إذا انت تعجن بالكلام أدخل هنا

[أخشم ومااااطيع]

هلا بكم :7ayyoh:

هذي أول مشاركة لي( يعني رحبوا بي ):)

السالفة ومافيها اننا مانقدر نحتسي بليا عجن

أبي منكم كل واحد يذكر لنا سالفة جاب به العيد وأنا أول من يبدأ

مرة أنا وخويلي رايحينن للصرافة نبي نكتتب بإعماااااار :g::g::g: واويل حالي

واجهت واحد مبطي عنه وأنا أقوم أشخفه مع صابره

شلونك؟ تسيف أنت ؟ شلون الوالط والاخوان؟

والمشكلة الوالط حقه ميت سنة قحي وأعطسي

والزقرت الى هالحين يسمونن الوالط:g::g::g::g:

شرايكم بالعبة هذي اللي من وغدان أفكاري:d:

اللي بعدي (لا تشطفونن ترا أذبحكم):goooood:

[أبوطروق]

يالله حي الاخشم

والله مافهمت شي
شكلك للحين تعجن بالحتسي
بليز تراي اقين

تشاو

[ريال الفسحه]

هههههههههههههههههههههههههههههههههههههههه هههههه
هههههههههههههههههههههههههههههههههههههههه هههههه
هههههههههههههههههههههههههههههههههههههههه هههههه


ماسمعت ولاشفت انذل من خوياك هذولا شلون ساله له خمس سنين
ويعيرونك به<--يانصاب شدراك ان له خمس سنوات ؟؟<--ياخي احساس شدخل اهلك :)<---اجل هذي الحاسه السادسه انت وعلمتك <---لا هذي سبعه بلص<---اطلع ياماااااااااصل








لاهنت ولي عوده موضوعك راااااايق يابعدي

وننتظر جديدك ومشاركاتك الفعاله مع اخوانك<---سرا ليلوه يحسب انوه بالترحيب :)






اي ول باك هير

[الشبث]

موضوعن حليل


نذكر فيه بعض النكبات



انا طال عمرك مرتن من النوبات كنت مسيرن على واحد


واقوم اسولف تسني رجل


قلت ايه امك الله يرحمه وامه حيه


المهم جيت ابصرفه

قلت قصدي الله يغفر له


يم شفته خربت وانا اسكت








وتقلد تحيتي

[عجايب بنت الشايب]

أرحب ياللي تخشم وتطيــع :) >> غصب ماهو طيب

ههههههه

حياك الله بالفله ...




أمـــــــــــمم من ناحية موضوعك والله العجن ياخوي وااااااااجد بالحييل


لأني ياخوك أحس ان لساني يسبق الحرف .. تقل حالفن عليه :)


ثمن يعركب اللسان للحرف وينقلب اللسان ويموت الحرف ..


:(



الوكاد ....


أذكر


أني ...يوم طلع قبول اختي بالكليه جيت ابوي طايره


يبه يبـــــــــه **** أنقلـبـت .. :)



ابي اقول انقبلت ..



واذكر ابوي ارتاع على باله سايقين وايته وأنقلبنا >> ماشاء الله عائله 7 نجوم :)



ولي عوده ... لاهنت الله يونسك بالرضاء ...


طحياتي ......’’

[أخشم ومااااطيع]

الله يحييك يابو طروق

العجن واجد يالعشير ههههههههه

شكرا لمرورك

تشاااااااااااوين

[أخشم ومااااطيع]

رياااااال ذكرتن بالطابور الصبح الله لايعيده من أيام

بعدين اكتشفت أنك آخذن دكتوراة بالعجن ياخالي

هههههههههههههههه

تشكرات أفندم على مرورك

[هدير الما]

اول شي اشكر وغدان افكارك :)


اذكر مرة خويي


يسولف عن طلال مداح


يبي يقول مات وعوده بيده


تسان يقول مات وعيده بوده :)

[أخشم ومااااطيع]

الشبث وماأدراك مالشبث:7ayyoh:

أولا / أنت السبب بمشاركتي بهالمنتدى عشان أرد على كتاباتك :goooood: لاتنغر :d::d:

ثانيا/ أما عجنتك ماتنرقع تسكت والا ماتسكت ههههههههههههههه


ثالثا / تشكرات على مرورك

[أخشم ومااااطيع]

إذا المشرفة نطيع ولا نخشم بعد :d::d::d:


الله يحيتس ويبقيتس :):)

تبين تمكنين البشاااااااارة بس ماحصلتس هههههههههههه

تحياتي وتقديري لمروركrooose2

[أخشم ومااااطيع]

ياهلا بهير الما :7ayyoh:

قريب يجي شتيان ونسمع صوتك بالشعبان والوديان<<<< بايخه صح <<<< :d::d::d:

وغدان أفكاري تقول العفو


حلوه عجنت خويك بس نبي عجناتك أنت

ولا تقول لي ماعجنت :a: مابوه أحد ماعجن بالسعودية ألا غازي القصيبي بس يمكن يخور تاليته هههههه


تحياتي

[هدير الما]

هلابك يابعد ميي :goooood:


انا من اهل الكويت :)


ونسميه بدليات :)



ياولد الا تفضحن يعني :(

خلن استر على روحي:thumb:




مرة ابي اقول سارة وآيات


قلت آية وسارات :7ayyoh:




تشبه بدلية خويي :)

[سعد الشمرى]

يازين من يفكر قبل لايقول شين يصيب صاحبو بالحزن به فارس قال ليت ارقبتى مثل ارقبه النعامه قلوا له ليش قال على شان افكر بالكلمه قبل لاتظهر اذا هى صح طلعت واذا هى غلط سبقته وبلعته

عاد به ناس تظهر منهم له قشيط على قولت الاسلم ازلقى ههههههههههههههههههههه

مشكور على الموضوع الجميل

[أبوطروق]

توي فهمت السالفة (أحسبه عجين وخبز)
طيب اسمعوا عجينتي هقهق

مرة بعرس واحد من الربع جيت أباركله
وبدال ماقول منك المال ومنها العيال قلت (منك العيال ومنه المال)
بس أشوا ما انتبه لي لأنه كان بلشان بس أبوه كان واقف جنبه وانتبه وزعل علي يحسبن قاصده لأن ولده مايشتغل والعروس مدرسة هقهقهق (هالشيبان مايطوفهم شي) هقهقهقهق

وش رايكم بعجينتي

[الشبث]

لاتنغر

اما عاد انغر

ليه هاف المنتخب


هههه







نتشرف بك يالغالي وبردودك





تقلد تحيتي

[الكنبيوتر]

أقول تركتكم يومين قمتوا تعجنون السوالف عجن


هاك العجنه اللي على أصوله


هذا مرتن من المرارير كنَا عند واحد نبي نشري منه غنم الوكاد أنا كنت صغير يعني تقول بالمتوسط رحنا شفنا الغنم وبعدين جيناه بالبيت الرجال كان داخل وفتح لنا حدا عياله كنا مجموعه الوالد وواحد من الشيبان اللي يبي يشتري الغنم وواحد من عياله وأنا طبعا :)

المهم الرجال طوَل داخل وحنَا جالسين بالمجلس ولا جانا أحد ولا شاي ولا قهوة الوكاد دبل تسبودنا وعياله كل شوين حداهم يويدز وتقل مصاليخ مايطلع الا روسهم

شوين وينطق واحد منهم من الباب ويوم طالعنا يمار أنوه لابس فانيله علاَق وسروال أبيض ( بس صاير أصفر ) وهو يقول خوينا الشايب عوذه تسبح وجه

الوكاد أنا قلت ( ترى هذا ولد الراعي البنقالي اللي مشوين عند الغنم شفناه ) على دخلت أبوهم وهم يقبعونه ضحك الربع وأنا يصير وجهي تقل ليمونه :)


وسلامتكم ونشوفكم بالحلقات القادمه


أوه صح مستر مخشم الله حيوه

[صدى الشمال]

كل شوين حداهم يويدز وتقل مصاليخ مايطلع الا روسهم
ههههههههههههههههههههههههههههههههههههههه
ههههههههههههههههههههههههههههههههه










تبون عجن
أبشرو دوكم هالعجنه







مره من المرات تأخرت على الدوام




المهم يامار الضابط محومر من الزعل




جيت يمّه سلام عليكم السلام



على طول قال/ ليش متأخر



قلت ياطويل العمر عندي جدتي تعبت ووديته المستشفى


قال/ الله يشفيها


قلت/ وياك





المهم الربع ضحكو وانا للحين مادري ليش ضحكو




يوم طلع نشدت حديهم قلت ليش ضحكتو


قال ماتدري ليه ضحكنا


قلت لا والله




قال / وياك


هههههههههههههههههههههه


أنا للحين مادري ليه ضحكو



هههههههههههههههههههههههه
















ــــــــــــــــ

حيا الله اللي لفى


يامرحبا باخشم


ولالالالالالاكم

[أخشم ومااااطيع]

هدير الما / الكويت والسعودية واحد بكل شي حتى البدليات هههههههههههه:)
تحياتي لك

الرطاب / تحياتي لك بس وين عجنتك هههههههه:)

ابو طروق / أحمد ربك اللي سلمت من هالشايب تر هم إذا زعلوا قشران وعجنتك خاثره ههههههه:d:
تحياتي لك


الشبث/ هاف المنتخب ههههههههههههه الله يرج سموك
تحياتي لشخصك الكريم:)


الكنبيوتر /هههههههههه حلوه طلع بعد من الدفين اللي عندك:d::d:

الله يحييك يالغالي


تحياتي لك :)

صدى الشمال / بعذرهم اللي ضحكوا لو أنا معهم تسان إلى هالحين أضحك ههههههه :)

الله يحييك ويسلموووووو على الترحيب:)

[بالمختصر..]

.
.




ياكثر العجن عندي :)

بس اذكر مره كنا انا واخوي بالسياره ونسولف عن شي ماأذكر شنهو بالضبط

كنا نسولف عن شي قديـــــم ..

المهم / انا ابي اقول ( أكل عليه الدهر وشرب )

قلت : شـرب عليـه الأكـل ودهـر !!!!!!!!!!!!!!!! :) :)

هههههههه اخوي بغى ينزلن من السياره

وبس هذا اللي تذكرتوه الحين ..




.
.

[المطنوخ]

الله لا يبلانا اثريكم حتى حنوتسكم ماتسيطرون عليهن:)<--مخلين الكنترول عندك:)

يــــا هـــلا ومـــرحبــــا والله باللي خشمك مايطيع<--ادري انه مو هاللون لكن ان شرحته صح يبي يطول:)

والله يالعجن المووووت عندي

ولكن بلاي ان محد يكتشفها الا الوغدان:(

والله انهم ابثروا بي محد يلقطن الا هم عاد مفضحين يضحون :(


والله واجد مواقفي لكن دوك هالموقف

مرتن بالدوام العصير ماعندنا حاجه قلت لخويي امش نبي نطلدز رجيلاتنا ونتسابق<--قديم:)
قال يالله الوكاد ابعدنا وحنا ناكسين قال يالله نبي مسابق
اثري جونا مسايير بنفس دوامنا من مكان ثاني وهم يعزون علي ومامن هكالميانه
يوم وصلتهم يمار اتخطف النسم ابي هوى ويالله احتسي الوكاد وانا اسلم وهم يقعدون يسلمون بنفس الوقت ..
وشلونك .. يعلك طيب .. اخبارك .. وشلون من يعز عليك ..الخ
وانا ارد بسرعه على هذا واروح للثاني ياما تضايقت انا ابي نسم وهذولا فرطوني فرط:)
وانا اقوم اعجن بالكلام
الله بخير يجعلك
تمام علومك والله
وامورن ابشع مير نسيته
الوكاد يوم شفت ان حتسيي خثردز وانا اقصروه وتسني الهي بشين وانا اقوم ابي اغسل:(
قسم بالله بغيت اكصم حنوكي على هالردود :(

[أخشم ومااااطيع]

اول أحسب العجن للتماسيح بس :):)

اثاري الربع كلهم يخبصون ههههههههه:d::d:

بالمختصر هذي فلسفة معجونة ههههههههههههه

شكرا لمرورك

[أخشم ومااااطيع]

طلعن الفضايح المشرفين كلهم يعجنون أجل نلوم الشعب لييييه

الله يحييك يالمطنوخ ,,, وخشمي من جسمي مايطيع :7ayyoh:

هذا الخشم من ذاك الجسم <<<< والله اني مبدع ابي براءة اختراع:):)

تحياتي لك