خيال الغلباء
20-07-2007, 00:42
بسم الله الرحمن الرحيم
اخواني الكرام ابناء قبيلة شمر السلام عليكم ورحمة الله وبركاته وبعد هذه قصيدة للفارس الشاعر فراج بن ريفة القرقاح العبيدي القحطاني المشهورة عندما كان زابن ال رشيد بقصر برزان في حائل
قال ابن ريفه بدا في المرقب العالي
= واعلا المراقيب تومي به هبايبها
يامرقبي جاك من الاسبار همالي
= انصوب مزن من المنشا يهل ابها
ما يدهله كود صافي الريش ولوالي
= ولا الولع يوم يفتك في عجايبها
انا ولد طارفه مانيب كسالي
= اخاف من خبرة باحت مزاهبها
عليك يا مرقب جيته وانا سالي
= هيض على القلب ديارنٍ شطيت ابها
هيض عليه شدوق (الثفن) لا سالي
= عطفة (طريب) ليا زافت عجايبها
لامن غدا الفيض كنه زرع عمالي
=سيله من القدم للبطنان ناهبها
كم مرة قد نزلنا عشبه المالي
= بيوتنا لاوزا المجرم يلوذ بها
تنزله ببيوت عراف وجهالي
=وانا جاء النذر من خفيف مانزهبها
ربعي (عبيدة) اليا جاء هوش وقتالي
=هل هية في الضحى تشعا كسايبها
انشد (عبيده) هل الطولات عن حالي
= وانشد الاجانيب يوم انا نقربها
منهو يقلط على فرش وفنجالي
=سعد ابن عمه لياجاته مكاربها؟!
لامن غدا بين نقاض وفتالي
=وصفت الاجانيب واذته بطلايبها ؟!
ثم جيتها ثم لفحت بهم على الجالي
= لفح الدلي للمعدي يوم يجذبها
ياركب ميمونة في مشيها ارمالي
=مايشتحن من هل العيرات راكبها
تزهي السفايف وتزهي الخرج وحبالي
= ومجرب لاسرى في الليل صالبها
دنوا ذلولي تراني ضايـق بالـي
=ذلولي اللي مديد العصر يطربهـا
أبا اتنحـر عليهـا واحـد غالـي
=لولاه ما جيت من برزان راكبهـا
ملفاك من يلبسون الجوخ والشالي
=ربعي ودرعي وضد اللي يحاربها
ملفاك شيخ القبيلة حامي التالي
=عند (ابن شفلوت) يالمنجوب قربها
قل له على طالت المدة وانا (جالي)
=عشر(سنوات)مضت بحساب مقطبها
فان كان ربعي نسوني مانبي غالي
= باعيش في ديرة قفرا جوانبها !!
في ايدي قرار تكف الجمع لاهالي
= طويلة ناحل مقضب خشايبها
لي بندق ما صنعها الصانع التالي
=من دقة (المارت)نحال مقاضبها
شريتها بالثمن يوم ارخص المالي
=إميه وعشرين ما يمهل بغايبها
الله يرحمك يا عود شراها لي
=من واحد جابها للسوق جالبها
حديدها واذكر الله كنه ريالي
=كن الحيايا تطوا في مقاضبها
اقف بها بين ربعي وامنع التالي
=لا خف ولد الردي ما احتال يزهبها
عط الطويلة عريب الجد والخالي
=ولد الردي لا تلخونه يزول بها !!
واللي رفيع وللشوفات حمالي
= ارفع نواصيه ياربي وقطبها
وانا من الخبرة اللي شورهم عالي
=واهل سلوك الردى يارب تذهبها
بنت غراها زباد في ايد دلالي
=ولا طموح هواها من يلاعبها
كم مرة قد ضربنا منجم خالي
=وكم جملة فرقتها من ربايبها
وليا لفونا من المقناص زعالي
=أحد مدح بندقة واحد يعذربها
بشرتهم بالعشا من عقب مقيالي
= القايدة مع مرد الكوع ضاربها
اضرب بها الوعل لاجاء له تهنفالي
= ابو حنية كبير الراس شايبها
ذبحت عشرة بها والظل ما مالي
=والحاديه روحت تثلغ مضاربها
ويالله انا طالبك حمرا هوى بالي
=لا روح الجيش طفاح جنايبها
لا روح الجيش حاديه اشهب اللالي
= لا هي تورد وسيع صدر راكبها
اللي على كورها واللي بالاحبالي
=واللي على عيزها واللي بغاربها
لا روحت مع سباريت الخلا الخالي
= كن الذيابه تنهش من ترايبها!!
تمت وصلوا عدد ماهل همالي
= على نبي شروع الحق رتبها
اغفر ذنوب الفتى يالله ياوالي
= لا جيت في حفرة رزوا نصايبها
وانتم سالمين وغانمين والسلام
اخواني الكرام ابناء قبيلة شمر السلام عليكم ورحمة الله وبركاته وبعد هذه قصيدة للفارس الشاعر فراج بن ريفة القرقاح العبيدي القحطاني المشهورة عندما كان زابن ال رشيد بقصر برزان في حائل
قال ابن ريفه بدا في المرقب العالي
= واعلا المراقيب تومي به هبايبها
يامرقبي جاك من الاسبار همالي
= انصوب مزن من المنشا يهل ابها
ما يدهله كود صافي الريش ولوالي
= ولا الولع يوم يفتك في عجايبها
انا ولد طارفه مانيب كسالي
= اخاف من خبرة باحت مزاهبها
عليك يا مرقب جيته وانا سالي
= هيض على القلب ديارنٍ شطيت ابها
هيض عليه شدوق (الثفن) لا سالي
= عطفة (طريب) ليا زافت عجايبها
لامن غدا الفيض كنه زرع عمالي
=سيله من القدم للبطنان ناهبها
كم مرة قد نزلنا عشبه المالي
= بيوتنا لاوزا المجرم يلوذ بها
تنزله ببيوت عراف وجهالي
=وانا جاء النذر من خفيف مانزهبها
ربعي (عبيدة) اليا جاء هوش وقتالي
=هل هية في الضحى تشعا كسايبها
انشد (عبيده) هل الطولات عن حالي
= وانشد الاجانيب يوم انا نقربها
منهو يقلط على فرش وفنجالي
=سعد ابن عمه لياجاته مكاربها؟!
لامن غدا بين نقاض وفتالي
=وصفت الاجانيب واذته بطلايبها ؟!
ثم جيتها ثم لفحت بهم على الجالي
= لفح الدلي للمعدي يوم يجذبها
ياركب ميمونة في مشيها ارمالي
=مايشتحن من هل العيرات راكبها
تزهي السفايف وتزهي الخرج وحبالي
= ومجرب لاسرى في الليل صالبها
دنوا ذلولي تراني ضايـق بالـي
=ذلولي اللي مديد العصر يطربهـا
أبا اتنحـر عليهـا واحـد غالـي
=لولاه ما جيت من برزان راكبهـا
ملفاك من يلبسون الجوخ والشالي
=ربعي ودرعي وضد اللي يحاربها
ملفاك شيخ القبيلة حامي التالي
=عند (ابن شفلوت) يالمنجوب قربها
قل له على طالت المدة وانا (جالي)
=عشر(سنوات)مضت بحساب مقطبها
فان كان ربعي نسوني مانبي غالي
= باعيش في ديرة قفرا جوانبها !!
في ايدي قرار تكف الجمع لاهالي
= طويلة ناحل مقضب خشايبها
لي بندق ما صنعها الصانع التالي
=من دقة (المارت)نحال مقاضبها
شريتها بالثمن يوم ارخص المالي
=إميه وعشرين ما يمهل بغايبها
الله يرحمك يا عود شراها لي
=من واحد جابها للسوق جالبها
حديدها واذكر الله كنه ريالي
=كن الحيايا تطوا في مقاضبها
اقف بها بين ربعي وامنع التالي
=لا خف ولد الردي ما احتال يزهبها
عط الطويلة عريب الجد والخالي
=ولد الردي لا تلخونه يزول بها !!
واللي رفيع وللشوفات حمالي
= ارفع نواصيه ياربي وقطبها
وانا من الخبرة اللي شورهم عالي
=واهل سلوك الردى يارب تذهبها
بنت غراها زباد في ايد دلالي
=ولا طموح هواها من يلاعبها
كم مرة قد ضربنا منجم خالي
=وكم جملة فرقتها من ربايبها
وليا لفونا من المقناص زعالي
=أحد مدح بندقة واحد يعذربها
بشرتهم بالعشا من عقب مقيالي
= القايدة مع مرد الكوع ضاربها
اضرب بها الوعل لاجاء له تهنفالي
= ابو حنية كبير الراس شايبها
ذبحت عشرة بها والظل ما مالي
=والحاديه روحت تثلغ مضاربها
ويالله انا طالبك حمرا هوى بالي
=لا روح الجيش طفاح جنايبها
لا روح الجيش حاديه اشهب اللالي
= لا هي تورد وسيع صدر راكبها
اللي على كورها واللي بالاحبالي
=واللي على عيزها واللي بغاربها
لا روحت مع سباريت الخلا الخالي
= كن الذيابه تنهش من ترايبها!!
تمت وصلوا عدد ماهل همالي
= على نبي شروع الحق رتبها
اغفر ذنوب الفتى يالله ياوالي
= لا جيت في حفرة رزوا نصايبها
وانتم سالمين وغانمين والسلام