ابيات عبيد ابن رشيد في ابالظلعان

[فواز الغسلان]

اغار ابالظلعان من عنزه على

(المقنع) شمال شرق حايل بالنفود وخذى حدرة اهل حايل وهرب واحد منهم


وانذر عبيد الرشيد وصاده فقال عبيد ابن رشيد هذه الابيات النادره التي ابحث عن بقيتها ولم اجدها

الى الان فمن كان لديه معرفه لعله يفيدنا000



التمن اللي بأيسر الخل منثور=خلي لدسمين الشوارب وسادي

والشايب اللي عارضه ينتثر نور=ضحوك سن(ن) عند ذبح المعادي

نركب على قب(ن) رعت كل جاخور=ياطن حياض الموت عمدن عنادي

الصبح ذللنا بكم كل مشذور=ياحلو ضرب مصقلات الهنادي

حنا نبيكم يم عرعر وابا القور=والله جدعكم بالهوى والمرادي

صحنا عليكم صيحتن فجة النور=كله لعيني صيحتك بالميادي

جينا على ذروات مع شمخ الخور=نبي ركيبن لابن ظلعان عادي


اتمنى منكم قبولها والافاده ان كان لديكم بقيه لها وتقبلوا تحياتي00


(((الراوي)))

[خبايا الصخوور]

يعطيك العافيـ،ـ،ـه على النقـ،ـ،ـل
سلمت وسلم قلمــك.

ابيات جميله
\
/
\

تحـ،ـ،تي

[عبدالله الزويمل]

الله يعطيك العافيه يابو فهد لا عدمناك

[ghosty]

كفيت لاهفيت يابوفهد

اما هالقصيدة مامرت علي ابد

مثمنه مثل كل علومك ياسنايدي

لا خلا ولا عدم

[خالد الشمري]

ابو فهد الله يعطيك العافيه تسلم وبارك الله فيك .. وفيه مداخله بسيطه اذا سمحت لي يالغالي
:
اللي اعرفه ان الامير عبيد الرشيد غزى ومعه شمر واهل حائل على قبيله عنزه بمكان ينقال له (المقنع) شمال شرق حايل بالنفود وانتصر عليهم وخذاهم ونصره الله وبعد هالانتصار قال الامير عبيد الرشيد بعد انتصاره بوقعة ( المقنع )على عنزه هذه القصيده :


يامزنـة هلـت بجـذل وحجّـه=بالليل يوضي بارقه له شعاعـي
صارت على الويلان صّجه ولجّه=بسهلة مابـه مجيـب وداعـي
اولاد وايل غرّهم ويـن وجّـه=بخب (المقنّع) فرسنّـه السباعـي
بيض المقنّع ياخذ العصر صجّه=نصايبه هو والنسور الوقاعـي
ياحيف ياقاني سـواد الاحجّـه=عقب الرجال مشودحين الرباعي
كم خفرة ٍ صاحت ولو قيل لجّـه=على حليله ماحصل له وداعـي




والقصيده والله اعلم انه اطول من كذا لكن هذا اللي احفظه منه
والموضوع هذا نزلته ضمن سلسله مواضيع باسم قصائد خالده ورقمه واحد




---------------------------------
هذا اللي اعرفه ولا ينلام احد على عرفه ونبي التأكيد والتصحيح
منك يابو فهد شاكرين ومقدرين تواصلك واهتمامك

[ابن جشعم]

قصّة وأبيات للأمير عبيد ابن رشيد اول مرّة تمر علي وسمعة.

لاعدمنا جلبك ولا عدمناك يابو فهد


تحياتي

[فواز الغسلان]

اشكر الاخوه الكرام على حروفهم النبيله000


ولا يمنع ان تكون القصيدتين كلهن قيلن بهالوقعه000


والدليل ان ابيات عبيد اللي ذكرت ايضا بالمقنع قوله (حنا نبيكم يم عرعر وابا القور0 والحمد للي جابكم))


ويتضح منها ان مكان المعركه قريب0 علما ان ذكر العيش (التمن) معروف تاريخيا انها بالمقنع عندما احرق


ابا الظلعان بعيش الحمله حقت اهل حايل00


الراوي000

[المشرف العام]

لا عدمناك يابوفهد

ولاهنت والله

احترامي

اخوك
ابو سلطان

[فواز الغسلان]

اخي ابوسلطان لاهنت يالغالي وتسلم يمناك وحروفك النبيله00


الراوي000

[مهند التبيناوي]

يعطيك العافيه يابو فهد ولا هنت

[خالد الشمري]

ابو فهد حصلّتت القصيده اللي احضرته انت تقريبا 12 بيت بشريط عندي وسوف ان شاء الله انشرها كامله

ومداخلتي تعليقا على كلامك الرائع هو انه صحيح ماذكرته ان في المناسبه الواحده توجد اكثر من قصيدتين واذا تعرف باقي القصيده اللي احضرته اكون لك من الشاكرين .. يقول الامير عبيد الرشيد بكون المقنع :


يـامـزنـة هـلــت بـجــذل وحــجّــه=بالليل يوضـي بارقـه لـه شعاعـي
صارت على الويلان صّجه ولجّه=بسـهـلـة مـابــه مـجـيـب وداعــــي
اولاد وايــل غـرّهـم ويـــن وجّـــه=بخـب (المقنّـع) فرسنّـه السبـاعـي
بيض المقنّع ياخذ العصـر صجّـه=نصايبـه هـو والنـسـور الوقـاعـي
ياحـيـف ياقـانـي ســواد الاحـجّــه=عقب الرجال مشودحين الرباعـي
كم خفرة ٍ صاحـت ولـو قيـل لجّـه=علـى حليلـه ماحصـل لـه وداعــي

[فواز الغسلان]

الاخ خالد الشمري000


ابشر يالعزوه راح اروح للشايب اللي اخذت منه الابيات لعلي احصل بقيتها عنده انشالله00


تحياتي العطره الراوي00