مبارك السبيعي
19-06-2007, 14:03
تمر الليالي والزمن جارين مجراه=أجيالن تجي وأجيال راحت لباريها
حاضرهالابده ماضي ومعْـــطِين قفاه =عينت السنين الجرد راحت بما فيها
ترى ماعليها فاني إلا رفيع الجاه=خلاق النفوس وعارفن وش خوافيها
ترانا على ميعاد ونعيش في حراه= يعد التنازل لين تنفذ ثوانيها
يحضر الرحيل وينتهي موسم الحياة =سجلاتنا لابد الإيام تطويها
أليا حشرجت في الصدر والعلم جاء منهاه= تذكر وشوف سواتك اللي مسويها
اما أن زادك يمكْــنك في القطع والمضماه = واما أنها خرايم ماتذري مذاريها
أحد يأخذ كتاب الدرجات في يمناه = تريح ضميره من جهنم وصاليها
وأحد يأخذ كتاب العنا في طرف يسراه = تخطف معاذير الندامة ويخطيها
كتابن على السبورة وكلنا نقراها =لكن القلوب الغافلة من يصْحيها
نـــذّكر عسى راع الخطأ يلتفت لخطاه=مادامه على الدنيا خطاياه ينهيها
قبل مايكــّـوز فوقه الرمل في مثواه =ويمسي غريبن في اللحود وبلاويها
حاضرهالابده ماضي ومعْـــطِين قفاه =عينت السنين الجرد راحت بما فيها
ترى ماعليها فاني إلا رفيع الجاه=خلاق النفوس وعارفن وش خوافيها
ترانا على ميعاد ونعيش في حراه= يعد التنازل لين تنفذ ثوانيها
يحضر الرحيل وينتهي موسم الحياة =سجلاتنا لابد الإيام تطويها
أليا حشرجت في الصدر والعلم جاء منهاه= تذكر وشوف سواتك اللي مسويها
اما أن زادك يمكْــنك في القطع والمضماه = واما أنها خرايم ماتذري مذاريها
أحد يأخذ كتاب الدرجات في يمناه = تريح ضميره من جهنم وصاليها
وأحد يأخذ كتاب العنا في طرف يسراه = تخطف معاذير الندامة ويخطيها
كتابن على السبورة وكلنا نقراها =لكن القلوب الغافلة من يصْحيها
نـــذّكر عسى راع الخطأ يلتفت لخطاه=مادامه على الدنيا خطاياه ينهيها
قبل مايكــّـوز فوقه الرمل في مثواه =ويمسي غريبن في اللحود وبلاويها