ياهولي هولاه ... ياعرب ..!! [الأرشيف]

مشاهدة النسخة كاملة : ياهولي هولاه ... ياعرب ..!!

عجايب بنت الشايب

31-05-2007, 01:14

:7ayyoh:

\
/
\
/

صباح الخير rooose3

سي يو rooose3 >>> :puzzled:

لا احد يستغرب ترى انا قررت اتدرب على النمط الوردي .. بس عسى ما اتحول النمر الوردي

(( لغيرا لناطقين بالأوردو النمر الوردي = أبو ذنب الوردي :) ))

اليوم جايتكم وانا عجله .. كالعادة مسويه زحمه والشارع فاضي

بس وقفت ثانيتن عند سالفه تهوول ياعرب

تشيب رمش العين ... :a:

مير اسمعوا

يالربع ولا يهونن الربعات

صحيح ان الله خلقني نسوانه ( مفرد نسوان )

بس الحق حق

والحق مامنه مفر ولا دستور

يابعض النسوان يغثن .

ويتسذبن لا مايتسذبن لو فيه مصطلح اقوى من التسذب

كان قلته

صحيح انهن بريئااات بالحيل وعلى نياتهن والبسه تاكل عشاهن :good1:

بس لا تناقرن وتناشبن ولاحطت وحدتن منهن عينه على الثانيه

عز الله ماشافت النهار بوضح الشمس

مدري الشمس بوضح النهار

ومن هالسوالف لي سالفه موقعتن بقلبي

ولا وقع شيء بقلبي

أقعد أبترم أبترم بالبيت لين اطلعه > نسوانه عادي !!

مرتن من المرات سيرن حريم الحاره كلهن على بكره أبيهن وناقته

على أم سالم

وام سالم ذي جارة جديده توها نازله بس ماهي اي جاااره

جارتن تهوول

في بيتها وأثاثاها وهي بنفسها وعيالها وسيارتهم

حتى رصيفهم بالرغم ان رصيف الحاره واحد

بس اللي قدام بيتها غير أنظف من اللي قدام ام سعد

وتجيك كل وحدتن من الصبح تجهز وتلبس ولا خلت شيء الا لبسته

علشان تدري ام سالم ان ماهي هي بس المطنوخه والمريشه

وقد وصلنا علم ان وحدتن من حريم الحاره

ارسلت ولدها لأختها بقريه مجاوره تجيب من عندها ساعتها أم 7 الاف علشان تلبسها :a:

وثانيه استعارت من خويتها بلوزه ماركه وشنطه

المهم ماعلينا

يومن راحن

الا تفتح لهن ام سالم بكل هدوء

تخبرون اهل العز و القرنقش ..واثقين من نفسهم

لبس عادي جداً وشكلها عادي جداً لبس بيت عادي بس الشي الوحيد

اللي عليها

ساعتها ألمـــاس

سعرها يسوى لبس خلاقين حريم الحاره كلهن ... مع خلاقين عيالهن

وكل شيء على حبه ونص

وانتهت العزيمه بسلام دون اي ضرر من كلا الطرفين

ولكن قررن حريم الحاره

ان يختتمن رحلتهن العصريه في بيت وحده منهن علشان يحلن أسئلة المناقشه

موهب اسئلة المناقشه تجي أخر الدرس ؟

ويدخلن

واليكم العبارات

-1-

يهبي كل شيء حلو

-2-

على كلامها اثاثها قديم بس كأنها شاريته اليوم

-3-

شفتي جوالها تراه ابو 4 الاف شكله خمس كاميرات >> اهبي يالتسذوب

-4-

اهاااااااا جينا للرابعه

وماادراك مالرابعه

يووووووه صدقوني ماهي نظيفه

:a: :a: :a: > حريم الحاره طبعاً من الفرحه لقن شيء عليها

ليه وشلون عرفتي ؟

انا اقولكن

ريحــة زبالتها ماهي زينه !!!

وه

وه

وه

سلط الله على شارون

ياهلولي هولاه من النسوان

قوم والله ويلتس على الماء ياناقه ...

بالله اخواني واخواتي ما رأيكم بهالبهلله

وعلشان ندخل أموون معنا وتشاركنا الوضع

موهب انتم بالشام حريمكن لا شافن وحده متهندمه ومتعدله وطلقه وش قالن ؟

(( يــؤصــف عمــــرا شــــو حـــلــوه ))

يابري حالها قصفن عمرها ماخلن سنه ..:d:

وهذا شيء من بعض مما عندنا ...

بارك الله فينا وجعلنا الله ذخر للدوله والشعب .. وللتجارة ..

وماتشوفون شر ..

باروح أفتر ولا لقيت سالفه جيتكم

تشددوا .. لا أحد يضيع ......

طحياتي ......’’’

ريال الفسحه

31-05-2007, 01:25

ريال مر من هنا يحسب به من الفلوس الجدد<--يفر بالبقالات يدور العمله :goooood:

المطنوخ

31-05-2007, 01:38

ريال اطلع منها الدعوى ملغووووومه هج لارحمت

كلي بكم يعني اقدر اقول انتس عقب ماطلعتي هالسالفه تقدرين تنامين وتريحين جنانورتس اللي لهم شهرين ماناموا

الا صدز انا سمعت ان قرينتس جايب واسطه يبي ينقل منتس يقول انتم جايبين جني على سكني:)

يهيب:)

مهاجرة باحساس

31-05-2007, 01:44

هههههههههههههههه

والله ماشفتي شي والله ان الحريم سوالفهن تجنن

تدرين حنا لنا وقت مهو طويل نازلين بيت جديد وحاره جديده ويقعدن كل يوم وحده من حريم الحاره دازه

بزره تعزم على القهوة واللى على عشاء وامي كل يوم تكشخ وتروح ويمنه جت تقعد شوي واذا ماسألناها

عن العزيمه تقول ماسألتني عن العزيمه عاد حنا :هاه وش العزيمه عاد تقعد تعلمنا بالتفصيل

واسبوعين وخلصن عزايم قالت امي ابي اعزمهن عاد حنا ماعندنا شغاله والحاره كلها شغلات وامي تقول

ابي شغاله واثري الحريم غارن من امي ان ماعندها شغاله هههههه:d:

وشوفي عاد التفاصيل قالت امي ابغى عزيمتي غير ابيها العصر وعلى القهوه والحلى اولا وبعدين الفطاير

والشاي وبعدين ورق عنب وكبه ومحاشي ,ياراسي وطلعي طقم القهوة والشاي وعاد هذا 100 قطعه

او اكثر وطقم العصير ياراسي منتس يايمه ؟طبعا انتم متدرون ان حريم الحاره يقدمن الضيافه بصحون وبيالات

مختلفه وهذي غلطه ماتغتفر عند امي وتعزمهن وتكشخ

عاد المشكله انهن كل ماشافن على امي لبس من وين شريتيه بعض لبسها له سنه بس انهن ماشافنها

الا اللحين كل ملابس امي تعتبر عنده جديده لانهن من كثر طلعاتهن ملن من بعض ومن لبس بعض

بس موضوعتس روعهrooose2

عجايب بنت الشايب

31-05-2007, 01:52

ريال رح للمحلات اللي يحطون فلوسهمبدرج يشتغل بالكمبيوتر

ولا رح لبنده ولا المخازن ترى انا ماخذتن الميه من عندهم

ولا اقول

عطني ميه وانا اعطيك الريال الجديد :) >> بشري امتس

هها .......

عجايب بنت الشايب

31-05-2007, 01:55

جنانورتي ياطنخان

ماعاد يبوني لأنهم ماعاد ينفعوني

صاروا عندي عليميه

علموني الرمايه ورميتهم

وعلمني النصب وسرقتهم

ذيبه الله يخليني للمضائف ..

:)

شكريا على مراريتك من هوون >> تكرونيه ابوها لبناني :)

طحياتي ......’’

عجايب بنت الشايب

31-05-2007, 01:59

فيه يرووح داخل فيه أهساس >> تعني مهاجره باحساس :)

اجل امتس ياهي ام سعد يا ام سالم

مير الله يعينكم

وهالنسوان وانا منهم

ماعرفنا لنا ولهن

تصدقين حتى انا افتكر في نفسي

كل ما طرى علي ان شغالتنا بقى لها 3 شهور وتروح

قمت اهل العباير والدموع تقوطر

بس لا شفت الفلان ماعندهم شغلات وبناتهن كلن يمدحن تجيني الغيره و أقعد أرتبش

بس ماتطول معي نص ساعه بالكثير وتروح

لأني عارفه مصيري مشتغله مشتغله عاجلاً غير اجل

ومصير هاليدين تتفطر

يامن صحون امي

أو من شبوك أبوي ..

يعني على الوردي السلام ياخيه :(

ولا هنتي سالفتس هي الموضوع وموضوع رد عند ردتس

مرورك شرف يالعزوه

طحياتي .........’’

الكنبيوتر

31-05-2007, 04:34

عجايب ليه ماكتبتي أن الموضوع عوايل؟؟؟؟

مايصير الحتسي هذا لازم تحطين لوحه أن الموضوع عوايل

لأني دخلت وخذيت فكره سلبيه ( ياعيني على السلبيه ) عن النسوه >>>>> تون مختبر عربي بالجامعه :)

طحياتــــــــــتس وتحياتي

صاحبه السمو

31-05-2007, 17:02

ههههههههههههههههههههههههههه:p:

ماشاءالله عليك ياكلك بنا اعجاب

الله يسعد هالروح المرحه نقلتي لنا السالفه بصوره مرحه

اما ريحه زبالتها مو حلوه اعجبتني:d:

يسلمووووووووووو خيتوووو:goooood:

على فكره وبدون زعل مو لايقلك النمط الوردي :)

أم نــــــــــواف

31-05-2007, 23:36

ليه هلّون تنشرين غسيلنا عند الشمّاته :)

خليها بيننا بسوالف البنات بمضيف الأسرة

ههههههه :) هههههههه :) هههههههه

ياهولي هولاه

شكرا عجوبه

المطنوخ

01-06-2007, 00:15

^
^
^

محتاجين صوتك بارك الله فيك

//

الله يعطيكم:)

عجايب بنت الشايب

01-06-2007, 02:09

الكنبوتر

ههههههههههههههههههه

تدري اني اشفق عليك .. أحسك بتنحرف .. والسبب سوالف النسوان

:)

خلاص ابشر مره ثانيه ... باكتب الموضوع بالوردي

وانت أنحششش :)

لاهنت يالذيب على المرور

طحياتي ..,,

عجايب بنت الشايب

01-06-2007, 02:11

صاحبة السمو

هلا يا أمي

لبى والله قلبتس

وروحتس الأحلى يابريح الي انتي

ومن ناحية الزعل أبد اخذي راحتس روحس شماليه ..

وأخلاقي شرقيه .... :)

تسلمين يالغلا على المرور المنور .......

طحياتي ........’’

عجايب بنت الشايب

01-06-2007, 02:14

أم نواف

أستفحلت السالفه شين يشيب الراس ياخيه

مااقدر اصبر

:)

هلابتس يالغلا في كل محل توقيعين بوه

تعالي كل يوم

لاخلا ولاعدم من هالردود وراعيتها :)

طحياتي ......’’

الأصيل

02-06-2007, 18:07

عفواً ... :good1:

مكانتي المضائفيه ،، لاتسمح لي بدخول موضوع بوه حريم ،، ولامعهن محرم:good1:

ياحسد هالعجز حسداه :a:

الحمد لله إن المطنوخ والريال ماهم حريم:d: :good1:

غاده

02-06-2007, 19:37

الموضوع رايق

الله عليكي ياعجاااااااااااااااااااااااااااااااااااا ااااااااايب

توك تعرفي ان الحريم حسدهم وغيرتهم عظيمه :)

:
:
الأصيل يخرب عقل عدوك اما عليك ردود خياااااااااااااااااااااااااااااااااااال

ميته ضحك ع اخر سطر من ردك تخيل لو كانوا كذا

واحد يكتب بالمضيف الأسري ووالمطنوخ بقسم الخواطر واللون الوردي :)

تحياتي وتقديري لروعه حرفك التووووب عجايب !

عجايب بنت الشايب

02-06-2007, 19:47

ابو ثويب

أبرك ساعه

أجل ابشر والله بالي يكتب كل موضوع حريم حريم

لو هو عن الكوره باكتيب حريم

بس علشان

ماتصفط هنا :)

موهب طحياتي .......:(

عجايب بنت الشايب

02-06-2007, 20:04

غاده

ياويلي وليه الله علي :a: ؟

هلابتس يالغلا ......موضوعن بلاردك قهوةن بلا هيل :)

تعالي كل يوم

طحياتي .........’’

ابويوسف2007

04-06-2007, 14:41

ياحليل هالقصه
والله انه زينه بس تفظخن عيوني وانا اقرا السالفه
يعني هالحين مافييه لون تكتبين بوه الا لون هل عسكيرم هذا
اكتبي بالاسود بالبرتفاحي مافيه مشكله
(زعلت هلحين تكمخن )
يالربع تسانه توهلتن افزعولي (فرقوا على الاقل )
:7ayyoh: وحتنا بعد

عجايب بنت الشايب

05-06-2007, 03:22

8
8

ابو يوسف اذا كان استايلك اجا وسلمى فستشعر بالراحه مع لوني المميز

اللي كل الاعضاء يتمنون انهم ماخذينه قبلي

بعدين انا والبرتقالي لن نتفرق

حتى ينقطع بيع البرندا من الاسواق :)

دمت بود ولا هنت ولا تهت

طحياتي ........,,

بالمختصر..

07-06-2007, 08:11

ابو عارف

07-06-2007, 09:17

سلام عليكن ياحريم

مرسلتن عجوزي تعزمكن العصر.

وين محل لبنان الأخضر.... يتسذب كنه يبي معجنات.

عطنن أسماكن وأرقام جوالاتكن من أجل أخليها تكلمكن بنفسه.

لا لا أي أي أيييييييييي يمال العفينه منهي اللي حذفتن آاااااااااااااااااااااااه أييييييييييييييييي.

خلك تستأهل مثل ماقال شاعر المليون ويش وداك له.

ترنن أتسذب عليكن ماحنا من هذه الحارة أصلاً..... يتسذب مرة ثانيه خايف يعلمن عليه عجوزه.

ذهين هالشايب المراهق.

آاااااه أيييييي يالأخو ماتخبر مستوصف حولنا بهذا؟
لا ماحتاج مساعده شكراً لك.
ليش متهول من الدم؟ شكلك ماعمرك تهاوشت مع أحد.

أجل أنت متهاوش مع أحد ياعم؟

إييييه ونا عمك خمسة شفهم مسدحين برأس هالشارع وخمسة نقلوا للمستشفى لا وبعد أدور لي أحد أتهاوش معه آااااااااه أييييييييي أوووووووووووو أحححححححححح أفففففففففففف أسسسسسسسسس أممممممممممممم.

خرطي ياوالله الشايب المنسم.

المحترف

07-06-2007, 17:38

http://www.m5zn.com/uploads/6e0fac66de.jpg

صدى الشمال

07-06-2007, 18:18

:7ayyoh:

(( يــؤصــف عمــــرا شــــو حـــلــوه ))

’’’

يعني القصف اللي حنا نعرفوه؟؟؟؟

قصف اف 16 و اف 22

؟
؟
؟

المهرة

08-06-2007, 01:40

شو هاالحركات ياعجوبه الحبوبه :a:
ياشماتة ابله زازاه واخوانها :)

خلي الطابق مستور ياوليه :)

طيحاتي وصدماتي n)

تشااااو

عجايب بنت الشايب

08-06-2007, 20:35

.
.

هههههههههههههههههههههههههههههههه

الله لايبلانا .. أجل هذلي يسمونهن حريم !!

لاوالله ألا قطعة شــــر :)

:

:7ayyoh:

ذكرتيني بسالفه ابقوله لتس ؛

هكاليوم أمي مسيره على وحده من حريم الحاره

ويوم جت أحس عنده سالفه قوويه

ألا تقول :

ياربي دخيلك هالأجانب مايخافون الله ولايدانون أحد

شفتي (فلان) خوي اخوتس اللي يدرس معوه بـ.... = بالخارج

يقولن خطفوه لوه شله أجانب وغسلو مخوه :a: !!

لأنوه ذكي حيل وتخصصوه نادر :a: !!

والحين يبي يرجع للسعوديه يعالجونوه !!

‏( انا حسيت ان السالفه كله تسذب )

واتصل على اخوي واسألوه وهو يقعد يضحك :)

قال :

اصلا هو كسلان ودايم يغيب وماجاب معدل

وبعدين سقط وفصلوه الجامعه :)

ياهــــولي هــــولاااااه على قولتتس

هههههههههههههههههههههههههههههههه

.
.

هههههههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههه
هههههههههههههههههههههههههه
ههههههههههههههههههههه
ههههههههههههههه
هههههههههه
ههههههه

رهيييييييييييييييبه انتي وامتس وهالجاره

قويه ومررره بعد

أجل غسيل مخ

عاد امهاتنا الله بالخير اهم شيء يجي سالم

شيء ثاني بالطقاق

هههههههههههههههههههههههههههه

يابعد حيي يالمختصر

تعالي كل يوم

طحياتي ............’’

عجايب بنت الشايب

08-06-2007, 20:43

ابو عارف سلم على عجوزك :)

وقل ياهولتس هولاه

عندي احساس 4653%

انها من نوعية حريم الحاره

والسبب انت >>> حديتها على القشره

لاهنت ولا تهت .........

طحياتي ........,,

عجايب بنت الشايب

08-06-2007, 20:47

المحترف

7

7

http://www.arb-up.com/get-6-2007-jmd3kol1.jpg (http://www.arb-up.com)

عجايب بنت الشايب

08-06-2007, 20:53

صدى الشمال

مدري والله عاد

ماجربت القصف .. انت مجرب ؟ :)

الله حيوه

طحياتي .........’’

عجايب بنت الشايب

08-06-2007, 20:54

هلا والله بالمهره

نورتي الحته

تعالي كل شوي

لاهنتي ولا تهتي

طحياتي .......,,ولا تهون صدامتس ..:)

ابو عارف

08-06-2007, 22:20

ابو عارف سلم على عجوزك :)

وقل ياهولتس هولاه

عندي احساس 4653%

انها من نوعية حريم الحاره

والسبب انت >>> حديتها على القشره

لاهنت ولا تهت .........

طحياتي ........,,
------------------------------------------------------------
لا إحساسك خطاء 7878% عنها أما أنا صح 8787% ياهولي هولاه.

لاهنتي ولاتهتي يابنتي.

عجايب بنت الشايب

08-06-2007, 23:46

8
8

:)

المهم اني صح .. >>> غاويه شر ..

ابو عارف

09-06-2007, 08:10

8
8

:)

المهم اني صح .. >>> غاويه شر ..
-------------------------------------------------------------------------------.

قلنا لا مانتي صح شرية هالبنت تدور الشر على رؤوس الشجر بالبر.

أيوا صح.

لاهنتي ولاتهتي.

متركيةعند المشب

09-06-2007, 10:43

مرتن من المرات سيرن حريم الحاره كلهن على بكره أبيهن وناقته

على أم سالم

وام سالم ذي جارة جديده توها نازله بس ماهي اي جاااره

جارتن تهوول

والله شفاية ماهى لوجه الله

ذكرتين بحدى الصديقات كانت تقول إن أمه تعطيه راس السالفة همين تعيي تعلمه بالباقى تقوله انتي جيبيه يعنى مثلا تقوله بنت عمس أعرست والا تطلقت وشلون وكيف ومتى الــــــــــــــــخ هذى هى تجيبه عاد تقعد هى تطابز من خنتوق لخنتوق يما تجيب العلم من جذوره – عاد بهذي أنا أشهد له - يوم قالت سالفته لى قلت : وويلي ما استحيتي يوم انس تدربينه علي منا كبره يصار ما انتي مستحيه من الناس استحي من الله يها الهلوش

وتقعد تحولف وانا اصدق وأجي مدرعمتن للبيت أبى أطبق الوصفة يقالس أبتعلم وألقى أمي تسولف بالتلفون يوم خلصت قلت له منهو اللى تحكين عليه قالت : خالتس
قلت منهي اللى تقولين عنه .............. – ماني معلمتس وش تقول أبشوف انتي مرة تذبحس الشفاية و إلا لا –

قالت : خرشن يخرشس وش تبين بها السوالف هذى سوالف حريم - وويلي شكيت بعمري -

وأنا اتحطم ولا عدت لشفاية إلا يوم مضت السنين عاد تريه على خفيف ما تضر مار يزين طعمه يصارت عن غيرس اما يصارت عنس فتقل بالعتن لس صرار حمر على الريق

سالفتس حلوه مثل راعيته – لو اني ما شفتس – بس يا ملي وش ها العنوان اللى يخرع أنا قلت البنت به شين اما مذبوحه أو مخطوفه - أنصحس تغيرينه حفاظا على مشاعر الحريم

أبوطروق

10-06-2007, 10:58

عجايب سوالفتس دايم رايقه والله يعين هالجارة شكله تبي تهج من الحارة بالذات بعد ما درن الحريم ان ريحة زبالته قشرا.

تحيا تي

عجايب بنت الشايب

11-06-2007, 02:53

ابو عارف لايحوشك بس :)

وخر .. عني ... >> متنومسه يعني ؟ :(

لاهنت .....’’

عجايب بنت الشايب

11-06-2007, 02:56

متركيه

هلا والله

اما انتي وامتس شيءءءءءءءءءءء

ههههههههههههههههههههههههههههههه

الله يخليها لتس ياحيي

سوالف وعجاااااااااااايب هالنسوان >> وانتي وش هي ؟ :)

مير ماني ملومه يوم تسميت عجايب من عجب مااراه :)

لاهنيت على هالرد الرائع ونستينا الله يونسك بالرضا

طحياتي ........’’

عجايب بنت الشايب

11-06-2007, 02:57

أبو طرووق

لاهنت مرورك ذهب يالذيب

لاهنت ولاتهت .........’

طحياتي .......’’’

hammari

19-06-2007, 04:11

المفروض يا اصيل ماتدخل وثاني مره اذا احد منكم دخل يتنحنح او يرص الجرس

عجايب بنت الشايب

19-06-2007, 04:21

8
8

:a:

على خشمه ..’’