ظاهره ..هل هي سيئة ام لا ..؟!!؟ ابد رايك بيننا

[ريال الفسحه]

بسم الله الرحمن الرحيم


\\



وكالعاده الاسبوعية الممله والغير محببه لقلوب للرجل السعودي وهي تقضية اغراض
البيت من السوق ( خضرة . مستلزمات . و . و .و ) :)

بالسعودي مقاضي وبالكويتي ماتشله:)وبالشامي غراض البيت:)<---تعلموا يالبدو:)



ستسألون مالجديد أقول لكم


أنا اقوم بشراء الاغراض من مكان متوفر به كل شبئ من المستلزمات وغالب المحل رجال
الغريب هو وجود النساء بهذا المحل يعني المحل اغلبيته رجال يعني لو انهن راحن ( لبنده والا
المخازن والا المحلات اللي مخصصه لهن مو احسن :puzzled:)

يعني بالله تخيلوا عشرة رجاجيل وبينهم حرمة جايبه السواق ويدف العربيه:148r:
والا الهندي شايل الوغدان ويلاعبهم وهي تشيل من هالعفش وتدفك وتساقطك
بهالزحمه لدرجت انك تستحي :luvlove:


\\



المشكله والمصيبه اني قبل شوي يالربع لاقين رجال يدف العربيه والحرمه تقول للهندي
بكم يارفيق وبطول حسه :148r:
وهو يلعب الوغد ويدف العربيه تقل هندي الا لعن الله مجنى العدو يالخيخه :a:




لاحد يقول يمكن مايعرف يتقضى تراه سهله والخضرة مهي تنقيه لا
مغلفه وجاهزة فقط شل وروح لاهلك:)




وشرايكم بهالظاهره يالربع وهل هي من اسباب توسع طبقة الاوزون:)


قصدي هل هي صحية ام لا ؟؟؟







الغريب بالموضوع هو















































































































































اني دورت زيت عافيه ومالقيت سالت الهندي قال مافيه ايجي:)





سلمان الشمري:luvlove:

[منصور الغايب]

بالنسبة للظاهرة اللي ذكرته يا بروفسور ريال


فعلا غريبة وغريبة جدا بعد


والاغرب ان النساء بدان يقتحمن حتى محلات بيع الملابس الرجالية فالزوج نايم بالبيت ويوصي الزوجة تشتريله غترة وشماغ وملابس داخلية وغيرها ...


وهذا واقع ومشاهد بالعين






وبالنسبة لزيت عافية (الله يعافيك) ان شاء الله انك تلقاه واذا مالقيته

















عليك بزيت سوبر شل (مافيه مشكلة) :)

[ريال الفسحه]

8

تبي تذبح اخوي الصغير ياظالم<---كلش ياللي تبي تحيا :)





والاغرب ان النساء بدان يقتحمن حتى محلات بيع الملابس الرجالية فالزوج نايم بالبيت ويوصي الزوجة تشتريله غترة وشماغ وملابس داخلية وغيرها ...


وهذا واقع ومشاهد بالعين


اويحيييييييييي صدز



اجل


لاتشكيلي ابكيلك :)


اتلم المتعوس على خايب الرجاء :)






\


والله يامنصور الغايب شي عجيب وشي يقهر




لاحول ولاقوز الا بالله

[ابو ضاري]

الدختور ريالووووووووه عجيبه جدا الظاهره

السبب الريئسي هو الزوج والا الحرمه تنطق بالبيت وهو يجيب الاغراض ((( بعض الحريم صاروا رجال )))

يتكلمون مع الكاشير وهو واقف بجنبه لا يحل ولا يربط ( رفله ) الموضوع جداخطيرررررررررررررررررررررررررررررررررر

الانتباء ==============================================

[الدم الأزرق]

انا أوويد هذه الظاهره وبقوه وأشجع عليها وش فيها عـــــادي:luvlove:


وأتمنى بعد لو تنتشر هذه الظاهره أكثر وأكثر:a:


عزيزي ريـــال تبي الجد...


فعلا توجد اماكن مو من الأئق وجود المرأه فيها...ومثل ماهم محجرين علينا حنا يالشباب


من دخول بعض الأماكن لأنها للعوائل لمفروض يطبق هذا الشي على الجميع... ...:148r:<<<واحد حاقد


وبكل صراحه في هاذي الأماكن المرأه تعرض نفسها للأحراج...


لاأنه مو كل الرجال يعتبرونها مثل الأخت... والمشكله انها مو مجبره على هالشي


وأيضا البديل موجود!!!


هل هي قلة وعي...او ان صار كل شي عــــادي

الغالي سلمــــان...

أشكرك على الموضوع والذي يدل نبل أخلاقك ومدى غيرتك على نســـاء بلدكroooose


همســـــه...سر بيني وبينك


إلا ماقلتلي هاذا المكان عندنا بالرياض:d:


أخوك واللي يعزك الدم الأزرق

[عجايب بنت الشايب]

بما انك عرضت على الكل مشاركتك وانا ارى في نفسي اني من الكل ..

لذا سأجيب عليك .. :)



-----------

أولاً :: سأبداء بصاحب الموضوع قبل الموضوع


مما لا يعجبني فيك ياريال .. انك تكتب المواضيع بعين مجتمعك ومن حولك

لا تتوسع بالنظره لمن هم حواليك ومن يعيشون بعيداً عنك ......

تقول لي ( أيش الهرجه ؟ )


اذا كانت منطقتك فيها بنده والمخازن والعثيم مول

( تحيه للعثيم بمناسبة مواصلته للمقاطعه الدنماركيه )


فهناك من المناطق بل المنااااااااااااااااااااااطق

التي لايوجد بها سوء دكاكاين ..!! أو حتت سوبرماركت اكل عليها الزمن




اما من حيث موضوعك


فأقول لك ياريال

ان المرأة تتمنى ان يجيها زوجها او اخوها يقول لها كل اسبوعين او كل شهر

وش تبون وش ناقصكم باورح أجيب لكم اللي تبون


ماهو دق دق دق وحنه ورنه لحد ماالواحد يطفش

أو يقول لهم البيت مليان


المرأة ماهي عايفه الراحه .. والجلسه مدلـله


بس راعي البيت مايجيب الاغراض بوقتها ولو ماجابها قال وين ووين ؟؟


لذا مايحك جلدك الا ظفرك


ولا احد مسنع الامور ومقاضي البيت الا صاحبته





ولكن نقـــــــــــــول


لمن أبتليت بشراء مقاضي البيت

ان تحرص على

-1-
خشية الله في لباسها

-2-

لا تذهب لوحدها بل مع مجموعه او أبنها

-3-

لا ترفع صوتها بين الرجال ولا تزاحمهم

-4-

لا تجادل البائع في السعر الا ......عند الضروره :)


-5-


ان تحرص على تحديد يوم في الشهر لشراء جميع أغراض البيت :) بدلأ من تكرار الذهاب للسوق





أخيراً

الصاحي صاحي والمجنون مجنون لو هو بالمحل الفلاني ولاا لعلاني ....:)



لاهنت ياسلمان ولاتهت .........’’



طحياتي ..........’’

[شام]

اهلاً بك اخي ريال و بموضوعك


وبصراحة حاجيات المنزل و مستلزماته

تبقى المرأة افضل للتسوق


و انتقاء مايلزمها من حاجيات


ولكن العملية بحاجة لتنظيم

اي يعني لا ان يحدث هذا التزاحم و الذي هو ظاهرة في غالبية المحلات و السوبر ماركات في

دولنا العربية


وكما يمكن للزوج ان يساعد الزوجة في التسوق لا أن يترك عليها الجمل بما حمل كما يقال

إذن العملية تحتاج لقليل من التنظيم

و الادراك لطبيعة تسوق المرأة


ووجوب احترام اماكن تواجدها

و كذلك عليها أن تحترم نفسها فلا تكون منافسة للبائع

ولا ذات تبرج و ملابس لافتة ... الخ

ويعطيك العافية

فكرة ومضمون جميل أن نتحاور عليهما

[الفيتو]

:puzzled::puzzled::puzzled:

<===== يخاف يشارك :)

بس الخيخيه ياريال كثيره :):):)

[منصور الغايب]

مشاركة تستحق الشكر والتقدير لعجايب



والله انها اثرت الموضوع



ريال لاتزعل وتقول صاير تقتنع بافكار عجوز الفتنة :)



الحق حق



كلام عجايب كان كذا :thumb:


rooose2 لريال اللي فتح باب النقاش


roooose لكل من شارك

rooooseroooose لعجايب اللي شخصت المشكلة واعطت الحلول



دمتم بود

[الشاهري العبيدي]

ظاهره نتجت عن رجال رخوم....واعذروتي بهاللفظظ


وين غيرتهم وين الرجوله




لكن


نعذر بعض الناس الذين ليس لهم من يعولهم وليس لهم الا الله ثم اهل الخير الذين ييسرهم الله عز وجل



شئ طيب منك اخى الغالي التطرق لمواضيع تمس الحياه اليوميه وامور المجتمع



شكرا لك

[الشاهري العبيدي]

تعقيييب





تعليق الاخت بنت الشايب موضوعي نوعا ما




وشكرا

[ريال الفسحه]

الدختور ريالووووووووه عجيبه جدا الظاهره

السبب الريئسي هو الزوج والا الحرمه تنطق بالبيت وهو يجيب الاغراض ((( بعض الحريم صاروا رجال )))

يتكلمون مع الكاشير وهو واقف بجنبه لا يحل ولا يربط ( رفله ) الموضوع جداخطيرررررررررررررررررررررررررررررررررر

الانتباء ==============================================



انت تشوف ياعزوتي :)



اقول


ترن زعلان من يوم خذيت الولد من عندنا ليش كذا :148r:<---ياويلوه:tongue:



\\



لاعدمنا طلتك يابعدي

[ريال الفسحه]

انا أوويد هذه الظاهره وبقوه وأشجع عليها وش فيها عـــــادي:luvlove:


وأتمنى بعد لو تنتشر هذه الظاهره أكثر وأكثر:a:


عزيزي ريـــال تبي الجد...


فعلا توجد اماكن مو من الأئق وجود المرأه فيها...ومثل ماهم محجرين علينا حنا يالشباب


من دخول بعض الأماكن لأنها للعوائل لمفروض يطبق هذا الشي على الجميع... ...:148r:<<<واحد حاقد


وبكل صراحه في هاذي الأماكن المرأه تعرض نفسها للأحراج...


لاأنه مو كل الرجال يعتبرونها مثل الأخت... والمشكله انها مو مجبره على هالشي


وأيضا البديل موجود!!!


هل هي قلة وعي...او ان صار كل شي عــــادي

الغالي سلمــــان...

أشكرك على الموضوع والذي يدل نبل أخلاقك ومدى غيرتك على نســـاء بلدكroooose


همســـــه...سر بيني وبينك


إلا ماقلتلي هاذا المكان عندنا بالرياض:d:


أخوك واللي يعزك الدم الأزرق




هلا والله بالغالي وترن صدقت باوله :)


وترانن من هل الرطوبه ماني يمكم وهالمكان مو حولك



الا



وش تبيبوه:)

[ريال الفسحه]

اهلا بعجايب واسمحي لي بالرد وشكلتس مكثرتن مرندا قبل الرد:)







بما انك عرضت على الكل مشاركتك وانا ارى في نفسي اني من الكل ..

لذا سأجيب عليك .. :)


مادريت انتس منهم :tongue:






أولاً :: سأبداء بصاحب الموضوع قبل الموضوع


ياستر الله وش تبون من حنوكي ترن مسيكين:puzzled:




مما لا يعجبني فيك ياريال .. انك تكتب المواضيع بعين مجتمعك ومن حولك

لا تتوسع بالنظره لمن هم حواليك ومن يعيشون بعيداً عنك ......


ماشاء الله اكيد ابتكلم عن اللي حولي واشوفهم واللي مو حولي يحتسي عن روحوه
وكلن لوه لسان :)
والموضوع فقط مجرد ظاهره وليس مقارنه او او ....



تقول لي ( أيش الهرجه ؟ )


ماقلت :goooood:




اذا كانت منطقتك فيها بنده والمخازن والعثيم مول

( تحيه للعثيم بمناسبة مواصلته للمقاطعه الدنماركيه )


فهناك من المناطق بل المنااااااااااااااااااااااطق

التي لايوجد بها سوء دكاكاين ..!! أو حتت سوبرماركت اكل عليها الزمن


هذولاء وش دخلهم بالموضوع بالله بالعكس هالديار مايسكنه الا طوال الشوارب
واللحى اللي مايخلي مرتوه تقضى الساعه 12 مع السواق..




اما من حيث موضوعك

حلوه من حيث اكيد مهي لتس:)






ان المرأة تتمنى ان يجيها زوجها او اخوها يقول لها كل اسبوعين او كل شهر

وش تبون وش ناقصكم باورح أجيب لكم اللي تبون


ماهو دق دق دق وحنه ورنه لحد ماالواحد يطفش

أو يقول لهم البيت مليان


المرأة ماهي عايفه الراحه .. والجلسه مدلـله


بس راعي البيت مايجيب الاغراض بوقتها ولو ماجابها قال وين ووين ؟؟


لذا مايحك جلدك الا ظفرك


ولا احد مسنع الامور ومقاضي البيت الا صاحبته


يابنت الحلال اقولتس يدف العربيه تقل زول هندي:)
وزامن الوغد مابقي الا يرضغ الوغد


فهمتينن:puzzled:



وبالنسبه لقولتي السواق هذا اردى واردى والرجال اللي يدف عربية مرتوه
اطقع من اللي منبطح ونيم والا بلوه استراحه ومايدري وينه...


ولكن نقـــــــــــــول


ماخلصتي:)





لمن أبتليت بشراء مقاضي البيت

ان تحرص على


-1-
خشية الله في لباسها

جزاتس الله الف خير ومهي غريبه عليتس يالذيبه:thumb:



2-
لا تذهب لوحدها بل مع مجموعه او أبنها

يو ار راااااايت


3-

لا ترفع صوتها بين الرجال ولا تزاحمهم

وهذا المفروض



-4-

لا تجادل البائع في السعر الا ......عند الضروره :)

اييييييييييه كنتس ماتدرين هاه
والله اني اتعزوا للهندي اللي يبيع والله انوه تجيه البتسوه
ووده يقول خوذيه بلاش لابوتس لابو من يجي من بنقلادش:goooood:



-5-

ان تحرص على تحديد يوم في الشهر لشراء جميع أغراض البيت :) بدلأ من تكرار الذهاب للسوق


صح



أخيراً

الصاحي صاحي والمجنون مجنون لو هو بالمحل الفلاني ولاا لعلاني ....:)


اكره هالنظريه وضده ميه بالميه


ياوليدي الصاحي والله لوهو مصلوخ وبلوه ديرة فساد يبقى صاحي
والمجنون مجنون وين ماتقلعه


طيب فيه ..فتن مغريات شهوات


تخلي الصاحي مسعور:(



لاهنت ياسلمان ولاتهت .........’’


لا ماعليتس ادل بالمضايف:goooood:



طحياتي ..........

هذا اللي ابيه




مرورتس شرف للموضوع وقد يكون موضوعي عن فئه والفئات انتي
جبتي كم فئه تختلف ويبقى










































وين زيت عافيه:goooood:

[الدم الأزرق]

وترانن من هل الرطوبه ماني يمكم وهالمكان مو حولك

خســــــــاره

الا



وش تبيبوه:)

كنت أبي اروح وأنصحهن:d:

[ريال الفسحه]

اهلاً بك اخي ريال و بموضوعك


وبصراحة حاجيات المنزل و مستلزماته

تبقى المرأة افضل للتسوق


و انتقاء مايلزمها من حاجيات


ولكن العملية بحاجة لتنظيم

اي يعني لا ان يحدث هذا التزاحم و الذي هو ظاهرة في غالبية المحلات و السوبر ماركات في

دولنا العربية


وكما يمكن للزوج ان يساعد الزوجة في التسوق لا أن يترك عليها الجمل بما حمل كما يقال

إذن العملية تحتاج لقليل من التنظيم

و الادراك لطبيعة تسوق المرأة


ووجوب احترام اماكن تواجدها

و كذلك عليها أن تحترم نفسها فلا تكون منافسة للبائع

ولا ذات تبرج و ملابس لافتة ... الخ

ويعطيك العافية

فكرة ومضمون جميل أن نتحاور عليهما


ايمان كلامك صح




لكن هذا ينطبق على بلادكم ذلك لان المراه
لها جميع حقوق الرجل اما حنا لا لللحين :d:





مرورك محل تقديري واهتمامي اختي ايمان



لاعدمت مرورك

[ريال الفسحه]

مشاركة تستحق الشكر والتقدير لعجايب



والله انها اثرت الموضوع



ريال لاتزعل وتقول صاير تقتنع بافكار عجوز الفتنة :)



الحق حق



كلام عجايب كان كذا :thumb:


rooose2 لريال اللي فتح باب النقاش


roooose لكل من شارك

rooooseroooose لعجايب اللي شخصت المشكلة واعطت الحلول



دمتم بود



انت جاسوس:)

وصاير تقتنع بفكر هالعجايز:)




اقرا ردي لعله يقنعك يابعدي:d:

[ريال الفسحه]

:puzzled::puzzled::puzzled:

<===== يخاف يشارك :)

بس الخيخيه ياريال كثيره :):):)



ههههههههههههههههههههه


كثيره ليه :puzzled:

ماعليش نقزت ردك تخبر وسامك ممغط وماشفت الرد




الغالي تكلم ترن مااعض:goooood:

[ريال الفسحه]

ظاهره نتجت عن رجال رخوم....واعذروتي بهاللفظظ


وين غيرتهم وين الرجوله




لكن


نعذر بعض الناس الذين ليس لهم من يعولهم وليس لهم الا الله ثم اهل الخير الذين ييسرهم الله عز وجل



شئ طيب منك اخى الغالي التطرق لمواضيع تمس الحياه اليوميه وامور المجتمع



شكرا لك



رخوم قليله:)




اهلا بردك وبتعقيبك


وعليك بهالعجوزn)



مشاركاتك دائما:goooood:




لاهنت

[ريال الفسحه]

كنت أبي اروح وأنصحهن:d:

خخخخخخخخخخخخخخخخخخخخخ


ياناصح :)




الله حي النصوح:d:

[محمدالشمري]

بما انك عرضت على الكل مشاركتك وانا ارى في نفسي اني من الكل ..

لذا سأجيب عليك .. :)



-----------

أولاً :: سأبداء بصاحب الموضوع قبل الموضوع


مما لا يعجبني فيك ياريال .. انك تكتب المواضيع بعين مجتمعك ومن حولك

لا تتوسع بالنظره لمن هم حواليك ومن يعيشون بعيداً عنك ......

تقول لي ( أيش الهرجه ؟ )


اذا كانت منطقتك فيها بنده والمخازن والعثيم مول

( تحيه للعثيم بمناسبة مواصلته للمقاطعه الدنماركيه )


فهناك من المناطق بل المنااااااااااااااااااااااطق

التي لايوجد بها سوء دكاكاين ..!! أو حتت سوبرماركت اكل عليها الزمن




اما من حيث موضوعك


فأقول لك ياريال

ان المرأة تتمنى ان يجيها زوجها او اخوها يقول لها كل اسبوعين او كل شهر

وش تبون وش ناقصكم باورح أجيب لكم اللي تبون


ماهو دق دق دق وحنه ورنه لحد ماالواحد يطفش

أو يقول لهم البيت مليان


المرأة ماهي عايفه الراحه .. والجلسه مدلـله


بس راعي البيت مايجيب الاغراض بوقتها ولو ماجابها قال وين ووين ؟؟


لذا مايحك جلدك الا ظفرك


ولا احد مسنع الامور ومقاضي البيت الا صاحبته





ولكن نقـــــــــــــول


لمن أبتليت بشراء مقاضي البيت

ان تحرص على

-1-
خشية الله في لباسها

-2-

لا تذهب لوحدها بل مع مجموعه او أبنها

-3-

لا ترفع صوتها بين الرجال ولا تزاحمهم

-4-

لا تجادل البائع في السعر الا ......عند الضروره :)


-5-


ان تحرص على تحديد يوم في الشهر لشراء جميع أغراض البيت :) بدلأ من تكرار الذهاب للسوق





أخيراً

الصاحي صاحي والمجنون مجنون لو هو بالمحل الفلاني ولاا لعلاني ....:)



لاهنت ياسلمان ولاتهت .........’’



طحياتي ..........’’

عجبتني جدا هذه المشاركة واردت ان اضيف عليها جملة للاخت القديرة ايمان :


وبصراحة حاجيات المنزل و مستلزماته

تبقى المرأة افضل للتسوق


و انتقاء مايلزمها من حاجيات

يعني يا ريال بيك شحلات وجيهنا وحنا شايلين اعزكم الله فيدات الوغدان بايدنا وننقلها جدام الله وخلقه .

موضوع كذا:thumb:

[المخاوي]

هلا والله بالمناظل ريال فسحتنا :7ayyoh:

والله قريت موضوعك واستصعبت اني اطلع ولا ارد عليك

بس مشكلتي اني يالله ارفع كاسة الشاهي واتقهوى

فيدن عاد ارد بس هالمره نتعت روحي نتع ودق السلف :)


شف يالبناخي العلم اللي يجمد على الفره [س]

المره بصراحه المفروض انه هي اللي تقضى للبيت لانه

أدرى بحوايج البيت من طعام وأغراض المطبخ وغيره وأنا أشوف

ان مابه شي بس المشكله تكمن بالعربيه منهو يدفه انت وألا هي ؟؟ :d:


وتسان تبيه تعيف الروحه خله هي تدف العربيه ولا تحط به ألا الوزن الثقيل

كالرز + كرتون بوني + كرتون تايد + وفوقهن كرتونين دجاج + تنكة زيت ان وجدت :)


طبعا محاتسيك مرتن من النوبات أخذه وعقبه هون !!

لان يوم جينا المحاسب ليامار معنا أربع عربيات :g: >> ماهو ناسيه :)


أما ان المرأه تروح لحاله وتصارخ وترفع صوته فهذا أمر غير مقبول

عند الهنود أنفسهم فما بالك بنا :)

والمكان اللي يكون فيه الغالبيه رجال على المرأه أن تحرص على

أن تبتعد عنه قدر الاستطاعه .


وبعدين يارجل مامن محلن مخصص عنهن داخلاتن داخلات سواء بقاله

وألا حلاق :)


على قولت راعية الفله لاهنت ولا تهت >> في المضايف :hala1:











عاد مشكلة الزيت مشكله لان زيت العافيه قامن يتدهنن بوه >> موضه :)


فعليه طلب هاليومين :hala1:

[عبدالله المهيني]

ولد فسحه أنت وش مطلعك من البيت الساعه 12 :)



مشكلة طبقة الأوزون إنه إتسعت بالسنيوات الأخيرة
والإتساع هذا متخض عنه

خروج المرأة للتسوق في أوقات متأخرة
خروجها من خيخه كما تسميه
خروجها مع السائق أيضاً

أيضاً خرجت أشكال أخرى للخروج
ولكن ليست على طريقة أتقضى

إنما على طريقة ممارسة رياضة المشي الصحي
في الأماكن العامه .. وفي أوقات متأخرة
والله شوف عيني الساعة 2 صباحاً
وليست حالة واحدة فردي

وعندما تتكلم يقال عنك رجعي
فللمرأة الحق في ممارسة الرياضة
ولها الحق في التبضع
ولها الحق في الخروج للزيارات
ولها الحق
ولها الحق
ولها الحق ...............

وتطول القائمة
ياجماعة لا أحد يطالب بركن النساء ولا أحد يطالب بجعلهن كقطع أثاث بالمنزل
لا إنما المسئلة تحتاج إلى تقنين
أي لا تخرج المرأة في أي وقت حتى لو كان متأخراً للتبضع
لماذا تخلو بيوت هؤلاء النسوه من السير المتحرك لمن أردن ممارسة رياضة المشي الصحي
ولماذا هن لا يردن ممارسة هذه الرياضة في بيوتهن
( قد لا يكون المشي صحياً إلا في الأماكن العامه :d: )




سؤال يقرقع بصدري

هل أصبح حمل الأطفال من مهام الرجل ؟!!!!!





ولد فسحه

الدنيا مبقعه يا حيي



:goooood:

[الكنبيوتر]

صح لسانتس بنت الشايب

[ريال الفسحه]

هلا والله بالغالي محمد



اجل ماتبي الفيدات:)




\



انا اشوف اشيل فيدات وغدي ولاتشيلهن هي
تالي الليل :)








لكل شخص رايه وهو حر به ..!!




مرورك عطر الصفحه






لاهنت

[ريال الفسحه]

هلا والله بالمناظل ريال فسحتنا :7ayyoh:


هلا والله بهالعلمه :)


والله قريت موضوعك واستصعبت اني اطلع ولا ارد عليك

بس مشكلتي اني يالله ارفع كاسة الشاهي واتقهوى

فيدن عاد ارد بس هالمره نتعت روحي نتع ودق السلف :)

هههههههههههههههههههههههههه
ههههههههههههههههههههههههه





وتسان تبيه تعيف الروحه خله هي تدف العربيه ولا تحط به ألا الوزن الثقيل

كالرز + كرتون بوني + كرتون تايد + وفوقهن كرتونين دجاج + تنكة زيت ان وجدت :)


طبعا محاتسيك مرتن من النوبات أخذه وعقبه هون !!

لان يوم جينا المحاسب ليامار معنا أربع عربيات :g: >> ماهو ناسيه :)


ههههههههههههههههههههههههههههههههههه
هههههههههههههههههههههههههههههههههه

اجل تمشون وحط بالعربيات:goooood:



أما ان المرأه تروح لحاله وتصارخ وترفع صوته فهذا أمر غير مقبول

عند الهنود أنفسهم فما بالك بنا :)

هذا الحتسي:d:










على قولت راعية الفله لاهنت ولا تهت >> في المضايف :hala1:


ليه تخرب ردك بذكر بعض الاخوات :goooood:












عاد مشكلة الزيت مشكله لان زيت العافيه قامن يتدهنن بوه >> موضه :)


فعليه طلب هاليومين :hala1:



واانا وش اسوي امي تبي زيت عافيه:148r:

:goooood:






لاعدمت طلتك يالغالي وبكفيني شرف انك اقتحمت
حاجز الزوالة ورديت علر ريال:goooood:






لاتحرمنا من هيك طلات

[ريال الفسحه]

المهيني ماني مقتبس ردك




لانه كله صح بصح ولايوجد عندي
الا التأييد لك









لاعدم رايك السديد ومرورك الجديد :)

[ريال الفسحه]

صح لسانتس بنت الشايب

ليه لسانك معقود:puzzled:

[ريال الفسحه]

جزء من درر المهيني
ولد فسحه

الدنيا مبقعه يا حيي



اي والله عز الله مبقعه :)

[ريمــ999]

هو على حسب...

إذا كان المكان صغير وضيق يعني مثل مايقولون بقاااله

صعب ان المرأه تدخل وتشتري أغراضها

امـــا اذا كان بندة أو سوبر ماركت اشوفه شي طبيعي جدا وبالعكس

هوخاص لنا اكثر يعني انتو مالكم داعي فيه:148r:

[عبدالرحمن]

يا ريال - بالكويتي -:)

طيعن واترك مواضيع الحريم وصدام :thumb:

تنام مرتاح من غير هواجيس واحلام:thumb:

واذا ما تطيع تراك بكثر الردود تضيع:puzzled:

وتصير مثل شيال- ؟! - الطفل الرضيع:a:

[عجايب بنت الشايب]

منصور الغريب :) اتشرف بكل كلمه سطرتها ياقايد

محمد الشمري .. أقتباسك لردي قمة النذخه .التي وصلت لها هالسنه ..:)


المخاوي .. ياعلك ماتهون ولا تتيه لا بدنيا ولا آخره :)


الكنبيوتر ... صح بنانك .. ويسلم راسك وراس شيبانك .. :)





ريال .. ما كاني قطيت معك ... بموضوعك .. ؟؟ :)

طحياتي ......’’

[ريال الفسحه]

ريم




هلابك والله وبمرورك وكلامك صح فهناك اماكن مخصصه
لتواجد النساء...



\



اهلا بوجودك

[ريال الفسحه]

الدحمي:)

\


هلا بتواجدك وماادري وش مغزاك من ردك هل
هو مزح ام لا ..!؟!



\



على العموم تواجدك هنا يسعدني




لاهنت

[ريال الفسحه]

عجب


مشينا لابوجاسم اكتب الموضوع باسمتس:goooood:



\




كل ماهذا سيري :)







لاهنتي

[أبوطروق]

صح لسانك ياريالوه (أومهي قصيدة)

النساء ناقصات عقل ودين وإذا خليناهن كذا جابن العيد

تحياتي لك يالدختر

[ريال الفسحه]

8



/



هلا والله بطلتك يالغالي



والله يحفظ على كل مسلم دينه وعرضه ...



دمت بود



صح بدنك :)

[{ اخو شمر }]

تبي تدري ووووووووووووش المشكله

المشكله ان ما فيه احد مثلك قرم يعتمد على نفسه

كل واح حط له سواق وشغاله وجلس بالنهار نوم باليل

بالاستراحه لعب ورقه والمره تدوج مع السواق نوب مسايير ونوب يم

السوق والشغاله تسنع العيال والا بغو يملون بطونهم جوللبيت

وبعدين شكل الرويتب راح

[سليمان الثنيان]

:):puzzled:

صبحك الله بالخير












































مالي حاجه بس حبيت أسلم:7ayyoh:


عساك طيب ياريال:d:

[الكنبيوتر]

ليه لسانك معقود:puzzled:





هههههههه


يجوز مدري :goooood:

[ريمــ999]

صح لسانك ياريالوه (أومهي قصيدة)

النساء ناقصات عقل ودين وإذا خليناهن كذا جابن العيد

تحياتي لك يالدختر

أبو طروق...


وش ناقصات عقل ودين !!!


أنتو يالرجال تفسرون الأمور بكيفكم والله مالوم الحريم الي يطالبن بالحريه والمساواة

ومن كثر ماأسمع ودكم تاخذون المره وتقفلون عليها لاتروح ولا تجي!


وبصراحه ومن غير زعل الرجال هم اساس المشاكل بكل شي

وأرجو منك يابو طروق تعرف معنى تفسير اللي كتبتوه...ناقصات عقل ودين!!!


تحاتي لك ولكاتب الموضوع

[أبوطروق]

ريم999 حشا دوريات مهو نك

إنتي بردك هذا أثبتي كلامي

(بدون زعل)
فيه مثل يقول 40مره بعقل دجاجة

{إذا فيه زعل أزعلوا على راعي المثل}

تحيا تي ياريموه
وتحيا تي أنا وياتس لريال بن فسحة

[ريمــ999]

ريم999 حشا دوريات مهو نك

إنتي بردك هذا أثبتي كلامي

(بدون زعل)
فيه مثل يقول 40مره بعقل دجاجة

{إذا فيه زعل أزعلوا على راعي المثل}

تحيا تي ياريموه
وتحيا تي أنا وياتس لريال بن فسحة


أبو طروق امثالك مادري من وين تجيبها


وأنت وراعي المثل ماينشره عليكم لأن نوعية عقلياتكم عرفناها من امثالكم


من جد نموذج يفشل من الرجال ومحسوووب علينا

[بالمختصر..]

:
.




اخــوي / سلمان الشمري :)



انا بس عندي نقطه أبي أوضحه لأن بصراحه عجزت أستوعب بعض الردود

الحين اللي يقول / تقول : أن المرأه أدرى بإحتياجات البيت ولازم هي اللي تقضى

يعني الرجال مايفهم إذا قالت لوه نبي الحاجه الفلانيه .. توقع يجيب غيره ؟؟

أو كتبت لوه بورقه .. توقع لهالدرجه هو غبي مايقرأ !!







دمـت بـ عافيه <-- مو زيت عافيه :)

وبعدبن ترى يمدحون زيت مــازولا ( بدون كوليسترول )




.
:

[ماااوي]

ابي ازيدك من عندي واقول ريالين والله كاسر خاطري من دخلت المضيف طيب ليش بس ريال وش يسوي



المهم
موضوعك محل للاهتمام وياريت تشوفون المشكله من اساسها وتناقشونها مو على طول سب بخلق الله
اولا انا اتفق مع الاخوات اللي كلوك بقشورك بالله ماتحسهم ارجل من كثير بالشارع بس الشكل يوحي لك ان هذا المخلوق ذكر هههههههههه تقبلوها دعابه


طيب سؤال!!
اذا المره راحت تقضي حاجيات المطبخ فيه اعتراض؟
طيب ليش؟
مو المره اللي تطبخ؟
وبعدين السعوديين من ثقافتهم بالمقادير؟
والله لو اجي كثير من الحريم يعانون لما يحتاجون لشي اول مره يطلبونه كم مره رايح جاي هذا مو هذا
وبعدين يااخ انتى واللي شابين معاك على المره وزوجها ماتدرون ان المره تعرف الاحتياج اكثر من الرجل
بمعنى وش قد يحتاج المطبخ من حاجيات مو يكثر شي ويقلل شي وبالتالي تبقى لين تتعفن او يجيها السوس

[ريال الفسحه]

تبي تدري ووووووووووووش المشكله

المشكله ان ما فيه احد مثلك قرم يعتمد على نفسه

كل واح حط له سواق وشغاله وجلس بالنهار نوم باليل

بالاستراحه لعب ورقه والمره تدوج مع السواق نوب مسايير ونوب يم

السوق والشغاله تسنع العيال والا بغو يملون بطونهم جوللبيت

وبعدين شكل الرويتب راح



هلابك الغالي والله يعطيك الف عافيه



\


مرورك محل اهتمامي



لاهنت

[ريال الفسحه]

يالربع انا اشوف بوه خنقتن شايه بهذا على لاشيئ :)






\




لي عوده مع التذكير ..


اني قلت هناك اسواق مليئة وقد تكون غالبية روادها من النساء
فلماذا لاتذهب الى هناك والا ضقت الوسيعه :)


\


اخيرا




لي عوده

[ريال الفسحه]

/



اهلا بكل من مر من هنا وكل من اضاف ردا هنا
وشاكر لكم اهتمامكم واعذروني من التعقيب
لاني مزكم :)




\



لاهنتوا وجزيتم الخير كله








سلام

[مـنــــــاااال]

ريال فسحة

صراحة .. إنت .. تحفة

ضحكت .. الين سالت دموع عيني

بس عاد ما أدري هو من (تساقط المره) بينكم أنتم يالرجاجيل

أو من شيء ثاني

أفهم يافهيم

..

تاليتها ما نلوم الرجال اللي يدف العربة ..

بس اقول الله يكون بعونه .. كان هي (المره) <<< فالمتجر ضاج صوتها ..

أجل وش يسوي المسكين بالبيت

<<<<< أكيد حاله صعب

بعض الرجال من كثر ماتوالف مع .. مرته (زوجته) ..

تصير المسألة بينهم صحبة .. خوة .. ...... ألخ .. أبد مايدخلها غيرة ..

ويغار على وشو .. وهي صوتها تقول صاروخ .. بلا حياء أو خشية

<<<<<<

أعود ..

حقيقة شيء يحرج .. إني أدخل لمكان فيه الكثير من الرجال ..

مو لقلة ثقة في النفس مثل ما أسمع من الغير ..

ولكن لأن الحياء يجبرني على ذلك

ريال فسحة .. الموضوع هذا دوم أفكر فيه .. بيني وبين نفسي ..

وكنت أظن إني لوحدي اللي يتحسس من تلك الأفعال .. المحرجة

المهم

<<<<<< درت إنها مو وحدها تشغلها هالأفكار


وكما يقول المثل .. إن لم تستحِ أفعل ماشئت


دُمت بود


تقديري وإحترامي

[ريال الفسحه]

8






هلابتس يامنال والله يحييتس :)






لاهنتي

[صدى الشمال]

برود دم الرجل






وضعفه أما زوجتوه




مادري هي له عضلات

[ريال الفسحه]

8


ايه عضلاته تفتل :)







لاهنت يالغالي وقد يكون لماذكرت نصيب من المشكله






لاهنت