فوائد بعد اجتماعي بالراوي فهيد الحبك الغيثي

[فواز الغسلان]

الراوي فهيد الفرج الغيثي (الحبك) 00


راوي حافظ اخذ الروايات عن كبار شيباننا المشهورين وله حافظه قويه ولديه ألمام تام بتاريخ القبيله

والمنطقه بشكل عام 0 لم يشتهر كثيرا عند الناس بسبب كونه قليل الحديث في المجالس العامه

والا فهو بحر من الروايات والاشعار كما انه معروف بالصدق سواء كانت له او عليه وقد زرته قبل شهرين

من الان ومن فضل الله كان مزاجه رائقا مما ساعدني في مناقشة الكثير من الروايات المختلف بها وكان

اهم هذه النقاط ماياتي:

1-

قصيدة مبيريك التبيناوي بمقتل العواجيه والتي يذكر بها اسم مفيز العفر ورفاقه قال لي انه لايختلف احد

على ان العبدات الثلاثه كانوا اصحاب الحظ في ذلك الا ان ذكرهم في قصيدة التبيناوي غير صحيح ثم روى

لي القصيده كامله من دون الابيات التي تذكر اسماء العبدات الثلاثه وقال اني اخذت القصيده هذه قبل

ستين سنه من شيبان التبانا وعلى راسهم طناء التبيناوي رحمه الله وليس فيها هذه الابيات التي اعتبرها

مضافه بعد ذلك00

2-

قصيدة وحيشه المشلحيه في ابن هذيل قال الحبك ان الابيات الاربع الاخيره فيها والتي تمتدح الشيخ

مفتاح الغيثي (وعيا اخو سلمى لايطيع الزواريب) قال الابيات الاربع هذه مزوره وزورها فلان(لاداعي لذكره)

وقال اني هاوشته على ذلك قبل حوالي اربعين سنه وانه قال كان ذلك بسبب عناد في مجلس ولم اكن

اتوقع ان تشتهر بهذه السرعه 00


وانا كتبت هذه الحروف اثباتا للتاريخ وابراء للذمه لكون الراوي فهيد الفرج من عبده ومع ذلك

نفى شيئا من مصلحتهم كان ولكنه من باب الصدق والحفاظ على الروايه قال ذلك00


اتمنى ان لايؤخذ كلامي لغير ماذكرت وهو موجود الان في


( الودي ) لمن اراد التأكد من ذلك والسلام000

[خشف زوبع]

الاخ \ فواز الغسلانى

صحيح انا بنت وليس لى علم بامور الرواه ولكن اسمع واقراء وقد سمعت عن الشاعره وحشيه كم قصيده

المهم جزاك الله خير جزاء وانت من الرواه الثقاه

ورواه المضيف انت يا اخ فواز وقد قراءه لك كما قراءه للاخ الرطاب كم روايه ولكنك انت راوى على قوله الرطاب راوى الشمرين

لاهنت وبالمهلى

[جعفري وأفتخر]

فواز الغسلان


إبداع لا ينتهي في عالم الروايه

وقلم صادق في نقل الموروث الشعبي الصحيح الغير مزور



أخيراً

(( أبو فهد))
أسم يستحق الإحترام والتقدير

[الغفل ضيغم]

السلام عليكم ورحمه الله وبركاته

أخوي

*** فواز الغسلان ***

ماقول إلا الله يعطيك العافيه والصحه ،،، وما قصرت علي هالمجهود

ومنول قالوا يابو فهد مايصح إلا الصحيح >> طال الزمن ولا قصر :thumb:


علي العموم الله يعطيك الف الف عااااافيه

وتقبل تحيااااتي

[خالد الشمري]

الله يجزاك خير يابو فهد تسلم على هالمعلومه من الراوي الكبير فهيد الفرج واللي مايشكك بروايته احد ...

لكن يابو فهد فيه ابيات مشهوره للشاعر الكبير مبيريك التبيناوي ومنها (بعض الابيات):


...نوت... صاحت وزجّت له اصوات = هيفا تراها العام لجّت قطينه
على شجاع ٍ راح منا للاموات = منيع ابن نوبان هم خابرينه
هذي قروض بيننا يالقرابات = وحلو ردّاد الجزى قبل حينه
عقاب ٍ طريح ٍ يوم الافراس عجلات = عزّات من طير ٍ نقر حجر عينه
وحجاب ياما قال بالبيت قم هات= عزّي لكم يالابة ٍ فاقدينه
فوات قبل مدوّرين الجمالات = ياليت عقّال العرب حاظرينه
ايّات خمسين تعشيّهم الشات = ضياغم ٍ من زوبع ٍ خالطينه
لميتين خيّال وخيل ٍ مريحات= وجيش ٍ يعزّل من وراهم كمينه
من زوبع ٍ والا السناعيس لافات = ذهيب ماعوّد على مرتجينه
ردّت عليهم شمر ٍ عقب الاقفات = وغدو بصيّاد الحباري بحينه
عقاب ٍ حايضه هايس ٍ والسويدات= واظنّهم بمشورب ٍ متهمينه
(((وشلّه مفيز شلّة الذيب للشات = ورماه للّي يستغلّه بدينه))))
يشدى مراغاة صادر الزمل مرماه= اما يسار وريك والا يمينه
خلّوه زينين المياحه والاروات= ينام سعدون ٍ على حزن عينه
ومن هدّة القعطان فرز الوغى فات = مغداه يسار وريك والا يمينه
في راي ابو بدر ٍ زبون البليدات = إليا طار عن جرد السبايا يقينه
بدر ٍ وكنعان ٍ خلاف الرديّات= حبس ٍ لتالي خيلنا ضامنينه
ومن طاح خلف قطيّهن بالهوى مات= عشّوك ياذيب الابارق سمينه
ضياغم ٍ ماسيّلو عنه لو مات= ولا صفّحو عن واحد ٍ طالبينه
بأيمانهم مثل المحوص المدلات = والريش من فوق الغلب مردفينه
طريحهم بالكون مابه مراجات= ياكلن حثّات البراثن وتينه
بحراب ياما سفّرن يم الاموات= تروي زبار وريك يادايرينه
بالعون عقب عقاب هدم ٍ للأبيات = ولو صيّحن خفراتهم عاذرينه
وحجاب حوالي ساير ٍ والقدورات= ولد عجوز ٍ ظنّهم مرملينه
هذي سوايا ساير ٍ بالمثارات = صاحت جزى ماصاحت امه جنينه
وحنا طلبنا عند رب السماوات= اللي تراعي باذر الزين عينه
البوق يابن هضيب يظهر عقوبات = وعساه ترمي ناقله قبل حينه
ابران حسد القلب مابه مراوت = فوايهه وصلت لسوق المدينه
وصلو على نبّيكم عد من مات= واعداد ماتبني بيوت ٍ قطينه


وفيه قصيده ثانيه نبي رايك به يابو فهد وهي للشاعر فالح بن فضل الغيثي :



ياوريك عفي جانبك فاح بنك= حيثك مقر اللي يدنّن الاجراس
عيون البنات ملزمن يرتعنك=بوجيه ربع قطبوهن بالألباس"
ويابدّهن بساعة ٍ يذكرنك =يم الجزيره ومن الهور غطاس
وياعقاب عقبان المنيصي لونك=واستلحقن ياعقاب راسك معه راس
لاتحسب ان الخيل قافي عطنك=ارقابهن عوج لكم عقب مرواس
والخيل من شان القضى حييّللك =وركبو عليهن مروية كل عباس
ولو ياخذن مرواس تعاودلك=السربة الحرشاء عليها بني ياس
وآآشيب عينك وان حدوهن وجنك=شهب النواصي فوقهن كل مدباس
مثل النجوم الهافيه يعجلنك=على الطريح مضريات وعلاس
بشرقي زبار وريك يوم اسهجنك=راحت تدحدر جثتك مابها راس
بحذيهن ياعقاب تودسنك=وراجن على قبره كريهات الاضراس
حرارنا ياعقاب تشالقنك = من ضرب الاصخا يوم الارياق يباس
"هايس" على صم الرمك عابيلك= بعيال شمر مروية كل مدباس
واحذرك عن كنعان بشلفا يشلك= شلة عقاب لأبرق الريش فراس
واحذر من اللي بالقدح غاذيلك=قب قحوم قمزته سبعة اقياس
((((ومفيز فوق قشمرة ٍ حاضيلك= يبي القضى بهذلول بغليات الانفاس))))
وزتك بوجه الشيخ وهو والمّلك = بمصقل ٍ عن جثتك يجدع الراس
نخاه هايس قال ابي عادتلك = وزتّه بوجه الشيخ والخيل قباس


نبي رايك يابو فهد لانك من الناس اللي نثق بهم والف شكر على توضيحك للحق فالظلم ظلمات يوم القيامه

[فواز الغسلان]

الاخ العزيز خالد الشمري00


هلا وغلا اخوي العزيز 00 وفهيد الفرج قصد علي الثنتين كلهن بروايته وكلهن ماكان فيهن البيت اللي


يخصص الاسم 0 علما ان ذلك لايعني انكار دور العبدات ابدا وانما للافاده ان ذكر الاسماء ليس اكيدا في


القصيده حسب رواية فهيد الفرج 00 وكلام كل شخص خاص به لايعني انه قرآن منزل وانما نذكره للفائده


والا لا انا ولاغيري يكون مرجع وحيد لمثل هذه الامور وانما نستأنس بروايات من


اشتهر بالروايه وفي مجموعها نستطيع الوصول للفائده المرجوه والسلام0

[مشــــعل]

يعطيك العافيه يابو فهد

والراوي فهيد الفرج اشهر من نار على علم

كذلك اخوه الشاعر عبدالله الفرج رحمة الله عليه

لكن مثل ماقال اخوي خالد

الاسم ذكر بالقصيدتين فهل معقوله ان القصيدتين مزوراه

مع العلم اني سمعت قصيدة الغيثي قبل كذا من شريط بصوت فهيد الحبك

لم يذكر اسم مفوز واستغربت
طبعا لانشكك بكلام راوينا
لكن مجرد استيضاح

[فواز الغسلان]

يعطيك العافيه يابو فهد

والراوي فهيد الفرج اشهر من نار على علم

كذلك اخوه الشاعر عبدالله الفرج رحمة الله عليه

لكن مثل ماقال اخوي خالد

الاسم ذكر بالقصيدتين فهل معقوله ان القصيدتين مزوراه

مع العلم اني سمعت قصيدة الغيثي قبل كذا من شريط بصوت فهيد الحبك

لم يذكر اسم مفوز واستغربت
طبعا لانشكك بكلام راوينا
لكن مجرد استيضاح






هلا وغلا اخوي مشعل الغفيلي00


والقصائد طبعا ليست مزوره وهي مشهوره اشهر من نار على علم لكن احيانا قد يزيد شخص بيتا او يقلب


كلمه في القصيده تغير المعنى وهذا لايعني تزوير القصيده0 علما ان هذا موجود لدى القبائل كلها قد تجد


شخصا قليل ذمه فيزيد او ينقص عمدا00


علما انه قد يقول شخص ان الحبك حفظه للقصيده قبل ستين سنه ماجته القصيده كامله وهذا وارد0


وانا قلت اني اقول لكم اللي حدث للفائده وليس انه حكما نهائيا00

[سعد الشمرى]

عزالله انك جبت الشى المفيد يا ابن غسلان ودرب خضر يالغالى

[مانع السرحاني]

فواز الغسلان بارك الله فيك

لاهنت انت والاخوه دائماً متميز

بطرحك وماهو مفيد ويخدم الجميع

[فواز الغسلان]

فواز الغسلان


إبداع لا ينتهي في عالم الروايه

وقلم صادق في نقل الموروث الشعبي الصحيح الغير مزور



أخيراً

(( أبو فهد))
أسم يستحق الإحترام والتقدير






الاخ العزيز جعفري وافتخر000
تشرفت بمرورك وتعليقك النبيل وكل الابداع هو ماورد في حروفك الفاضله النبيله0


فتقبل احترامي وتقديري واعتزازي الكبير بك وبحروفك00


تحياتي العطره بكل بود الراوي00

[فواز الغسلان]

السلام عليكم ورحمه الله وبركاته

أخوي

*** فواز الغسلان ***

ماقول إلا الله يعطيك العافيه والصحه ،،، وما قصرت علي هالمجهود

ومنول قالوا يابو فهد مايصح إلا الصحيح >> طال الزمن ولا قصر :thumb:


علي العموم الله يعطيك الف الف عااااافيه

وتقبل تحيااااتي






الاخ الغفل ضيغم00

كلي فخر وشرف واعتزاز بمرورك وتعليقك ومشاعرك واحاسيسك الصادقه تجاهي


اتمنى ان اكون عند حسن ظنكم واشكرك على تشريفي بالمرور


تقبل تحياتي العطره الراوي00

[فواز الغسلان]

عزالله انك جبت الشى المفيد يا ابن غسلان ودرب خضر يالغالى




الاخ الغالي الرطاب00


سعدت بمرورك وتشرفت بتعليقك الغالي والنبيل0


لكم مني كل الود والتقدير والتحيه العطره الصادقه0


الراوي00

[فواز الغسلان]

فواز الغسلان بارك الله فيك

لاهنت انت والاخوه دائماً متميز

بطرحك وماهو مفيد ويخدم الجميع






الاخ مانع السرحاني00



هلا وغلا مليون ولايكفون ومشكور جزيل الشكر على تعبيرك

الغالي والمحبوب الله لايهينك يالعزوه

تحياتي العطره بريح الورد

[تأبط خيرآ]

السلام عليكم

الاخ الكريم الراوي ابن غسلان

عز الله اني استفدت كثير من خلال قراءاتي لمواضيعك

و من اهم ماشدني في مواضيعك تواضعك ولباقة ردودك


تقبل احترامي وتقديري

[فواز الغسلان]

السلام عليكم

الاخ الكريم الراوي ابن غسلان

عز الله اني استفدت كثير من خلال قراءاتي لمواضيعك

و من اهم ماشدني في مواضيعك تواضعك ولباقة ردودك


تقبل احترامي وتقديري





اخوي العزيز كلامك هذا يرفع من الهمه ويزيد النشاط ويكون الدافع

للبذل والعطاء فلك الشكر والتقدير يالعزوه000