راعي المغاتير
16-06-2007, 23:53
بسم الله الرحمن الرحيم
والصلاة والسلام على من لانبي بعده
وبعد
هذي قصه سمعتها من احد الاخوان المقربين لي
وارجوا ان نستفيد جميعاً من فعل هذا الرجال((راحن به البنيوات))
يقول هذا رجال سلمكم الله من اهل الحجاز((ولد حموله))
ذهب الى الرياض وكانت الطفره على اوجها((احس ان الطفره يعني مامعهم فلوس))
وقام يبحث عن عمل ووفقه الله واشتغل الرجال وقام يدرس
درس ودرس حتى وصل بالتعليم مالله به عليم
واشتغل بأحد الشركات حتى كون نفسه وصار من الرجال المهمين بالبلد
رزقه الله بعيال وكان بكره بنت وكان يتعامل مع الاولاد((الوغدان))
من منطلق الدمقراطيه ولهم حرية الرأي فيما يرونه مناسب لهم
من كل النواحي سواء كان ملبس او مأكل او مشرب......الى اخره
كبرة البنت ودخلت الثانويه وبدأت تطري امريكا والدراسه في الخارج
والمستقبل برى زين وكويس
مالقاله الاب اي اهتمام((ابعد من له انه صاتسه))
والام يالله من فضلك ماقالته البنت قالته الام والاب تسنه اصكه
ومرات يقول ليه ماتروحين كندا اشرح من امريكا
كل هذا والاب يحسبه مزحه
المهم قربت اختبارات الثانويه العامه هنا ابنت شالت البيت فوق حدر
تبي تروح لمريكا غصب طيب((رايحه رايحه الله لايعوق بشر))
هنا اخذ الموقف منحى جدي((يعني قلب الموضوع صدق))
عند الوالد وقال للبنت خلاص خلصي اختبار ويصير خير
خلصت اختبار وجت العطله قال الوالد كلمت احد معارفي وراح تطلع
الفيزا نهاية العطله....والحين نبي نروح للحجاز نسيير على اقاربنا
وصلوا ديرتهم وسلم على الجماعه وسأل الوالد احد جماعته وين فلان؟؟
وشو فلان ؟؟ سؤال وجيه فلان سلمكم الله هذا ابن اخي الوالد يعني ولد عم البنت
صملٍ عمره بالثلاثينات وراعي حلال وهرش متعافي ولاتنسون صمل
قالوا له موجود قال وش صار عليه قالوا له على حطت يدك قال تدلون بيته
((الصمل ساكن بيت شعر بالبر ما يجي الدير الا للعلف ))
قالوا ندله قال روحوا يمه وقولوا له عمك يقول لك عطن روحك((تعال على جناح السرعه))
جاء الصمل وسلم على عمه وقال له وانا عمك ودي ازوجك انت موافق!!!!!
قال ياعمي انت تخبرن ماعندي شي قال انت موافق قال موافق قال ازهل كل شي
وكتموا على الموضوع تكتيم ((سري للغايه))
جابوا المليتس وملك الصمل وقال عمه سوا عشا بالديره للعيال عمك بس((خصوصي))
سوى العشاء ويوم قضوا قال له عمه رح يم حلالك وبكره يصير خير
طبعاً اجازة الوالد على وشك الانتهاء فقال للأهل تجهزوا غداً نبي نرجع للرياض
قالهم ليلة العشا((ليلة الملكه)) والبنت مستانسه تبي الرجعه للرياض
على شان روحت امريكا ياحول ماتدري
المهم جاء الصباح وركبوا على انهم يبون الرياض قال الشايب ابي اطلع يم البر
ابي اسلم على شايبٍ من شيباني
والا بيت الشعر ((والصمل يلوج بوسطه)) واوقف وقال حولوا ونزلوا وسلموا على ام الصمل
وخذاله فنجال الشايب وقال للولد تعرف شنطة اختك قال ايه قال نزله ونزله
(العم علم ابن اخيه عن كل شي يخص بنته حتى الدراسه بالخارج)
المهم نزلوا شنطته وقال الاب مشينا يأم فلان وقامت العائله الكريمه
بمن فيهم البنت يوم وصلت السياره قال لها ابوها وين قالت ابي معكم قال
تشوفين هكالرجال وهيه تلتفت يمار الصمل((ييراعي له ويتميلح)) قالت وشبه
قال هذا رجلتس وتوكلي على الله يم رجلتس وان فتحتي باب السياره
لا يصير شي ما بعد صار البنت انصدمت((طلعت الدتسيه))
وركب الوالد وباقي العائله وروحوا يم الرياض والام تجر من الونين
والعيال يجاوبنها والاب في صمت رهيب..
ومرت السنين وراح الاب ومعه امها يبون يسيرون عليه
فلله العجب؟
لقوا بنتهم بوسط شبك الغنم قاضبةن له عنز وتحلبه والزوج لم يكن موجود
وقفت البنت تراعي للسياره وقاضبه الغدفه على خشمه وتقول ابوي هذا ابوي
وطلعت من الشبك ومعها ولدين ((عيالها)) وهي تجيب هكالخروووووووووف
وهي ترفس به وتذبحه عشى للضيوف والاب متهول هذي فلانه والا ام الصمل رجعت شباب
وهي تصلح عشاه وجاهم الزوج وهو يرثع بالمعاميل وقهوة وشاهي وعلم غانم
ويوم قضوا من العشاء وهم يجتمعون على ضو النار يتعللون
سأل الاب بنته فلانه قالت سم قال تبين امريكا((ذرفت دموع البنت))
وقامت وحبت على راس ابوها وتأسفت على ما بدر منها وقالت
((زوجي وعيال بالدنيا كلها)) وهنا انتهت القصه...
ياترى هل فيه رجال كهذا الرجل؟
اخوكم راعي المغاتير
والصلاة والسلام على من لانبي بعده
وبعد
هذي قصه سمعتها من احد الاخوان المقربين لي
وارجوا ان نستفيد جميعاً من فعل هذا الرجال((راحن به البنيوات))
يقول هذا رجال سلمكم الله من اهل الحجاز((ولد حموله))
ذهب الى الرياض وكانت الطفره على اوجها((احس ان الطفره يعني مامعهم فلوس))
وقام يبحث عن عمل ووفقه الله واشتغل الرجال وقام يدرس
درس ودرس حتى وصل بالتعليم مالله به عليم
واشتغل بأحد الشركات حتى كون نفسه وصار من الرجال المهمين بالبلد
رزقه الله بعيال وكان بكره بنت وكان يتعامل مع الاولاد((الوغدان))
من منطلق الدمقراطيه ولهم حرية الرأي فيما يرونه مناسب لهم
من كل النواحي سواء كان ملبس او مأكل او مشرب......الى اخره
كبرة البنت ودخلت الثانويه وبدأت تطري امريكا والدراسه في الخارج
والمستقبل برى زين وكويس
مالقاله الاب اي اهتمام((ابعد من له انه صاتسه))
والام يالله من فضلك ماقالته البنت قالته الام والاب تسنه اصكه
ومرات يقول ليه ماتروحين كندا اشرح من امريكا
كل هذا والاب يحسبه مزحه
المهم قربت اختبارات الثانويه العامه هنا ابنت شالت البيت فوق حدر
تبي تروح لمريكا غصب طيب((رايحه رايحه الله لايعوق بشر))
هنا اخذ الموقف منحى جدي((يعني قلب الموضوع صدق))
عند الوالد وقال للبنت خلاص خلصي اختبار ويصير خير
خلصت اختبار وجت العطله قال الوالد كلمت احد معارفي وراح تطلع
الفيزا نهاية العطله....والحين نبي نروح للحجاز نسيير على اقاربنا
وصلوا ديرتهم وسلم على الجماعه وسأل الوالد احد جماعته وين فلان؟؟
وشو فلان ؟؟ سؤال وجيه فلان سلمكم الله هذا ابن اخي الوالد يعني ولد عم البنت
صملٍ عمره بالثلاثينات وراعي حلال وهرش متعافي ولاتنسون صمل
قالوا له موجود قال وش صار عليه قالوا له على حطت يدك قال تدلون بيته
((الصمل ساكن بيت شعر بالبر ما يجي الدير الا للعلف ))
قالوا ندله قال روحوا يمه وقولوا له عمك يقول لك عطن روحك((تعال على جناح السرعه))
جاء الصمل وسلم على عمه وقال له وانا عمك ودي ازوجك انت موافق!!!!!
قال ياعمي انت تخبرن ماعندي شي قال انت موافق قال موافق قال ازهل كل شي
وكتموا على الموضوع تكتيم ((سري للغايه))
جابوا المليتس وملك الصمل وقال عمه سوا عشا بالديره للعيال عمك بس((خصوصي))
سوى العشاء ويوم قضوا قال له عمه رح يم حلالك وبكره يصير خير
طبعاً اجازة الوالد على وشك الانتهاء فقال للأهل تجهزوا غداً نبي نرجع للرياض
قالهم ليلة العشا((ليلة الملكه)) والبنت مستانسه تبي الرجعه للرياض
على شان روحت امريكا ياحول ماتدري
المهم جاء الصباح وركبوا على انهم يبون الرياض قال الشايب ابي اطلع يم البر
ابي اسلم على شايبٍ من شيباني
والا بيت الشعر ((والصمل يلوج بوسطه)) واوقف وقال حولوا ونزلوا وسلموا على ام الصمل
وخذاله فنجال الشايب وقال للولد تعرف شنطة اختك قال ايه قال نزله ونزله
(العم علم ابن اخيه عن كل شي يخص بنته حتى الدراسه بالخارج)
المهم نزلوا شنطته وقال الاب مشينا يأم فلان وقامت العائله الكريمه
بمن فيهم البنت يوم وصلت السياره قال لها ابوها وين قالت ابي معكم قال
تشوفين هكالرجال وهيه تلتفت يمار الصمل((ييراعي له ويتميلح)) قالت وشبه
قال هذا رجلتس وتوكلي على الله يم رجلتس وان فتحتي باب السياره
لا يصير شي ما بعد صار البنت انصدمت((طلعت الدتسيه))
وركب الوالد وباقي العائله وروحوا يم الرياض والام تجر من الونين
والعيال يجاوبنها والاب في صمت رهيب..
ومرت السنين وراح الاب ومعه امها يبون يسيرون عليه
فلله العجب؟
لقوا بنتهم بوسط شبك الغنم قاضبةن له عنز وتحلبه والزوج لم يكن موجود
وقفت البنت تراعي للسياره وقاضبه الغدفه على خشمه وتقول ابوي هذا ابوي
وطلعت من الشبك ومعها ولدين ((عيالها)) وهي تجيب هكالخروووووووووف
وهي ترفس به وتذبحه عشى للضيوف والاب متهول هذي فلانه والا ام الصمل رجعت شباب
وهي تصلح عشاه وجاهم الزوج وهو يرثع بالمعاميل وقهوة وشاهي وعلم غانم
ويوم قضوا من العشاء وهم يجتمعون على ضو النار يتعللون
سأل الاب بنته فلانه قالت سم قال تبين امريكا((ذرفت دموع البنت))
وقامت وحبت على راس ابوها وتأسفت على ما بدر منها وقالت
((زوجي وعيال بالدنيا كلها)) وهنا انتهت القصه...
ياترى هل فيه رجال كهذا الرجل؟
اخوكم راعي المغاتير