فواز الغسلان
11-06-2007, 18:41
انا خلت براقن شعاعه يزيد الشوق=نخيله ركز من وسط غيمه لحد القاع
تلاعج بغيمه والهبايب تسوقه سوق=هزيم الرعد يرجف وغيمه غدا لماع
حداها من الشرقي نسيمن وصار طبوق=هميله لوديان الخلا قاصفن شلاع
عسى قاعها تخضر ويسكب بها الزملوق=وتكثر مطاليع الخلا باول المرباع
تشوف الخزامى في دعوثه غدى له ذوق=تباشر بها بدو(ن) حلاله بقيضه جاع
تروج الخباري فوقها طايرالغرنوق=على سيله اللي بالخباري غدى نقاع
تشوف الكماء يشطب فلوقن بها الرقروق=تتالى مظاعين المواتر مع المطلاع
يسيح الخفوق اللي سهر ليلته مزنوق=حزينن على مال(ن)عزيز(ن) جميعه ضاع
اذا داج مع ريح الخزاما تناسى العوق=تفوح الخزامى والبختري مع الذعذاع
او اللي يبي شوف البداوه وشقح النوق=شقاحن غذاوي لاتهادا ولا تنباع
حدادن نواظرهن بنات الفحل خازوق=وساعن مناحرهن شبب والعيون وساع
نجايب ولافيهن شرايا ولا مسروق=نشيرن تشوق اللي حياته غلا الاقطاع
نحرهن كمالبيبان مع طولة السمحوق=ولاناشها وسمن نقل شارة المضباع
ولاشفت حذوات الهزايل لهن مطروق=ولاجيب له ماها خضيضن بوسط شراع
شدادن محاقبهن طوالن تقل زرنوق=مناجيب شيخن من عتيبه طويل ابواع
او اللي وقع مثلي طريحن بوسط السوق=سبايب عنودن فاح ريحه تقل نعناع
غزالن رمى حالي سهيرن تقل مفلوق=اراجي خيال اللي نقوشه زهى الاصباع
جمع زين بوصوفه وطيب وحلا منطوق=وزولن زهى حلو الملابس وزين قناع
يضيمه حلا ردفن شلع ثوبها المشلوق=خفوقي من اسبابه بوسط العرب ملتاع
مع المشي ثوبه ينطوي ثم يصعد فوق=تشده ردوفن من يشوفه شهق وارتاع
صدوقن وهرجه بالهوى صادقن موثوق=ولامثلها حازت مع الملح زين اطباع
عيون النداوي لانوى يقطع المعلوق=تقفى الحباري له فعولن خبرها شاع
صفقها بكفن شال قلبه وخمس عروق=يشادي صواريخ القذايف اليا من فاع
عساها تجي تمشي ويركد حشى المخنوق=واشوفه واحاكيها بموقن غدى دماع
عنودن لك الله مامشى مثلها مخلوق=غنوجن اليا شفته تسولف خفوقي ماع
نصيبي ترك باب الحبايب معي مغلوق=نصيبن هزيلن حط كيلي سديس الصاع
يقولون مطرود الهوى دايمن ملحوق=والامثال تخطي لو بعضها بصدقه ذاع
لاني طردته قبل تلبس جميل الطوق=واذا حفتها جتني رماحه مع الاظلاع
من اول وحظي بالهوى دايمن مسبوق=نخيته وداويته واشوفه رفض ماطاع
نصيبن عثورن بالمحبه وقع مطفوق=كواني بمسمارن جروحه ثمان انواع
سلامي على قلبن توسد قسى الطابوق=يطارد مراميعن ولاصابة المرماع
وسلامي على قلبن بثلج الشتاء مرشوق=تمنى ربيع ولا حصل شوفة المرباع
تلاعج بغيمه والهبايب تسوقه سوق=هزيم الرعد يرجف وغيمه غدا لماع
حداها من الشرقي نسيمن وصار طبوق=هميله لوديان الخلا قاصفن شلاع
عسى قاعها تخضر ويسكب بها الزملوق=وتكثر مطاليع الخلا باول المرباع
تشوف الخزامى في دعوثه غدى له ذوق=تباشر بها بدو(ن) حلاله بقيضه جاع
تروج الخباري فوقها طايرالغرنوق=على سيله اللي بالخباري غدى نقاع
تشوف الكماء يشطب فلوقن بها الرقروق=تتالى مظاعين المواتر مع المطلاع
يسيح الخفوق اللي سهر ليلته مزنوق=حزينن على مال(ن)عزيز(ن) جميعه ضاع
اذا داج مع ريح الخزاما تناسى العوق=تفوح الخزامى والبختري مع الذعذاع
او اللي يبي شوف البداوه وشقح النوق=شقاحن غذاوي لاتهادا ولا تنباع
حدادن نواظرهن بنات الفحل خازوق=وساعن مناحرهن شبب والعيون وساع
نجايب ولافيهن شرايا ولا مسروق=نشيرن تشوق اللي حياته غلا الاقطاع
نحرهن كمالبيبان مع طولة السمحوق=ولاناشها وسمن نقل شارة المضباع
ولاشفت حذوات الهزايل لهن مطروق=ولاجيب له ماها خضيضن بوسط شراع
شدادن محاقبهن طوالن تقل زرنوق=مناجيب شيخن من عتيبه طويل ابواع
او اللي وقع مثلي طريحن بوسط السوق=سبايب عنودن فاح ريحه تقل نعناع
غزالن رمى حالي سهيرن تقل مفلوق=اراجي خيال اللي نقوشه زهى الاصباع
جمع زين بوصوفه وطيب وحلا منطوق=وزولن زهى حلو الملابس وزين قناع
يضيمه حلا ردفن شلع ثوبها المشلوق=خفوقي من اسبابه بوسط العرب ملتاع
مع المشي ثوبه ينطوي ثم يصعد فوق=تشده ردوفن من يشوفه شهق وارتاع
صدوقن وهرجه بالهوى صادقن موثوق=ولامثلها حازت مع الملح زين اطباع
عيون النداوي لانوى يقطع المعلوق=تقفى الحباري له فعولن خبرها شاع
صفقها بكفن شال قلبه وخمس عروق=يشادي صواريخ القذايف اليا من فاع
عساها تجي تمشي ويركد حشى المخنوق=واشوفه واحاكيها بموقن غدى دماع
عنودن لك الله مامشى مثلها مخلوق=غنوجن اليا شفته تسولف خفوقي ماع
نصيبي ترك باب الحبايب معي مغلوق=نصيبن هزيلن حط كيلي سديس الصاع
يقولون مطرود الهوى دايمن ملحوق=والامثال تخطي لو بعضها بصدقه ذاع
لاني طردته قبل تلبس جميل الطوق=واذا حفتها جتني رماحه مع الاظلاع
من اول وحظي بالهوى دايمن مسبوق=نخيته وداويته واشوفه رفض ماطاع
نصيبن عثورن بالمحبه وقع مطفوق=كواني بمسمارن جروحه ثمان انواع
سلامي على قلبن توسد قسى الطابوق=يطارد مراميعن ولاصابة المرماع
وسلامي على قلبن بثلج الشتاء مرشوق=تمنى ربيع ولا حصل شوفة المرباع