مضيف لشعر الشعبي الشعراء ذكور والمشرفين اناث ...!!!

[احساس العـالم]

السلام عليكم ورحمة الله وبركاته

بعد التحيه

اخواني اعضاء مضايف شمر

خلوني اتكلم بالعامي اريح لي

يمكن الموضوع مو مكانه بالقسم هنا

انا بصراحه انقطعت من النت لظروفي الدراسيه

وتاريخ انتسابي لهذا الكيان من قديم

وكنت من اشد المعجبين بهذا الكيان

ولكن بعد رجوعي لهذا المنتدى

بصراحه شد انتباهي هذا القسم

مع انه من اهم الاقسام لإبراز الاقلام الشعريه

بصراحه شد انتباهي الاشراف على هذا القسم

ان يكون من العنصر النسائي مع ان اغلب اللي

تكون اقلامهم حاضره العنصر الرجالي

انا لا اشكك في ثقافة الاخوات او مصداقيتهم

او بشاعريتهم انا اتكلم من الاخر بعيد عن هذا كله

انا اتكلم عن الاشراف من منظور اخر وهو منظور

وش بيقول لما يدخل واحد اجنبي عن منتدى شمر

المشرفات على قسم الشعر حريم

حتى لو ما يقول انا كشاعر ما ارضى تكون المشرفه علي مره

حتى لو كانت اكفى مني فيه اللي احسن منها ويستحق ان يكون مكانها

انا بصراحه ما ابي احد يفهمني خطأ

لكن هذي وجهة نظري ان المرأه تستحق ان تكون مشرفه عدد من الاقسام

الا قسم الشعر لأنه بصراحه هو واجهة المنتدى من ناحية الرجال

وانتم شوفو منو اكثر يكتب بالقسم الرجال او النساء

مع احترامي للاخ سلطان الشمري

اتمنى ان يكون معه اثنان بدل الاخوات بتول وام نواف

ليس من باب الكفاءه بل من باب الرجول ونظرة الاخرين فقط لا غير

اتمنى ان اكون ما ضايقت احد بكلامي roooose

لكن هذي وجهة نظري

(( اختلاف الراي لا يفسد للود قضيه ))

[ريال الفسحه]

هلا والله باحساس اللي من عامين توه يفطن عليه معرفه :)
وحياك الله قبل كل شي وان شاء الله يدوم تواصلك هنا...

\\


خلن اتلقف شوين واعرض وجهة نظري..!!!!

وش المانع ان تكون حرمة مشرفة الشعر لكل قسم من الاقسام
هدف يسمو اليه ولا اعتقد ان هناك قسم ايا كان يخص جنس دون
اخر الا المطبخ :)

طيب يمكن هالمشرفتين الثنيتن احسن من الشعار تواجد ونشاط
واجزل شعرا ..ان اقول يمكن ومهم محتاجين رايي :)

غير هذا اداريين الاقسام الادبيه رجال


\\


غير هذا وهذاك ترا هالامور راحت حرمة ماتصير مشرفه علي
او او تراا المشرف مو معناته مدير يتحكم بك هو شخص له المام
بامور القسم يكون تواجده دائم ويكون مكلف بمتابعة قسمه فكوني
شاعر انزل قصيده وش يهمن المشرف رجل ولا حرمه ..بكيفهم :)


اهم شي كصيدتي :)


ايابعد حيي هالعلمه مار هذي اول مشاركة وتبي شوشهم هههههههههههههههههههههه


امزح والله :)



هلابك يابعدي وكلن لوه وجهة نظر يحق له طرحها




اخوك

ريال


ملم بالشعر الفصيح وصاحب محاورات وقلطات


سلام

[احساس العـالم]

ريال فسحه << اشوى جت العطله وافتكينا منك هع


ليتك سالمن من هالفلسفه << يمون :goooood:


انا ما اتكلم عن شاعريتهم او عن جهودهم او انهم مو كفو او او او او او .....


انا اتكلم عن شي واحد اللي هو نظرة الاخرين عن المنتدى


لا تنسى ان هالمنتدى شايل اسم قبيله


ومو من المنطق انه يصير المشرف على الشعر مره


مع اني اثق مليون بالميه انهم انشط من الرجال


بس انا اتكلم عن نظرة الاخرين والزوار


انا ما امانع ان الاخوات يكونن مشرفات على بعض الاقسام


بس الشعر انا عندي تحفظ عليه


لانه هو واجهة الرجال والمفروض يكون المشرف رجل


مثل ما قسم المرأه والمطبخ والموضات المشرفات حريم


لانهن هن واجهت هالمنتدى ..



هذا اللي حبيت اوصله

....................................................................

وبعدين القلطه ماهي لنا وش جابك له <<< هع هع


اخوك



الفقير الى الله



احساس العـالم

[المخاوي]

ريال فسحتنا :)


مشينا للمحاوره :)


وبعدين الرجال يقول لظروفه الدراسيه :hala1:


احساس العـالم

وجهة نظر وعلينا احترامها >>>>>>>>>>


وأهلا بك في ديرتك ومحلك :7ayyoh:

[ريال الفسحه]

مشينا :)

[احساس العـالم]

المخاوي


يعطيك العافيه على المرور


شرفت ولا كلفت


حرام والله اخذنا من وقتك كان ما تعبت نفسك ورديت


الشباب مو مقصرين


يعطيك العافيه يالحطيئه


مشكور ع الرد ..

[المطنوخ]

طيب الشعار اللي يكتبون دايم بدون انقطاع ليه ما اشتكوا ؟او حسوا باهانه ان مشرفتهم مره؟

يعني هل هناك احدا اشتكى اليك انه بوده الاشتراك بالشعر هنا ولكن المشرفه مره وتعفف عن هذا الامر؟


مادري ليه يوم كتبت الجمله حسيت ان بكلامي عدائية لكن يعلم الله اني كتبته بعفويه :)

لذا جرى التنويه

[نافع بن طواله]

احساس العالم

مشكلتك حساس


والموضوع مافيه أي شي لأن المهام المطلوبه من المشرفين ليست قاصره على الرجال

وإذا كنت تقصد نظرة الزوار

أنا أقول الخوات ماراح يستقبلونهم على الباب

المسأله عباره عن كفاءه والخوات كفاءات نادر وجهودهن جباره

مع العلم أن حمل هذا المنتدى قد عجز عنه الكثير من الرجال والأخوه الفطاحل في الشعر

ولكن هن ّ أثبتن قدرتهن على إدارة المنتدى خير إداره


وبعدين بوم إنك تكتب هالموضوع وسلطان يمذرح بالإشراف وشو له ؟؟

[احساس العـالم]

المطنوخ


يعطيك العافيه على المرور


اما الشعار مادري عنهم يمكن جايز لهم


انا اتكلم عن نفسي واتكلم عن واجهة المنتدى عند الاخرين


على العموم وصلت فكرتك


تقبل تحياتي

[احساس العـالم]

نافع الطواله


يعطيك العافيه على المرور


اما بالنسبه للنك نيم ماله علاقه بشخصية الانسان


مجرد ستار نستتر خلفه


اما بالنسبه للكفاءه انا ما شككت بكفاءة الاخوات


انا اتكلم عن نظرت الاخرين


وروح شوف منتديات القبايل الثانيه


اذا فيه حريم مشرفات على الشعر

يمكن وجهة نظري تختلف عن الكثير منكم


تقبل تحياتي

[شموخ]

والله ياخوي احس مافيها شي :) ولا ااعتقد ان فيه احد بينظر نظره لكم شينه على هالشي مشرفه او مشرف هو عمل ويقومون فيه ويشكرون على تحمل المسؤليه ...

[عبدالكريم العبهولي]

الله يعطيك العافيه على هذا الراي اللي ما كان خاطر على بالنا والله كلامك بمكانه اذا جاء واحد اجنبي وشاف هالمشرفات بالواجهه يعني تصير مثل المنقود وعلى العموم هو مجرد اقتراح









اخوكم







عبدالكريم آل عبهول الشمري

[حمود الباتع]

رأيك محترم كشخصك الكريم

والشعار وأنا أعد نفسي تلميذ في مدرستهم ماهم عاجزين عن الأشراف ولكن ...

الأشراف على أي قسم يحتاج لشخص يدخل النت بأستمرار وبدون انقطاع ويتصفح كل مايطرح لكي ينقي المنتدى من اي شائبة ..
فكما تعلمون هناك بعض الأعضاء يطرح مشاركات ربما تكون غير لائقة فلا بد من المتابعة ..

وأنا سبق لي أن كنت مشرفاً في منتدى مرموق ثم مدير عام للمنتديات هناك وأستمريت قرابة سنتين
وحقيقة هو عمل متعب بحكم المسؤلية ورغم أنه كان معي مشرفين مميزين ولكن ذلك لايقلل من المسؤلية مما اظطرني بعد أن أقدم أعتذاري لمدير الموقع وأنسحب من المسؤلية..


الأخوات هنا أعانهم الله ربما ليس لديهم مسؤليات كثيرة تضطرهم للغياب لذلك فرأيي أنهم أفضل من الأشخاص كثيري الغياب ..

الا أن أحد المشرفات في قسم ..ما.. ربما ليس لديها خبرة كبيرة فهي كثيرا ماتحذف مشاركات عادية ليس فيها مايستوجب الحذف ولكن مع الوقت ستكتسب الخبرة أن شاء الله.
همسة في أذنها .. ألأشراف مسؤلية وأمانة قبل كل شيء وليس سلطة مطلقة

[احساس العـالم]

شموخ


يعطيك العافيه على المرور



تقبلي تحياتي

[احساس العـالم]

عبدالكريم العبهولي



يعطيك العافيه على المرور


واخيرآ لقيت واحد يوافقني بوجهة النظر


مع ان بعض الردود من الاخوان احس مو بمكانها


انا اتكلم عن وش بيقول الاخرون عن المنتدى


لما يشوفون المشرفات حريم


مع ان فيه اللي اكفاء منهم


ووجهة نظري واضحه للجميع



تقبل تحياتي

[احساس العـالم]

حمود الباتع


يعطيك العافيه على المرور


اخوي انا ما اتكلم عن الفراغ وان الرجال ما عندهم وقت فراغ


كل واحد منا عنده شغل لا الرجل ولا المرأه


بس انا وجهة نظري واضحه


عن نظرة الاخرين للمنتد


وخصوصآ المنتدى شايل اسم قبيله


اما عن بعض الاخوات

انا ما تطرقت لاحد بعينه


تقدر تكتب موضوع اخر


وتناقشها في نقط ضعفها

اتمنى من الاخوان فهم وجهة نظري


بتقبل تحياتي

[حمود الباتع]

احساس العالم

موضوعك في منتدى عام يعني مهو شكوى ولا أقتراح خاص هو شبيه بالأستفتاء وكل واحد يقول وجهة نظره لأن لو كان مخصوص لناس معينة كان نزلته برسالة خاصة صح او لا ..
وأنا فاهم وجهة نظرك ولا خالفتك وأحترم رأيك ورأي الأخوان اللي ايدو وجهة نظرك

وبالنسبة لكتابتي الاخيرة عن بعض هفوات المشرفات هي همسة وتذكير ولم أقصد التطفل على موضوعك

فقط لأن موضوعك يدور حول الأشراف وجدت الفرصة سانحة للتنبيه

وتقبل كل الاحترام