موكب تهاني ..اهداء لمشعل الشريم

[ابو جمال المنيس]

موكب تهاني.... اهداء للدكتور مشعل بن غربي الشريم


مبروك يامشعل .. من القلب تنعاد = مبروك ثم مبروك قلته وأعيده
اليوم يادكتور هو عيد الأعياد = والتهنئه خطيتها لك قصيده
موكب تهاني لأجل عيناك تنقاد = بإسم البناخي نحتفل يوم عيده
مبطي وهذا القلب محتاج لإسعاد = يبي خبر مفرح ولحظه سعيده
وهذا الخبر .. لقلوبنا بالفرح عاد = واليوم نسانا .. همومٍ عديده
نبي معك نفرح .. وقدّام الأشهاد = فيك إنتفاخر .. يالشجاع الوليده
يابن الرجاجيل الزحازيح الأمجاد = وافعالهم بين القبايل حميده
ال الشريم أهل المراجل والأمجاد = وأهل النواميس الثقال المجيده
وأبوك يشهد له قريبين وأبعاد = غربي الشريم وعز منهو عضيده
حرٍ .. وطبعه للسمينات صيّاد = هو عزٍ لربعه .. وضد لضديده
وخوالك اللي هم هل الطيب وعناد = طاوع لهم صعب الزمان وعنيده
وعدوهم بأفعالهم بالوفا شاد = زبن الجلاوي بالليالي الشديده
وهذا أنت .. لك بأمجادهم كان ميعاد = فيه إلتقيتوا والمفاخر رصيده
ربي لنا يحفظك من كل حسّاد = وتاصل مواصيلٍ كبارٍ بعيده
ومبروك ثم مبروك.. يانسل الأجواد = وهديتك من خالتك لك قصيده

خالتك جازي بنت طلق بن حماد الشمري