الي في راسه وناسه يدخل

[سارة الجرباني]

السلام عليكم


مرحبا ...


جيتكم ياهلا فيني وياحياني
والا في كلام غير كذا :148r:


بالمختصر المفيد ابي كل واحد يدخل يكتب مقلب صار له
وياليت يكون مضحك لان طاقة معي استانس :d::d::d::d:

والي ماعندة اي سالفه لاشوف خشته فيذا



يعني كلن يكتب ولايستحي حتى وان كانت بطفولته




















انا راح ابدأ

7
7
7
7
7
7
7
7
7
7
7

ليه مستعجلين

يالله هاك




يوم كنت صغيرة ياحبي لروحة الدكان (البقاله)

وبالقوه اروح ومعاي اخوي الي اصغر مني عاد ماخفي عليكم وانا صغيرة كنت شيطاااانه بس الحين عقلت <-------------------تمدح نفسها:tongue:


ومرة قعدت اترجى امي ابي اروح الدكان اشتري حلويات (ياحبنا للحلويات وحنا صغار)

والحمد لله رضت لي



وعطتني خمس ريالات عاد ايام زمان كانت تسوى(الحين ورعانا لو تقول للواحد خذها يقولك احتفظي فيها ازين لك) المهم ماعلينا


وقالتلي هاك الخمسه بس ها نصها لك ونص لاخوك عاد وافقت(بريئة)



وياطويلين العمر ياذكائي قمت وشقيت الخمسة بالنص وعطيت اخوي نص ولي نص(وش تعرفون دلاخه زايدة):puzzled:



ونروح للبقاله ونعطيها الهندي
وعاد ماقصر الرجال شكله من زمان مافش غله (تعرفون بالسعودية وش قدر يقول كلمة)

ويطردنا من البقاله


ورحت البيت ابكي واخوي معي الا وامي تقول خلاص هاتوها يوم يجي ابوكم يجيب لكم





وعاد عطيتها النص امي تناظر في القريشات وش ذا يالسوري (عاد هذ دلعي بالعيله الكريمه)

ولا واخوي يطلع من جيبة النص الثاني :tongue::tongue:




انتهىىىىىىىىى







ان شاالله تعجبكم واكيد انها بتعجبكم(شوفو الثقة الزيادة)






وتقبلوني

[عجايب بنت الشايب]

أرحبي ياسوير :)

حياتس الله من ماسريتي لين لفيتي ...



والله ياخيه عن نفسي طفولتي طفولة شيبان مهوله وعلومي كبار


ولا اذكر انكان هناك مشاور او مشهد طبيعي :) وعادي

تعرفين القراده عاوزه كدا




مير اخذي هالسالفه واستري على ماواجهتي


مرتن من المرات يوم عمري 8 سنوات في احد شوارع الرياض حزة القوايل

الطعس طعس مهما كان وفي اي مكان ... لبست قناع مرعب على وجهي وقمت امشي مع خبولي اللي كبري بالشارع مر علينا رجال شكله تروووع :) قام يهبيني و ويسوي حركات بيده يعني ( يالله صلاح العطاء ) :)


طبعاً ذاك الوقت هذا انجاز عندنا ماهو فشيله .......:) >> ياحظ اهلتس ..





طحياتي .....,,

[أبوطروق]

السوري
سوير
ساروه

أبي أقولتس سر (وانتبهي لاحد يدري)
هذا يوم أنا جذخ يعني وغاد كنت أسمع بالعيد إذا بغوا يتعايدون الرجال يقولون عيدك مبارك،ماجور،.....إلخ
وكنت أحسب ماجور/مهجور
وأجيك الصبح كاشخ وتسني رجل
والعيد عند عمي وأدخل على الرجال بكل ثقة وأبدأ أعايدهم:-

عيدك مبارك،مهجور
عيدك مبارك،مهجور
عيدك مبارك،مهجور

وما احد نقد علي (أصلا ما أنتبهوا)
يما جيت عندي أخوي الكبير (مفضح)
ويوم عايدته فقع من الضحك وبج السالفة وقاموا كلهم يضحكون وزعلت وطلعت برا ومن القهر بنشرت بسيارة أخوي وكملت العيد لحالي من الفشلة.

[سعد الشمرى]

هلابج ساره خاتون على فكره كلمه خاتون يعنى لقب ايام التراك يعنى اميره




عجوزى قالت ياالرطاب ودن لسوق الشام بشترى غريضات قلت يالله يا ام الرطاب قالت هو تطلب اجره ولا نروح مشى قلت شيبتى نروح لشام مشى هو حنا وين قالت يقوم يالله المهم وصلنا الشام هذا طالعين من فجه النور

المهم وصلنا الشام وحول اعصير وحنا نتمشى بسوق والناس يناظرون العجوز ومحدن يحجى معها المهم قلت بنفسى وشبالاهم يطلعون امى والا امى متقلده الفرد وزقارته بفمه قلت يمه الله يهداج الحين يجوننا هالشرطى ويودنا للمركز قالت انا اختك يافلان قلت الله يهداج وهى تحطه تحت مجلد الزبون
والله به اجانب ومعهم وغدانهم ولا الوغد اصغير قاعدن يرطن لامه فقالت عجوزى يالرطاب بحر بحر قلت وشهو قالت هذا وغد ويتكلم انجليزى وانت عمرك فوق الثلاثين وكلمه على بعضه ماتعرف العن هالله ابو من جابت مثلك قلت يمه هذا هم ديرتهم قالت لابالله اتعقب هذى ديره سوريا مير انت طايحن حظك يهالطقوع قلت يمه قالت ولا كلمه قلت على امرج ورجعنا وهى بس تسب وتلف من هتتن

وشكرا

[ابو عارف]

هلا بساره هذي اول زيارة وبشروط بعد ماذا نقول؟

إيه فيه مرة من المرات دخل علي فجاءة وصرخ في وجهي لتخويفي إلا إن قلبي في ذيك اللحظة معطيه إجازه لم يكن موجوداً لكي أخاف.

الرجال هذا تهول من جمودي وردة فعلي على هالتروبعة القوية دون أن يتحرك مني شعره وتهول وقال أنت يا ابو عارف شجاع صنديد والله ماشفت مثلك في حياتي لعنبو شيطانك ولا حتى أرمشت ومن هالمديح وهالسوالف حتى صورني بأنني أسداً هصوراً اللي يسمونه الضرغام شبيه صدام.

المهم راحت الأيام ونسيت الموقف ولكن صديقي هذا لم ينساه وفي ذات يوم شاهدني عن بعد أمشي في طريق رياضه وهذا الطريق على أحد جوانبه برادة ماء ودرام للنفايات أجلكم الله.

فهذا الصديق الغبر أخفى نفسه خلف درام النفايات بجانب البراد وعرف بأنني سوف أمر من هناك وعندما مريت بجانب هذا الدرام الفاضي ويدفه نحوي بقوة مذهلة وصرخة مدوية تقطع القلب وتمصع الكلوة.

هنا ماعرفت نفسي إلا وأنا في الطرف المقابل من الممر مرعوباً مذعورا وخويي فاطس من الضحك ومن ذاك اليوم إنتهت سالفة البطل الصنديد وكل ماشفت درام قدامي تذكرت هاكالصديق المارج.

[منصور الغايب]

هلا بسارة وحياك الله بين اخوانك بالفلة


الحقيقة كل مواقفكم اللي قلتوها تضحك ماعدا موقف عجايب ماله شغل بالمواقف الطريفة :)


انا موقفي

مرة قالتلي امي ودني للجمعية انا واختك ويوم ركبت امي بالسيارة قدام معاي وسمعت تسكيرة الباب الخلفي قلت اكيد رختي ركبت معنا


يوم وصلن للجمعية ندور اختي ندور يمكن حولت واخذنالنا حول ساعة ندور

ويوم ردينا للبيت والا المسكينة قاعدة تبكي قدام البيت اثاري يوم فتحت الباب الهواء رده وهي صغيرة وضعيفة ما تقوالهوانا سمعت تسكيرة الباب ومشيت

وجلسنا نضحك ذاك اليوم على هالموقف


مشكور انك ونستينا يااخت سارة

والمواقف كثيرة اذا يصير نذكر بعد موقف خبرونا


بايات

[بالمختصر..]

:
.




الي في راسه وناسه يدخل


طيب واللي براسوه فلقه ؟؟ :)


.
:

[نظرة العاشق]

مساكم فل ..

والله الفكره عجبتني وحبيت اشارك في الموضوع ..

انا بقولكم موقف صار معي امس بس من جد موت من الضحك بدال لا ابكي :g: هههههه
المهم امس العصر كنت طالبه من البقاله توصلي طلب فا انشغلت ونسيت اني طالبه مادريت الا يطق الباب وقالولي اهلي من طالب على طول تذكرت وانا اقوم طايره ابي اروح اجيب الطلب ومادريت الا عكربلي سلك التلفون ولا انا محلقه زي الصاروخ الطاير مستعجله وتزحلقت علي السراميك زين ماسقعت الباب وهلي ماقدرو يسمون علي من الضحك بس الحمد الله جت سلميه بدون مخلفات بشريه هههههه....

ملاحظه .....

ارفعو اسلاك الكهرباء عن الارض ليصير لكم زي الي صارلي :ezpi_blus ..

وزارة الحمايه من اسلاك الكهراباء... :thumb:

[الكنبيوتر]

الكنبيوتر مسوي فرمات ومضيع

لين يرجع الدرايفات يرد

[سارة الجرباني]

ياحياكم وياهلا فيكم
والله وناسه بعد حطو مواقف

وش احلى من الوناسه (من يوم دخلت وانا فاقه خشتي اضحك

وابو طروق قطعت تسبدي من الضحك

ياهلا فيكم

[سارة الجرباني]

عندي مقالب ياكثرها

بس حبيت اذكر لكم مقلب بايام الثانوي

حنا كان عندنا مدرسة رياضيات ومن عادتها كل ماتدخل تسمع الدرس الي مضى

وانا بيني وبينكم ماحب هالحركة ماحب غير الورق

المهم عاد كل يوم كنت بالحصة اذا ماوقفتني باخر الصف ماترتاح

عاد تكثر عندي السواليف بالحصه( منسمه وش تعرفون)

المهم وكل يوم تدخل تستقصدني تسال (وانا بصراحة كنت احب الرياضيات )

المهم مرة ماذاكرت وجيت غيرت بالصف مكاني مير بنت اللذين تقنصني وتقوم تسالني(والله انها بلشه*)
يوم شافت انها مفصله معاي قالت لي ياسارة طلعي وكتبي القانون وعاد انا توهقت
والا صديقاتي الفزعة ويغششوني القانون كل ابوه غلط
ومير اطلع وارص الي غششوني اياه كله وهي تقولي يابنت القانون غلط
وانا اقول متاكدة انه صح (عيني قويه)

وما اناظر وراي الي وكل الي بالصف يضحكون واناظر بصديقاتي القاهن كل وحدة فاقه خشتها تضحك

عرفت ان السالف منتهيه والمرة معها حق(عاد وقتها طاح وجهي)

الله يذكرها بالخير جننتها معاي (شيطانه) مااجوز عن طبعي

[المطنوخ]

هييييييييييييييه وش اختار وش اخلي

من اقرد البشر على وجه الارض

دايم حظي معوكس

//

هذي نوبتن وانا رايح للمسجد مادري والله هي صلاة المغرب او العشاء الوكاد انه حديهن

يمار تسد اقام الامام وصلى وقاعد يقرى الفاتحه وانا رايح للمسجد وبوه كذا واحد رايحين للمسجد طبعا يمشون قريببن مني حيل

الوكاد وصل الامام لآية (( ولا الضالين .. )) وانا ساهي ماشي للمسجد وانا اقول بصوت عالي:

آآآآآآآآآآآآآآآآآآميييييييييييين ههههههههههههههههه

بصوت عالي احسب اني معهم :(


يمار مابي غيره

طبعا ماراح اقول وش ردة الفعل للي كانوا يمشون لانه اصلا مايحتاج :(

[ريال الفسحه]

8

ههههههههههههههههههههههههههههههههه



لي عوده:)

[مهاجرة باحساس]

ساره دوتس هالموقف >>مو مضحك بالنسبه لي بس الله ستر على والا كان متشوهه اللحين

مره من المراري>>> اخ يامرارتي كل مااذكر هالموقف :g:

كنت قاعده الصبح واطامر من غرفة لغرفة فاضية وقعد ابوي >> كان ماعنده هذاك اليوم دوام


ريقتوه >>( الريوق,, فطور) المهم طبعا هو بعد الفطور لازم يتقهوا , سويت القهوه وهو طالع يشوف النخله

اللي عندنا بالحوش يصب عليها ماء ومدري وش يسوي بعد .....


المهم وانا من الغرادة مدري وش طرا على بالي وانا اروح فوق وقبل لا أنزل شفت الاكواب حقات الماء

كل غرفة فيها كوب.. قلت خليني اجمعهن وانزلهن معي تحت للمطبخ عشان امي ماتهاوش وتقول

بس تجدلون فوق ولا ترجعون شي تحت .. والله وانا اخذ ثلاث اكواب بيد وحده وايدي الثانيه فيها

كوبين ولابسه شبشب خفيف ونازله من الدرج وانا مدري شلون واتزحلق ومن اول الدرج لاخره

وانا اخبط درجه درجه .. انا من طحت عن حيلي وانا افكر بهالاكواب اللحين اطيح عليهن ويشوهني


وانا اجدعهن على طول ايدي .... يوم وصلن رجليني لاخر الدرج من الوجع محنطات تقل عصيان

وانغرسن يالارض وانا اطير يمارني على بطني احس احشائي تغير مكانهن وانا منبطحه واتلوا

وافتح عيوني الا والله شبر عن وجهي القزاز حق الاكواب مكوم مكسر :a:

طبعا البيت مافيه احد كل الناس مدارس وامي نايمه فوق وابوي برا البيت :g:

والا شوي ابوي ينادي القهوة ,,واروح اوديها عنده وهو يطالع الاخبار قال اجلسي قهويني... ياويلي :(


وين اجلس .. امري لله واجلس طبعا على جنب وحده والالم طلع روحي واقهويه فنجال بعد فنجال


عاد الحمد لله جت سليمه :tongue:

[أبوطروق]

ههههههههييي

مهاجرة جتس سلامات
لا عاد تلقفين مرة ثانية والا أقول لا تقومين الصبح خليتس آخر وحده تقوم

وتري البنت إذا قامت تنذخ وتميلح لازم تجيب العيد وأول واحد يخطب يزوجونه على طول ))يبون الفكة((

تحيا تي لتس ولراعية الموضوع

[مهاجرة باحساس]

ههههههههييي

مهاجرة جتس سلامات
لا عاد تلقفين مرة ثانية والا أقول لا تقومين الصبح خليتس آخر وحده تقوم

وتري البنت إذا قامت تنذخ وتميلح لازم تجيب العيد وأول واحد يخطب يزوجونه على طول ))يبون الفكة((

تحيا تي لتس ولراعية الموضوع


ههههههههه


ياريت يزوجوني ومايسألوني ... المشكله يخلوني دايم لحالي اخذ القرار


طبعا ردي لالالالالا دائما



عاد يوم صار عمري 25



شكلهم راح يجدعوني جدع بوجه اي واحد يطق الباب :d:


خخخخخ كل خواتي تزوجن الكبار والصغار وانا ناشبه بحلق امي وابوي وين ماراحوا معاهم


بيني وبينك زهقوا مني انا حاسه :d:

[سعد الشمرى]

ساره مال مقوار على اخناعج بس ادورين فضياحنا هههههههههههههههه

[وفي]

السلام عليكم ......... موضوعتس حلييييو ......... وأنا أخوتس
هذه سالفه صارت لواحد من الشله الكريمه لدينا ......... وهو رايح يخطب
الولد مسوي رومنسي وراعي حب وغرام ..... مسبل عيونه وكارع له قوطي(علبه) ميرندا فراوله عشان الشفه تصير حمرا.. ومحلق عند حلاق بخمسه وسبعين ريال وطاق ثلاث علب نشا على المرزام بس...
المهم ما كان يدري عن المكتوب له ...... ملك عند المملك وكتب وخلص وأرى الفاتحه خلاص ... شوي رايح يشوف بنت العم ويرمس لها بكلمات الحب والثقافه وووو.....
شوي قامت من عنده العروووسه ... وراحت وجابت له دفتر عشان يكتب لها كلمتين رومنسيتين .. خبركم يالبنات الدفتر حق ( أكتب لك بالمقلوب علامه الحب في القلوب ... أكتب لك بالرصاص علامه الحب والأخلاص.. أكتب لك بالتفاحي علامه حبي وكفاحي) ومن هالسوالف ...
الولد أرتبك وضاعت علومه ...... ما توقع هالموقف ولا أنا ..( لأني كنت أوصيه بكل شي ... يعنني خبره في هالمواضيع عشاني سبقته بشهرين ) ... شوي بدا يكتب وطلع الخط الفضيحه ..... هههه
كتب له كلمتين حلوه ورومنسيه وفيها وصيه بذكر الله وحفظه ...
وبعد ما خلص كتب رقمه حق الوظيفه .ووقع ........ هههههههههههههه
متعود على خطابات العمل .... هههههههه
شوي كلمني وهو طالع من عندهم ... قال لي : أبشرك جبت العيد ... قلت له : الله يبشرك بالخير كالعاده..
قال : جابت لي دفتر وقالت أكتب لي بالمناسبه ... قلت له: طيب لا تقول شي وتعال لي على الجبل الأخضر
(كنا في أبها ) ... وفصل بالممل أو ملل بالفصل بس تعال...
وقعدت أضحك عليه ألين تشققت كريشتي من الضحك ............ هههه

أدري أنتس تبين مقالب بس الموقف هذا ذبحني من الضحك وحبيت أنقله لكم ... تقبلي تقديري وأحترامي
وشكراااا.......

[صدى الشمال]

تبون موقف طفولي






إقضبو بطونكم






ــــــــ
هذا ياطولين الاعمار



عندما كنت بالتاسعه تقريبا


وكان خيي بالحاديه عشره







المهم عندهم ماده الجغرافيا
ولازم فيها رسم خرايط
طبعا لازم مقص هذا شي أكيد








الخلاصه إنوه كان منبطح بالمقلّط ويقصقص بهالخرايط
وأجي أنا من قرادتي وأقابله




تخيلو الشكل






يوم قصقص وقضى




بحّر بوجهي
وقال
ماتبينن أحلقك
قلت إي والله







المهم من فوق الجبهه تقريبا بثلاثه سم
خذالوه مجموعه شعر




قال خذ لفه
وانا آخذ لفه طبعا بالوقت هذا أنا مستانس




ويقعد يفتح مشاريع براسي





يوم قضى كان وقت ليل





لعبت شوي وعقبه رحت نمت






قمت الصبح
خذيت شنطه كابتن ماجد(الله كان لونه برتقالي)




ورحت للمدرسه




دخلت الفصل إلا خلق الله تكركر
تخبرون صغيّر وما يفهم




وكل مدرس يدخل يضحك







رجعت للبيت وهو يشوفن الوالد




قال\
ياوليدي منهو اللي لاعبن براسك تنس
قلت ماحد لعب تنس بس اليوم انا لعبت كوره قدم وسجلت قول براسي




وهو يمّسكن مع العلابي وهو يودينن للمراه




يوم شفت شكلي


إنخرعت
شبهه





المهم قلت للوالد ممكن تفك
قال هاه
قلت فكّن


وهو يفك




وانا أركض فوق لغرفه خيي اللي لعبّي




أدوّر أدوّر
وأنا ألقى المقص



خذيتوه وكمّلت بس بشكل عشوائي وبقوّه




نزلت للوالد قلت له وش رايك




مسكن بالعلابي مره أخرى


وودّانن للحلاق





وصفر


يوم
طلعت يمار راسي لونه أخضر



ههههههههههههههههههههه
وهذا اللي لقيتوه.

[ودعت جرحك]

:131r:




مقفل للصيانه