المساعد الشخصي الرقمي

مشاهدة النسخة كاملة : صاروخ بحر -جو -ارض


القطب الشمالي
24-04-2002, 21:46
هجاقافن هجا قاف انتواجه= ولقف قافن لقف قافن موجه
قليل العرف مايعرف خراجه= ولو بتوجهه ماينتوجه
غبي جاهل ردي راعي لجاجه= رصيده بالحياه حبال دجه
نذاله مع رخامه مع سماجه= ونجس وضعف واخياه ورجه
شجاعن بالسعه عن المواجه= جبانن لاش قلبه فبه فجه
يقوس مثل تقويس الدجاجه= وعقله من هباله فيه سجه
تكلم بالعربي وبالخواجه= لكنه هاملن كلن يهجه
اعيونه من ورا ذيك الزجاجه= يزج العار فيها مايزجه
وروحه فاسده مثل الخماجه= يمج السوس فيها ماتمجه
مريض وكتمته عندي علاجه= وكانه طاعني يالله نجه
وكان انه رفض على مزاجه= صفا ليلي وليله ليل عجه
شربت الما قراح وله هماجه= ومعي حجه وهو مامعه حجه
انا قافي عوج لهل العواجه= بحر جو ارض صاروخن موجه
فيصل اللويش
24-04-2002, 22:33
الغالي


القطب الشمالي



اللللللللللله مااجملها نعم فأنها فعلا صاروخ ٍ موجه


ومااجمل ماقلت


مريض وكتمته عندي علا جه 000وكانه طاعني يالله نجه


وايضا



شربت الما قراح وله هماجه0000ومعي حجه وهو مامعه حجه




صح لسانك وربي لقد اذهلتني



اخوك 000 فيصل اللويش
القطب الشمالي
25-04-2002, 00:18
يامرحبا ترحيبتن كلها طيب ...............واعذب من المي القراح الزلالي

اخوي فيصل , ما انا الا احد معجبيك و.... احد جماهيرك

وتقبل تحياتي.
عبدالله الجعيثن
25-04-2002, 12:38
القطب الشمالي

وش هالدرر(R.T.U)

ولي طلب يالغالي اذا تسمح وتتكرم بنشر القصيده اللي مطلعها:

البارحه يالعين لبقيق سارين000يم اللذي يالعين فينا يهلّون.
القطب الشمالي
25-04-2002, 15:31
اخوي الغازي السلام عليكم ورحمة الله وبركاته

من وين طلعت لي .
اوشي (R T U )

وربي يوم شفت هالكلمه وقعت من الكرسي
وقمت اتلفت حولي
حسبي الله على فلاح
والقصيده مطلعها
ياعين وشبك كل ليلك تنوحين ............كفي دموعن كل ليلك يهلون
القابله ياعين لبقيق ســــارين ...........يم الـلذي ياعيــن فينا يهلون
القطب الشمالي
25-04-2002, 15:33
اخوي الغازي السلام عليكم ورحمة الله وبركاته

من وين طلعت لي .
اوشي (R T U )

وربي يوم شفت هالكلمه وقعت من الكرسي
وقمت اتلفت حولي
حسبي الله على فلاح
والقصيده مطلعها
ياعين وشبك كل ليلك تنوحين ............كفي دموعن كل ليلك يهلون
القابله ياعين لبقيق ســــارين ...........يم الـلذي ياعيــن فينا يهلـون
فلاح السعد
01-05-2002, 09:39
صح لسانك

وهذه قصيده لااستطيع ان اعبر عنها

انا ذلك الانسان البسيط


الذي لايملك الا تلك الكلمات المتواضعه

اذ اعذرني ايها الشاعر

ولك التحيه


اخوك فلاح