومتوهق معهن ههههههه

هوايتك صيد السمك

سيارتك جي اكس ار قطري طبعا
مؤهلك الدراسي ثانوي
مزوحي
متوسط الطول يلبس قبعه زرقاء>>>>>>>>كني طلعت برا الوصف ((من كثر ماسمع البلاغات ))
هههههههه

ابو طروق (رجل تكانه)
دمت بود

بس لاله عاده تخليني سايق ليموزين تراهم قاهريني هنا

مهاجرة باحساس

20-09-2007, 08:02

السعد أبي اتوقع لك كم توقع على الطاير ..

عمرك 24 :) تراني ماغشيت

وتسكن بالشرقيه :)

وسيارتك مهي موديل هالسنه . . يمكن سنة 2005

تحب الكشخه

وتدلع نفسك ,, تقريبا أناني :)

عايش لحالك ..

تحس كل الناس اذا مشيت يطالعون لك وهم اساسا يطالعون للنظارات اللي لابسهن :)

أجتماعي بطبعك بس للاسف ماعندك الا صديق واحد :)

فلاوي بطبعك بس مشاغلك كثير عشان كذا مانشوف خشتك هنيا :)

حساس ورومنسي_ :)

يوم كنت بالثانويه كنت دايم تهرب برا المدرسه :)

وبس :) :)

صدى الشمال

20-09-2007, 13:16

طيب دوري

خير ان شاء الله.

مهاجره باحساس:

تعشق الصباح

ودائما ما تشرب سبرايت حار وقت الفجر

لأنها تعتبره من وسائل التفاءل

لان مذهبه بوه طق

تفضل أكل الاطفال

طبقها الرئيسي برمضان فشفاش ابو نص

تفرح عندما ترا فيلا يهرول

تفضّل جمع العلب المعدنيه بدلا من الطوابع البريديه

لها اسلوبها الخاص في التعامل مع بنات جيلها

عندما تشتد بها حالتها النفسيه تلجا إلى عض الملاعق

ومسرفه بعض الشي

السكن/ صندقه من خشب ايطالي الماء ما يخر لا جا المطر

العمر/ سنه وحتى 40 سنه <<<<<<<< هذي صح ميه بالميه

.

أبوطروق

20-09-2007, 17:43

ابو طروق
ههههههههههه
يطقع ابليسك
-وابليسك:7ayyoh:

ضاقت الا لموزين
-أنا أقصد السيارات الطوااااال حقات الشخصيات ياشخصية

تسلم يابو طروق
اضحك الله سنك ياشيخ
-وضروسك كلهن

ابو طروق بما اني اسرجع الذذاكرة وكني سمعت انك بشركة
انا اقول انك بسابك
-سابك بالجبيل وأنا ماني بالجبيل

عمرك 45 متزوج من ثنتين ومتوهق معهن ههههههه
-فال الله ولا فالك ياشيخ وكبرتن عشر سنين ياظالم

هوايتك صيد السمك
-هواية قديمة تركته وياليت ترجع

ابو طروق (رجل تكانه)
دمت بود
-مشكور
بس لاله عاده تخليني سايق ليموزين تراهم قاهريني هنا
-حاااااااااااااااااااااااااااااااااضر:):):)

أبوطروق

20-09-2007, 18:00

طيب دوري

خير ان شاء الله.

مهاجره باحساس:

تعشق الصباح
......والصباح يعشقه ولا لا؟

ودائما ما تشرب سبرايت حار وقت الفجر

لأنها تعتبره من وسائل التفاءل

..... التفائل ولا التفاعل؟؟؟؟؟؟؟؟؟؟

تفضل أكل الاطفال

.....أعوذ بالله انت متأكد من هالكلام؟؟؟ وانا أقول كل يوم بالجرايد إعلان عن طفل مفقود (اثريهم ببطن هالغولة) تريترا على غفلة!!!!!!!!!

تفرح عندما ترا فيلا يهرول

.....مهي غريبة تفرح لربعة

تفضّل جمع العلب المعدنيه بدلا من الطوابع البريديه

......خخخخخخخخخخ طلعت بنقالية

لها اسلوبها الخاص في التعامل مع بنات جيلها

.....لا يكون تاكلهن بعد

.

:7ayyoh: رمعات:thumb: ياصدى:tongue::tongue::tongue:

:goooood:

بالمختصر..

20-09-2007, 21:11

.
.

بالمختصر اتوقع عمرها 24
جامعيه للان
سكنها القطيف\\\ياويلك ويلاه ههههههههه

لاحول ولا قوة ألا بالله القطيف مره وحده :148r:

لأ لأ .. يعني حديتن إني أقول من وين ..

يآخوي أنا من سيهات وإسمي ( معصومه n) )

وش رآيك الحين ..؟؟ :)

.

بس نفسي أعرف الخرخير هاذي وين مكانه ..؟؟

أبوي حذف برنامج قوقل إيرث وألا تسان وايقت عليهم وشفت وينه .. :)

مزوحيه

يقولون ..

نحيفه ومتوسطه الطول

:puzzled: اتركوا عنكم هالسوالف طويله قصيره .. دبه نحيفه ..!!
دلوعه

what is this :)

هوايتها ككل البنات تسوق وشراء الماركات العالميه من المجمعات

هوايتي التبذير والله :)

هذا اللي طلع معي سفري سفرررررررري

كل هذا وتقول سفري ..؟؟!!

أجل لو متكّـي وش تقول .؟؟ :7ayyoh:

.
.

بالمختصر..

20-09-2007, 21:17

.
.

AL-SAAD

اتوقع انك موظف بالشرطه وألا المرور ..؟؟ :)

وساكن بالخبر (شمر) <- ماغشت أبد :)

عزوبي .. و مالك نيّه تزوج هالوقت ..!!

تتمنى تتزوج وحده مزيوووووووووونه .. مايهمك لو ان طبعه أقشر

اممم وش بقى ؟؟

إيه تحب أكل المطاعم .. خصوصاً الأكلات الشعبيه

تشيش والله العالم .. :)

بس

.
.

مهاجرة باحساس

20-09-2007, 23:00

طيب دوري

خير ان شاء الله.

مهاجره باحساس:

تعشق الصباح >>>>>>>>:thumb:

ودائما ما تشرب سبرايت حار وقت الفجر

لأنها تعتبره من وسائل التفاءل

لان مذهبه بوه طق>>>>>> :a:

تفضل أكل الاطفال >>>> ياظالم

طبقها الرئيسي برمضان فشفاش ابو نص>>> :d:

تفرح عندما ترا فيلا يهرول>>>>>> :tongue:

تفضّل جمع العلب المعدنيه بدلا من الطوابع البريديه>>>>> :tongue:

لها اسلوبها الخاص في التعامل مع بنات جيلها>>>>> :thumb:

عندما تشتد بها حالتها النفسيه تلجا إلى عض الملاعق>>>>> :g:

ومسرفه بعض الشي>>>>> :thumb:

السكن/ صندقه من خشب ايطالي الماء ما يخر لا جا المطر>>>>> :d:

العمر/ سنه وحتى 40 سنه <<<<<<<< هذي صح ميه بالميه>>>>> :d:

.

_______

أحلى توقعات مرت علي وسبحان الله صح ماشاء الله عليك

:) :) :)

أبوطروق

22-09-2007, 20:19

يا ناس من شاف عجوز الفلة
من درست بمحو الأمية وهي غايبة عنا (لا ومتعلمه التسذب تقول صرت أبله) المسيكينة خايفة من شماتة ريال ومنصورههههههههاي

أقول اللي يشوفه يقول له تجي ولا تخاف ماني معلم أحد خخخخخخخخ

leonel messi

23-09-2007, 05:59

ـآبو طروق

يـآ يويلكـ من توقعآتي

ـآتوقع ـآنكـ بـآلخفجي وسـآكن بآلغربية و قدـآمكم شآرع :)

و عمركـ يترـآوح بين ـآلـ 15 ـآلى 30 :)

و تفضل ـآلغترة على ـآلشمآغ :)

و ـآنت عندكـ ـآخو ـآكبر منكـ و ـآخو ـآصغر منكـ :)

حلوة ـآلتوقعـآت ؟؟

AL-SAAD

23-09-2007, 06:07

السعد أبي اتوقع لك كم توقع على الطاير ..

عمرك 24 :) تراني ماغشيت

>>>>>>>>>>>>>تهقين!! ههههههههه

وتسكن بالشرقيه :)
>>>>>>>نص ونص (هنا وهناك)

وسيارتك مهي موديل هالسنه . . يمكن سنة 2005

>>>>>لا ماعليه ارفعي راسك شوي وخليك كريمه هههههههه

تحب الكشخه
>>>>>>بالحيييييييييييييل (هو فيه احد مايحبهاااااااش)

وتدلع نفسك ,, تقريبا أناني :)
>>>>>>>>>>>الانانيه ماهي حولي ولله الحمد

عايش لحالك ..
>>>>>>>>>كان مت ههههههههه

تحس كل الناس اذا مشيت يطالعون لك وهم اساسا يطالعون للنظارات اللي لابسهن :)

>>>>>>هم يطالعون لي بس مو للنظارات ههههههههه(اممممممش يابو رممش)

أجتماعي بطبعك بس للاسف ماعندك الا صديق واحد :)
>>>>>>>صحيح اجتماعي لاكن كثير اصدقائي هنا وبحايل

فلاوي بطبعك بس مشاغلك كثير عشان كذا مانشوف خشتك هنيا :)
صحيح راعي فللللللللله هههههههههه مامن مشاغل بادخل النت دوم س الصراحه مافضيت للمنتدى هذا الا برمضان
كنت اخش واتابع واطلع(

حساس ورومنسي_ :)

>>>>>ياحليلي بس ههههههه

يوم كنت بالثانويه كنت دايم تهرب برا المدرسه :)
>>>>>>>>>>>>لالا كثير غياب هههههه
وابشرك خلصناها وخلصنا اللي بعدها

وبس :)
>>>>>>>>>>وبسين

:)

توقعات قريبه لك
مممممممممممم

6 من عشره

ثاني مره ذاكري زين

دمتي بود

AL-SAAD

23-09-2007, 06:19

.
.

AL-SAAD
>>>>>>>>>>هلا بمعصومه هع هع هع

اتوقع انك موظف بالشرطه وألا المرور ..؟؟ :)
>>>>جانبك الصواب يامعصومه هانم

وساكن بالخبر (شمر) <- ماغشت أبد
>>>>>>>>>>لا غش غش هههههههههه

عزوبي .. و مالك نيّه تزوج هالوقت ..!!

ايه ومالي وجه اتزوج لاني مطلق>>>>>>(امممممش والله من التسذب هههه)

تتمنى تتزوج وحده مزيوووووووووونه .. مايهمك لو ان طبعه أقشر

>>>>>>>>>>ياحلوها لاجتك مزيونه وكل مافيها يحليها (البنت على امها والسؤال عن امها سهل >>>>>>>مخطط الولد ههههه

اممم وش بقى ؟؟
>>>>>>>>بقى نقى وحامد وسالم

إيه تحب أكل المطاعم .. خصوصاً الأكلات الشعبيه
>>>>>>>اذبيحيني عندهم هههههههههه

تشيش والله العالم .. :)

لالا والحمد لله ربي مجنبني هالامور

بس

توقعات حلوه
بس لا له عاده تقولين اشيش هههه

.
.

اعطيك بالاختبار ياطويلة العمر 5 من عشره

THANK U VERY MUCH بالمختصر

دمتي بود

AL-SAAD

23-09-2007, 06:22

leonel messi

ساكن الظهران

عمره 20

عزوبي

طالب جامعي

سيارته لومينا

هوايته كرة القدم

صاحب مقالب

اكبر اخوانه

ها وش قلت ياميسي

أبوطروق

23-09-2007, 07:04

هلا بميسي يالله حيوه

رمعاتك حول العارضة ولو غيرت (شوي) كان قلت لك 100%

ميسي
العمر: 22سنة ونص
السكن: الخفجي الشهباء (بالصناعية)
العمل: سمكري_بس شاطر
الهواية: التصوير بالدوارات (يوم الجمعة)
الشكل: مثل هالأشقر اللي انت حاط صورته هههههههههههه

شاكر لك
وتقبل تحيا تي

ريتاج

22-10-2007, 03:24

صراااااااااااااااااااحه الموضوع مو حلو الا يهبل الله وناسه

مشكور على الموضوع

ريتاج

22-10-2007, 03:41

صرااااااااااااااااحه انا اتوقع ان ابووووو طروق

عمره 39 ومتزوج

وشين حلايا وطبع هههههههههههههههههههه

وسااااكن حايل واصلك يرجع للفراااعنه ***يعني مصري هههههههههههه:4_1_72:

ومدرس ابتدائي خخخخخخخخخخخخخخخخخخخ

تستاااااهل انت اللي اخترعت اللعبه حقك ومااااجاك

الله يزين الراحه اللحين انتقمت

عشان مره ثانيه تعرفووون منهي رتوووووجه الشريره:5_1_123v:

ههههههههههههههههههههههههههه***ظحكه شريره:36_1_1:

عجايب بنت الشايب

22-10-2007, 05:33

8
8

شريرة ودميعات عويناتس تصب ..؟

شلون تجي .. :)

بعدين بس هذا ابو طروووق ؟

ماتدرين ابو طروووق

من اكثر زوار المتاحف .. والعيادات النفسيه ..

يعشق التصوير علشان يشقق الصور

يصاب احياناً بحالة ( تناحه ) تلازمه .. من 4 الى 6 ساعات ..

لذا أنصح بالأبتعاد عنه في هذه الفتره ..

مايميزه .. عن الخليقه والبشريه

انك تجدين بين أصبعيه الإبهام والسبابه مسواك

وبين السبابه والوسطى سيجاره :)

يعشق التحدي حتى يضوق طعم الخساره ..

يهوى السهـــر والتعلله مع أبو عارف .. لن ابو عارف .. ما يختلف عنه كثير . :)

===>> عزتي لابو عارف .. مسلم(ن) غافل تولجتيه

وهذا للحديث بقيه ...

أبو طرووق المطرسه تسلم عليك .. وتقول لك ..

شد حزامك ولا تعرض للخطوط ..==>> تهدد :(

ولي نكسه .. لأني أحب توضيح الحقائق ==> بتشتغل نفسانيه معكم

طحياتي .....’’

ابو عارف

22-10-2007, 05:53

اللهم أجعلني مظلوم ماني ظالم.

أتوقع عجايب بين 25-28 سنه

خريجة كلية التربية بالدمام

هاجرية تسكن مخطط 91 -------- تعشق البداوة وتحب المواشي ------ متدينه ماتثق في الرجال--------- عزباء ------ قوية شخصية .

إذا كتب لها الزواج أما أن تكون لها القيادة والسيطرة أو تندبغ بين الفينتي والإخرى.

أبوطروق

22-10-2007, 10:29

ماشاء الله من متى وانتم هنا؟ ليييه ماعلمتوني

ريتاج/ اللي يهبل ويونس حضورتس
بس رمعاتس مهي يمهن (ماني من الفراعنة)

هاه عساتس فشيتي خلئتس

:

أبوطروق

22-10-2007, 10:46

أبله عجايب/ ماعمرتس شفتي تمساح يبكي؟

بعدين تعالي ليه تشوهين سمعتي قدام المعجبات! أنا مريض نفسي ياملا النفاس(دعوة حلوة للآنسات العانسات) وكلش ولا عشيري أبوعارف الشايب المزيون لا أسمعتس تطرينه بالشين تري انتف شوشة ريالووه تأديبا لتس.

(وشي الخطوط اللي ما اتعرض له)
(وشن الحقائق اللي يبن توضيح)
أرجو التوضيح وشكرا

طحياتي

:

أبوطروق

22-10-2007, 11:03

هههههههههه أبوعارف يازين حتسيك (ويلوموني فيك يالعشير)

عندي ملاحظة:
تقول ان عجايب ساكنة في مخطط91 بالدمام وهذا غير صحيح
لأنه اعترفت في احد المواضيع /اعتقد يوم كانت بمقلاة إيمان قويدر/ اعترفت وهي بكامل قواه المخية انه تعيش في مدينة على حدود الكويت وليست حفرالباطن.
(يعني عندي بالخفجي) خخخخخخ بس لاتعلم أحد

تحيا تي لكم كلكم

:

ابو عارف

22-10-2007, 14:05

تسلم يالعشير الطيب كنت أظن إنك من سكان أبقيق يا أبو طروق مادمت من سكان الخفجي سلم على فيصل حمود والأصمعي وعلى كايد أبو شريف وعلى عودة أبالميخ وعلى خاصة نفسك لاهنت.

--------------------------------------------------------

السؤال للي بعدي

مسألة حسابية

لديك 500 ريال تذهب بها لعجايب و تشتري فيها عدد 100 بدون باقي من الخرفان والدجاج والبيض وذلك بالأسعار التالية الخروف ب 50 ريال الدجاجة ب 10 ريال والبيضة ب ريال واحد فقط

فكم تشتري من كل صنف؟

ابو عارف

22-10-2007, 18:54

بسيطه الحل

1- خروف 50 ريال

39 دجاجة 390 ريال

60 بيضه 60 ريال
-------------------------------

100 راس 500 ريال

ريتاج

22-10-2007, 20:52

*كلي بكم اعجااااااااااااااب*
اناااااااااااااااااااا معااك فكل اللي تقولينه وصح السااااانك يااااااااااحلووووه
تصدقين عاااااااااد شكلي ابي اظم ابو عارف والشااايب الثاني لمجموعه المحضووورين

يااااحيااااااااااااااتي مااأنسى جميلك وفزعتك معااااي

*ابو طروق الشاااايب*

من اللي لاعب عليك وقااايلك اني معجبه ههههههههههههههههههههههههه هذي نكتت الموسم

انا اعتبرك زي ابووووي لا اكثر ولا اقل يابابا خخخخخخخخخخخخخخخخخخخخخخخخخخ

حقك وماااجاااك

الا على فكر هيابابا متى تد خلوووون المنتدى انااااا دااايم ادخل ماااا ألقى احد

ابو عارف

23-10-2007, 08:38

صباح الخير ياريتاج قصر التاج حايل

اشوف اسم الشيايب ابو عارف طالع إسفيه عسى ماشر؟

ماتخلون الحش يابنات

ريتاج

24-10-2007, 00:51

لا أبد سلااااااااااااامتك ليه مافيه غيرك ابوووعارف

المطنوخ

24-10-2007, 01:59

المطنوخ

24-10-2007, 02:00

على فكره اللغز مافيه اي تلاعب بالالفاظ او حروف او بطيخ

اللغز صحيح وجااااااااااااامد على قولة المصريين

عجايب بنت الشايب

24-10-2007, 04:32

الحل / الكبريت :)

أبوطروق

24-10-2007, 04:34

مطنوخ بيك

الظاهر انت وابوعارف طبيتوا الفيضة!!!!!

مشاركاتكم هذي حولوها لموضوع الغاز فلاوية

ختيرتوا شبااااااب

لسا بكير

:

حل اللغز وانا ابوطروق:

(مره حامل وشايلة طفل)

تحيا تي يازعيييييييم
تو الصفحة نورت (لا تحترق بس)

:

عجايب بنت الشايب

24-10-2007, 04:37

أبو طروووق ..

وش هالخفجي .. ذي .. اللى انا فيها

( طحيه لهم بس ماني منهم :) )

اانا من عجــــــــابستان ..

أبو عارف ..

مواصفاتك .. 5% منها صحيح فقط .. وبالعربي كم نقطه وهي

شخصيتها قويه

لا تثق بالرجال

عـــــــزباء ..

&&

ريتاج

لبى كلك .. أرحبي ..

طحياتي .....’’

أبوطروق

24-10-2007, 04:45

أأه شفيئ يا راااجل

الخفجي يا هانم خخخخخخخ

أبوطروق

24-10-2007, 04:54

ريتاجوووه خلي
عجوووبه تنفعتس

:

تشاوووه

أبوطروق

24-10-2007, 04:57

راجع لكم عقب باتسر

ابو عارف

24-10-2007, 08:25

يالربع تصدقون نسيت هالموضوع <--لا لا اللي متشفقينك ---->اي يتشفقوني غصب .. مومشرف؟:puzzled:

ابي اقولكم لغز ..واللي يحله له بيت بأسبانيا وسيارة جلاردو وهيفاء وهبي:luvlove:

يقولك كان ياما كان <--ماودك تنومهم بالسرير أول؟:puzzled:

اسمعوا يالربع وياربعاتn)

فيه جسر معلق بين جبلين

وفيه 3 اشخاص لهم ارواح يعني اوادم

هالثلاثه اشخاص عبروا الجسر .. حلو؟؟

شلون عبروه؟ انا اقولكم

(ركزوا معاي)

واحد عبر الجسر وهو يشوفه ويمشي عليه

واحد عبر الجسر وهو يشوفه لكن مامشى عليه

واحد عبر الجسر لكن ماشافه ولا مشى عليه

وشلوووووون؟؟؟؟؟؟؟؟؟؟؟؟؟

--------------------------------------------------------------------------

حل اللغز

يمكن الجسر هذا يشبه جسر المحبة بين المملكتين السعودية والبحرين.

1- بسيارة تمشي على الجسر
2- بقارب تمر من تحت الجسر ويشوفه
3- بطائرة تمر من فوق الجسر ولايراه
كم مساحة الفيلا في إسبانيا وهل هي حرة وإلا عليها قرض

هات المفتاح وعطنا العنوان

الصراحه لغز مليان وفاز به عكاشه ( أبو طروق ).

ريتاج

24-10-2007, 10:38

انا يمكن صح حلي ويمكن لا***تقل قايله شي جديد

الاول عبر الجسرع عادي ويجر معاه عربه العربه فيها ثنين
واحد متربع ويقز الناس
والثاني نايم مايدي وين الدنيا به

بليز لحد يقلد حلي:148r:**ياربي يالثقه اللي يقول حاله صح خخخخخخخخخخخخخخخ

بااايااات**

أبوطروق

24-10-2007, 11:22

ريتاج حايل

العمر 30سنة (عانس)
الإقامة في الصناعية (بنقالية)

الوجه مدور والشعر مقرعط والعيون مبققة تقل تبي تطيح

الهواية تجميع القواطي والأكل وتحبين الكبيبه(دبه) وتحبين العزايم

:وبس

تشاوات

ريتاج

24-10-2007, 11:37

معليش مقبووووله منك يابابا أنا لازم احترمك

اسم الله علي من العنوسه الله لايقوله ان شا الله عدويني

اما الكبيبا امووووووووووووووووت عليها

اكتشااااااف جديد انك متقاعد ليش على هالصبح مارحت تدرس الوغدان

ههههههههههههههههههههههههههههههههههه

وادري انك بتقول ليش مادرستي والله اني غايبه تعباااااااانه خخخخخخخخخخخخخخخ

سكته عاد الحين عندك شي ياجدوووووووووووووو

تشااااااااااااااااااااووووووووووووو

أبوطروق

24-10-2007, 11:48

أنا الحين بدوامي يا شاطرة

بعدين من قال لتس إني مدرس(أعوذبالله) ان أكون من المدرسين

تحيا تي يالوغادة وماتشوفين شر

أبوعارف (اظهر) وبان عليك الامان

ريتاج

24-10-2007, 11:53

مشكوووووووور انا وغده

اصلا مالي الا اسوي زي ما قالي المطنوخ ازرقكم لانكم تحطموووون

ابو عارف

24-10-2007, 13:08

ويش أكثر من هالتحطم طالبة وغائبة تطارد في هالمنتديات وتقول تعبانه.

إلاقولي سهرانه روحي مدرستك الله يصلحك يافرتاج

عندي ولد مثلك عطول بطول ماتبينه حتى تكمل الرصه.

أبوطروق

24-10-2007, 13:21

هلا بالشيخ أبوعارف

انتبه من هذي تره ماتنحارش (معه توصية من المطنوخ) وانصحك بزرق المذكورة لأنه..........

أوفر

:

ابو عارف

24-10-2007, 13:37

هلا بيك يالعشير الطيب والغالي

مشكلتنا الصراحة

الله يستر من طنخان وعجايب كلهما يقدمان ل ريتاج النصائح ويحذرونها من الشيبان الله يدفع البلا . توي عرفت إن سوق الشيبان مثل سوق الأسهم طايح.

ريتاج

24-10-2007, 19:16

فرتاجok فرتاج ماعليه يالمخبل يالشيبان

ابو عارف اذا ولدك زيك مانبيه ولا تشوفه عيني بالمتدى

الحين يالله مستحملينك انت عشان يجي ولدك بعد

وبعدين اغيب ما غيب مالكم دخل

أبوطروق

25-10-2007, 12:28

أم عيون مبققة

اقول امسحي المربى اللي على شوشتس لاتمتلي نمل

انتي وهالشباصة اللي كاشختن به

:

ريتاج

25-10-2007, 12:39

هههههههههههههههههههههههههههههههههههههههه هه

والله انك نكته يالخبل اول مره اشوووف شااايب خبل بالله عليك من اللي سامحلك تدخل لمتدى
هههههههههههههههههههههههههههههههههههههههه ه
تبي اعلم عجوزك عليك انت وابو عارف

بعدين معلومه جديده اول مره اعرف ان المربى ينحط على الشعر **الشوشه زي ماتقوول
بعدين عيوووني عاااااااجبتني عندك مانع***اللي يقول شاايفهن

أبوطروق

25-10-2007, 13:21

الحمدلله والشكر هذولي تسمينهن عيون؟ لو هن لي كان فضختهن واحط بدالهن برتقال احسن

وبالنسبة لعجوزي لا تعبين حالتس لأنه عضوة معنا بالمضايف وتشوف وتقرا كل شي وأبوعارف نفس الشي يالمقمولة

أقول لو تغسلين قدورتس أبركلتس من التسكع بالمنتديات

تشاو

:

ريتاج

25-10-2007, 13:32

اناااااااااااااااااا اوريك يالشايب الكحيااااااااااااااان انا مقموله مايعيب الا العايب

والله لاوريك لااعوفونك بنفسك يالسخيف

وبعدين من اللي لاعب عليك وقايلك اني خدااامه ***يابووكرشه**هههههههههههههههههههه

الله يعين عجووزك ياااااهي مقروووده الله يعوضها بالجنه

وش يحلالك توصل لمستواااي يالشااااايب