هند القاضي
08-06-2007, 12:58
عجبتي القصيدة فـ حبيت أنقلها لكم وهي من ديوان الشاعر محمد بن عبد الله القاضي
ناح الحمـام وبيّـح السـد مكتـوم=ماحن في هافي الحشـا المستهامـي
مدري طرب يالورق أو صرت محروم=أو بك علـى فرقـا وليفـك هيامـي
يالورق ما يخفـى علـى الله معلـوم=لوهو خفـي ٍ عـن جميـع الانامـي
يالورق ما صابتـك الايـام بسهـوم=مثلي ولا انت بمغرم ٍ فـي غرامـي
حتى تنوح وترفع الصـوت وتهـوم=تبـدي شكايـا مبهمـات الفهامـي
خل النياحـه للـذي بـات مهمـوم=مثلي يجـاوب ساجعـات الحمامـي
والا انت يا ورق ٍ على راس مزموم=مانحـت نـوح معقـلات ٍ ضوامـي
مستانس ٍ في بـارد الظـل وتحـوم=تهرف وتشـرف عاليـات العدامـي
ما صادفك صرف النيا عـاد بكلـوم=ولا ذقت لوعات الهـوى والغرامـي
أنا كثيـر النـوح يالـورق واللـوم=من لا ينوح ومعتنـي فـي ملامـي
مجـروح قلبـي داه ودواه مفهـوم=مخفيه عـن نقـال سـدي وكامـي
خذ راي من لا يختشي قول منهـوم=ينشـا بعلـم ٍ مـا نمتـه النوامـي
يالورق من صابـت لياليـه ملـزوم=يجفـا نظـر عينـه لذيـذ المنامـي
بالله خـذ منـي مراسيـل وارقـوم=مختومة ٍ فـي طيهـا لـي سلامـي
عد النبات وعد مـا خـط مرسـوم=واعداد ما هل المطـر مـن غمامـي
واعداد ما يطلـب مـن الله مظلـوم=وعداد مـا بـاولاد سـام ٍ وحامـي
تحيـة ٍمـن صافـي الـود معـدوم=منه الصبر 0 كنـه فقيـد العمامـي
ابديه بالترحيـب بالشـوق مختـوم=ختـم الغوالـي غاليـات المسامـي
للجادل اللي جاد لـي منـه مفهـوم=رد الخبـر عنّـه بلـيـا وهـامـي
انه يسل عني علـى غيـر موهـوم=بينـي وبينـه مـا تهيـا ولامــي
عزي لمن ركن الصبر منـه مهـدوم=عـزاه لـي واللـي لمثلـي دوامـي
سهرٍ يقاسـي زود الافكـار وهمـوم=من زود لوعـات ٍ تفـت العظامـي
من سام جنـس ٍ للغناديـر محتـوم=يشريه لـو يكثـر عليـه الزحامـي
ومن رام منهن الوصل بات محـروم=يقـدي ولا يبـدي خفـي الكلامـي
خوف الحسود أو واشي ٍ يبدي اعلوم=يبـدي مسـاوي خافيـات العلامـي
يا من وشى بين المحبيـن بسهـوم=حكي ٍ ولا خـص الحكـي بالتهامـي
تمت وصلى الله على خيـر مكـروم=أحمد شفيـع الخلـق طـه التمامـي
محمد بن عبدالله آل قاضي رحمه الله
ناح الحمـام وبيّـح السـد مكتـوم=ماحن في هافي الحشـا المستهامـي
مدري طرب يالورق أو صرت محروم=أو بك علـى فرقـا وليفـك هيامـي
يالورق ما يخفـى علـى الله معلـوم=لوهو خفـي ٍ عـن جميـع الانامـي
يالورق ما صابتـك الايـام بسهـوم=مثلي ولا انت بمغرم ٍ فـي غرامـي
حتى تنوح وترفع الصـوت وتهـوم=تبـدي شكايـا مبهمـات الفهامـي
خل النياحـه للـذي بـات مهمـوم=مثلي يجـاوب ساجعـات الحمامـي
والا انت يا ورق ٍ على راس مزموم=مانحـت نـوح معقـلات ٍ ضوامـي
مستانس ٍ في بـارد الظـل وتحـوم=تهرف وتشـرف عاليـات العدامـي
ما صادفك صرف النيا عـاد بكلـوم=ولا ذقت لوعات الهـوى والغرامـي
أنا كثيـر النـوح يالـورق واللـوم=من لا ينوح ومعتنـي فـي ملامـي
مجـروح قلبـي داه ودواه مفهـوم=مخفيه عـن نقـال سـدي وكامـي
خذ راي من لا يختشي قول منهـوم=ينشـا بعلـم ٍ مـا نمتـه النوامـي
يالورق من صابـت لياليـه ملـزوم=يجفـا نظـر عينـه لذيـذ المنامـي
بالله خـذ منـي مراسيـل وارقـوم=مختومة ٍ فـي طيهـا لـي سلامـي
عد النبات وعد مـا خـط مرسـوم=واعداد ما هل المطـر مـن غمامـي
واعداد ما يطلـب مـن الله مظلـوم=وعداد مـا بـاولاد سـام ٍ وحامـي
تحيـة ٍمـن صافـي الـود معـدوم=منه الصبر 0 كنـه فقيـد العمامـي
ابديه بالترحيـب بالشـوق مختـوم=ختـم الغوالـي غاليـات المسامـي
للجادل اللي جاد لـي منـه مفهـوم=رد الخبـر عنّـه بلـيـا وهـامـي
انه يسل عني علـى غيـر موهـوم=بينـي وبينـه مـا تهيـا ولامــي
عزي لمن ركن الصبر منـه مهـدوم=عـزاه لـي واللـي لمثلـي دوامـي
سهرٍ يقاسـي زود الافكـار وهمـوم=من زود لوعـات ٍ تفـت العظامـي
من سام جنـس ٍ للغناديـر محتـوم=يشريه لـو يكثـر عليـه الزحامـي
ومن رام منهن الوصل بات محـروم=يقـدي ولا يبـدي خفـي الكلامـي
خوف الحسود أو واشي ٍ يبدي اعلوم=يبـدي مسـاوي خافيـات العلامـي
يا من وشى بين المحبيـن بسهـوم=حكي ٍ ولا خـص الحكـي بالتهامـي
تمت وصلى الله على خيـر مكـروم=أحمد شفيـع الخلـق طـه التمامـي
محمد بن عبدالله آل قاضي رحمه الله