عجايب ومنظمة العمل والعمال وتجربة الدولة ..!!

[عجايب بنت الشايب]

السلام عليهم جميعاً


كريم رمضان


وعواده من عساكم


قبل نبدا وقبل اعلمكم وش عندي اليوم


الحمد لله على سلامة المضائف عامه والفله خاصه ..> عنصريه :d:


تصدقون متت من الضحك


أول يوم طفا فيه الكهرب ... الحمد لله كنت توني باأطلع

ربي يحبني ..

عاد ماكان علي نعول وحده حذفتها على الغريب :148r:

ووحده .. أنشقت لأني كنت ادق فيها مسمار التثبيت :d:


ويوم طفى الكهرب .. كلن طلع ويصايح ويجمع ايقوناته ويطلع الأعضاء الا مضيف واحد


مضيف النيفيا ( فيض المشاعر )

لأنهم أصلاً مطفين الكهرب ومشغلين شموع

الا تطلع علي .. لوليتا .. تقول لي يوم شافت معي تريك ( بجلي )
من بعيد تحسبوه شمعه


تقول لي : ماشاء الله مروقين اليوم ؟؟ بتكتبون خاطره


قلت
استغفر الله والشكر الكهرب خربان .. والعرب استلجت ومذبحه داخل ودقينا على الدفاع وريال راح لبو ريالين ولد عمه يجيب لنا تريكات وكرتون شموع اللي عشر حبات بريالين


قالت : ليه ماتجيبون الشموع اللي بريحة الفراوله اثنين في واحد


والله وانا تزوم تسبدي .. لأني مااحب الفراوله >> متعوده على ريحة الديزل اللي بالوايت


قلت لا ياحيي أم ريحه أكيد غاليه .. وحنا ناسن نبي نعيش .. مانبي هالخرابيط .!!

قالت : ياربي منكم والحب والرومنسيه مالها مجال عندكم ؟


قلت : إلا نعم الحب شوفيه عند ابو عثمان العطار .. اللي بالدايري أمشي يمين واخذي اللفه ..
ترى يبيع الكيلو بعشره والمخلط بخمس طعش


أما الرومنسيه
أخبر اخوي يحلق على الصفر عند حلاق اسمه (صالون الرومنسيه للرجال) > أجل للحريم n)


عاد بعدها كأن كأن كأن .. لوليتا هالمره هي اللي زامت عليها تسبدها :d:

ولا عاد شفتها شكلها راحت تغسل يدينها مني :goooood:




الوكاد ...

يالربع ... تعرفون اندونيسا جاهم بلا ...

ايه


يقولون بتصير رواتبهن 800 ريال . يعنبوهن .. بيشفطن الراتب .. وبنقعد نتسلف منهن أخر الشهر


يهبن ..


عاد قررت الحكومه أطال الله عمرها .. إقامة السعوده..

وجعل بنات السعوديه يخدمن شعب السعوديه >> ياروحي يالوطنيه


وكلنا سمعنا بهالخبر

والظاهر أن عبدالله المهيني منزله هالموضوع بالعام >> تتبلى على ولد العرب :)


عاد الله يسلمك يوم قلته لأبوي .. قال ابوي ..


حنا ماوديناكن تقهون بغرفه عند خوياتكن .. تروحن ترقدن وتمرحن بببيتهن


قلت عاد اسمع يالشايب ياللي ربي خالقك ابوي

: الحكومه لا قالت شيء .. انت وانا مانتكلم .. لا تعرفني ولا اعرفك :puzzled:+:(


مير انا علمتك كعلم ماني اقولك ان الحكومه تبي رايك ..


لبى والله قلبك .. :d: > وش عقبه .. ؟ << يعني كلمه تنفعنا للزمن :d:





وعقب ماسمعنا هالخبر بيومين ثلاثه مدري يوم ..


ويدق بيجري .. بسم الله خير اللهم اجعله خير .. وأروح لأقرب دكان

وأطق الرقم اللي طلع لي على شاشة البيجر >> هوااا روح يامجروح ..سفيره

الو .. السلام عليكم .. وعليكم السلام .. داقين علي ؟ ..اي نعم ..


خير ؟

قالوا معك .. منظمة العمل والعمال في مدنية الرياض >> n)

قلت حياكم الله ..


قالوا ..: يسلم عليك .. معالي الوزير ويقول تعالي لمكتبي بكره ..


وطوط وط وط ط


الو ياولد ياعرب ..


خلاص المساله أمر مو طلب ..


واروح لأبوي .. وكيت وكيت .. وعلمته السالفه ..

قال لحظه شوي


(( راح يغسل يدينه مني .. :d: ))



ويومن صلينا الفجر وحنا نغبش على ددسن ابوي ... مشغلين .. الرديّه


ونلبق عند مبنى الوزاره .. قال ابوي اقعدي لا كان فيه اوراق باجيبها لك ..


ويوم دخل عليهم وهو يقولون .. : لا ياخوي رح جيبها تدخل هنا

ابوي ضاقت بعينه الوسيعه .. :( ومسكن بيدي n)


والله ويدخلوني ذاك المكتب الوسيع ... اللي مسفيه الله ..


الطاوله .. تقل كبر أرض ابوي اللي باعها العام ...

والكرسي ..تقل سرير مو كرسي ...


والسراميك .. ودك ماتمشي عليها ... تقل بيتكسر ..

وان اجر ابوي


يبه هذا السراميك اللي تقوله امي .. مركبته ام سالم ...

وابوي ماهو صوبي . شايلن الدنيا على راسه . >> لأني معه

وكل شوي ينشدني انتي مسويه شيء ؟

وانا اقول : اعتقد لأ n) >> تعتقد .. لأنها ماهو واثقه بتهوراتها :d:



ويوم جا الوزير .. >> تمون :d:


قال اسمعي ياعجايب ... انتي يمكن سمعتي .. بالوضع المكركب .. اللي صار مع اندونيسيا بسبب

زيادة الرواتب .. واحنا معارضين .. بس نبغى نسوي تجربه وهي اننا نختبر قدرة بناتنا السعوديات
من باب ( زيتنا في بيتنا ) او ( دهنا في مكبتنا )


وانتي ياعجايب دايم تقولين بمواضيعك بالفله >> ياهوه ياعجبجب الوزراء تتابع مواضيعك :thumb:


دايم تقولين انا مرتن فاضيه وعاطله بقراطيسي والنصيب شافتس وانحاش

والقطار يوم مر من عندك دق ريوس :a:


عاد قلنا مافيه الا انتي . نجرب عليه . هالتجربه ..


وكل شيء تحت امرك .. الشرطه .. والهيئة .. والدفاع المدني والهلال الأحمر ..


انا حسيت اني باصير وزيرة على هالخدمات مو عاملة منزليه >> تجبر خاطرها بالمصطلحات:d:



قلت أعتمد .. وأزهلها ... وأبصم لك على العشره .. وغيرك ماطرى ياشوق ..


قال خلاص كل اسبوع ببيت .. لابد تمرين على بيوت متنوعه .. من حيث العدد والسن والحاله


قلت ابد أعتمد


من بكره قال : اوكيه ...



ونبدأ الشغل ...



أول بيت بدينا الشغل فيه ..


كان عباره عن بيت عجوز قاطينها عيالها بشقه معها شغاله اندونيسيا .. وراحت شغالتها


-----

طق طق طق سلام عليتس يام سعيد

وهي ترتاع العجوز .. بعذرها من زمان عن العرب وعيالها

قالت : من ؟

قلت معتس عجايب .. بنت الشايب ..

باقعد عندتس اسبوع .. واللي تبينه انا اسويه لك ابشري بسعدك بس ..


وهي تبتسي .. >> دموع السعادة والأطمئنان


قلت وين عيالتس .. وهي تعلمني قصتهم وقصه عقوقهم فيها

وانها ماتوشف منهم الا طرف غترتهم عند الباب لاجو يعبون الثلاجة ..


قلت متى يجون . وهي تقول بكره بيجون قلت ابشري بسعدك ..


ان ماخليتهم يركعون لتس ماكون عجوبه


قالت : لتس الخيط والمخيط يابنيتي انا تعبت

ويوم اصبحنا وحان موعد وصول ولدها وانا اتبرقع .. واشد حزامي .. واجي وراى الباب

ويوم فتحه وحط الأكل بكل الأنواع ..

قال من ورى الباب ( مستعجل ) : يمـــه جبت لك كل البقاله .. كل شيء تحبينه ..


قلت انا : جعلك مانت قوي .. ولا كثر الله خيرك .. حتى لو تبني المخازن الكبرى بالبيت


وهو يراعي لمصدر الصوت :a: ويشوف ان اللي يحتسي ماهي امه ..


ويبدأ الصراع اللفظي وبكافة المصطلحات المستخدمه قديماً وحديثاً ..


حتى انتهى بي المجال عند ابوي .. نحو بيت اخر .. :d:




=====

البيت الثاني


كان بيت كله بنات .. ابوهن ميت . وامهن كبيره بالسن .. بنات شقرديه :d:


بس على صح :thumb:

وانا تقل طايحاتن علي من السماء .. لا راحن كشته معهن ..

لا طلعن للسوق وراهن .. ولا اعرست خويتن لهن .. يالله ..

وفي اثناء الصرقعه والخبال .. وقفتني وحده منهن قالت : الأخت في الله ليه جايه عندنا ؟

قلت : تجربة العماله السعوديه n)

قالت : يعني وين فيه ؟

قلت بالبيت n)

قالت يالله روحي للبيت .. عند ماماتي


وانا انقهررر قلت لا .. ابي السوق معكم .. ونقعد نتحالف كلن يحلف على الثاني

وينتهي بي المطاف كسابقه عند ابي .. :)




اذكر اني مريت على بيت كله عيال ..

وصارت هوشه على التتن والصلاة .. :d:


واذكر اني مريت على بيت .. طقاقات .

وأحرقت طيرانهن .. ولا عرفت أضبط شاهيهن n) >> وش اسوي هوو ؟؟





الوكاد اني طلعت بشهادة راسبه في التجربه مع مرتبة الشرف


واعلن بعدها الوزير في جريدة اليوم

اعتقد ان عبدالله المهيني أيضاً نزل هالموضوع قبل كم يوم >> :d:




وقالوا : نعطي أندونيسيه الفين ولا تشتغل عندنا سعوديه .. :luvlove:






عاد الكرف والله بيجينا برمضان مير جعل ربي يواجرنا ...ولا يحرمنا الأجر

ويهدينا .. ويعفو عنا وياكم ولا يجعل لنا ذنب الا غفره .. ذبحتنا هالدنيا

والوزاره ماطلعت الأسماء جعل تطلع روح شارون ..


كل هذا علشان مايصرفون رواتب برمضان .. !!


لاحول ولا قوة الا بالله



كل عام وانتم بخير ..

يمكن يقل تواجدي مثل كل عام في رمضان

مير اسمحوا لي والي زعلان مني .. ولا غلطت عليه ترى والله اني قلبي شاش أبيض

والله يبيحكم ويحللكم ..


ويتقبل الله طاعتكم



وزااااااانــــت علومكم ..



طحياتي .......’’’

[المشرف العام]

وعليك السلام ورحمة الله وبركاته ..




ويوم طفى الكهرب .. كلن طلع ويصايح ويجمع ايقوناته ويطلع الأعضاء الا مضيف واحد


مضيف النيفيا ( فيض المشاعر )

لأنهم أصلاً مطفين الكهرب ومشغلين شموع

الا تطلع علي .. لوليتا .. تقول لي يوم شافت معي تريك ( بجلي )
من بعيد تحسبوه شمعه


تقول لي : ماشاء الله مروقين اليوم ؟؟ بتكتبون خاطره


قلت
استغفر الله والشكر الكهرب خربان .. والعرب استلجت ومذبحه داخل ودقينا على الدفاع وريال راح لبو ريالين ولد عمه يجيب لنا تريكات وكرتون شموع اللي عشر حبات بريالين


قالت : ليه ماتجيبون الشموع اللي بريحة الفراوله اثنين في واحد


والله وانا تزوم تسبدي .. لأني مااحب الفراوله >> متعوده على ريحة الديزل اللي بالوايت


قلت لا ياحيي أم ريحه أكيد غاليه .. وحنا ناسن نبي نعيش .. مانبي هالخرابيط .!!

قالت : ياربي منكم والحب والرومنسيه مالها مجال عندكم ؟


قلت : إلا نعم الحب شوفيه عند ابو عثمان العطار .. اللي بالدايري أمشي يمين واخذي اللفه ..
ترى يبيع الكيلو بعشره والمخلط بخمس طعش


أما الرومنسيه
أخبر اخوي يحلق على الصفر عند حلاق اسمه (صالون الرومنسيه للرجال) > أجل للحريم n)


عاد بعدها كأن كأن كأن .. لوليتا هالمره هي اللي زامت عليها تسبدها :d:

ولا عاد شفتها شكلها راحت تغسل يدينها مني :goooood:



لمعلوميتك .. فيض المشاعر ، للقاريء مرهف الحس :) مايحتاج كهرب ولا شموع ..

عند فرد اشرعة الاحساس في بحر المشاعر ، فأن الحروف تتبلور بهيئه بلّورات مضيئه ، تسرق من القمر ضوئه وتستنسخ من البحر أمواجه





عاد الكرف والله بيجينا برمضان مير جعل ربي يواجرنا ...ولا يحرمنا الأجر

ويهدينا .. ويعفو عنا وياكم ولا يجعل لنا ذنب الا غفره .. ذبحتنا هالدنيا




وش معنا الكرف بس برمضاااان ؟؟ :)

الله يبلغك رمضان ويكتب لك اجر صيامه وقيامه

/

/

أديبه ساخره من الطراز الاول ، تسلّطين الضوء على معاناة مجتمعه بأسلوب ساخر شيّق ومغلّف بنمط الفلّه حجاجي المميز

هذا النوع لا يتقنه إلاّ القليل ، واجدك من دون مجامله من المبدعين فيه


/

بارك الله فيك

[! فدرِآليــه !]

,

يآ‘ني فديتس يآبنت .. حكم وربيْ


هههههههههههههههههههههههههههه
هههههههههههههههههههه

[منصور الغايب]

عجااااايب

كل عام وانت بخير


ماعليه راح اجوز عنك برمضان والوعد عقب العيد باذن الله

قلتي :


عاد ماكان علي نعول وحده حذفتها على الغريب

اخبره حتى اني استغربت

اول مرة اشوف نعال مقاس 52

الله يهدينا وياك شلون تلقين مقاسك انتي

عموما اذا مالقيتي نعال قدك

لفي رجلك بشماغ خخخخخخخخخخخخخخخ





لا هنتي على الموضوع اللي اضحكنا بعد غيااااب

تقبلي الود لان آخر مقالتك تبكي وتذكرني بالم الفراق هاللي صرت مؤدب معاك



سلام

[عجايب بنت الشايب]

يا والله الرزه ياعرب المشــــــــرف العام مره وحده :a: لا والرد الأول


لي عوده ........,,

[أبوطروق]

والله مادري وش أقول!!!
لكن جاي أشكرتس واقدم التهاني بمناسبة شهر الخير

طحياتي

[ريال الفسحه]

ياطول موضوعتس :(

[مصيول]

8
8

ياولد جزمن ـــــــــــ نقراه جميع :):)

[ريال الفسحه]

8


خلاص النصف الاول عليك <-- يبي يزرقوه :)

[عجايب بنت الشايب]

المشرف العام

:7ayyoh:





لمعلوميتك ..

لا تعطيني شيء :puzzled: الي عندي يكفي 43 سنه قدام ..



فأن الحروف تتبلور بهيئه بلّورات مضيئه ، تسرق من القمر ضوئه وتستنسخ من البحر أمواجه

:puzzled: متى ؟





وش معنا الكرف بس برمضاااان ؟؟ :)

لأن فيه ناسات تجيهم شفاحه تقل صايمين قرن مو 13 ساعه


الله يبلغك رمضان ويكتب لك اجر صيامه وقيامه

لاهنت وجزيت خيراً







أديبه ساخره من الطراز الاول ، تسلّطين الضوء على معاناة مجتمعه بأسلوب ساخر شيّق ومغلّف بنمط الفلّه حجاجي المميز

هذا النوع لا يتقنه إلاّ القليل ، واجدك من دون مجامله من المبدعين فيه


n) أخجلتن وأحرجتن و اجحرتن .. لاهنت لاهنت .. n)







لاهنت يابو سلطان حضورك المتكرر للفله ياقايد وسام للفلاويه على سطح الكره الأرضيه

[عجايب بنت الشايب]

فدراليه

لبى والله قلبتس وخشتس .. :)

ياحيي انا لا شفت زولك بموضوعي .. قمت اهيجن ..


:)


لاهنتي

[عجايب بنت الشايب]

منصور الغريب

:7ayyoh:



كل عام وانت بخير

بخير انت و عام كل >> تسمع بالسلام عليكم وعليكم السلام :d:



ماعليه راح اجوز عنك برمضان والوعد عقب العيد باذن الله

يعني تبيني افرح وأحس بوناسه ؟؟ :puzzled: ولا عاد أخاف :puzzled: ..

ياوليدي رح العب مع اخوانك رح الله يصلحك :thumb:



قلتي :

ادري


حضورك مثل قلتك .. :d:





عموما اذا مالقيتي نعال قدك

لفي رجلك بشماغ خخخخخخخخخخخخخخخ

هههههههههههههههههههههههههه :goooood:







يالغريب .. جعل لك والي يارب

ويرحم الله شيبانك .. وكل عام وانت بخير


لاهنت

[عجايب بنت الشايب]

أبو طروق

حياك الله وكل عام وانت بصحه وسلامه تقبل الله منك


لاهنت على حضورك .....,,

[عجايب بنت الشايب]

رييل فسحان

مصيولان


قوووو آآآآآوت :( جلدي

[الكنبيوتر]

جزله هالبنيه


لاعدمناتس

ومبارك اخو سعيد عيال رمضان

[عجايب بنت الشايب]

الكنبيوتر


الجزل وجهك طال عمرك >> :) يعنني اعرف أرد



لاهنت على حضورك .......,,

[بالمختصر..]

.
.




ههههههههههههههههههههههه

اجل اندونسيه بــ 800 ريال

انا اسوي الشاهي وهو شاهي بــ طلعة الروح :)

ههههههههه امزح <- ماتسن الدجاجه تنتظره الظهر :)


:


عجايب اعتبريه تمارين مهو كرف ..!! <- نكابر شـ نسوي :puzzled:


:



عاد الكرف والله بيجينا برمضان مير جعل ربي يواجرنا ...ولا يحرمنا الأجر

ويهدينا .. ويعفو عنا وياكم ولا يجعل لنا ذنب الا غفره .. ذبحتنا هالدنيا

:goooood: :goooood: بــس :g::g:




.
.

[عجايب بنت الشايب]

8
8


يا امي يالمختصر


تعالي تعالي نبكي مع بعض .. :( >> عيشة الشر


تصدقين نفسي هالرمضان اكتب ورقة

بعد الملاعق والكاسات اللي غسلناها


تقل ناكل ملاعق .. تصدقين برمضان

حتى فوق التلفون تلقين ملعقه

وتحت الفرشه

فوق السطح

وعند باب الشارع


لاحوووول




اقول يالغلا خليها على ربك وربي يتقبل منا ومنك


طحياتي ........,,

[متركيةعند المشب]

عجوووووووبة
يا حيي موضوعس موسوووووووووووووووووعه
مار لو ما أطريتي كرف رمضان يكفينا هم الدراسة


بس تصدقين جبرتي بخاطري الله يجبر بخاطرس
أثري ماهو بس أنا اللى ما أداني المطبخ معي ناس واجد


كل عام و أنت بخير والله يعيننا على الصيام والقيام ويتقبل منا

[ابو ضاري]

مشكوره على موضوع شخابيط ماكنتوش

الله يعينك على الطبخ بس انتبهن لاتزودن الملح بالسمبوسه والشوربه

مبروك عليتس الشهر وكل عام و أنتم بخير

مالي دخل OK OK OK

[عجايب بنت الشايب]

متركيه


الضاري



حياكم الله


والله يتقبل منكم


ومروركم شــــــــــرف .. ياسنايدي ......:)



لاهنتم ......,,

[الفيتو]

رييل فسحان

مصيولان


قوووو آآآآآوت :(:(:( جلدي

اص اص اصلام عليكو :)

كلي الله يصلخك بالخيرررررررررررررر :):):) اما قوووووووووآآآآآآآآآآآآآآآوت لحاله موضوع

الله يرجك رج لين تصيرين اعجاب كلي بكم كخخخخخخخخخخخخخخخخخ

عاد الحقيقه مت من الظحك لحد ما بغن يتماطقن ازوني كخخخخخخخخخخخ<--- ماكسه مصريه متسعوده:)

كلي انتي كذا :thumb:

[عجايب بنت الشايب]

8
8

اقول يا ماكسه

اجل ضحكت ..


بالعافيه ولا تكثر فلفل ترى يعطشك برمضان


ويمدحون الفينتو مع السحور .. وخيار ..



:)



أبو مرزوق ..


احس انك خارج نطاق الكره الأرضيه ..


ماتدري وين العالم فيه ولا تبي تدري بعد ... :)

أحس العالم هنا وانت هنااااااك


لا ومسكر عيونك ماتبي تشوف احد ...


ياخي عيدك مبارك ترى الدنيا فانيه ...



طحياتي ...:) > تبي تسبب له . انفصام بالشخصيه .. :)