المساعد الشخصي الرقمي

مشاهدة النسخة كاملة : فريـدً بنوعـه


منوخ العمودي
09-08-2007, 04:51
طاري طرالي دق بالبال هوجـاس=هاجوس يطريلـي فريـدً بنوعـه

وخذتبي الافكار سجـه ومـرواس=وايقنت ان الوقت يحصد ازروعـه

ياما ضرب بالسيف قطاع الانفاس=فرق مواليـفً وشتـت اجموعـه

حصاد مايعرف نظـامً ومقيـاس=مامور ولارواح تمشـي ابطوعـه

ويانفس توبي والحقي قبل الافلاس=وخليك لرحمان نفـسً خضوعـه

وتعوذي من شر وسواس خنـاس=ولله باخر ثلث قومـي خشوعـه

تذللي للمعتلـي وحنـي الـراس=وبين الرجاء والياس هلي ادموعه

خوفي سقر وقودها احجار والناس=وطعامه الزقـوم ماسـد جوعـه

ورجي نعيم الخلد به طاب مجلاس=وشوفت كريم الوجه باخر اسبوعه




منوخ العمودي
منوخ العمودي
20-08-2007, 13:41
هل القصيده لاتستحق قول صح السانك؟

اذا كانت كذالك لماذا لم ينقدها احد؟
أم نــــــــــواف
20-08-2007, 14:35
ماشاء الله

القصيده تستحق التصفيق بارك الله فيك

رائعه ومعبره

فأعذرنا للتقصير أخي الكريم منوّخ

في هذا البيت :
7
7
7

ورجي نعيم الخلد به طاب مجلاس
وشوفت كريم الوجه باخر اسبوعه

مالمقصود بعبارة ( آخر اسبوعه) ؟؟ .. لأن المعني هنا هو الرب عز جلاله حسب مافهمت ؟


أعتذر للإستيضاح بارك الله فيك

وشكرا لك
منوخ العمودي
25-09-2007, 05:13
شكر لكي يام نواف

والمقصود في ( آخر اسبوعه) هو يوم الجمعه وهو اليوم الذي يرى فيه اهل الجنه وجه الله سبحانه وتعالى
ريال الفسحه
25-09-2007, 06:21
\


هي ليست محاولة بل اعتقد قصيده متكاملة ورائعه ..


بالنسبه لي استغربت وجوده هنا لاني قمت بتلحينها :)
وجت مزبوطه بس اعتقد خانك الكيبورد :d:


اعتقد كذا صح



طاري طرالي دق بالبال هوجـاس=هاجوس يطريلـي فريـد(ن) بنوعـه
وخذت بي الافكار سجّـه ومـرواس=وايقنت ان الوقت يحصد ازروعه
ياما ضرب بالسيف قطّاع الانفاس=فرّق مواليـف(ن) وشتـت اجموعـه
حصّاد مايعرف نظـام(ن) ومقيـاس=مامور والارواح تمشـي ابطوعـه
ويانفس توبي والحقي قبل الافلاس=وخليك للرحمان نفـس(ن) خضوعـه
وتعوذي من شر وسواس خنـاس=ولله باخر ثلث قومـي خشوعـه
تذللي للمعتلـي واحنـي الـراس=وبين الرجاء والياس هلّي دموعه
خوفي سقر وقودها احجار والناس=وطعامه الزقـوم ماسـدّ جوعـه
ورجي نعيم الخلد به طاب مجلاس=وشوفت كريم الوجه باخر اسبوعه


طبعا مهو تدخل على رد ام نواف لا والله حاشى
وقدر ام نواف تخبره عندي وعند غيري


بس يالربع تقل مزبوووطه :)
عبدالله الجعيثن
25-09-2007, 07:34
منوخ العمودي


صح لسانك


ابيات جميله ومعبره
سند مطر
25-09-2007, 13:13
منوخ العمودي

صح لسانك

بالتوفيق
زاهي التومي
25-09-2007, 15:51
منوخ


صح لسانكـ


قصيده رائعه
محمد الهزاع
26-09-2007, 23:42
منوخ العمودي

صح لسانك ولا هنت

قصيدة رائعة تستحق التصفيق

تحياتي وتقديري لك
منوخ العمودي
03-10-2007, 18:19
اشكر الجميع

وخاصة اخي ريال الفسحه

وماقصرت يالغالي
بدر الشاهين
03-10-2007, 21:17
صح لسانك اخو العصلان
منوخ العمودي
10-10-2007, 12:21
اهلا ياشاهين شمر

حياك الله

ولا هنت يالغالي
ماجد علوان
10-10-2007, 14:18
صح لسانك اخووووي منوووووخ
ولاهنت على القصيده الرائعه



ورجي نعيم الخلد به طاب مجلاس
وشوفت كريم الوجه باخر اسبوعه