جاك الموت يامتعجب

[الأصيل]

السلام عليكم






.
.


لايسلم الشرف الرفيع من الأذى***حتى يراق على جوانبه الدمُ


أخس ياراعي هالبيت ،،، عز الله عجبن:good1:



******

هاه ،، وشعندك يابوثوب ؟؟


يخي ،، أبد ،،

هاللي مبلشينا صار لهم تسم يوم ،،

بيعو الفله ،، سلمو لنا الفله ،،:d:

نبي نذبح نبي نصلخ ،،










ياوليدي هذي الفله ،، مهي فنيلة بيكهام:thumb:

ماتحصل لك بهالسهوله ،،

بينك وبينه مايبيد السمينه ( وينك يالغسلان ؟ ):hala1:






أنا كنت متقوقع على روحي ، ومعتزل الشعر :a:

لكن ،،

جانا واحد من أهل الفصيح ،، يقال لوه : متعجب بن قطاش بن مرحود السلجوقي :d:

من سلاجقة دمنهور ... ( خوش ناس ،، مابهم بلا ):hala1:




والظاهر إنوه نسي كون الخنيسي وكون الشريف :a:

وكون ( تحت بارقة السيوف ) ومناخ ( تحت سنابك الخيل )





،
،


هالجوله هذي ،،، بالشعر الشعبي

ون ماكف شروه عنا ،، أبي أهجدوه بالفصيح:148r:


يابجاد ،،

بجاد

وين ولىّ

بجااااد ،،:hala1:


هاك الكتاب هذا ،، وارتسب فرسك على أول رحله :hala1:

واحجز لبيروت دمشق للأدب العربي

ياجيت الشيخ : متعجب ،، سلم على سكرتيروه ،، وعطه الرساله:goooood:




ويقول أبو ثوب




ياعيال ياللي تزرعون النشايب=كفّو دبشكم لايجي حروة الريع
كانه طلايب ... ياهلا بالطلايب=واللي معيّي .. غصب نامرْه ويطيع
ياتي ( فشقنا ) مثل طش السحايب=وأهل ( الفصيح ) يولمون ( المدزاليع )
( متعجب ) اللي في كلامه عجايب!!=يابوك أنا اشري فلة العز ،، مابيع
لو السرايا تزعجه والكتايب=نرسي ،، لعين الداعجات المداليع
ياما غزيناك ،، وكسبنا النجايب=وضفّيت جملة حِيلها والمضاريع
وياما جدعنا من صبيٍ وشايب=وظلن حريم ( أهل الفصاحه ) مفاريع
وتقاطعو ربعي ديارك نهايب=وسالت وسالت من نحور ومداميع
( تحت السنابك ) ونت ماكنت غايب=( وتحت السيوف ) المرهفات اللواميع
للسلم سلم ،، وللحرايب حرايب=أقول ،، واعلن بالمحطات واذيع
يادار ،، مابيعتس بسوم وغصايب=لو مزّعو يمناي بالشلف تمزيع
عساك عن ذنبك تجي منه تايب=ولاني مهيض فيك بعض المواجيع






عجبتن هالقصيده ،، الظاهر أبي أشارك به بشاعر المليون:tongue:














رسايل سريعه :


المضيف العام ،، مافزنابوه ؟؟

ريالوه ،، خلك على اسمك ،، اسمك الحقيقي تقل علاج تنك:good1:

المشرف العام ،، أشكرك على دعمك اللوجستي مقدماً

الأطنخ ،،، سر ونحن من دزدامك




الشعراء اللي يزورون الفله ،، عندي لكم موضوع محصلششششش

اصبرو شوين يما نفتك من هالبليه






متعجب : أشكر لك تشريفك لنا بالفله ،،

وانت الدينمو اللي يحرك المكينه الأصيليه
















هالله هالله بالتعليقات الناريه النازيه:d:

[شليويح]

حجز اول.....

يمكن نرجع:(:(

[عجايب بنت الشايب]

تثبيت اول

يمكن نفك ...

:) :)

[بو رائد]

ناس يمينك وفيه ناس(ن) يسارك
وانا معك بالروح والحال والمال

انشهد انه خاب من لااستشارك
وانشهد انك يافتى موضع امال

خسران منهو خاض معك المعارك

مايدري انك لاتحيزمت رجال
متعجب(ن)باخر كلامه تدارك

تبرير عن وضع به النفس تهتال
وانا بعد ياعزوتي جيت اشارك

وتر الذي يعيل تاتيه عيال
متعجب(ن) اهجد وخلك بدارك

من دون فلتنا يجي هوش وقتال

[ابو عارف]

يستأهلون أهل الفله.

مايدرى ويش يستأهلون.

مايصح الإ الصحيح.

[الأصيل]

الربع اللي حاجزين ،،

أرجو تأكيد الحجز خلال 24 ساعه

وإلا سنضطر آسفين لإلغاء التذكرة


مع تمنياتنا لكم بالسلامه والرحلة الآمنة على الخطوط الجوية الأصيلية:good1:



****




اللي ثبت الموضوع : ثانكيو مرسي:thumb:








.
.
.





ناس يمينك وفيه ناس(ن) يسارك
وانا معك بالروح والحال والمال

انشهد انه خاب من لااستشارك
وانشهد انك يافتى موضع امال

خسران منهو خاض معك المعارك

مايدري انك لاتحيزمت رجال
متعجب(ن)باخر كلامه تدارك

تبرير عن وضع به النفس تهتال
وانا بعد ياعزوتي جيت اشارك

وتر الذي يعيل تاتيه عيال
متعجب(ن) اهجد وخلك بدارك

من دون فلتنا يجي هوش وقتال



ياجماعه ،، تلوموني بأبورائد:hala1:

يالربع هذا الرجال ذهب ومذهب:thumb:

أيابعد خشمي هكا الخشم:d:




على طووووووول ،،

أبورائد ،،

نظراً .. لولائك للفله ،،

الظاهر نبي نعطيك حزام ناسف ،، فـ .. اكتب وصيتك ،، ورح للأدب العربي

و .... انسففففففف:a:







يسلموووووووووووووووووو


************

أبوعارف

تستاهل العافيه


ونخدمك بالأفراح والليالي الملاح:d:


ألا .... ماعندك خبر عن نتايج المضيف العام؟ :good1:

[أبوطروق]

صح لسانك يابوثوب
انا اشهد انك شجاع وسنافي
أقدم وحنا معك وان أسروا ثوبك نجيب بداله ثياب وبشوت.

ولا أنسى أبورائد صح لسانه بعد.

عليييييييهم

[عبدالله الجعيثن]

الاصيل...عز الله ياموضوعك انه له طرات مانا حلوه على الكبد


مثل جالكسي الشعراء:)


ياخي اسم سلمان مروح الله لا يبلا ...اطول من فيد نهضيل:puzzled:..لاكاسب لذه ولا به صمايل..



ايا بعد كبدي على الابيات والله اني احسبك سارقه من قصايد عبيد الرشيد :a:من زينه

[المطنوخ]

^..^..^..^

^
^
هالاسهم اللي فوق مصففه ماهي يم ابوجعيثن:)

هذا تصوير لطيارات الشبح من فوق يقولون انه لواحدن من خويانا امس العصير يتقهوى فوق لوه غيمه يوم شافهن حدريه وهو يمسد تلفونه ابوكامرتين ويصورهن :)


___________قصف جوي عنيييف_____________

لي عوده قريبه ومدويه<--ماحلم بك احد مير اربض:)

[متعجب]

يا حي الله الاصيل rooose3 <<< ازرعه بالفلّة للذكرى..ترى أهل الفصيح مرّوا من هنا:)


الحين


عقب كل هالجعجعة


هذاا طحنك !!!!:)






هي بالحيييل عصماااء


وأنا مالي بالنبطي :148r: << يعني هه مرّه ومرّه:g:



بس الاكيد إني ماني تاركك لما أسلمك لاهل الفصيح يشوفون رايهم بك


والا ربعك هل الفلّة يفكوونك:41_f::41_f:





والجماهير اللي مستانسه


لاتفرحون



وخوذوا من راس الاصيل العبرة:biggrin: << راسوه تلقونوه معلّق الليلة على باب الفلة:112r:






جايك يا بوثوب جايك



هينتن لك

[شليويح]

حجز ثاني...

حتى ما يلغى الحجز الاول...


يمكن لنا رجعه
:d::d:









الا ما تبيع ديناميتي .... :a:


سمعت ان بردنك الايسر به بلاوي :puzzled::puzzled:

[المشرف العام]

الردّ ماتراه لا ما تقرأه:puzzled:

وأنا ليا أهتشت:148r: .. تعوّذت من ابليس ، وصدّيت ليا ما تفهّي

وأبشر بالمدد يابو ثوب:luvlove:

[متعجب]

يوم اقفينا جيت تهاوش:148r:


إيييييه يبو ثويب:)




أقول ,,,,




هاج الأصيل وأوّل الوقت هايب = جانا على متن القوافي المساريع

يبرق ويرعد غيمها والسحايب = مطوع(ن)...كل القوافي له تطيع

أشعارك اللي امتلت بالغرايب = من( الفشق ) ..( للمرهفات اللواميع )

اللي حضر ..واللي هكالوقت غايب = منّا ومنكم تخفي السّر .. ونذيع

( تحت السنابك ) جات خيلك وهايب = (لافارسٍ يُرجى)..ولا فيك تسنيع

وين( البوارق ) والفعول العجايب = كيف الهزايم لمّعوها بتلميع


جيتك وخلّيت ( البحر) والصحايب = وان جوك..حتى (الثوب) كنه يبي يضيع

(يادار مابيعتس بسوم وغصايب) = وان زادك السّوام ؟؟ بتبيع ..بتبيع

سلّم..وتسلم فلّة به عجايب = هذا الورق تشهد عليه التواقيع





قدّامي


حتى فرسك خله


وتمشي مشي


للفصيييح




قبل لا أزعل صحيح:148r::148r:














( تحت السنابك )= وقعة مشهورة بيننا وبين اهل الفلة بقيادة فارسها الاصيل

(البوارق)= ايضا وقعة مشهورة ( تحت بارقة السيوف )بيننا كالعادة

( البحر) = شاعر الفصيح بحر الشوق

[راعي الوقيد]

المشرف العام ،، أشكرك على دعمك اللوجستي مقدماً
الله من الذهانة ههههههه

صح لسانوه على خووش قصيدة

:goooood:

[عجايب بنت الشايب]

بلاد عجابستان تقد الدعم والأغاثه

لمضيف أبنتها عجايب

لما حصل تحت اضرار الحرب الماضيه

ومقدمأ لما قد يحصل >> حتى ديرتها مثلها يتفائلون شراً :)


7
7


http://www.arb-up.com/get-6-2007-6062z7zk.jpg



7
7

للتنظيف اثار الحرب

7
7

http://www.librarypreservation.org/arabic/management/images/hepa_vaccuum.jpg


7
7
http://www.yemen-handicraft.com/arabic/images/products/decorate/NA-0-&-NA9.jpg





هذا ولكم طحياتي ......’’

[عبدالله الجعيثن]

^
^
او ياملا الزرد:a:


الحريمn) بالحروب اول يلولشن ويفرّعن حتى تهوش الرجال وتتّشجع:puzzled::puzzled:...


وانتي فيمتو وتانج...طيّب غشّيهم بأبيض غديهم يلجلجون:good1:...

[عجايب بنت الشايب]

8
8

:( هاليومين أنت مانت صويحي يادافع البلا :(

[الأصيل]

أممممم


للحين تعليقاتكم ماحرقت تسبود أهل الأدب العربي :good1:







جايكم جايكم :d:


























يامن عيّن ريالووووه ؟:good1:

[المشرف العام]

http://www.shmmr.net/vb/images/image_host/image/alaseel001.gif-http://www.shmmr.net/vb/images/image_host/image/alaseel002.gif


^
^
:)

/

مع اني حاسس اني بديت اميل مع متعجب :luvlove:

[منصور الغايب]

افا والله يابوثوب
محد يقدر على اهل الفلة وانا موجود
ابشرك النباطة جاهزة
وبوكي وجوالي عطيتهن لواحد من الربع خاف ننحاش ويضيعن
ومعاي شماغ قديم ما ابيه علشان اتلطم به
وسر ونحن من ورائك

[بتول آل علي]

يا جبل ما تهزك ريح

:)

[ريال الفسحه]

نبي نذبح نبي نصلخ

انت دجاجه ماتقوى عليه :) <------ ابوك يالتحطيم :)



اعلم يابوثوب عفا الله عنا وعنك ان ماعندك ماعند رحمة جدتي لطيفه :goooood:
لذلك اسمع ماقاله متعجب لك ودع صخلك مدري فرسك بهذا وقداموه للفصيح لتذبح
وتصلخ وتعلق على باب العام :puzzled:

ثانيا

اعلم ان كل من معك وبدون ذكر اسماء لايجمعون رضم ولاحتى يهوشون :goooood:
واولهم طنخان والجعيثن ويرفعون بك ولاطلع الصحيح يحطون الوضع المتخفي:goooood:

( وانت ياريال كل مشاركاتك يشار له بالبنان )

ايه:goooood:



الزبده انحش عن متعجب فنحري دون نحره <---- هاش الخبل:)




كتبت بواسطة : ظالم حظوه ابوثوب الدمشقي
يامن عيّن ريالووووه ؟


انا بهذا انت لحين تبينن :)





هـاج الأصيـل وأوّل الوقـت هايـب=جانا على متـن القوافـي المساريـع
يبـرق ويرعـد غيمهـا والسحايـب=مطوع(ن)...كل القوافـي لـه تطيـع
أشعـارك اللـي امتلـت بالغـرايـب=من( الفشق ) ..( للمرهفات اللواميع )
اللي حضر ..واللي هكالوقـت غايـب=منّا ومنكـم تخفـي السّـر .. ونذيـع
( تحت السنابك ) جات خيلك وهايـب=(لافارسٍ يُرجـى)..ولا فيـك تسنيـع
وين( البـوارق ) والفعـول العجايـب=كيـف الهزايـم لمّعـوهـا بتلمـيـع
جيتك وخلّيـت ( البحـر) والصحايـب=وان جوك..حتى (الثوب) كنه يبي يضيع
(يادار مابيعتـس بسـوم وغصايـب)=وان زادك السّوام ؟؟ بتبيـع ..بتبيـع
سلّم..وتسلـم فلّـة بــه عجـايـب=هذا الـورق تشهـد عليـه التواقيـع

ايييييييه هذي القصايد مو بعض الناس يعجنه عجن :tongue:


صح لسانك يامتعجب ولله درك ودر قصيدك شي انت




قدّامي


حتى فرسك خله

اي فرس يالغالي تراوه على سيكل ثلاث كفرات ويغزي بوه على خلق الله :a:






متعجب ابد ترانن قنبلتن تبي تنفجر لي كم يوم ماحتسيت ولاتخانقت وجهن بس



تبيه بالاصيل


والا الجعيثن


او الاطنخ


او المشرف العام :d:





بالنسبه لعجايب لا وحلولات اللي حوله يصقعه بجبهته بهالتانج والفنتو:puzzled:

ماني قايلك يابوثوب


لايهوشون ولايجمعون رضم

[متعجب]

المشرف العام





مع اني حاسس اني بديت اميل مع متعجب :luvlove:



هذا مهو إحساس يا بوسلطان

هذا حقيقة

والحقيقة انتصرت على المجاملة


نحمد الله ان هداك للحق:)




هاه,,

عقب هالمَيَلان <<< مهو النادي:)



وش عندك لنا من دعم ؟؟:d:

[متعجب]

بتول آل علي



يا جبل ما تهزك ريح :)




إيييه,,,


رفعولوه لمممما يجي على وجهوه
:):)

[متعجب]

بي-52 ؟؟

مهي شين

ستيلث ؟؟

هم مهي شين

f-15
f-18
f-22

كلهن مهن شيييين




مهن شيين عند فزعتك




ريال الفسحة:luvlove:


يا ولد,,


ذبحتوه









حرام عليك <<< كني رحمتك يا الاصيل:g:






هالمعرووف محفوظن لك <<< أخاف يوم من الايام يستقوي عليك احد تلقاني قدامك:)

[بالمختصر..]

.
.



‏<‏<< بس تقرا :)

وش السالفه ؟؟ فهموني !!

ترى ماداني الهوشات (صورة وغيده ماسكه دبدوب)

إذا إنتهت الحرب قولوا :)



.
.

[ريال الفسحه]

8

يالخبلللله انحاشيييييي عن الرضمه لاتفلقتس :)

[عبدالله الجعيثن]

^
^
^
^
^
ايييييه ماتوجع الا التايحه:)...


يقول الاصيل:

مالي ورا وادي الفصاحه مطاليب *** ثلثت به مابين شويّن وتطبيخ<<<<اخس ياعبيد الرشيد:puzzled:..

[بو رائد]

الاصيل ايها الطود الشامخ نحن معك بالسراء

والضراء وسلمت يمينك ايها القائد

المحنك والشدائد والملمات هي التي تبين معادن الرجال

ومتعجب لابد مايحس بخطاه ولقد عهدته رجلا لبيبا

طيبا نكن له كل تقدير واحترام

**********************************************
قال الذي يبدع بيوت(ن) غرايب

وليا زهمت القاف غصبن يجي طيع
خوينا مانتركه بالهبايب

نحميه من جور الزمن والتراويع
ياهيه لاتكثر علينا الطلايب

الصبر كمل والبواتر لواميع
ياريال حنا مابدينا الحرايب

انصح خويك قبل لايكثر البيع
وانا خبر لك راي ياخوك صايب

مفرص ماص ولاتحب التشانيع
لابد متعجب يجي يوم تايب

ولانكتفي الا يحضر تواقيع
وصلاة ربي عد وبل السحايب

على النبي الهاشمي خير شفيع

[الجازي]

ياحوووووووووووووووول

للحين أنتم بعجاجكم يالفلاويين

صرت أستحي في العالم من كثر مانغزيكم ونسبيكم :)

يقولون إيه مستقوين على هالضعوف :)

ماش معاركنا معكم ماعاد ترفع راسنا بين العربان عقب هزايمكم المتتابعة :) <<< بين العربان جملة مقتبسة من " وضحى وابن عجلان " :)

ياربعي متى ما قضيتوا منهم نادوني أقسم عليكم الغنايم <<< بصفتي مشرفتكم <<< هتلرة على غفلة :)


لا وابو سلطان بادي يميل لنا أجل أبشروا بالهزيمة النكراء يا أهل الفلة الغراء <<<< تحب تمدح خصومها المضطهدين :)


الغريب موقف أبو رايد ماهي عوايده !!

لكن راعي الطيب والمواقف المشرفة اللي دايما كان معنا ماننسى له مواقفه ونغفر له زلته حتى لو صار مع عدونا علينا :)

أما عجايب هذي اللي ماهقيتها منها !!؟

وين اتفاقنا القديم

ياسرع ماتنسين !!؟

نسيتي يوم أفزع لتس على شباب الفلة اللي محاربين الوجود الأنثوي في الفلة

نسيتي العهود والمواثيق اللي عطيتيني اياها بخصوص معاركنا مع الأصيل !!؟

نسيتي المزح بالصفة نسيتي اللعب والطبة :)

أفا بس أفا



يالله أنتظر الغنايم وترى راس الأصيل عفيت عنه فشيلة نرجع لربعنا براسه :)


ومن الآن أتبرع بثوب جديد للأصيل عشان يعرفون أخلاق الفصحاويين :) :)

[عجايب بنت الشايب]

ياويل عجبجب ويلاه كانها ماسلمت مشاركه ولا مسالمه

يهبووووو

يعنبو بليسكم .. لاني مع ذا ولاني مع ذاك

المهم الفله ماتتوصخ ...( صورة بالمختصر معها دبدوب ههههههه )

ولا نشوف قطرة دم ولا أصابع متقطعه :a:


وريال



رياااااااااااال



ياملا النقط نقط


ماقول غير ياذيب عودت حصني عقب فعلتك




بعدين واذا اذا صار المشرف العام مع اهل الفصيح

ترى المشرف العام 1 واهل الفله 6559 ونص عضو


يعني كلها مكيده من تحت الطاوله او لغم صغير ... ويصير في خبر كان


ترى عادي .... المساله مسالة وقت بس




يااهل الفصيح مدري ليه

لاشفتكم طرا علي المملكه هذا الصباح مدري ليه ؟




ومدري ليه حاسه انكم تعانون من نقص عاطفي كان على اثره هذه الحرب ؟



ْءأ ليلى فعلت فعلتها ياهاذا ؟

أم أن التاريخ أصبح يعيد نفسه كالقناة الأولى ؟




وراسي يعورني ويديني وجعانه مانيب متعبتن عمري على ابو ثوب


تبون تاخذونه بحل مراح الدخان انتم وياه

مير مثل ماقلنا عاوزين تاخذونه بهدوؤ ألعبوا بهدوء ومااحدش يكسر حاقه




وبت يالقازي جمعي ربعتس ولمليهم ليقيكي ماقا غاليه في حزم الضامي :)




ويابري حالي منكم بس


طحياتي .......’’

[الاصمعي]

صح لسانك يالاصيل

وسبعة أنعام منك ومن ربعك فرسان الفلة مار مثل ما يقولون أهل الفصيح (الأيام دول) :goooood:

وتسن سعدكم مدزفي من تالي والدليل مسابقة العيشة وخسرتوها:g: ومسابقة تصفيف الحتسي وبعد خسرتوها:g:


وآخرتها هذا أنتم غزيتوا بداركم عقب ما كانت تهابكم العربان ويسولفون بمغازيكم هل الصين واليابان مار مثل ما قلت قبل شوين الأيام دول ويبلكم غربلة كاملة للفريق ومراجعة شاملة وتغيير كامل طاقم الادارة والمدربين وخاصة فيد اللياقة لياقتكم مهي معجبتني مرة:goooood:


أما أنت يا فارس الفصيح متعجب فكفيت ووفيت وبهالغزوة بالحيل أدزديت:thumb:


وهذي مساندة معنوية ولا أشوفك مترهي ولياقتك 100%:)


يا عيال ياللي هوشكم بالعسايب=خضر الجرايد ما ترد المداريع
وللحرب ما تدزنى خيولٍ هلايب=ولا الفتيل يفيدكم والمقاميع
صارت حداويكم عليكم عقايب=وخذ الحلال وجيشكم والقراشيع
وهلت مدامع لابسات العصايب=ولارقابكم سجم الدوامع مشافيع
هذا ولا جتكم جموع وكتايب=على المهار الي تلاو المصاريع
ما غير فارسنا عطيب الضرايب=(متعجب) الي مزع الجمع تمزيع
سبحان مولانا مدير الهبايب=وموزع أيام السعد والمطاليع
من عقب ماالفلة بعز ورغايب=وتذري لهم بالعز هبوب الذعاذيع
ومن خوفهم الكل يدفع ضرايب=ولهم المضايف كل أبوها مراكيع
زادوا وبادوا وابتلتهم نوايب=وديارهم صارت قفارٍ بلاقيع
راحوا هله واشتت شمل القرايب=وابراي لله قيل صاروا دوانيع
مو طبعهم لاكن قل الحلايب=والجوع شين ولاش حتى جرابيع


تحياتي

[ريال الفسحه]

8


اجزلولوه العطيه ياربع الفصيح ياربعي :)


عجايب قهررررررررر:)

[الكنبيوتر]

الاصيل :)

أحس انك بموقف حرج :(

لكن هالحرب هذي أظهرت لنا بعض الخونه :148r:

المهم ان بغيتنا نبدأ القصف بديناوه وان بغيتنا نستخدم طريقة هتلر بالاجتياح البري راحوا فيها


الأصيل ماعليك من كلام بعض الأطفال اللي كلمه توديهم وكلمه تجيبهم ونسوا انهم محسوبين على هالمضيف


الأصيل :7ayyoh: الى الامام

[ريال الفسحه]

8

متعجب الظاهر ابكلم الفلبيني حق محل الكمبيوتر يسوي لواحدن بهذا فورمات :)

[منصور الغايب]

والله انكم اضحكتونا بهوشتكم

مثل هواش المصريين ماغير صياح ولاتشوف مقاضب

ويالاصيل الخونة راح يكون لنا موقف معاهم بعدين (هذا إذا سلمنا خخخخخخخخخ)

[الأصيل]

أبو طروق ،،

صح بدنك يابعدي

وأشكرك على دعمك المعنوي ،،



وبإذن الله إني راح أعينك محافظ على الأدب العربي :good1:

***********

الجعيثن ،،

يخي صدق المثل اللي يقول :

ما محبه ألا من بعد ... غلا:d:




تسيف يامني شفت مشاركتك تصيبن حمى مالطيه من الخوف:a:

والحين أحس إن تعليقك أحلى من حليب نادك :thumb:


من صميم قلبي ،، أشكر وجودك وتعليقك ،، ووقوفك معي ،،







أقول ،،

نبي لنا قتبله خفيفه على الزقرت اللي مسيرين علينا بالفله ( تراك صرت من المعازيب ):good1:

****************

طنخان

والشبح


أقول :










اقصق ،، يأصف عمر عدوينك يازلمييييه:148r:

**********

أهلا بالزميل متعجب ،،


ألا زال بك رمق ؟؟؟:a:


ويح قلب أم واحد من العيال !!!:d:


قصيدتك منازينه ،،

أيا المذهوب ،، تكتب فصيح ونبطي !!!:good1:


عندك موهبه ،، وأرى أن تنميها وتفتح محل ساعات:tongue:



شكرننننننننننننن لحضورك البهي


***********


على الإخوة ( المشلوحين )

مراجعة مكتب السفريات للحجز خلال 8 ساعات

وإلا سنضطر لأكل فليساتهم ،،:hala1:



************************

المشرف العام ،،


ماعرفنا لك ،،،


ياخي لاتخاف دام إني معك

والله والله العظيم ماأخليهم يشطبون عضويتك:good1:











والوعد بالفصيح ،،



***************************

راعي الوقيد



يالله حيوووووووه


وينك ؟؟؟


شرايك تاخذ من مواضيع الفله ،، وتحطهن بمضيف : سالفه وقصيده ؟؟:d:




يشرفنا حضورك

**************

عجايب ،،

شدعوا ،، ماحنا بمطعم ،،

خايفه على صينيه وكاستين ،،


شوفي هالأرواح اللي ذهبت سدى ( أخسسسس على هالكلمه ):thumb:




أقول ،،

إذا لتس خاطر بشقه على الكرنيش

ترا راح نبيع شقق الأدب العربي هاليومين ،،

إحجزي قبل نفاذ الكميه:d:

[الأصيل]

منصور الغايب

بعدييي يالذيب

جهز النباطه ،،:7ayyoh:





ونبي تفلق راس ريالوه ،، هاللي أذهبنا ذهاب

لكن


انتبه لاتصك عينوه

ترا هو بعينين ،، ويالله متحملينوه ،، فما بالك بالعور ؟؟:a:


******************


بتول آل علي


ياجبل مايهزك ريح ،،


أكثر من جبل ،، فمن هو المقصود ؟

هذي طريقه أهل الشعر الشعبي ،، يلعبون على الحبلين:d:



لكن


ماشوف جبل غيري ( رووووح يالغرور المتواضع ):good1:

******************

ريال

ريالوووه


أيها الخائن


كم وكم بكت عيني على فرقا لقبك

وكم أرسلت أوامري لارجاع لقبك لك

والان ،، تبعنا كما يبيع الخباز خبز التميز ؟؟؟:good1:




يجيك يووووم يارياللللللوووووه



*****************



بالمختصر

أقول ،،


شرايتس تروحين عند فيض المشاعر أو المطبخ !!!!!!!!


أخاف تجيتس رظمه وتفشخ راستس ،، ونبلشششش بالديه :d:



قال إيش ،، قال مش عارفه وش السالفه !!!!!!!!!!!!!!!:148r:


*****************************


الجعيثن


مالي ورا وادي الفصاحه مطاليب *** ثلثت به مابين شويّن وتطبيخ


ياخي عليك حركات روووووووووووووووووعه


بس ،، لاتكمل البيت :hala1:

وللمزيد ،، راجع قصيدتي ،، واللبيب بالاشاره يفهموووووووووو:thumb:


****************

أبو رائد


أيها العلم الأشم


لقد خربت بيوتهم خراباً

وتركت جمعهم شتاتاً


وأبدت حيلهم بياداً:good1:



ياخي صح لسااانك ملياااارين وتسع طعش:thumb:


****************


الجازي



ياأهلا وسهلا


شلونتس ،،


وين صرتو الحين ،، وين دياركم ؟؟:good1:

إيييه زمن ياشجرة الدر :d:



أقول ،،


الخميس تراني مسير عليكم


إفرشو الطريدز ورد

ولازم خيلنا يمشن على زل ،، من الفله للأدب العربي

ولازم طنخان يجي على أول ذلول ( قصة ابن عريعر ):good1:



سمعتي :148r:

[ثامر]

نقف بجانب صف ابو ثوب :

[الأصيل]

ويح قلبي :a:



الأصمعـــــــي


ياللهول ،، ياللأسف ،، ياللحيف ،، ياللأفا:d:


أوقد ضحك عليك أولئك الفتيان ياأبا صمعه:hala1:

هل نسيت ماكان بيننا منذ سالف العهد والزمن ( إيه ،، عطوه على هواو ):thumb:

ولكن



سأعتبرها كبوة حصان ( أمووووووت بأسلوب الخوافين ):good1:

يعني ... لاتعودها :148r:




********



عزيزي

ثــــــــامر


أشكر لك وجودك وتواجدك

وحضورك واستحضارك أيها الذئب الجبلي:good1:


كم فرحت عندما رأيت أحرفك المنمقه هنا


دمت أيها الأخ العزيز

*********

كنب ( اختصار كنبيوتر ):good1:


برمج روحك على إطلاق الصواريخ ونت منجظع بغرفتك:thumb:


وأبي تشوف لي حل مع عميد ركن الخونه :a: ريالوووووه ،،:148r:







وتشكراتي يالذيب


********************




ياحليلهم ،،


يالربع تسيف ذبحن الشفايه ( يبي يقول الضحتس فـ .. قال الشفايه )






،
،



ربعي ،، أنتم تشوفون اللي أشوفوه ،،؟؟؟

.
.


ناس : لايمين ولا يسار ،، همهم أن الفله ماتنكسر مواعينه

وناس هاقين بأرواحهم ،، ولكن : هيهات وأبوثوب بالساحه

وناس : يدعمون دعم لوجستي ،، ويديهم على قلوبهم

وناس جوك فازعين من ديار بعييييده ( الله يخلي الموضوع اللي جابهم )

وناس : رجعو لأسماءهم الأوله ( تسمع يا ... دولار )


وناس : جبال راسيه ..( هذولا ربعي ولاقصور بالبادزين ) ( قصور ولا شقق مفروشه )


،
،











إعلان

على الراغبين بحجز أراضي الأدب العربي تقديم الطلب لدى إدارة الفله:good1:

في موعد أقصاه يوم الجمعه ،، عقب باتسر

























إلحق ياولد :d:

[شليويح]

على الإخوة ( المشلوحين )

مراجعة مكتب السفريات للحجز خلال 8 ساعات

وإلا سنضطر لأكل فليساتهم ،،:hala1:


:d:



أيا ملا اللى يها الفليسات .....................



ترهن متعفطات و متقطعات .......... وملعونن أبو جدفهن





مار عطن إياهن هذا علبى ريال:d: ولا صدى الشمال:( ألوح عليه و يطيربي أحسن من مليون طياره من طياراتك هاللى لهن وشيش وقرشعه ............................






مار أنصحك تستفيد من كرعان صدى:) تر عليه كرعان الله لا يويريك ..:tongue:

لو يدري عنهن متعجب وربعه كان استاجروهن بملايين الدنانير :d::d::d:

[متعجب]

إعلان



على الراغبين بحجز أراضي الأدب العربي تقديم الطلب لدى إدارة الفله

في موعد أقصاه يوم الجمعه ،، عقب باتسر




أخاف تجينا وما تلقى احد









ولا تهون ,,,


ال ك ل بشات عند المركى اللي عند الدلال:)


حطّهن بدينك واقعد :goooood:





ومن جاك قولوه انا الاصيل من بلاد الفلّة

موصين عليّ:7ayyoh:

[المخاوي]

الفارس المغوار الأصيل :7ayyoh:

أشوف هالصواريخ قامت تحاذف من كل صوب :)

وحتى دروعهم مزبنينه :)

لكن انت دمر اقتصاد البلد المعادي والبنك المتنقل < ريال الفسحه > :)

وعقبه تراهم يرتخون عقب قطع التموين :)


بو رائد

كفو والله يالذيب :thumb:



عاد حنا بهذا والمين لجمع الغنايم :hala1:


انت أشر وحنا نقشر :)


ماتبي كاس فيمتو :good1:

سر ولا تهاب يابو ثوب وان الله قالوه الا يصير لهم شين ماصار :goooood:

[المطنوخ]

أراك يامتعجب وقد بدأت بالنزاع الشرس مع الحياة تريد السلامه والنجاة بنفسك وقد رأيت تكالب القوى عليك

فأي قدر متنيل بنيله قد ساقك الينا وأين؟؟ في مهد الديكتاتوريه حيث المشانق تأن من شوقها للرقاب:)


يقول الشاعر طنخان بن ابي سفلحة المصري

قال الزعيم فتى الجود طنخان=سحقا لمن لايوقف مع خويه



أراك تمشي واهنا يامتعجب أتريد تاكسياً كي يوصلك الى الفصيح ؟ :)

لاني ارى زعيمتكم الروحيه قد جاز لها منظر سحقكم واضحت معتاده بمناظر خسائركم



//


ريـــال سوسو


مادري وشو ...الوكاد الا الحماقه اعيت من يداويها ياصعلوك

حقا انك اعرابي مادي

سأريك ايها السقراط معنى الولاء

[الأصيل]

شليويح المتشولح ،،:good1:

ماكتبت ألا يوم هددناك بأخذ الفليسات :d:



أقول ،، رايك أن تسرعان صدى يفيدن ؟




أما علبى ريال ،، أبي أستأجره شقق مفروشه:hala1:


وشكرنننننننننننننن عى حضورك وتعليقك ،،


*********************************


متعجب

إنت للحينك بهذا !!!!


ربعك متحصنين بالفله وعلى أهبة الاستعداد :thumb:


اركض ياملا الشحم ،، واحفر لك خندق أو خنتق وتحصن بوه يما أجيكم:d:


****************

المخــــــــــــــــــاوي:good1:








الفارس المغوار الأصيل

أشوف هالصواريخ قامت تحاذف من كل صوب

وحتى دروعهم مزبنينه :)

لكن انت دمر اقتصاد البلد المعادي والبنك المتنقل < ريال الفسحه > :)

وعقبه تراهم يرتخون عقب قطع التموين


بو رائد

كفو والله يالذيب



عاد حنا بهذا والمين لجمع الغنايم :hala1:


انت أشر وحنا نقشر :)


ماتبي كاس فيمتو

سر ولا تهاب يابو ثوب وان الله قالوه الا يصير لهم شين ماصار :goooood:






ياخي حضورك يكفي

وعلى قولت المثل :

إن وافدزت الأكل ... كل

ون وافدزت الهوش .. هاوش

ون وافدزت تقسيم غنايم الفصيح ،، ابشر بأرض على البحر:good1:


وتحياتوووووووووووووووووووو















تسنك عدلت المشاركه ،،:a:

ليه ؟؟؟؟؟:surprised

[الأصيل]

أراك يامتعجب وقد بدأت بالنزاع الشرس مع الحياة تريد السلامه والنجاة بنفسك وقد رأيت تكالب القوى عليك

فأي قدر متنيل بنيله قد ساقك الينا وأين؟؟ في مهد الديكتاتوريه حيث المشانق تأن من شوقها للرقاب:)


يقول الشاعر طنخان بن ابي سفلحة المصري

قال الزعيم فتى الجود طنخان=سحقا لمن لايوقف مع خويه



أراك تمشي واهنا يامتعجب أتريد تاكسياً كي يوصلك الى الفصيح ؟ :)

لاني ارى زعيمتكم الروحيه قد جاز لها منظر سحقكم واضحت معتاده بمناظر خسائركم



//


ريـــال سوسو


مادري وشو ...الوكاد الا الحماقه اعيت من يداويها ياصعلوك

حقا انك اعرابي مادي

سأريك ايها السقراط معنى الولاء


يخرب ببيت ( رأفت جون إدوارد ) وربعوه:good1:

ياخي إنت منين تجيب هالاسلوووووب:hala1:




عليك ألفاظ فصيحة ،، كأنك عربي ابن عربي ( شقالو لك ،، جاي من إيران ؟ ):148r:








أيها الأطنخ


لقد برّدت حرتي

وصدعت رأب تسبدي بقذائفك الملتهبه ( على فكره ،، شفت الرميه الملتهبه ؟؟ ):d:




لعمر الله ،، إنك لقائد محنك تحنيكاً ماحصلش على مر التاريخ:)

[المطنوخ]

^
^
^
لسا يبني ماشفتنيش وانا اعمل دحرقه خلفيه :)



الشاعر معتز الدمنهوري بيئول ايه...؟ ((رددو بأكثريه .. اييييييييه))

آل بقصيدته العصماء اللي اسمها (( اقري اقري ياواد ))

يامتعقب انت عملت ايه....//.....بزمتك انت افتكرت انك حتوصل للواد ابو قلابيه؟

دا بعدك ياعم.....//......اصل وحياة السيده زينب لوما اعتزرتش من الواد ده حلم عليك بلطقية شارع محمد علي




<<صح لسانك يابو دمنهوري

>> التم على نفسك لحسن اديلك بالالم يلا

<< طيب:(

[ريال الفسحه]

ان غدا لناظره لقريب


















































ابوك يالتهديد:goooood:

[عجايب بنت الشايب]

مــــا طاح من النجــــوم أبـــــرد للسمـــاء


عباره مهداه لكل من تخلى عن الفله ..


فالفله شامخ كشموخ السنام على ظهر البعير



بعدين هالحرب حرب نفسيه

وان ماخليناكم ياهل الادب تحاتسون روحكم ورى الحوش

مانكون فلاوييين


مامات فرعون من القصايد مات من البحر يوم هاج عليه

ولا مات جرير يوم مسخر بوه الفرزدق بقصائده


وحنا ياهل الفله لا دجرنا أنعمينا

ماعاد نشوف اللي قدامنا


ندجر خلاص

لذا . اتمنى ترك الأبيات والتماسك باليديات ( تصغير لليد )


فان أردتم المعارك والتفليق فاني جاهزه

دقوا علي بيجر وان لقيتوه مغلق تراني حاطه خدمة موجود للأهل والأصدقاء :)



لاهنت وجعلني الله لكم ذخراً ودفاعاً ...


الأصمعي ريال الفسحه ... كم معطينكم الأدب ؟ ..... ( خبرة جواسيس )




:a:



أنتظر دعوتي .. لشق جباه اهل الأدب ومن ناصرهم ..


عجبجب



http://www.shmmr.net/vb/image.php?u=6609&dateline=1178365611

[الـمـحـروووم]

صح لسانك
وسلم بنانك

وترعرعوا بالفلة وغدانك
:)
:)
:)

أبوثوب
سر ونحن خلفك
أما المطنوخ معروف بخياناته المتعدده مع الأدبيين
هل نسيت موقعة تحت سنابك الخيل عندما خذلك وخذلنا
:):):)

[الكنبيوتر]

إعلان تم تغيير برمجة الكنبيوتر من ويندووز انترفايس إلى إكس ماك 16 ار بي جي


الهدف : رأس ريالووه

الإحداثيات : 16 شارع بطيخ الصيف المبسمر تقاطع شارع الصرافات الخربانه

ساعة الصفر : تعلن لاحقا وربما تكون مفاجعه >> يقولك يبي يعلموه قبل لايضربوه :) قلبوه طيب الخبل

[ريال الفسحه]

8



هههههههههههههههههههه :)




العلم ترونه قريبا على الفله



























































































ان ماخليتك يابوثوب تحاتسي روحك مانا ريال:)