المساعد الشخصي الرقمي

مشاهدة النسخة كاملة : ...انا لله ../..كبر ونسى الفضل لمن ..! ؟


ريال الفسحه
19-06-2007, 22:55
بسم الله الرحمن الرحيم


بعيدا عن المواضيع السياسيه التي تدير راسي غير دورانوه اول:)


اخواني شفت لي شيئ وحصل والله اكثر من مره امام ناظري ولاشك انكم
رأيتم نفس الشيئ ولكن لارى هل ان على صواب ام لا ..!؟!


قبل يومين ذهبت الى سوق المدينه ( روووح ياريال فصيح :goooood:)


ذهبت الى السوق وقبلها مريت صراف لكي اصرف لي فلوس قبل الذهاب
للسوق ولكن لفت نظري خلال الزحمة ونحن قرابة الخمسة رجال بنت نزلت
من سيارة والذي اوصلها اما والدها او عمها وجاءت الى ان وقفت معنا والرجال
ماقصروا خلوه تصرف اول عشان شايبه وحشمتن له وليست المره الاولى التي
ارى بها بنت تاتي لصرافه مع اب او اخ لتصرف قليلا من المال .....!؟!



اين المشكلة ياريال ..!!!!!



المشكلة يابعدي


هي ليش الشايب ماينزل يصرف وليه الولد ذو 20 عام ماينزل يصرف ليه تجي هاللي
ماتستحي وتخالط الرجال لتصرف له ميه والا ميتين ...



يالربع والله ياراسي يستدير لشفت هالموقف ..


يعني عشانه توظفت او اصبح لديها راتب اصبحت لاتامن والدها على بطاقة الصراف:puzzled:


لاتقول يمكن ظالم او او


لو كان كذلك لغصبها واخذ منها مايريد فهو ليس بعاجز



لكن الحياء ذهب والله من هالاشكال اللي ماتستحي


انا اول مالاحظة هالسالفه قلت يمكن ويمكن لكن الان الاحظ بعض اللي اعرفهم
يجيب بنتوه او مراته المدرسه لتصرف وهو ينتظر...




اقسم بالله قلة حياء


اللي ابوها يصرف 25 سنة عليها وهي تدرس ويوم اغناها الله جحدة كل شي ...




وقفه



انا هنا يمكن ركزت على البنات وذلك لان عندنا ولله الحمد مجتمع محافظ ولم ارى والله من اول
( يعني قبل خمس وست سنين هالظاهره ) الان والله عينك عينك تقل خايفتن ابوها او اخوها يسرق
شي ....


ولا اعني البنات فقط ...


ولكن هناك ابناء حينما يتوظف او يرزقه الله ينسى والده بل لايساله هل هو محتاج ام لا


قد يكون والده مغنيه الله بس صدقوني


لاجيت ابوك وعطيتوه هديه او اي شي تبي توصل لوه انك تبي تنفعه او يقدر يعتمد عليك
ولو كانت الماده قليله فالمعنى والله كبير ..




اخيرا


وش انا ووش انت بدون شيباننا وبدون رضاهم ...



نهاية


هي لقطة شفته اكثر من مرة فاثارت هالموضوع ..!!






تحيتي وودي ...



سلمان الشمري
ابو ضاري
19-06-2007, 23:39
الله يعطيك العافيه المشاهد كثيره من النوع هذا

الله لايبلانا هذا من قله التربيه والثقه منزوعه بينهم وقله الاحترام

لاهنت يا سلمان
الدم الأزرق
19-06-2007, 23:44
هلا سلمان...


أنت ماشفت شي بعد الوضــــع عادي...


ياخي ماعندك ديموقراطيه!!!!:)


تبي الجد...


الغلط مو من البنت ...


الشرهه على الي وافق ان بنتوه او أو اختوه تنزل وتزاحم الرجال حتى وأن


فضولها المكان والله عيب...!!!


إلا سلمان وين مكان هالصراف هو عندنا بالرياض:d:


تشكر يالغالي على موضوعك


أخوك واللي يعزك

الدم الأزرق
سلمان النبهان
20-06-2007, 00:40
اهلا بريال وعودته لاسمه وترك اسمي ياهلا
والمسالة بسيطة جدا وهي ناتج اعطاء المرأه ابسط حقوقها
فالمرأه بمجرد ان تتمكن تصبح دكاتورية بشكل فضيع ..
انظر لاي امراه زوجها ضعيف شخصية وشف وش تسوى بالضعيف !!!
المرأه تتمسكن حتى تتمكن وحينها شف الهوايل منها ..
الان يارجل في اقتراح من الحريم ان الرجال يكنس ويطبخ
وسمعت ان فيه منظمة للمرأه تطلب من الرجل ان يحمل بدل المرأه !!!
واخيرا اعتقد ان المرأه الي شفتها ماهي من اصل وانها اي كلام ..
تسلم سلمان على نقد التصرفات المائلة وطرحها يالغالي ..
بالمختصر..
20-06-2007, 03:04
.
.




إحــرااج والله تنزل وتـزااحـم الرجال

ليه ماعنده احد يسحب له .. وألا ماعنده ثقه :thumb:



مشكله .. المفروض يحطون صرافين واحد للنساء وواحد للرجال

وبينهن حــاجز اسمنتي :)



اتمنى تقبلون مشاركتي ( النسائيه n) ) ولو إنه ردي مختصــر




.
.
الشاهري العبيدي
20-06-2007, 08:45
لا حول ولا قوة الا بالله

بدأنا نرى موت الغيره عند رجال طويلين الشوارب


من يرضى ...كيف وشلون اسئله تصيبك بالصداع والالم والله



كل الشكر لاصالتك وطيب معدنك اخى ريال
RBM
20-06-2007, 09:03
:thumb:جزاك الله خير علي القائك الضوء علي مثل هذا الموضوع وهذا باب يمكن ان يدخل الشيطان منه
بس شنو نسوي ما با يد حيله وله بعضهوم تلقها حاطة العطر بعد عشره او عشرين كيلو تشم عطرها
بس يخوك من راقب الناس ماته همن خلك نفسي اذا شفت اى حرمة بشارع صد عنها وله حول انك تهرب علي شان ما تشم لا عطر وله تشوف شي
ابو راكــــــــان
20-06-2007, 19:18
الله يعطيك العافيه

يابناخي ومشكور على هالموضوع المشمول



والله ثم والله انني رايت في يوم من الايام

انا هناك امرائه وزوجها نزلت الى الصراف لكي تسحب
وكاد ان يصبح هناك خلاف بينهم



وهذا الامر شائع وظاهر


ومشكور ياريالين فسحه



ولاكن لدي ملاحظه بعد اذنك


(((لاتلومون بعض الحريم من بعض الرجال))))


وشكرا
أبوطروق
20-06-2007, 20:58
طيب هالبهيمة يوم انه يبي زوجته أوبنته تصرف ليه مايوديه لصرافة السيارات مادام منتشرة بكل مكان ولله الحمد وتسحب وهي جالسة بالسيارة بحشمة وستر.
لكن بعض الحريم الله يعافينا تحب لفت النظر ونظرات الإعجاب لأنه عنده نقص بالجمال أو بالشخصية أبو بهن كلهن.
الله لايبلانا

شكرا ريال الفسحة على هالموضوع
ريال الفسحه
20-06-2007, 21:24
الضاري


حياك الله يالغالي ومرورك شرف لي



لاهنت
ريال الفسحه
20-06-2007, 21:26
الدم الازرق


هلا والله بك يالغالي وكلامك بمحله
حياك الله ونتشرف بمرورك...



إلا سلمان وين مكان هالصراف هو عندنا بالرياض

لا مايجود الا عندنا بالشرقيه تعال :)



هلابك يالعزوة
ريال الفسحه
20-06-2007, 21:31
اهلا بريال وعودته لاسمه وترك اسمي ياهلا


هلا والله وغلا بابوسند ( السمي ) يااخي تسيف عجزت اترك هالريال :)


فالمرأه بمجرد ان تتمكن تصبح دكاتورية بشكل فضيع ..

اتفق معك ..بس اكيد مو كلهن ...
لكن الله لايوريك لو تمسك له سلطة:)...



انظر لاي امراه زوجها ضعيف شخصية وشف وش تسوى بالضعيف !!!

ايه يابوسند عز الله كلامك بمحله والله اعرف لي كم واحد تقودوه ام عيالوه
الله يخلف على اهلوه راسمتن لو خريطة تتفق مع مزاجه هي :)





وسمعت ان فيه منظمة للمرأه تطلب من الرجل ان يحمل بدل المرأه !!!

ياستار سترك اعوذ بالله ...


واخيرا اعتقد ان المرأه الي شفتها ماهي من اصل وانها اي كلام ..
تسلم سلمان على نقد التصرفات المائلة وطرحها يالغالي ..


والله يابوسند سواءا كانت من قبيلة او لا اعتقد انه تعتمد على التربيه
ولاكل بنات القبايل او عيال القبايل يقودون الوجه بهم اللي يكصموه ..



ابوسند

صدقن مرورك وسام لي وللموضوع لاهنت ياعزوتي
دمت بود ..
ريال الفسحه
20-06-2007, 21:33
هلا والله باختي بالمختصر وحياك الله
ومشاركة رائعه ..


دمتي بود وصحه ..
ريال الفسحه
20-06-2007, 21:38
الشاهري الغالي

\

كلامك بمحله والغيروه والعياذ بالله بدات تختفي
ولكن ولله الحمد اهل الخير واجد


الله يحفظنا وياك يابعدي



لاهنت يالغالي
ريال الفسحه
20-06-2007, 21:39
آر بي ام


\


هلابك يالغالي وبالفعل غض البصر من الامور
الواجبه على المسلم ..


مرورك رائع الله لايحرمنا منك
ريال الفسحه
20-06-2007, 21:43
هلا والله بضيدان

وفعلا الخلاف احيانا يصير بينهم بس انحش لايجيك شي من هالخنقه:)




(((لاتلومون بعض الحريم من بعض الرجال))))

فعلا بعض الرجال متسلطن على الحرمه واكلن حلاله


لكن هذا موضوع وموضوعي اخر..



ضيدان

حياك الله يابعدي مرورك شرف..
ريال الفسحه
20-06-2007, 21:44
ابوطروق


هلابك يالغالي والله لايبلانا ويحماني واياك والمسلمين




لاهنت يابعدي على مرورك



تسلم
راعي المغاتير
20-06-2007, 21:59
بسم الله الرحمن الرحيم




الى الاخ ريال الفسحه

تحيه طيبه وبعد

اتفق معك على هناك نكران للجميل في اوساط الشباب ((رجالي بناتي))

لجزاء الوالدين...



اما بخصوص المحور الاساسي ((البنت والصرافه))

فلا ارى داعي لكل ما اثاره الاخوان

من تهجم على ولي المرأه

فنحن مسلمين والاسلام يحفظ للمرأه حقوقها...

لاتقولون يعني الاسلام يقول للمرأه ان تزاحم الرجال أو ان الرجل

يسمح لزوجته او بنته او اخته تزاحم الرجال قطعاً لالالا.

لكن يبحث عن صرافه مخصصه للنساء وان لم يجد ما المانع

ملاحظه هامه:

تذكروا قصص الاباء والاجداد وهم سراحين

((اللبيب بألاشاره يفهم))















لكم فائق احترامي

راعي المغاتير
اجوديه
20-06-2007, 23:04
ريااال الفسحه ...


الحمد الله على سلاااامة أسمك ... :) ...

وعودته إلينااا سااالماااا <<< سالماااا ذااا أخووو سلمااان تعرفه :)



يعطيك العاااافية ...

فعلا موضوع رااائع ...




ولكن تعليقي على الموضوع يختلف عن تعليق باقي الاعضاااء...









لاتستعجل على الحكم على تعليقي ...







يمكن ذي حركة جديدة ...


مسويهااا أبو البنت ولااا أخوهااا تعرف ماااوده يوووقف طااابوررر وينتظر الدور قال ورااا ماااأختصررر المسألة وأنزل البنت كود تنجح الخطة :):):)
ريال الفسحه
21-06-2007, 13:34
هلا براعي المغاتير






اتفق معك على هناك نكران للجميل في اوساط الشباب ((رجالي بناتي))

لجزاء الوالدين...


شي طيب




اما بخصوص المحور الاساسي ((البنت والصرافه))
فلا ارى داعي لكل ما اثاره الاخوان
من تهجم على ولي المرأه
فنحن مسلمين والاسلام يحفظ للمرأه حقوقها...

يحفظ لها جميع حقوقها وغصبن عن كل شخص لكن لا اعتقد انه تنزل عند صراف
وبوه لوه خمسة رجاجيل وتدخل بينهم ..هل هذا حفظ لحقه .؟؟



لاتقولون يعني الاسلام يقول للمرأه ان تزاحم الرجال أو ان الرجل
يسمح لزوجته او بنته او اخته تزاحم الرجال قطعاً لالالا.
لكن يبحث عن صرافه مخصصه للنساء وان لم يجد ما المانع

ياسلام عليك يعني لو دور لوه صرافتن متدزيه وخلاه تصرف لحفظ ماء وجهه امام
الرجاجيل ولكن هذا لايلغي انه لاتامنه على بطاقته فمالمشكله لو هو اللي صرف
هو له سلطه عليها فباستطاعته اجبارها واخذ صرافها ونحن نعرف كثير ممن ياخذون
رواتب زوجاتهم ( اشباه رجال ) لكن هذا اللي جاب بنته ويخليه يصرف على نياتوه ماببالوه
ياخذ فلوس او ياكل حق فليش هالاسلوب وهي تنزل .؟؟





تذكروا قصص الاباء والاجداد وهم سراحين

((اللبيب بألاشاره يفهم))



هههههههههههههههههههههههههههههه

يقولون النية اول صافيه :goooood:


يالغالي لاتقارن قلوب الاولين اللي لايعرفون ترقيم ولامغازل ولا قلة حيا
بشباب هالوقت فعندما يرون لهم بنت مامعه محرم ينقضون كالذئاب بل
كالكلاب ..اكتفي:d:



حياك يالغالي ومرورك شرف والله للموضوع ولي



اخوك يابعدي


سلمان