الوصية والمقرود

[أبوطروق]

السلام عليكم يا فلاوية وغير فلاوية

هذا ياطويلين العمر والعمرات واحد مات أبوه وتركله وصية بشرط أنه يخلي شخص ثاني يقراه ولا يقراه هو مهما حصل.
ثاني يوم وهو طالع من البيت حزين مر من عندالقصاب الي كان أبوه معامله
قال ليه ما اخليه يقرالي الوصية
يوم قراه القصاب زعل وقال والله لو ماانت ولد فلان كان بهالصاطور على راسك أطلع من محلي ياحقير.
طلع المسيكين وهو بايه مايدري وش السالفة وشوي لقى هندي يكنس الشارع قال صديق ممكن يقرا هذا رسالة، قراه الهندي وقال إنتا مافيه كويس إنتا سيم سيم زبالة يالله أمشي (وقام يمحطه بعصا المكنسة)
شافهم شرطي وخذاه هو والهندي للقسم وسأله الضابط وش فيه؟
قال طال عمرك أنا قصتي كذاوكذا
خذا الضابط الوصية وقراه ويوم خلص تغير وجهه وقال للهندي معليش صديق إنتا يقدر يروح
وقام يسفل ويتفل على راعي الوصية وقال للعسكري حطه بالتوقيف يما يعرض على القاضي.
بعد ثلاث أيام جاه حكم بإبعاده عن المدينة على أول طيارة
وهو بالطيارة شافته المضيفة مهموم سألته مالك في أيه قال له السالفة ويوم قرت الوصية قالتله إنتا وسخ وماعندك دم وقامت تصارخ عليه
سمعهم الكابتن وجا يركض قال له الولد ياكابتن إنت رجال فاهم وتكفى فهمني

يتبع

[ابو عارف]

ياوالله المقرود صحيح ، ويش هالوصية القشراء .

متابعين يا أبو طروق

شكراً لك لاهنت.

[أبوطروق]

هلا أبوعارف

آسف إني قطعت السالفة (الظاهر شيبنا بسرعة نتعب) والمشكلة إني أكتب بإبهامي.
نتابع:-
قال الكابتن عطن الوصية أقراه لك
يوم قراه قام يراعيله شوين وقال: إنت أنذل إنسان شفته بحياتي والله ما تقعد بالطيارة ولا دقيقه ودعا أمن الطيارة وقالهم هالحيوان هذا تنزلونه في براشوت الحين
لبسوه براشوت وقطوه من الطيارة وهو بالجو قام يتذكر أبوه ويقول أنا وش سويت لأبوي عشان يسويبي كذا ماني خابر زعلته بشي كنت بار بوالدي وياما سهرت عنده وهو مريض حتى راتبي كان ياخذه ويعطيني مصروف ومع هذا ماعمري بينت له إني متضايق طيب ليه يسويبي كذا أنا لازم أقرا هالوصية وأعرف وش قايل فيني أبوي وطلع الورقة من جيبه وقراه يوم خلص قال: (معقولة أنا كذا) وفك البراشوت وانتحر............
وسلامتكم
إنتهى

{لاحد ينقد علي القصة كذا}

[بالمختصر..]

:
.




ابو طرووووق ( لاتعوده )


وش مكتوب بالوصــيــه ؟؟؟؟


يآآخي الشفاااايه ماتخلي أهله :)




.
:

[أبوطروق]

بالمختصر والله حتى أنا أموت وأعرف وانشالله إذا لقيت الوصية أعلمتس

"شكرا على التشريف"

[الكنبيوتر]

ياعمـــــــــــــا <<<<<<<<<<<<< خوش بدايه :)

ابو طروق بالله هذي سالفه ؟؟؟ ياخي أحس أني اتابع طاش على الام بي سي كل شوين فاصل وتاليته ...

















طـــــــــــــــــــــــــــــــــــــاش مدري طـــــــــــــــــــــــــــــــــــــــ ـاح

[الأصيل]

عزيزي ،،


مانبي حرق أعصاب :(



الوصيه تجيبه تجيبه


واللي انتحر ،، تنبش قبروه وتطلع الورقه :148r:









علقتنا باخي:a:

[ابو عارف]

أنا أخبركم بالوصية اللتي طار فيها الهواء ولا طاحت إلا في يد شارون وعندما قراءها راح في خرايطها أصبح في غيبوبة من هاكاليوم إلى الدفنة إن شاء الله وكانت مكتوبة بالعربي وأرسلتها حكومة العدو الصهيوني لبريطانيا لترجمتها وعندما عرف عنها توني بلير إستقال من الحكم.

وهي الآن يتداولها البرلمان الكويتي وكل يوم يطرد وزير حتى يخلصون ومن ثم سوف ترسل للبشير ليقراءها ونشوف وين ينتهي بها المطاف بعد ذلك


شكراً لك أبو طروق على هذه القصة الممتعة والمثيرة للجدل.

[أبوطروق]

الكنبيوتر وش دراك إني مشارك بهالقصة في طاش ماطاش هالسنة وانشالله تشوفه وتعجبك.
وبالنسبة للفواصل تراه مفيدة (لوتدقق)
شكرا لتشريفك

تشاو

[أبوطروق]

أبو ثوب باشا
أبشر طال عمرك أبي أدور الوصية بس لو ترسل معي فرقة من جحافلك للحماية خوفا من سرقة الوصية

(أنا نسيت أقول إن الرجال طاح بالبحر وتقاطعنه أسماك القرش)
أسأل ريال الفسحة يمكن يعرف حدا هالقروش يوم كان بأعماق البحار

[عجايب بنت الشايب]

عنـــــــــدي التكمـــــــــــله

ههههههههههههههههههههههههههههههههه ابو طروق

مره اخوي عطاني ملاحظه عنده بالجوال فيها نفس هالقصه بس بشكل ثاني


في الأخير مكتوب




لمعرفة ماهو مكتوب في الوصية اتصل على خالد +++++++055


يعني ترقيم من نوع ثاني ههههههههههههههههههههههه



الله انها تقهر هالقصه .......وتحرق الاعصاب عاد ماجيت تحطها الا عند اكبر شفايين في العالم

( حيو الفلاويين والفلاويات )


طحياتي .....يابو طروق لاهنت ........’’

[أبوطروق]

هلا بعجايب هانم

أخوتس هذا داهية وراعي مواهب
وصراحة كنت ناوي أحط رقمي بس خفت من الشماته

أشكرك جدا جدا على مرورك ياهانم

[الدم الأزرق]

ابو طروق...

يأنه يقهر كل ذا ومتحمل ولا صار عند فضول يقرا الوصيه:


ماعندوه احساس هالرجال :148r:


ابو طروق مانبيك تتأخر علينا نبي نعرف وش مكتوب بالوصيه...

[أبوطروق]

هلا بالدم الأزرق
شاكر لك مرورك والله لا يحرمنا من زراقك

وأبشر أول ما ألقى الوصية أعلمك
مع إن القضية صارت عند الأمم المتحدة (بذمة أبوعارف) لكن إنشالله ألقاه قبلهم وأجيبه لكم

إحتراماتي

[فـــــهـــــد]

والله توي ادري ان عندي شفايه

اثريها بالدم يأخوك الشفايه

بالله يابو طروق ارسلي بالخاص وش مكتوب بالوصيه

الله يونسك بالعافيه يالغالي

خوش سالفه تسلم طال عمرك

[ريال الفسحه]

تصدقون بعد ماقريت القصه ويوم شفت يتبع


قلت لا الا هذي يابوطروق انت تدري بالربع
شفايين بروفشنال :)


وبتسيت وخذيت كم يوم ودخلت اثريه حاطه







ومازالت الشفايه قائمه الا ان نجد السبب :)








لاهنت

[المطنوخ]

هذا وصخ ونذل وحقير وكلـب راعي الوصيه

ان شفته داخل الفله لعنت ابو ابو اسلافه:(

<--يعني قرى الوصيه:)

[أبوطروق]

حياك يافهد وانا أبي أروح مع قوة من جحافل أبوثوب وبمرافقة الدليلة ريال بن فسحة لأعماق البحار وما نرجع إلا والوصية معنا.

تحيا تي وشاكر لك مرورك

[أبوطروق]

ماعاش من يبتسيك يابن فسحة
يالله متى تبينا نروح لأعماق البحار ونجيبه ترك انت الدليلة ولا تنسى تكلم القرش خويك ينتظرنا بالهاف مون

ثانكس مسيو ريالوو

[أبوطروق]

ياخبر أبيض طنخان بيه بزاته هنا

أبوعارف كان باقي عندك ذبايح بالشبك إذبحهن كلهن وارسللي الفاتورة
أبي أعزم أهل المضايف كلهم
دا طنخان باشا مش خمس فلوس

تحيا تي يالأطنخ
(إلا صحيح إنت قريت الوصية)
لا يكون انت القاضي اللي طرد راعي الوصية من المدينة

[الأصيل]

أبو ثوب باشا
أبشر طال عمرك أبي أدور الوصية بس لو ترسل معي فرقة من جحافلك للحماية خوفا من سرقة الوصية

(أنا نسيت أقول إن الرجال طاح بالبحر وتقاطعنه أسماك القرش)
أسأل ريال الفسحة يمكن يعرف حدا هالقروش يوم كان بأعماق البحار

ياريال

ريالووووووووووووه


وين طس:good1:




ريااال ،،

تعرف أحد من القروش ؟؟


اجتمعت العملات النقدية : الريال والقروش .. وابشر بـ ..الفلس:)

[أبوطروق]

ههههههههاااي
والله ضحكت يما بغيت أطرش فطوري يالأصيل
وشلون جبته هذي "ريال وقروش" هههههه
هذولي تقل شايفهن بكيس شحاذة

الله يقطع ابليسك يابوثوب يالفطين

أحتراماتي

[ابو عارف]

ياخبر أبيض طنخان بيه بزاته هنا

أبوعارف كان باقي عندك ذبايح بالشبك إذبحهن كلهن وارسللي الفاتورة
أبي أعزم أهل المضايف كلهم
دا طنخان باشا مش خمس فلوس

تحيا تي يالأطنخ
(إلا صحيح إنت قريت الوصية)
لا يكون انت القاضي اللي طرد راعي الوصية من المدينة

------------------------------------------------------------------------------->

الله يحيي الجميع أنت الوجه المبارك نتعرف عليكم ويشرفنا حضوركم الف هلا ومرحبا بكم جميعاً . والشبك مليان بدون فواتير لقينا لنا غنم ماعنده أحد كان ماهي غنم عجايب لاتذكروننا له.

[أبوطروق]

أبوعارف
كفو يالنشمي وتحري به

عسى شبكك عامر بما لذ وطاب من الذبايح الطيبة والتيوس الشهية

(أبشرك المطنوخ أعتذر ووفر علينا)

عاد نبيلنا هريفي أبو أربعة نمزمزه بهذا.

تحيا تي ياذيبان

[منصور الغايب]

ابوطروق


شهالقصة الحزينة هذي


لاحول ولاقوة الا بالله

شهالوصية القشرة


هذا غير ابو ؟!


فيه سؤال أخير





ماتدري وين قط الوصية نبي نقراه :)

[ابو عارف]

أبوعارف
كفو يالنشمي وتحري به

عسى شبكك عامر بما لذ وطاب من الذبايح الطيبة والتيوس الشهية

(أبشرك المطنوخ أعتذر ووفر علينا)

عاد نبيلنا هريفي أبو أربعة نمزمزه بهذا.

تحيا تي ياذيبان
-------------------------------------

أبشر بسعدك أبو طروق بس خلنا نشوفك الله يحييك ، بالنسبة لي أمشي يوم غد الخميس 12/7/2007 لحائل إن شاء الله وننتظركم ونذكركم في الموعد:

المكان قصر صبابة للأفراح أو للإحتفالات

الزمان 6/7/1428 الموافق 20/7/ 2007

[أبوطروق]

هلا بمنصور يالله حيوه

وبالنسبة لسؤالك إلا أدري بس خايف أروح لحالي أتحرا يما أجمع كم واحد معي ونروح نجيبه (تخاوي)

شكرا على مرورك وشرطتك

[أبوطروق]

أبوعارف ياعله ألف مبروك
والله إني مالي كم يوم جاي من حايل ولو إني موجود كان حضرت ولي الشرف.
أبوعارف فيه شقق مفروشة جديدة بصبابه على الدايري مباشرة حول دوار القربة لا تطوفك أسمه (ألف ليلة وليلة) وتحته مباشرة بيتزاهت وبجنبه محطة بنزين وسوبر ماركت 24ساعة.

أبوعارف إذا رحت حايل لا تقاطعنا مهو تنشغل بالعرس وتنسى ربعك

تروح وتجي بالسلامة يا {صديقي}