أمي ... ومادة العلوم ... والتسوتساتسولا ..

[عجايب بنت الشايب]

سلام عليهم جميع جمعاً وجماعات

أفراداً وعصابات ..

سحالياً .. وتماسيــح ..


صلوا على محمد ... ياســــــــــــاده ..



قلت لكم فيما سبق

لاصارت عندي سالفه ولا سويلفه قعدت أبترم ..

أبترم لين أظهرها


واليوم طرالي شيء ماعمره طرالي



يومن فكرت بالدنيا وشفت العجايب

يعني شفت نفسي :)


طرالي يوم أنا برابع (ب) سقا الله ذيك الأيام ..


نمشي على هوانا لابغينا مشينا مع ورعان ثاني وثالث


ولا بغينا مشينا مع خامس وسادس


نمشي على النيه ... ونلعب على هوانا ...


عوووووذذذه ياسااااادس ..


سنة انحرمنا فيها من اللعب بالشوارع والروحه للدكان

سنة الغدره ذيك السنه




المهم ...

لايخفى عليكم .. اني كنت دائماً أحصل على الترتيب الأول بالفصل ..

ومن كثر ماني بالمركز الأول بالفصل

يوقفوني جنب السبوره


علشان أفهم زين

ومن قريب أشوف المسائل ..




بعدين كني سمعت ان احد قايل عني شيء






مدري أسالوا روحكم ...:puzzled:






على العموم الخبر اللي سمعتوه اني ماخذه 15 تعهد بالابتدائيه فقط
هذا خبر كاذب

ولاتم اني وقعت على معاهده او اي كلام بخلاف هذا ...



طبعاً هالتعهدات على وضح النقاء ...

ماهي تعهدات على تيشيرت وكحله .. ونقاب وبرقع



لأ


أكبــــر !!




تفليق

فزعه اخويه ..


إنتفاضه صفيه ....


الخ


يعني شغل جماعي المسأله ..


المهم


يوم تسليم المستوى


هو أهدء يوم بحياتي سواء بالفصل أو بالبيت


لأني بالعه العافيه ومعينه خير ..


ولأن أمي لغتها لغة (بدو باريس )


أقوم انا اقراء لها المستوى

طبعاً مافيه مجال للكذب لأنها تعرف الأرقام ولا تعرف الحروف


( الحروف ماهي مهمه لدقة التلفون ):d:


وهذا اكبر سبب لدخول امهاتنا نحو الأميه .. وهو معرفة كيفية دقة التلفون فقط ..



وتكون قرائتي لها على النحو التالي


قران = 12
دين = واحد 11 وواحد 13 وواحد 15

الأرقام والحساب = 9 n)

العلوم = 2

الفنيه = 15
التدبير =15
التفصيل =15


وتأتي التبريرات

تقول امي ياقووووووم ياعجيبه ..

كلهن زينات ماعدا ذاك العلوم



قلت :

يمه بنتس ماهي راعية علوووم

أستحي لاجت حصة العلوم :luvlove:


ولاني احب أحفظ العلوم

ولا أكتبها وأنقلها للنسوان ( النسوان المدرسات )


>> مهوله صح ؟


قالت أمي بعين عجب وكلها ببنتها إعجاب :

بعدي والله يابنتي ..

وبنت قصيرتنا كم خذت ؟

قلت : 15 الدرجه الكامله ( صورة حقوده )


قالت امي : نعينبا هي بنته .. جيدتن بالعلوم .. :puzzled:


ولكم الله .. أفرح بأنتهاء ذاك اليوم .. بتزوير توقيع أبوي


وأرجاع المستوى لأصحابه في الصباح ..!



ومرت الايام والسنين تلو السنين ( سنين وينك يالدبه ماعاد تنشافين )



وصارت العلوم .. لها فروع ... !!


وطلعن الله .. من الثانوي الحمد لله بدون أصابات


ودخلت الكليه ...


كنوع من إكمال المسيره التعليميه

لا أحد يفهم غطأ ..

ترى مامقصدي تعليم وثقافه أعوذ بالله


ويسهل علي الله وأدخل الكيميـــــــــــاء

قسم علمي أحبه من بين المخاليق




ولاعاد به مستوى مثل قبل و أوراق تصل لذوينا يعني ياقرعه ارعي لين نهاية السنه

ويجيتس الحصاد .. rooose3>>>rooose2



وتجيني أميمتي ... لأنها سمعت أننا أختبرنا وخلصنا ..


وذلك لأني كل يوم أذاكر :luvlove:

كل يوم هالكتن عمري الملازم اذاكر

تصدقون اني أشري الملازم قبل لاتطبع وقبل تنزلها الأستاذه




وتجلس جنبي ... مخاطبتن إياني :

وش أخبار درجاتس وش أخبار العلوم ؟


قلت :


أييييييييييييه يا أمي ...

ايييييييه ياايام الصبا .. وايام من أول ..


تخبرين العلوم ... ؟؟



صرت أصبهــا

و أحقنــــها

وأوازنــها

و أقايســـها ..


وللعلوم لبس معين ومكان معين نجمع فيه العلوم ..




قالت بعين آسف وعتاب : يعني قسمتس قسم الهروووج ؟


قلت : لا ماقلت : سويت >> :a:



أفا والله يابنتي والله انتس منا زينتس يوم انتس صغيره

لا تحبين العلوم ولا تصبينها .. ولا تشربين تسوتسا تسولا .



قلت من باب تغيير الموضوع : وشفيه الكوكا كولا ؟

قالت : يجيب الشر .. ياا امتس خنزييييير خنزيييييييير

قلت : وش الدليل ..

قالت : الجرايد

قلت : كلام جرايد ... :d: >> شاربته الله لايعوق بشر شاربته


قالت : يعنبو غيرتس ولد الفلان رجلينه تكسرت يقولون من الكوكا كولا

قلت : عودنــــــــــا فيها .. مانتي بعيدتن من أم بالمختصر يوم تقول

ولد الفلان يدرس بره غسلوا مخه اليهود ولا عاد هو جاي بشهادته

يرحم واللديتس يمه .. لا تصيرن شاطره بالعلوم ... :d:



وهي تفطن وترجع سالفة العلوم ... :(

وانا اللي ذكّرتها فيها ..


ودائماً انا كذا


مرتن رحت مع اخوي ... توه يسوق .. ادربه على السياقه في الشوارع العامه

ورحنا لبوفيه بعييييييده عن البيت

وكلينا بالسياره وتعاهدنا ان لا نخون الفلافل والحمضيات اللي صارت بيننا

ولا نعلم أي كائن كان


ورجعنا البيت

وبعد فتره

مرت العائله الكريمه بكاملها من هالبوفيه كنوع من التجريب

قالت أمي : شكلها ماهي زينه روحوا لغيرها

قلت : لا لا زينه زينه .... أنـــا مجربتها .. :7ayyoh:




ولا تسألوني عن القضيه التي فُتحت آنا ذاك ..




والوجه :d: من الوجه فوشي....



طحياتي ....,,

[أبوطروق]

عجايب وش هالمسيرة التعليمية
بديتي بهواش وتفليق بنات الناس وتزوير وانتهيتي كيميائية!!!

الظاهر إنتس بمحوالأمية وتكشخين علينا.

"إختبار"
عندتس لتر ماء + لتر أسيد وتبين تخلطينهن هل تصبين الماء على الأسيد أو الأسيد على الماء؟؟؟

إذا إنتي صادزة حلي هالسؤال السهل
والله يعين أمتس عليتس لحستي مخ هالعجيز.
تصدقين فيه شي مشترك بيننا وهو الفلافل والحمضيات


بصراحة ضحكتيني على هالصبح لأني قاعد آكل فلافل وسفن أب

تحياتي وشكري وامتناني وتقديري يالكيميائية

[سنين]

اهلا عجووبه ..


اتصدقين توني ادري ان اسمها نحو الاميــه ...... كل هالفتره علبالي محو الاميه خخخخخ


مسيرة مشرفه يا عجعج ... بس مو لايق عليك تخصص كيماء << عدال انا لايق علي علم نفس كلي امراض نفسيه :(


.


يسلمو فتحتي افاقي على هالصباح .


.

[بالمختصر..]

.
.



:7ayyoh:


هههههههههههههههههههههههههه

اجل منتي مثلي << تحب العلووم :d:


.


عجايب احمدي ربتس ان امتس ماتقرا وتكتب

امي بالشتنا كل شين تقراه وتهزأنا

تسانه شهاده وألا ورقة إمتحان وألا .. (طبعاً هالحتسي بالثانوي بس ) :d:

بس احلى شي يومني بالإبتدائي تحل لي واجباتي أحياناً قسماً بالله

اقوله يمه تعبت من كثر مااكتب وتآخذ دفتري وتكملوه n)


.
.

[الأصيل]

طيب ،،

وين الموضوع ؟؟:a:

يعني : شالسالفه ؟؟:d: ( أسلوب لتحطيم نفسية الكاتبه ):thumb:















نمشي على هوانا لابغينا مشينا مع ورعان ثاني وثالث


البيت هذا مكسور ،، وبيني وبينتس أم نواف ولا بركات :good1:







لايخفى عليكم .. اني كنت دائماً أحصل على الترتيب الأول بالفصل ..



أظن تلزمتس كفارة يمين:a:





ويسهل علي الله وأدخل الكيميـــــــــــاء


تعرفين وحده اسمه : حمده كانت تدرس كيمياء؟؟:good1:





كل يوم هالكتن عمري الملازم اذاكر




الملازم الملازم الملازم ،، والله كنت أحسبوه ضابط نجمه أو نجمتين:a:

ياخاله ،، حنا بالكويت وبوه ناس بالامارات وبالبحرين وطشقند ،،

لازم تسولفين كلام تفهموه جميع الأطراف المعنيه بالنزاع:148r:





تصدقون اني أشري الملازم قبل لاتطبع وقبل تنزلها الأستاذه

فهمنا ... الملازم:d:








وللعلوم لبس معين ومكان معين نجمع فيه العلوم ..

وهذا البيت بوه كسر بالشطر الأخير ،، وانشدي اللويش:good1:








والوجه :d: من الوجه فوشي....



طحياتي ....,,



الله يعطيتس العافيه ،،



عجايب


مدام معتس شهاده ومؤهل دراسي


شرايتس تشتغلين ( مبخره )؟؟:thumb::good1:

















أحس مالي خلق أعلق منذ أن خسرنا مسابقة المضيف العام:(
























سأعود إليكم بعد أن يتعدل المزاج:hala1:

[عجايب بنت الشايب]

أبو طروووووق هلابك ياراعي الأوله :)


ياوليدي لاتنفض القش وتطلع السراير


وخلني احل مسعلتك



"إختبار"
عندتس لتر ماء + لتر أسيد وتبين تخلطينهن هل تصبين الماء على الأسيد أو الأسيد على الماء؟؟؟


اذا كنت عندي واقف حولي باصب الأسيد أول شيء على الماء
من باب علي وعلى اعدائي

اما في حالة كوني لحالي لإاصب الماء على الأسيد

من باب أن العمر وااحد ..


:) >> أحلفي ؟؟




تصدقين فيه شي مشترك بيننا وهو الفلافل والحمضيات


مواطينون سعودييون عادي ..

البوفيه جزء لايتجزأ من حياتنا ..


ابو طرووووق لاهنت على المرور تعال كل يوم ........,,


طحياتي .....,,

[عجايب بنت الشايب]

سنين هلا عيني >> انطقيها بالعراقي :)


نور الموضوع وراعية الموضوع صرنا سكيكو بمرورك يالغلا



وترى ملعوب عليك هالمدارس اللي يقالها محو الميه أبصم بالعشره انها نحو الأميه :)

وراح تعرفين ليه في موضوع قادم بقوة


اشكر عبيرك على المرور >> طربانه اليوم الخاله :)



طحياتي .........’’

[عجايب بنت الشايب]

بالمختصر ياأمي

جعل ربي يخليلتس امتس وتفرحين عينها بقلعتس عنها


:)



ترى امتس مثبل امي منى عينهم يشوفونا متقضبات الباب عاجلاً غير أجل




يامرحبا والله بالمختصر


وليه ماعاد تجين على البليه


:(



طحياتي ..........’’

[عجايب بنت الشايب]

الأصيل :(

تصدق من عقب مافازو الشعراء عليكم وانا احس بنشاااط خيالي

مدري ليه


بعدين اسفين نسيت أراعي الفروق الفرديه


مره ثانيه .. باكتب بالترجمه الورديه والتكرونيه لأن أغلبية الناطفقين بها هنا :)








حمده تسلم عليك

وسلم لي على خلف ... :)

وقل له الى متى ؟






( مشاركه لايشار لها في لبنان )


طحياتي .......’’

[متركيةعند المشب]

والله ما ألومس بها العلوم الكتاب من أوله لآخره صور ............


نبلش ما ندري وش نذاكر تصير مذاكرتن فرجه ......... طبعا هذا بالابتدائي





وتكون قرائتي لها على النحو التالي


قران = 12
دين = واحد 11 وواحد 13 وواحد 15

الأرقام والحساب = 9

العلوم = 2

الفنيه = 15
التدبير =15
التفصيل =15



قرايتس تنم عن موهبه مستوره ...........

ليه ما دخلتي قسم رياضيات أصرف لس:goooood:







عاد كلش ألا العجيز الله الله به تريهن هن البركة ................ يقالس توصيس على أمسn)





والله إن سوالفس توسع الصدر

تسلمين

[عبدالله المهيني]

عوووووذذذه ياسااااادس ..


سنة انحرمنا فيها من اللعب بالشوارع والروحه للدكان

سنة الغدره ذيك السنه





ههههههههههههههههههههههههههه
ههههههههههههههههههههههههههه
ههههههههههههههههههههههههههه


ألا حسبي الله على إبليستس يا عجايب








تفليق

فزعه اخويه ..


إنتفاضه صفيه ....



أصيله يا عجايب

بنت بلد بصحيح << بالمصري :d:






لأني بالعه العافيه ومعينه خير ..


إي الإسباااط
خطة جميلة جداً بهـ ـالحاله











أفا والله يابنتي والله انتس منا زينتس يوم انتس صغيره

لا تحبين العلوم ولا تصبينها .. ولا تشربين تسوتسا تسولا .



أفا والله أفا

يعني صرتي راعية علووووووووم

وتخليتي عن البرندا :tongue:





.
.
.



أقول

الله يخلف بس :)

خيال مهبول .. إنتبهي لا يدرون عنكـ أهل طااااش

أخاف يقدمون لكـ عرض مغري

ويقولون إنهم طايحين بالإحتكار





:( <<< وجه تسذوب









.
.


:goooood:

[الأصيل]

أصيله يا عجايب

:goooood:

يالربع ،، ترا ماتقرب لي!

تشابه أسماء فقط!:a:

[عجايب بنت الشايب]

متركيه هلا والله بالغلا كله




لا يرحم شيبانك رياضايات ؟


يقولون امسك مقرودك لايجيك اقرد مه :)



خلينا على الكيمياء


وتحت






لاهنتي عهلى مرورك العطر يالورده


طحياتي ........,,

[عجايب بنت الشايب]

المهيني :)


تدري دام ردودك بمواضيعي ماعاد يهمني ابو ثوب

لأنك سبب من مسببات قهر ابو ثوب



وأضحك الله سنك دوم مويوم


بس يوم تقول


إنتبهي لا يدرون عنكـ أهل طااااش

أخاف يقدمون لكـ عرض مغري


زااااامت علي تسبدي .......:(


لأن هالطااااااااش حتى تسكيرة التلفزون ماتبرد تسبدي فيهم

مالت عليهم







ياابني ياعبدالله

(صورة واحد يدق تحيه :) )



طحياتي .........’’

[عجايب بنت الشايب]

يالربع ،، ترا ماتقرب لي!

تشابه أسماء فقط!

تكفى يابوثويب

أثبت لهم ترى ماني ناقصه مصايب ..


طلع بطاقتك وهذي بطاقتي .......,,

[قلم شمر]

وأرجاع المستوى لأصحابه في الصباح ..!


,,

عجوبه يعجبني فيك أحساسك بالمسئوليه




صرت أصبهــا

و أحقنــــها

وأوازنــها

و أقايســـها ..




,,
قال صبها قال أحقنها قال مامن برطم مثل تايلندي





ويسهل علي الله وأدخل الكيميـــــــــــاء



,,
انا قايل ان هالبنت لها نوايا نوويه وتطوير مفاعلاتها بالفله لذلك أنادي بالحصار الاقتصادي وقطع البرندا ( صورة برندا مفوحه ) عنها وامدادها فقط بالخبز التميس ظهراً من مبدأ النفط مقابل الغذاء
نوويه أجل بس تخبرين عجوبه يوم حنا صغار انا وياك زملاء بالروضه ( صورة باتكس )
انتي صديقتي يانوويه :)
اجل كيمياء تكفين عجوبه وش تخصصك كيمياء حيويه والا عضويه :(

[عجايب بنت الشايب]

8
8

أممممم يا قليم >> ميانه :)


ليته ذي او ذيك ذي غيرعضويه الموت الحمر



بعدين ليه ؟


ليه :(


ليه ؟ :(



يعني يرضيك يقطعون عني البرندا

انا ماشرب ماء خير شر استبدله بالبرندا المفوح

تبي تقطع عني مائي

كيف أعيش ؟


كيف أكتب

؟



http://www.shmmr.net/vb/image.php?u=6609&dateline=1173220992&type=profile




أستغفر ربك ياقليم


















:) الله حيوه الف والفين

طحياتي ......’’

[ابو فيصل المغري]

كلي بكم عجب
والله عجبتينا
بس سالفه انك تلعمين اخوك السياره شوي قويه
هههههههههههههه
الله يعطيك العافيه

[المطنوخ]

دخيل الله احد يقول لي وشو الملازم؟؟؟؟؟

[شليويح]

ههههههههههههههههه


سلط الله على بوش

[المهرة]

المهم ...

لايخفى عليكم .. اني كنت دائماً أحصل على الترتيب الأول بالفصل ..

ومن كثر ماني بالمركز الأول بالفصل

يوقفوني جنب السبوره


علشان أفهم زين

ومن قريب أشوف المسائل ..



ودي اصدق ياعجوبه الحبوبة :)

بس عجزت اجل جنب السبورة وهـــ يابطني :)

وربي جمعت العائلة حولي قلت شوفوا عجايب وطيحاتها :)

بتدخلين الشهرة من اوسع الأبواب :)


اضحك الله ضروسك :)

طيحاااتي وامنياتي بالتوفيق

تشاووو

[عجايب بنت الشايب]

أبو فيصل :)

الله حي المسير علينا


كونك مسير فهذا يدل عل انك توك جديد

وكون انك جديد فهذا يدل على أنك ماتعرف عجبجب

وعجبجب هي عجايب وعجايب

هي كلي بكم إعجاب

اللي هي انا واعوذ بالله من كلمة الأنا


لذا ضع هذه العباره بين قوسين داخل صمخانتك

(( عجايب راعية العفريته تفك وتركب الشاص بدقيقة )) :a:



لذا تم التنويه ...


وشاكره لك كرم مرورك ايه الذيب ياأبن الذيب



طحياتي ........’’

[عجايب بنت الشايب]

المطنوخ


افااااا مابتعرف الملازم


هذا مثل الملازم الأول اللي يدق تحيه

بس الملازم اللي بموضوعي يدق له تحيه :)

أيام الأختبارات ويعتكف بالسهر عليه






ياقايد أيش الهرجه ؟

ماتعرف الملازم ؟


ملازم = لغةً جمع ملزمه . شرعاً .. اوراق تكتب بها المحاضرات ويشتريها الطلاب في الأمتحانات

ليذاكروها ويحصلوا على اعلى الدرجات .......,,





موهب طحياتي .... لأنك ماسلمت ...,, :(

[عجايب بنت الشايب]

المهره


تسلم لي والله عوينات اهلتس اللي قرت الموضوع

بالله حبي لي خشومهم ( للنساء فقط :a: )



ولغير النساء دوري لي مقاسي يقدر الحياة

ترى الدنيا فانيه ياخيه ..


سنع عمرك على قولة الشاعر

لاعزني خالي ولا طيب عمي
===ولاشاص ابوي ولا صخال جدي :)



لاهنيت يالغلا والبقا على هالمرور المشجع لي للعيش هنا 10

سنوات امام ومثلها بعدها :)



طحياتي ........,,

[منصور الغايب]

خخخخخخخخخخخخ

والله انك اضحكتيني

المفروض على هالسيرة الطيبة

يحطونلك تمثال قدام باب المدرسة


بالتوفيق وانشاء الله بناتك يكملون المسيرة المليئة بالانجازات والعلووووووم


طحياتك

[عجايب بنت الشايب]

شليويح عى راسي ياشليويح


:)


وتسلم ويسلم مرورك

[عجايب بنت الشايب]

منصور الغريب :) >> ماسكه معها



هلاوالله بولد الغايب



وحياك الله دوم مو يوم .......


طحياتي ......’’

[ريال الفسحه]

بدينا تسذب ياعجوز الشر والشرير :puzzled:

كيمياء مرتن وحده عاد تسان قايلتن تخصصتس رياضه والعاب قوى :goooood:


انا اعتقد انتس من اللي قال بهن الشيخ براك بشريطوه


تجمعن عجز الحاره ..... تقل بقراتن بريه:goooood:
وحده تضحك وحده تاكل..وحده تشرب من شاهيه






صح لسانوه :)




تبيني اعلم انتس تدرسين بمدرسة ام عليوه الابتدائيه :goooood:
محو الاميه وخامس ابتدائي / ب اول لفه على اليسار بعد مكتب الفراشه:goooood:





وخلال يوم الاثنين ماتحضر عجايب للمدرسه لان بوه بسطه الاثنين :goooood:






بالتوفيق وانشاء الله بناتك يكملون المسيرة المليئة بالانجازات والعلووووووم

على نياتك


المهم انا قلت هالشي عشان الحق واظهاره



الا على طاري اظهاروه وين الاطنخ مالوه حضور بحرب ابوثوب :goooood:


عجايب بالتوفيق بحياتك العلميه والعمليه


ويارب تنجحين بمادة الاملاء :goooood:

[منصور الغايب]

ريال


إذا الموضوع يتعلق بعجايب




أنا اقول انت ابخص




والله اعلم انك صاج باللي قلته



وعسى فاله توصل لسادس يارب

[عجايب بنت الشايب]

ريال وش يسار مكتب الفراشه الا مكتب الفراشه نفسه :)


بعدين ولد لا تكشف المستور

عن الحق ثلثلين السواليف محظوره ......:)




لاهنت على المرور يالذيب


طحياتي .......’’

[عجايب بنت الشايب]

منصور الغايب

خيو ريال صاج ايه بس مو ابخص


انتبه مره ثانيه ... خيو :)



ترى والله العجرايه زاهبه .... :)


طحياتو ....,,

[الكنبيوتر]

موضوعتس ملغم انتي؟؟؟؟؟؟؟؟


يوم دخلتوه أمس طفا الكرهب وقمت أخاف من مواضيعتس :)

بالتوفيق يا رفيقه هدى صالح مهدي عماش :) >>>>>>> يسمع بالكيميائيه

[مهاجرة باحساس]

اللهم صلي وسلم على محمد


بصراحه احس ان تخصصك احياء هههه.. تماسيح وسحالي


المهم توحشتك برشا برشا roooose


احس ان امك هي اللي تخصصه كيمياء من وراء التسوتساتسولا ((مفاعل نووي))



وبعدين مشاء الله مسيرة مناضله ((يارفيقه عجايب من حزب الفله ))خخخخخخخخخخخخخخخخ

rooose2rooose2rooose2

[عجايب بنت الشايب]

الكنبوتر


هها عود وراك ملغوم ؟ :( :(


ملغوم بجزر


علشان الارانب ماتجينا :)





شاركه لك مرورك يالذيب


قصدي يالمودم >مدحه لأجهزه :)




لاهنت ولاتهت .......,,

[عجايب بنت الشايب]

مهاجره هلا بالغلا


الله أكبر وش فرق ذي عن ذي


كلهن بنات عم ( جدهن العلوم )


حتى بالديوان نتطاق حنا وبنات الفيزياء والاحياء على العلوم بالمتوسط


شفتي وشلون حنا ربع ورفاقه :) :) :)





لبى والله مرورك وردك الغاااااااالي على قلبي

تعالي كل يوم .



طحياتي .....,,