معشي الذيب هو شمري والا حويطي ؟ اجيبوني

[الشقاوي]

راعي الوقيد

الراوي

كل الاخوان اللي يبخصون العلم الوكاد تكفون الفزعه

مالكم بطويله ، الزبده

كنت اتابع برنامج شاعر الاردن قبل حوالي عشرين يوم على قناة Nourmina

وكانت اللجنة تقابل الشعراء المشاركين شاعر بعد شاعر ( مثل سالفة شاعر المليون )

وهو يجي دور شاعر اسمه

محمد عثمان الحويطي ( من اهل معان بالاردن وذلك حسب كلامه وتعريفه باسمه )

ويلقب نفسه بـــــ ( معشي الذيب )


وعمره حوالي الخمس والثلاثين ، وبعد ما القى قصيدته سأله احد اعضاء اللجنه الذي اشاد به وانه معروف اعلاميا بالاردن وكذلك معروف بهوايته بالقنص وصيد الصقور

وكان السؤال للشاعر ماسبب تلقيبك بنفسك بمعشي الذيب ؟

فقال الشاعر الحويطي

ما ابي آخذ وقت زملائي الشعراء المشاركين ولكن هي قصة لجدي ( مادري جده الواقف او اللي وراه انا هلحين نسيت ) كان عنده ضيوف باحد الليالي وكان يسمع عوا ذيب فسأل اللي حوله وشبلاه يعوي عدة ليالي فقالوا هذا ذيب كبير بالعمر وجوعان ، فقال للي عنده اذبحوا له شاه واطعموه اياه ، كما ذكر ان احد الكتاب المستشرقين ذكر قصة جده معشي الذيب في احد الكتب .


هنا أسألكم يالربع هي ماهي سالفة ابن سعيد ، وهالحوطي استهمله له والا مشابهه لها

بصراحه بغى يطق بي عرق من الزعل

والا ماقول بالاجواد شي ، لكن ابي اعرف حديكم سمع بهالسالفه والا لا ؟

وسامحوني على الاطاله وان كاني ازعجتكم

على فكره ، ترى يمكن انه ترشح مع الشعراء اللي يبون يجون بالادوار الجايه وتقدرون تتابعونه لأن اللجنه اشادت بقصيدته وانه ينشر بالاعلام الاردني ومشارك بعدة انشطه حسب كلامهم مع بعض وانا والله مااعرف اللي عندي فيشن اللي برى.

[فواز الغسلان]

اخوي الشقاوي ياهلا وغلا فيك واقول:


صحيح ان القصه تحدث اكثر من مره في التاريخ لكن العبره بالشي الذي يشتهر عند الناس فهذا اللقب


الذي اشتهر في انحاء الارض مع من يهتم بسوالف اهل الباديه اشتهر لمكازي ابن سعيد شيخ الدغيرات


من عبده من شمر ولم يشتهر لاحد من الناس غيره 00


ولو كان هذا مشهورا لعلمنا به مثل ماعلمنا بمصوت بالعشاء ابن مهيد ومدخل على الدوله ابن سمير وهم


كانت ديارهم بعيده عنا وجتنا اخبارهم00


واما المستشرق اللي ذكر هذا بكتابه فالكثير منهم يمر على القبائل وياخذ اخبار القبيله من اهلها اللي


يقولون له ويكتبه وليس كل مستشرق محقق للسوالف لان المستشرق جاء علشان يحضر بالموضوع هذا


رساله علميه ماجستير او غيرها00 فالقصه تتكرر لكن العبره باللي يشتهر عند الناس والسلام00

[سلمان النبهان]

اهلا بالشقاوي والله حيوه ياهلا
واشكر لك غيرتك اولا على احقاق الحق ومعرفة الصدق
ثانيا معشي الذيب ابن سعيد من شمر وهو المعروف يهذه القصة ...
وليس الزلامه المذكور بالبرنامج الذي يخاف من ظله ولايعرف الصحراء ووحوشها
كما ان اليوم يوم الرخى والمكيفات وكرخ العلوم كما ترى !!!!!
فهذا العازمي يدعي ان لقب الجنازة للعوازم !!!!
وهذه قبيلة سبيع تقول ان لقب غلباء لهم !!!!
وهذا ...وهذا ....وهذا .... وشي يفقع القلب خله على الله ...

[hammari]

راعي الوقيد

الراوي

كل الاخوان اللي يبخصون العلم الوكاد تكفون الفزعه

مالكم بطويله ، الزبده

كنت اتابع برنامج شاعر الاردن قبل حوالي عشرين يوم على قناة Nourmina

وكانت اللجنة تقابل الشعراء المشاركين شاعر بعد شاعر ( مثل سالفة شاعر المليون )

وهو يجي دور شاعر اسمه

محمد عثمان الحويطي ( من اهل معان بالاردن وذلك حسب كلامه وتعريفه باسمه )

ويلقب نفسه بـــــ ( معشي الذيب )


وعمره حوالي الخمس والثلاثين ، وبعد ما القى قصيدته سأله احد اعضاء اللجنه الذي اشاد به وانه معروف اعلاميا بالاردن وكذلك معروف بهوايته بالقنص وصيد الصقور

وكان السؤال للشاعر ماسبب تلقيبك بنفسك بمعشي الذيب ؟

فقال الشاعر الحويطي

ما ابي آخذ وقت زملائي الشعراء المشاركين ولكن هي قصة لجدي ( مادري جده الواقف او اللي وراه انا هلحين نسيت ) كان عنده ضيوف باحد الليالي وكان يسمع عوا ذيب فسأل اللي حوله وشبلاه يعوي عدة ليالي فقالوا هذا ذيب كبير بالعمر وجوعان ، فقال للي عنده اذبحوا له شاه واطعموه اياه ، كما ذكر ان احد الكتاب المستشرقين ذكر قصة جده معشي الذيب في احد الكتب .


هنا أسألكم يالربع هي ماهي سالفة ابن سعيد ، وهالحوطي استهمله له والا مشابهه لها

بصراحه بغى يطق بي عرق من الزعل

والا ماقول بالاجواد شي ، لكن ابي اعرف حديكم سمع بهالسالفه والا لا ؟

وسامحوني على الاطاله وان كاني ازعجتكم

على فكره ، ترى يمكن انه ترشح مع الشعراء اللي يبون يجون بالادوار الجايه وتقدرون تتابعونه لأن اللجنه اشادت بقصيدته وانه ينشر بالاعلام الاردني ومشارك بعدة انشطه حسب كلامهم مع بعض وانا والله مااعرف اللي عندي فيشن اللي برى.







اخي الشقاوي شكرا على المتابعه

عند الناس المجوده في الجزيره العربيه والمتابعين للقصص والمهتمين في الموروث

فهو ابن سعيد اماء اذا كان فيه قصه تشبهه يجوز

والحويطات من اطيب القبايل وانت ماسمعت هذا البيت

الطيب ماهو بس للضاعنيني مقسم على اهل الوجيه المفاليح



مع تحيات الحيمري

[راعي الوقيد]

الشقاوي

الظاهر جاوبك اخونا الكبير الراوي وما عقب كلام الراوي كلام:thumb:

لك التحية

والسلااااااام ...

[حمود الباتع]

والله العظيم لما تدخل المنتديات وتشوف القرصنة عيني عينك حتى على الألقاب

كل واحد يجيب قصة ويحطها لأجداده الحويطي اخذ قصة ابن سعيد


والعازمي يبي لقب الجنازة


وعلى هالموال ياحياة الشقاء


لكن اللي يشوف قصة ملفقة بأي منتدى انسخها من منتديات المضايف او الديوانية ولزقها هناك


مافي الا كذا

[hammari]

والله العظيم لما تدخل المنتديات وتشوف القرصنة عيني عينك حتى على الألقاب

كل واحد يجيب قصة ويحطها لأجداده الحويطي اخذ قصة ابن سعيد


والعازمي يبي لقب الجنازة


وعلى هالموال ياحياة الشقاء


لكن اللي يشوف قصة ملفقة بأي منتدى انسخها من منتديات المضايف او الديوانية ولزقها هناك


مافي الا كذا




الاخ حمود اللي يبي ياخذ قصه معروفه لشخص معروف وينسبهاء لواحدا ثاني

الناس تعيي عليه واليوم مافيه خوف من القرصنه والكذابين

حيث كل شي معروف

اماء الشخص الذي مسمي روحه الجنازه قد يكون انه بعكس الاسم

او يكون ربعه سموه يتنكتون عليه انا عرف شخص يسمونه الجنازه بس الاسم

بعكس الجنازه ( يعني جبان )



مع تحيات الحيمري

[خلف الرويتع]

اخوي الشفاوي

جزاك الله خير على هذه الغيره ونشكرك على نقل ماحدث لكي يعرف الجميع

نعم معشي الذيب هو ابن سعيد اما موضوع الحويطي فيعقب هو ومن استشهد به من مستشرق وغيره معشي الذيب لم نسمع لامن غريب ولامن بعيد ان هناك احد عشى الذيب غير ابن سعيد وبس والمصيبه بعد كم سنه اذا لم نحفظ جميع مايخص شمر في موقعنا على الانتر نت ونسقيه اطفالنا مع الحليب يومياً وفي كل كتاب ومتحف ونحفظه في اشعرنا فسوف تجد من يقول ان الجنازه بناقي والجرباء سعدي والضياغم عوج دخان وحاتم الطائي هتيمي

اخواني الاعزاء هذه مهم كل شمري فيه جز بسيط من الحمياء على شمر وتاريخها ان يحفظ جميع قصص شمر ويستشهد بالمخطوطات اذا وجده او ببعض الكتب المحايده وكبار السن من روات شمر المعروفين وينقل عنهم كل تاريخ شمر بكل صدق وامانه في هذا المضيف

واطلب من الاخوان المشرفين على مضيف قصه وقصيده راعي الوقيد وخالد الشمري ويضاف لهم الاخ العزيز الراوي فواز الغسلان حيث ان هذا الشخص مكسب حقيقي للمضايف وبعض الاخوان المخلصين في مضيف قصه وقصيده بدون تعداد اسامي ان يكون هناك مضيف دخل مضيف قصه وقصيده يدون فيه بعض مااشتهرت به شمر من قصص نادره ومن قصائد تثبت تلك الوقائع والاستشهاد بكل مخطواطه او دليل وتدوينها في ذلك الموقع و منع التعليق عليها غير من المشرفين فقط لتكون ارشيف الى الاجيال القادمه واطلب من جميع من يطلع على موضوعي هذا ان اي شخص لديه رجل كبير بالسن ويحفظ قصيد او سوالف عن شمر ان يدونه ويحتفظ به فتاريخ شمر يعتبر كنز ثمين لن نعرف قيمته غير عندم نفقده وسنفقد تاريخنا اذا لم ندونه وننشره عبر المواقع المهتمه في قبيله شمر مثل مضايف شمر وديوانيه شمر ومنتديات الاسلم وجميع المنتديات المهتمه بتاريخ شمر حتى لايطمع بتاريخكم كل متسؤل تقبلو تحياتي

[سلمان النبهان]

^
^
^
^
تسلم ويطول عمرك ابو عتيق وفكرة صائبة وسديدة 100%
والراي للمشرف العام لتنفيذ الفكرة الطيبة ..
تسلم وتدوم اخينا الكبير المستشار ابو عتيق ...

[خلف الرويتع]

اخي العزيز سلمان النبهان اشكر مرورك
انا لم انس دور المشرف العام فهو ابو الجميع ولكن حبيت اسمع راي الاخوان المشرفين على مضيف قصه وقصيده اذا كان اقترحي جيد وليس هناك اي عائق ان ينقلون هذا الاقتراح الى الاخ العزيز ابو سلطان وهو يقوم بالامور الفنيه وتخطيط له اشكرك اخي سلمان على التاييد والتنبيه تقبل تحياتي

[بشير اللويش]

الشقاوي

الظاهر جاوبك اخونا الكبير الراوي وما عقب كلام الراوي كلام:thumb:

لك التحية

والسلااااااام ...

مع شكري لك ولكل من هو حريص على الحق


وابن سعيد اشهر من نار على علم وقصته مع الذيب صارت فخر لكل شمر


الراسي

[شموخ]

سلمان النبهان;503738
وهذه قبيلة سبيع تقول ان لقب غلباء لهم !!!!
وهذا ...وهذا ....وهذا .... وشي يفقع القلب خله على الله



توضيح بسيط للأخ سلمان


هناك فرق بين غلبا والغلبا واعتقد ان هناك لبس لدى البعض فالغلبا لسبيع وهذا الشي لاشك فيه ومعروف عند اغلب القبايل ان لم يكن الكل ولدليل قول الشاعر سالم المطوع

في رثاء محمد بن مطر ابو اثنين قال

أنا أشهد أنه مات لسبيع رجال ............ فقده على (الغلبا ) خساره كبيره
أحد ليا من مات محد عنه سال ............واحد على موته عيون سهيره



اما غلبا فهي لشمر والدليل قول ابن رشيد


غلبتهم والعدو ممهون


بعيال غلباء على الخيلي


وايضا هناك قصيدة للمرحوم محمد السديري ولكن لاتحضرنى الآن :(


وللمعلوميه ماني من سبيع والله وتحسبوني ادافع عنهم بس هذه حقيقه يجب توضيحها والتفريق بينها


تحياتي لك
شموخ

[النبع الخالد]

القصة معروفه وواضحه في عموم نجد


وهي قصة ابن سعيد العلياني يوم ةعشا الذيب ..؟


واما كلام الحويطي الشاعر ماندري عنه ...ولكن ابي اضيف شي يالربع يمكن كثير منكم غافل عنه ..



وهو ان ((قبائل شمال الحجاز وشمال غرب المملكه وهم جهينه وبلي وبني عطيه والحويطات وغيرهم من القبائل لم تنتشر قصصهم في نجد وظلت مغمره حول محيطهم )) حسب مااطلعت عليه والشهره للعلوم والسوالف اكثرها في نجد ))

ونعم بابن سعيد والحويطات وكل عيال الحمايل

والسلام

[خالد الشمري]

لاحول ولا قوة الا بالله ... معشي الذيب صارت للحويطات

على العموم هذا رابط للاخ المطنوخ يذكر فيه عن ال سعيد
http://www.shmmr.net/vb/showthread.php?t=26927

وهذ رابط للاخ مشعل الحاشم عن معشي الذيب وتوابعها

http://www.shammar.org/vb/showthread.php?t=32863

[المطنوخ]

الشقاوي


الاخوان ماقصروا وذكروا الجواب الكافي والشامل


فعلا والله

عش رجبا ترى عجبا...!


تحياتي

[خالد الشمري]

سلمان النبهان;503738
وهذه قبيلة سبيع تقول ان لقب غلباء لهم !!!!
وهذا ...وهذا ....وهذا .... وشي يفقع القلب خله على الله



توضيح بسيط للأخ سلمان


هناك فرق بين غلبا والغلبا واعتقد ان هناك لبس لدى البعض فالغلبا لسبيع وهذا الشي لاشك فيه ومعروف عند اغلب القبايل ان لم يكن الكل ولدليل قول الشاعر سالم المطوع

في رثاء محمد بن مطر ابو اثنين قال

أنا أشهد أنه مات لسبيع رجال ............ فقده على (الغلبا ) خساره كبيره
أحد ليا من مات محد عنه سال ............واحد على موته عيون سهيره



اما غلبا فهي لشمر والدليل قول ابن رشيد


غلبتهم والعدو ممهون


بعيال غلباء على الخيلي


وايضا هناك قصيدة للمرحوم محمد السديري ولكن لاتحضرنى الآن :(


وللمعلوميه ماني من سبيع والله وتحسبوني ادافع عنهم بس هذه حقيقه يجب توضيحها والتفريق بينها


تحياتي لك
شموخ


____________________



الاخت الفاضله شموخ غلباء لقب لقبيله شمر قديم شمر وشواهده اقدم من الرشيد والجرباء وفيه قصائد تدل على هالشي مثل قصيده زوجه وديد بن عروج شيخ بني لام من طيء عندما قتلت شمر الشيخ وديد وقامت ترثيه ومن ضمن القصيده :

لا واحبيبي بين ذولا وذولاه "=" خلي بوجه معدلين الدبايل
لا واحبيبي طاح يوم الملاقاه "=" بنحور ((غلبا)) فوق قب السلايل
لا واحبيبي طير شلوى تعشاه "=" قطاعة المهجة سناعيس حايل
يا عارفين وديد يا طول هجراه "=" ياليتني بوديد ما أبغى بدايل

فحنا ماحنا محتاجين لا للسديري (السديري صار حجه :p:) ولا غيره :thumb:
لنثبت اللقب فاللقب قبل اماره الرشيد وقبل زعامه الجربان وعليت الحساب بارك الله فيت:)

[سعد الشمرى]

اخوى العزيز خالد الشمرى لاهنت وزنت بس لاتوضيح واذا انا غلطان صحح ابن عروج شيخ مشايخ الفضول هذا على لسان الامير ابن صلال شيخ الشواريق الذين انضموا الى شمر الصايح

وشكرا

[سلمان النبهان]

الاخت شموخ حياك الله واشكر لاخي خالد التوضيح الطيب
وازيد واقول لافرق بين لقب غلباء او الغلباء ابدأأأ
فاللقب غلبا او الغلبا لشمر ولامنزع لهم عليها ابدااا

شمر تاريخ ومجد ولقبهم اخذوه بساعات الموت والوغي

خلينا ساكتين يابنت الحلال ازين واحسن للجميع ولاينفتح باب الحقيقة ..
واليوم مثل ماقلت الحرامية كثر واللصوصية بزيادة ومناصريهم اكثر وجهلة التاريخ اكثر
وتحت المكيف وامام شاشة النت اصبح كلا يعدل ويفصل ويلبس ..
لاواصبح بعض الناس من العوارف بالقاب القبائل ويمنحونها حسب مزاجهم ..
يالله اني داخلا عليك من نهاية تلك الخرابيط وهذا السفه والكذب ...

[شموخ]

الاخت الفاضله شموخ غلباء لقب لقبيله شمر قديم شمر وشواهده اقدم من الرشيد والجرباء وفيه قصائد تدل على هالشي مثل قصيده زوجه وديد بن عروج شيخ بني لام من طيء عندما قتلت شمر الشيخ وديد وقامت ترثيه ومن ضمن القصيده :

لا واحبيبي بين ذولا وذولاه "=" خلي بوجه معدلين الدبايل
لا واحبيبي طاح يوم الملاقاه "=" بنحور ((غلبا)) فوق قب السلايل
لا واحبيبي طير شلوى تعشاه "=" قطاعة المهجة سناعيس حايل
يا عارفين وديد يا طول هجراه "=" ياليتني بوديد ما أبغى بدايل

فحنا ماحنا محتاجين لا للسديري (السديري صار حجه :p:) ولا غيره :thumb:
لنثبت اللقب فاللقب قبل اماره الرشيد وقبل زعامه الجربان وعليت الحساب بارك الله فيت:)



الاخ الفاضل خالد

هد اعصابك يابن الحلال :) انا ماقلت غلبا لسبيع غلبا لكم لكن الغلبا بالالف واللام لسبيــــــــــــــــع واسئل غيري ويعلم الله مانى من سبيع عشان تقولون تعصب لا والله بس حقيقه معروفه حتى عند الغير ...



فحنا ماحنا محتاجين لا للسديري (السديري صار حجه :p:) ولا غيره :thumb:


قول السديري حجه لكم لا عليكم
ويقصد شمر بس مانى مذكرتها بالضبط قدقريتها قبل سنه في احد دوواينه وللاسف الديوان ناسيته بالرياض لو عندى طلعت لك البيت ولو تبي القصيده كامله ..



غلبا جميع القصائد تبين انها لشمر اما الغلبا فجميع القصائد تؤكد انها لسبيع واذا عندك ابيات فيها الغلبا ويقصد بها شمر اوردها ياااخ خالد ولاحظ ان البيت الذي استشهدت فيه قالت الشاعره غلبا مو الغلبا :)...



تحياتي
شموخ

[راعي الوقيد]

لا تأخذكم العزة بالإثم ؟؟

كل دون حقه وشمر بشر كما هم باقي البشر ...!!

وسلااااااااام ...

[عبدالرحمن]

تم التعديل وحيّاك الله

[شموخ]

اهلا بالاخ سلمان


كم كنت اتمنى ان تحاور وتستدل على صحة كلامك باستشهادات شعرية تثبت ماقلته ....

عطنى بيت واحد لشاعر من شمر او غيره من القبائل نسب لقب الغلبا لشمر أنا اعطيتك ابيات تبين صحة كلامى عطني مايثبت عكس كلامي



خلينا ساكتين يابنت الحلال ازين واحسن للجميع ولاينفتح باب الحقيقة



عندك حقائق ؟؟ افتحها انا ابحث عن الحقائق حتى لو ضد جدي مو عاد سبيع واقسم بالله العظيم مانى من سبيع :rolleyes::rolleyes::rolleyes:


ليس الفتى من قال كان ابي ....إن الفتى من قال هذا انا




واليوم مثل ماقلت الحرامية كثر واللصوصية بزيادة ومناصريهم اكثر وجهلة التاريخ اكثر
وتحت المكيف وامام شاشة النت اصبح كلا يعدل ويفصل ويلبس



ماقلنا شي في هالأمر هناك من يزور بالتاريخ والمكيف كلن تحته حتى انت وانا:) ...



لاواصبح بعض الناس من العوارف بالقاب القبائل ويمنحونها حسب مزاجهم ..
يالله اني داخلا عليك من نهاية تلك الخرابيط وهذا السفه والكذب


لاادعى المعرفه لنفسي بالتاريخ ولكن هناك اشياء تكون معلومة عند البعض وخاصة مثل هالالقاب ...


لاأحد يفهم من كلامى اعلاه انه هجوم على شمر لا والله :rolleyes:

[خالد الشمري]

الاخت شموخ صارت ال فرق ياسبحان الله ؟؟
بكرا يجي واحد ويقول حنا طنايا لنا لانه بدون ال وسناعيس لنا بدون ال عشان شمر لهم الطنايا والسناعيس؟؟

ياخت شموخ سرقه الالقاب من شمر اصبح شي معروف بل الان حتى القصص مثل هالموضوع اللي حنا به ؟؟

والله ماالوم اللي يزعل من شمر لان الكل قام ينهش ولابد من وضع حد للامر هذا

اما السديري فالله يقنّيت بركته :) والله لو قال الشي لنا فهو ليس بحجه والكل يعرف توابع السديري مع شمر وحرب والقصائد التي قيلت به وتهجمه المستهجن ضد قبائل بني صخر وحرب وشمر بل اقول لت بشكل صريح حقده الدفين على شمر ..
تاريخنا يابنت الاجواد محفوظ بلّيا السديري وابن خميس وما شاكلهم

على العموم والنعم بقبيله سبيع الكريمه مع تحفظنا الشديد على اللقب (الغلبا)ومشكوره يااخت شموخ على المشاركه الطيبه ومراعاتت لادب الحوار وبارك الله فيت















-------------------------



الى الاخوان عموما اللذين تداخلو معنا في هذا الموضوع :


حبيّت انبه الى ان قبيله شمر معروفه وما كسبت المحبه الا باحترام القبائل لها لان الجميع يشهد بذالك وكذالك نحن نحترم القبائل الاخرى ولا نتنقص من احد فكل كما قيل ((دون حقّه))وظليمه الاجواد شينه وكل قبيله فيها حقه بل كل ديره به حقه من الرجال
بارك الله بالجميع واتمنا مااحد ياخذ بخاطره على احد