المساعد الشخصي الرقمي

مشاهدة النسخة كاملة : استمتع (2)


IMTIYAZ
17-06-2007, 15:08
استمتع (2)

الزين
ياليتني في حاره الزين خباز
أسابق المذن واسوي عجينه
ابيه لاصار للخبز معتاز
امد له الخبز والمس يدينه
و اولع التنور وارفع على الغاز
ولو احترق فدوه لرمشه وعينه

____________

مسدس
حبك مسدس كاتم الصوت
يرمي الهدف حتى يصيبه

_____________________

حول علي الفواتير
من امس قلبي خفقته ماهي بخير
من يوم غابت عن سمايه بروقك
يومين وهمومي بقلبي طوابير
وانت الوله عيا يبلل عروقك
كانه بخل حول علي الفواتير
وكانه ثقل .. يلين الله خفوقك

_________________

المرجلة
المرجلة صعبة وفيها تغاريز
يلعن صبين مايعشق دبلها

_________________

القلب
القلب من نار الهوى صار كاتم
والحب في وسطه غدى رز محروق
وضلوع صدري صايراتن بساتم
ترجف عليكم يا حبيبي من الشوق

___________________

الجوال
دقة نغمة رساله وقلت يالله عسى خير
وانا ثلاث ايام محدن ذكرني
فتحتها بلهفه من الفرح بطير
واقول ياحظي من اللي افتكرني
اثره الجوال يرسل فواتير
هو الوحيد اللي ابد ماهجرني

_________________
الفزعه
قال تفزع لانخيتك؟ قلت مافيها كلام
راح جدي سبت الفزعه عسا الله يرحمه

_____________________

كر الشام
ياليت قلبي لك عصيده ومرقوق
والروح لك خبزه وحبي لك إيدام
وإن كان نفسك تشتهي بيض مسلوق
هذي عيوني لك مقلقل من العام
والكبد محموسه على الشوق برفوق
واما الحلى انت الحلا وسكر الشام

______________________

مشكله
مشكله لاصار ما عندك مشاكل
صافي مزاجك ومشتهيلك مصيبه

______________

راجع من الاجازه
وش فيه منقلب وجهك يا سليمان
تقل مدرس راجع من اجازه
عندك ثلاث شهور من غير حسبان
تبكي عليها كن عندك جنازه
صيفك قضى مابين نايم وسهران
ولا استفدت الا الغثا والطنازه
في ديرتك قضيتها ياكحيلان
متمركي بمقهى قديم طرازه
والصيف ماهو صيف مفلس وطفران

____________________

لندن ومدريد
قالت بصيف بين لندن ومدريد
انته حبيبي وين ناوي تصيف؟
قلت اسمحي لي بالعذر والتناهيد
الله يخلي غرفتي والمكيف

__________________

(99) اهل الرموش
قالوا أهلى وشفيك ماترقد الليل
ترى السهر ماله عواقب حميدة
كانك مريض روح واعمل تحاليل
يشرح لك الدكتور وصفة مفيدة
قلت انشدو! راع الرموش المظاليل
اليوم صار الحل والربط بيده

_______________

ودي بك
ودي بك وابيك واباك وابغاك
جمعتها لرضاك واختار فيها
كانك مشكك بالوفا والغلا هاك
جوالي اقرا القائمه كل ابيها
رقمك مع الصادر ولا وارد سواك
والناس في اللي لم يرد عليها

_________________

الطير
حزين من الشتاء والا حزين من الضماء ياطير
دخيل الريشتين اللي تضفك حل عن عيني

____________________
الصيرمي
17-06-2007, 16:09
عطني زقاره من الباكيت ** باكيتي اللي معي خالي
حسبي على راعي الوانيت** اللي خذا صاحبي الغالي

الله يعطيك عافيه

تحياتي:)
مالك الحزين
17-06-2007, 17:35
IMTIYAZ

شكرا على المجموعة الحلوة

وياليت انك ذكرت قائل كل مقطوعة
الــصــفــيــان
17-06-2007, 18:07
رووووعــه





يعطيكـ العافية اخوي على هالنقل الجميل








تقبل تحياتي
أبوطروق
17-06-2007, 18:23
يعطيك العافية
ماعرفت إلا ابيات ابن فطيس المري وياليت تعلمنا بالباقين.

مشكور و تحياتي
IMTIYAZ
19-06-2007, 10:48
مشكورين جدآ علي مروركم

ويعجبني انها نالت اعجابكم :148r:
ابو ياس المدهر
19-06-2007, 20:01
قالت بصيف بين لندن ومدريد
انته حبيبي وين ناوي تصيف؟
قلت اسمحي لي بالعذر والتناهيد
الله يخلي غرفتي والمكيف




يعطيك العااااااااااااااااااااااااااااااااافيه والله روعـــــــه جهد رائع



..
IMTIYAZ
02-07-2007, 07:25
مشكور جدآ علي مرورك ....... ابو ياس المدهر :7ayyoh: