قصة أم سليمان العورا مع ولد الزقزوق [الأرشيف]

أبوطروق

07-08-2007, 17:29

السلام عليكم ورحمة الله وبركاته
تحية طيبة لكم جميعا وأسعدالله مساحكم أما بعد

إخواني وأخواتي هذي السالفة حقيقية ومن زمان ودي أقوله بس كنت متعاجز من طوله(من الحين طالت)
واليوم عزمت وقررت إني أقوله.

بسم الله الرحمن الرحيم

المكان: مكة المكرمة
الزمان: أيام المتوسطة (ماني قايل عام كم لاتقولون شايب) ¥عام الفيل¥

كان ياما كان -وشو كانه!!!-
هذا سلمكم الله كنت أدرس بالمتوسط بالصف الأول أو الثاني(ناسي من قدمه) وكان معنا واحد من عيال الزقزوق (والزقزوق عائلة مشهورة وغنية في مكة)
كان هالزقزوقي شايفن نفسه على المدرسة كله طلاب ومدرسين -وش عليه مال ودلال لا وبعد مزيون-
وكان فيه عجوز أسمه أم سليمان تبيع بليلة عند المدرسة
كانت أم سليمان ساكنه لحاله بشقة صغيرة وكانت حدى عيونه كريمة(يعني عورا) عشان كدا كانوا الناس يسمونه "أم سليمان العورا" بس ياويلك ياللي تقول هالكلمة قدامه.

تعبت
شوي وأكمل أرجو عدم الرد إلى ان تكتمل القصة

أبوطروق

07-08-2007, 17:33

كانت أم سليمان تروح الصبح معنا للمدرسة وكان عنده سيكل24 تربط عزبته وقدوره عليه(قلبته ح ما ر) وتدف السيكل بالشارع يما تجي مكانه المخصص لبيع البليلة قدام المدرسة وتفرش له قطعة كرتون وتبدأ شغلة.
ولأن طبخ البليلة يطول(تشب عليه الصبح ويخلص الظهر) كانت تجيب معه سعف أخضر وتقعد تسوي سلال ومراوح (هناك يسمون المهفة مروحة) منه تسلية ومنه زيادة دخل

(معليش طولته بس أحاول أدخلكم جو القصة)

نرجع للزقزوقي العلة
كان ولد الزقزوق كل يوم يمر من عند أم سليمان (صبح وظهر) ويقول: كيفك يام سليمان العورا ويضحك ضحكتين ويمشي (ولا عمره إشترا منه شي) يقول أقرف!!!
والمشكلة ان ام سليمان ماتقدر تسوي شي إن قامت وراه رثعت هالوغادين ببليلته.

يتبع

أبوطروق

07-08-2007, 17:36

ويوم من الايام آخر السنة ويوم الله نوا قرادة هالزقزوقي جا كالعادة وحنا بالصرفة (يعني بالطلعة) وقال:
كيفك يام سليمان العورا
قالت: بخير
قال: إديني وحدة بليلة (أول مرة مايقرف هالزقزوقي)
قالت: فلوسك
مد يده يبي يعطية الفلوس وبدال ما تاخذ الفلوس مسكت يده واسحبته إلا هو متكوم بين القدر والسيكل والله لايوريكم أنواع الظرب أول مابدت بغطا القدر بعدين بالسيكل بعدين سحبت حدى السعفات وانواع التمصيط آخر شي ماتدري وش تسوي ومن كثر غلة عليه قامت تعضعضه مع كل مكان وتنتف شعره وتصايح(صياح إنتصار) يما تشوه اكا المزيوين.

طبعا حنا مبصوطييين ولا واحد حاول يمسكه عنه أو يقول إلعني إبليس (خله يستاهل)

راح الولد لاهله له جعير ومناشق تقل منفجر به لغم
يوم شافه أبوه انجن وسأله وعلمه الولد بالسالفة

أكا الأيام على قولة كلي بكم إعجاب(ايام كانوا يعبون الكهرب بالقواطي) كانوا الناس في مكةالمكرمة إذا صارت مشكلة يحلونه عند العمدة وإذا مانحلت يروحون للشرطة والمحاكم. وغالبا يحله العمدة

بعد يتبع

أبوطروق

07-08-2007, 17:39

خذا الزقزوق الكبير ولده وراحوا للعمده
وأول ماشاف العمده الولد قال: لاحول الله ياربي إيش هادا
قال الزقزوقي: هادا من ام سليمان العورا. يرضيك ياعمده تعمل كدا بالواد.

زعل العمده بعد ما تأثر بمنظر الولد المتشدخ وقال لعياله: روحوا إزهموا أم سليمان دحين وقولوا لها ما تتأخر.

جت أم سليمان وما تأخرت
وأول مادخلت عند العمدة صرخ بوجهه وقال:
كدا يام سليمان تعملي بالواد ماتخافي ربك ما..... قاطعته أم سليمان وقالت:
يا عمده صلي على النبي قال:
اللهم صلي على محمد اللي عملتي بالواد..... قاطعته مرة ثانية وقالت:
ياعمدة زيد النبي صلاة قال:
اللهم صلي عليه بس ليه تعملي بالمسكين..... قاطعته مرة ثالثة وقالت:
بالله تصلي على النبي قال بزعل: وبعدين معاكي يام سليمان؟ إنتي جايه تتبهللي! إيش اللي كل شوية صلي على النبي صلي على النبي قالت:
شفت ياعمدة ثلاث مرات قلتلك صلي على النبي زعلت ونرفزت عليا فما بالك وانا صارلي سنة وهالمجرم يصبحني ويمسيني بالعورا يحمد ربه إنها جات على كدا

سكت العمدة شوي وقال:
صحيح احمد ربنا إنها جات على كدا يالزقزوقي أنا لو مكانها كان قطعت بيوضه ورميتها للكلاب
خد ولدك وروح وخليه يتعلم الأدب

تمت
اسمحولي أضطريت أكتبه كذا

مـنــــــاااال

07-08-2007, 17:55

رائعة .. أبو طروق

وسردك للقصة كان رائع .. حسيت إني قاعدة معكم ..

دمــتـــ طيباً

أبوطروق

07-08-2007, 18:35

الرائع وجود معرفتس هنا يا منااااال

شاكر لتس مرورتس وتقبلي تحياتي

صدى الشمال

07-08-2007, 22:02

السلام عليكم ورحمة الله وبركاته
تحية طيبة لكم جميعا وأسعدالله مساحكم أما بعد

عليكم السلام

إخواني وأخواتي هذي السالفة حقيقية ومن زمان ودي أقوله بس كنت متعاجز من طوله(من الحين طالت)
واليوم عزمت وقررت إني أقوله.

الله يعينك على نفسك
بسم الله الرحمن الرحيم

المكان: مكة المكرمة
الزمان: أيام المتوسطة (ماني قايل عام كم لاتقولون شايب) ¥عام الفيل¥

كان ياما كان -وشو كانه!!!-
هذا سلمكم الله كنت أدرس بالمتوسط بالصف الأول أو الثاني(ناسي من قدمه) وكان معنا واحد من عيال الزقزوق (والزقزوق عائلة مشهورة وغنية في مكة)
كان هالزقزوقي شايفن نفسه على المدرسة كله طلاب ومدرسين -وش عليه مال ودلال لا وبعد مزيون-

يعني المزيون تحقدون عليه!؟
من حقوه يشوف نفسوه

وكان فيه عجوز جهنية أسمه أم سليمان تبيع بليلة عند المدرسة
كانت أم سليمان ساكنه لحاله بشقة صغيرة وكانت حدى عيونه كريمة(يعني عورا) عشان كدا كانوا الناس يسمونه "أم سليمان العورا" بس ياويلك ياللي تقول هالكلمة قدامه.

عسى ماهي خارشتك!؟

تعبت

وشو لوه تكتب مادامك تتعب!؟
شوي وأكمل أرجو عدم الرد إلى ان تكتمل القصة

خير إن شاء الله

صدى الشمال

07-08-2007, 22:10

كانت أم سليمان تروح الصبح معنا للمدرسة وكان عنده سيكل24 تربط عزبته وقدوره عليه(قلبته ح ما ر) وتدف السيكل بالشارع يما تجي مكانه المخصص لبيع البليلة قدام المدرسة وتفرش له قطعة كرتون وتبدأ شغلة.

سيكل!
هذي به عرق هنود

ولأن طبخ البليلة يطول(تشب عليه الصبح ويخلص الظهر) كانت تجيب معه سعف أخضر وتقعد تسوي سلال ومراوح (هناك يسمون المهفة مروحة) منه تسلية ومنه زيادة دخل

يعني التجاره شطاره؟.

(معليش طولته بس أحاول أدخلكم جو القصة)

نرجع للزقزوقي العلة
كان ولد الزقزوق كل يوم يمر من عند أم سليمان (صبح وظهر) ويقول: كيفك يام سليمان العورا ويضحك ضحكتين ويمشي (ولا عمره إشترا منه شي) يقول أقرف!!!

هذا ماهو متربّي

والمشكلة ان ام سليمان ماتقدر تسوي شي إن قامت وراه رثعت هالوغادين ببليلته.
ههههههههههههههههه
ههههههههههههههههههههههههههههههههه
هههههههههههههههههههههههههههههههههههههههه ههههههههههيتبع

يعني خايفتن على البليلا

صدى الشمال

07-08-2007, 22:17

ويوم من الايام آخر السنة ويوم الله نوا قرادة هالزقزوقي جا كالعادة وحنا بالصرفة (يعني بالطلعة) وقال:
كيفك يام سليمان العورا
قالت: بخير
قال: إديني وحدة بليلة (أول مرة مايقرف هالزقزوقي)
قالت: فلوسك
مد يده يبي يعطية الفلوس وبدال ما تاخذ الفلوس مسكت يده واسحبته إلا هو متكوم بين القدر والسيكل والله لايوريكم أنواع الظرب أول مابدت بغطا القدر بعدين بالسيكل بعدين سحبت حدى السعفات وانواع التمصيط آخر شي ماتدري وش تسوي ومن كثر غلة عليه قامت تعضعضه مع كل مكان وتنتف شعره وتصايح(صياح إنتصار) يما تشوه اكا المزيوين.

يستاهل
يقولك أي واحد عور بوه من طبايع الجن!!!!!!!

طبعا حنا مبصوطييين ولا واحد حاول يمسكه عنه أو يقول إلعني إبليس (خله يستاهل)

نعم يستاهل

راح الولد لاهله له جعير ومناشق تقل منفجر به لغم
يوم شافه أبوه انجن وسأله وعلمه الولد بالسالفة

قصدك طرطعان

أكا الأيام على قولة كلي بكم إعجاب(ايام كانوا يعبون الكهرب بالقواطي) كانوا الناس في مكةالمكرمة إذا صارت مشكلة يحلونه عند العمدة وإذا مانحلت يروحون للشرطة والمحاكم. وغالبا يحله العمدة

بعد يتبع

يتبع وحنا نتبع

صدى الشمال

07-08-2007, 22:21

خذا الزقزوق الكبير ولده وراحوا للعمده
وأول ماشاف العمده الولد قال: لاحول الله ياربي إيش هادا
قال الزقزوقي: هادا من ام سليمان العورا. يرضيك ياعمده تعمل كدا بالواد.

زعل العمده بعد ما تأثر بمنظر الولد المتشدخ وقال لعياله: روحوا إزهموا أم سليمان دحين وقولوا لها ما تتأخر.

جت أم سليمان وما تأخرت
وأول مادخلت عند العمدة صرخ بوجهه وقال:
كدا يام سليمان تعملي بالواد ماتخافي ربك ما..... قاطعته أم سليمان وقالت:
يا عمده صلي على النبي قال:
اللهم صلي على محمد اللي عملتي بالواد..... قاطعته مرة ثانية وقالت:
ياعمدة زيد النبي صلاة قال:
اللهم صلي عليه بس ليه تعملي بالمسكين..... قاطعته مرة ثالثة وقالت:
بالله تصلي على النبي قال بزعل: وبعدين معاكي يام سليمان؟ إنتي جايه تتبهللي! إيش اللي كل شوية صلي على النبي صلي على النبي قالت:
شفت ياعمدة ثلاث مرات قلتلك صلي على النبي زعلت ونرفزت عليا فما بالك وانا صارلي سنة وهالمجرم يصبحني ويمسيني بالعورا يحمد ربه إنها جات على كدا

حكيمه هالعورا

سكت العمدة شوي وقال:
صحيح احمد ربنا إنها جات على كدا يالزقزوقي أنا لو مكانها كان قطعت بيوضه ورميتها للكلاب
خد ولدك وروح وخليه يتعلم الأدب

وشو بيوضه؟؟؟؟؟؟؟

تمت
اسمحولي أضطريت أكتبه كذا

تمت وسلمت

وشو هلي إضطرّك إضطرار وخلاك مضطر
تكتبه هلون؟؟؟؟؟؟

سلمت يابعد حيي

خليت ضروسي تنعكس على الشاشه

دمت ولاندمت

أبوطروق

08-08-2007, 01:19

هاهاهاهاهاهاهاها أح أح
صدى الشمال
يا بعد حيي وميتي هالوجه
كلفت حالك بهالردود الحلوة
ليه ماجمعتهن بحق واحد هق هق

ميرسي صدى عالطلي

يتبع>>>

الكنبيوتر

08-08-2007, 09:16

ههههههههههههههههههه

أبو طروق أنا أشك فيك

أنت حافظ السالفه وتسنه جاريه عليك :)

لايكون أنت الزقزوقي يالماخوذ :)

منصور الغايب

08-08-2007, 13:39

راااااااااااااااائع يابوطروق

والله انك فلة

ولايكون انت الزقزوقي صحيح :)

عزالله ام سليمان خذت بثاره من الزقزوقي

احلى مافي القصة

انك جبت حوارهم <<<< حوار يعني كلام مو ولد البعير (مو صاحي) :)

بلهجتهم الحلوة <<<< خير ان شاء الله

تسلم ياغالي ومواضيعك عد الالفية شئئئئئئئئئئئئئئئئئئ

أبوطروق

08-08-2007, 14:39

الكنبيوتر
حياك الله (اوه نسيت إنك جماد يعني مابك حياة)
تصدق حتى أنا أشك إنك أتاري مانت كنبوتر هقهقهق
لاتصير شكاك تر الشك مو زين

ياهلا بهالطلة يالكنبوتر ومشكور وعساك ماتفرمت يهالوجه

الكنبيوتر

08-08-2007, 15:28

ولا ينكتل هالوجه من أم سليمان :)

أبوطروق

08-08-2007, 16:53

منصورالغايب
والله انت الرائع يابعدي الله لايهينك

وبالنسبة للهجة تصدق أول يوم كنا (بمكة) إذا سيرنا على جماعتنا بحايل يضحكون على كلامنا ويسموننا الحجز.

إحتراماتي

أبوطروق

08-08-2007, 16:59

الكنبوتر
إنت للحين مصمم إنه أنا
يالله براسك يابويا اه اه اه (ضحكةحجازية)

بالمختصر..

08-08-2007, 18:17

:
.

ههههههههههههههههههههههههه

بعــــــذر قلبه أم سليمان .. ياعلّ ايدينه ماهن للكســر :)

بس انت ماجاك شين ؟؟ حديده طايره ( بالغلط طبعاً ) وألا سعفه :)

تصدق بغيت أكتب رد طويل .. بس توّن شايله ضرس العقل وماأقدر أتكلم واجد :) :)

<- اخوانه مستانسين انه ساكته اليوم :)

.
:

منصور الغايب

08-08-2007, 20:30

ابو طرووووق ماقلتلنا

شعندك بمكة <<<< شمري بمكة غريبة بس يصلح اسم فلم :)

بالمختصر

راح سن العقل <<<< الله يخلف عليك :)

أبوطروق

09-08-2007, 01:03

سلامات يابالمختصر
أبشرتس إني سلمت
كنت (بقلبي) مشجع لأم سليمان

إذا راح مفعول البنج تعالي

هاي قصدي باي

أبوطروق

09-08-2007, 01:12

حبيبي وصديقي اللي ماشفته (وإنشالله أشوفه وأغثه) منصور الغايب
أنا من مواليد مكة) هذا سر بيني وبينك ولاتعلم

هو فعلا يصلح عنوان فيلم هقهقهقهقهق

بالمختصر..

09-08-2007, 01:57

هاه وش تبي راح مفعول البنج <- بسلامة الآيسكريم :)

عاد والله تبي الصراحه قصتك قصه .. تصلح فيلم

وبه نوع من الحكمه .. طبعاً أم سليمان ماشاءالله ذكيه

لو اني مكانه قعدت ابتسي .. يرضيك ياحضرة الضابط و و و

والوغد يستاهل ماجاوه .. اجل اللي سواوه قليل

يستهزئ بهالمسكينه .. لو بيده شي ماجت تبيع بليله .. مير الله ياخذوه ويريح الناس منوه

<- يؤ انفعلت :)

تشــاو

أبوطروق

09-08-2007, 02:18

الله لا يقطع الآيس كريم

لا تنفعلين يابالمختصر
هذيك أيام جهل وصياعة

الحين تجيني أخبار زينه عنه

(الله يرحم أيام زمان)

منصور الغايب

09-08-2007, 13:32

ابوطروق الحبيب

من مواليد مكة ......

بالله دزلي صورتك وانت لابس عمامة اهل الحجاز :)

تعال عندي بالكويت وخلنا نشوفك ونتعرف عليك اكثر

التعب على الموتر :)

ها شرايك ؟؟!

أبوطروق

09-08-2007, 15:10

منصورالغايب
مشكور على الدعوة
انت تدري كم بيني وبين الكويت(العاصمة)الحين

120 كيلومتر يعني فركة كعب
شفت شلون (كنت بأقصى الغرب والحين بأقصى الشرق)

تشاو ياصديقي

منصور الغايب

09-08-2007, 22:59

نتشرف فيك يابوطروق

وان شاء الله على يوم نتواجه ولابد <<< حلوة ولا بد :)

عجايب بنت الشايب

09-08-2007, 23:35

جعل قلبها مايطمس

الله يلوم اللي يلومها

طفل الكيح >>:( !!

والله حاله

أجل يعيرها بخلقة ربي وقضاء ربي

ليت والله العمده رمى بلاه على الكلاب :) >> وشو :) ؟؟!!

لاهنت ابو طروووق دائماً مبدع ماتنصــــــاد ... أطربتنا ..

جعل ذا كم طبعك وحنا من ربعك . لاهنت ....’’

طحياتي .......’’

أبوطروق

09-08-2007, 23:35

منصور اللي مثلك حنا اللي نتشرف بمعرفته (تصدق إنك تذكرني بطيب أبوعارف الله يذكره بالخير) وكلكم طيبين

مشكور مشكور مشكور يامنصور
والله إني كل ماشوف اسمك بأي مضيف أستانس.
تر هالكلام ماله شغل بالفلة هالكلام من القلب.....

تشاوين

منصور الغايب

10-08-2007, 10:29

الله يعزك يابوطرووووق

كلامك طلع من القلب وثق تماما انه دخل بالقلب

الله يديم المضايف اللي عرفتني على الطيبين شرواكم

اللهم لك الحمد

شااااااوات احلى من العسل على قلبك

أبوطروق

10-08-2007, 16:55

عجايب هانم
مشكورة على تشريفتس ياشيخة الفلة
وما ننحرم من تشجيعتس لنا

(لو تطقين مسمار واحد بس) ماني طماع

خمسين تشاو

عجايب بنت الشايب

11-08-2007, 04:52

8
8

ابو طرووق اقطع اصبعي الكبير اللي بيدي اليسار

أن مانزلت موضوع يسوى مواضيع الفله كلها

مازلت انتظر قنبلتك هالايام

متحلمه بك حلم انك داخل الفله بأر بي جي :)

انتظرك وان شاء الله اطق لك مسامير زمرد .. :)

طحياتي .....’’

ريال الفسحه

11-08-2007, 06:29

ههههههههههههههههههههههههههههههههه
ههههههههههههههههههههههههههههههههه

حكيمة والله هالحرمه

مايستفاد من القصه اخواني العقلاء هو ان :-

ابوطروق طلع شايبن كبر الارض :)
هههههههههههههههههههههههههه

الله ينطيك طولة العمر