تكفوووووووون بسرعه

[شموخ]

السلام عليكم ورحمة الله وبركاته



تكفووووووووووون حفل تخرج وحده عزيزة وغاليه ( بنت خالي ) من الثانوي بعد بكره الأربعاء وطبعا اختكم بالله من النوع اللي كثيرة النسيان مع اني معزومة من فترة بس نسيت الموعد توني تذكرته :( والمطلوب أبي ثلاثه أبيات تكتب على هدية بنت خالي وزميلاتها ( جاتوه ) كتهنيئة لها ولزميلاتها تعرفون الواحد يستحي على دمه لصار معزوم مايجي يدينه فاضيه :) تكفون حاولوا الليله تكتب الابيات لأن المحل قال لي لازم اجيب الابيات بكره يادوب يسويها عشان تخلص الاربعاء ومانتأخر عن الموعد ...



تكفون ياشعراء شمر لاتخيبون أملي فيكم أبي ابيات :thumb: ويعلم الله إن حقوق الطبع محفوظه للشاعر اللي بيكتبها .....



تحياتي
شموخ

[ريال الفسحه]

تسم تدفعين :goooood: <----مادي هالولد بحت




شموخ


متى مافضيت الليله كتبت لتس بيتين <---اقول فاردز انت وهي تنحل:)



الله يرزقتس اللي عندي ماينواجهبوه بحفل تخرج :)


انا من الميت بيت وانت مسند :)





يرزقتس ربي:tongue:

[شموخ]

ريال الفسحه;
تسم تدفعين :goooood: <----مادي هالولد بحت


ريال :tongue: :tongue: :tongue: :tongue: مو انت ريال فسحه هههههههه



شموخ


متى مافضيت الليله كتبت لتس بيتين <---اقول فاردز انت وهي تنحل:)



الله يرزقتس اللي عندي ماينواجهبوه بحفل تخرج :)

يعنى ماعندك شي :( :(




انا من الميت بيت وانت مسند :)

:


والله مدري وش تقول :surprised




يرزقتس ربي


ايييييييييييه الله يرزقنا بشاعر يعسف القوافي قلت مالها الا اهلها شمر بس بننتظر لعل وعسى مايخيب الأمل :( :(



يالله عاد وين الشعار :148r: :148r:

[المشرف العام]

شموخ .. تبي فزعه :a:

والله عصرت قريحتي .. بس ماااش ماني شاعر قلطه :)

/

ان شاء الله الموجودين مايقصرون rooose3

[فواز الغسلان]

يقول الراوي ابن غسلان:





جينا نبارك باحتفال الغنادير=اللي لهن بداخل القلب مقدار

مبروك نرسلها على جانح الطير=ينقل تباريك الغلا وين ماطار

معها التهاني للبنات المعاطير=حفلة نجاحن خالطه ريح الازهار

قلبي وروحي في فرحكن مسايير=والله يديم افراحكن طول الاعمار



هذي على الطاير الان وبعد شوي راح انزل بعد ابيات لين تلقين اللي يعجبك


وتدللي0 واعتبري الابيات هذي عن ابوسلطان حنا نسد مسده00

[أم نــــــــــواف]

3 أبيات على جاتو احسّ انهن كثار


إلا إذا الجاتو قدّ السبّورة :)


عموما هذي 3 أبيات لعيونك انتي مو لعيون بنات خالك :) <<< ماتعرف تجامل :)


وإذا ماعجبوك أنتظري غيري من الشعراء الأفاضل




ياعذوبة صوت يارمز الهنا = ياطيور الود يارقاق الجناح

اعلني الفرحه ونسّينا العنا = غرّدي ياطيور مع نور الصباح

والله وإتحقق بهاليوم المنا = الف مبروك التخرج والنجاح


roooose

8
8

هالورده منّي للخرّيجات :)

[أم نــــــــــواف]

أعتذر اخوي فواز


ماشفت أبياتك إلا بعد مانشرت عونتي لشمّوخه


إقبل عذري وماهو تعدي والله

[ريال الفسحه]

اكشخي ياشموخ جاتس ماتبين:)


انا لو منتس احطه بدال القاتو ثلاثه عشان الابيات<---يبيه تورط:)



جاك يامهنى ماتمنى:goooood:

[أبوطروق]

الحين أبي أنام وبكرا يسير خير
حبيت أقول إني مهتم بموضوعك

تحيا تي لتس ولبنت خالتس


)))وتصبحون على كم خير(((

[محمد هنيدي]

أختي الفاضله شموخ

طبعاً ماقصرو الشاعر فواز الغسلان
الشاعره أم نواف

وبصفتي شاعر من شمرّ فلا أخيب ضنك فأسمحيلي بهذه الأبيات إهداء عسى تنال على الإعجااااااااب


طير الفرح غرّد وسقت التحيـّه=أحلى بيوت الشعر تنساقلي سوق
يابنت خالي جبت يمّك هديـّه=على نجاحك صغت الأبيات برفوق
عسى الفرح دربك وعشتي هنيّه=أعذب بيوت الشعر تاتي على الذوق
مبروك تهدى من جبال الحميـّه=إجا وسلمى باركت ساقها الشوق
عسى الفرح دايم على الغشمريه = أحلى التهاني تحتوي زين منطوق


أتمنى أن وفقت لصياغتها بالشكل اللئق
تحياتي لأبو سلطاااااااااااااااااااااااااااااااااااان

محمد هنيدي الشمري

[ابو خليف]

تكفووووووووووون حفل تخرج وحده عزيزة وغاليه ( بنت خالي ) من الثانوي بعد بكره الأربعاء وطبعا اختكم بالله من النوع اللي كثيرة النسيان مع اني معزومة من فترة بس نسيت الموعد توني تذكرته والمطلوب أبي ثلاثه أبيات تكتب على هدية بنت خالي وزميلاتها


الحين ما علي من القصيده ابي اعرف هالثانويه الي تختبر قبل الناس ويتخرجون قبل الناس

بدخل بناتنا بها الحين باقي على اختبارات شهر او اقل
والثانوي موحد موعده واختبارهم وشلون تخرجن هذولي الاربعاء

[عبدالله الجعيثن]

^
^
هذي الثانويه...للجاليات العربيه بالمملكه:)



مبروك مع مبروك مني ملايين=تصدح كناري الحب فيها بالاصوات

للغاليه سقت التباريك نوعين=باغلا ورود الود وبنظم الابيات

[محمد بن غنام الشمري]

حبيت ابارك من الفرحه لفرحتكم = الفين مبروك و معهم ألف تبريكه

بعد التعب جيت ازيــّـن جو ْ .. جمعتكم = و القلب جاكم يبارك دون تحريكه

و مدام جينا نهنيكم بحفلتكم = هذي مشاعر كتبناها على ( الكيكه )










ههههههههههههههههههه


و المعذره على القصور

[حمود الباتع]

هذي ابيات للتبريكات بمناسبة الافراح

كيبوردية



جيت ابارك جيت شارك جيت اهني=فرحتي من فرحتك دوم استمده
المشاعربالفرح يمك خذني=ذي يميني لك غلا يمناك مده
بالمنى واحلاالاماني والتمني=بالسعادة لك هدية لاترده

[فلاح السعد]

ماقصروا الشباب ليتني شاعر اكتب لك اهداء مثل ماقال ريال فسحه :)

عاشوا اهل الفزعات :)

[شموخ]

المشرف العام

شموخ .. تبي فزعه


ايه بالله تبي فزعه :)



والله عصرت قريحتي .. بس ماااش ماني شاعر قلطه


مانبي قلطه والا كان سرى الليل ماخلصنا :)



ان شاء الله الموجودين مايقصرون

والله ماقصرو ولا خيبو الظن فيهم :)


الرواي الكبير ابن غسلان :)

الغاليه والعزيزه ام نواف

الأخ المرح ريال فسحه :)

الأخ ابو طروق

الأخ الشاعر محمد هنيدي

الأخ العزيز ابو خليف :)

الأخ العزيز ابو غازي :)

الأخ الشاعر محمد الاسلمي

الأخ الشاعر حمود الباتع



الف شكر لكم من الأعماق ماقصرتوا والله ولاخيبتو الأمل فيكم قدها وقدود ياشمر :)



ردا على سؤال الأخ العزيز ابو خليف :)

مدارس البنات يسون الحفلات قبل الاختبارات والله ويسمونه حفل تخرج اسئل بناتكم اكيد عارفين هالشي :)






تحياتي للجميع
شموخ

[ابو عارف]

الكصيدة هذه ماهي كصيدة لامن ناحية الوزن ولا القافيه ، هذي سوالف بدو على بحر قزوين لكن بما إنها فزعه نجيزها.



الفين مبروك تـوزع على الثـنـتين = الف لبنـت الخـال والف لصديـقتـهـا
وحده تجي بالقلب والثانيه بالعين = وعلى إقبال الجامعه مع شهادتها
نطلب من المولى قولوا معي آميـن = يحقق أمـاني بنـت خـالي وزميلتها

[سعود بادي]

.
.
شموووخ

يعطينا ويعطيك الله


.
.
.

[فواز الغسلان]

الاخت العزيزه ام نواف لاداعي للاعتذار يالغاليه وكله خير والاخت طلبت


من الجميع اصلا ماهو مني لوحدي00 مشكوره لمشاركتك الاخت



شموخ وتقبلي تحياتي العطره ابن غسلان00

[الأصيل]

جنبووووووووووووووو


خلووووووووووووووها



وصل اللي يفك الذود :good1:


مع إني راعي معلقات من 33 بيت ونت طالع :a:


لكن


ال 3 بويتات ،، بسيطه









اكتبي على الكيكه :













يابنات العمر ولّى=وتالي العمر المشيب

الموت قرب علينا=عسى الله يعاملنا برحمتوه ( آمين )

واللي تعيش للسنه الجايه=لازم تشتري أغراض المدرسه من الحين قبل الزحمه وارتفاع الأسعار









مع اعتذاري إذا فيه تقصير ( لا ،، أبد يابوثوب ،، ماجيت بقصور ):good1:


وترا حقوق الطبع محفوظه:thumb:

























سلمو لي على الجعيثن:thumb:

[شموخ]

ابو عارف


الف شكر لك على هالمشاركة تسلم ماقصرت .

سعود بادي ابو شممووخ :)

امين تسلم على هالدعوة .


الأصيل ابو ثوب :)


الــــمـــــوت قـــــــــرب عــلــيــنـــا....... عــســى الله يعـامـلـنـا بـرحـمـتـوه ( آمــيـــن )


: :a: :a: :a


انت تبي تفجع البنات ياخوي ههههههههههههههههههه بيوم فرحتهم :)



http://www.m5zn.com/uploads/0315c7895f.jpg

[شموخ]

صورة الكيكه عن قرب :)

[ريال الفسحه]

8

خربت الكيبورد من السعابيل:)


ادخلي على الله يابنت الاجواد<---علموه بالكيك عام الثمنطعش


سنة الربيع:) <--عنده اقتناع ان الكيك ينبت مثل الفقع:goooood:

[المطنوخ]

سجلي عندتس هالبويتات واكتبي بالطرطه انه من طنخان:)

ياراتسبن من عندنا فوق ثنتين
...............ليه ماتحول وترتسب على ست
بنت خالة شموخ تخرجت من الثانويه
..............وتقول فشله اروح ويديني مابهن شين مير تكفون ياشمر نبي ثلاث بويتات
وماقصروا الزقرت وكتبوا قصايد
..............مير بالله وشرايكم بقصيدتي؟:)


اتمنى ان اكون وفقت !

[ريال الفسحه]

8

اويحي وين ابوسلطان عنك مايحطك محل ابو جعيثن:goooood:

[المطنوخ]

ولو ياريال

انت عارف اني مكاني مايسده الا 2

يعني كود يحطن بدال ابوجعيثن وبتول :)

[فواز الغسلان]

هلا والله الاصيل 00 المطنوخ000 ريالوه00



الله يونسكم بالعافيه عز الله هذا القصيد اللي يبهج الخاطر ويفتح النفس يابعد عمري



انتم وقصيدكم الجميل الحلو000



تحياتي العطره الراوي00

[شموخ]

الأخ الفاضل فلاح السعد :)


عذرا اخي الكريم سقط اسمه سهوا اثناءالردود السابقه أكرر اسفي اخي الفاضل


ولو يابو ضاري اذا انت تقول منت شاعر اجل من الشاعر :)



ريال فسحه

ادخلي على الله يابنت الاجواد<---علموه بالكيك عام الثمنطعش


زين عام الثمنطعش :) قريب من كم سنه :) انا من يوم عمري سنه علمى بها :tongue: :tongue: :tongue: حتى اللي اهديتها لبنت خالي والله ماذقتها :tongue: :tongue:




المطنوخ
ياراتسبن من عندنا فوق ثنتين
...............ليه ماتحول وترتسب على ست


هههههههه ترتسب على ست وش ذا بسم الله علي وعلى ارضي :) الف صح لسانك يالمطنوخ على الابيات الزينه كان داخل مسابقه شاعر المليون :)



الف شكر لجميع الاخوان على هالمساهمات وتلبية النداء :)