التبيناوي بمقتل العواجيه

[فواز الغسلان]

بسم الله الرحمن الرحيم



قصيدة شاعرشمر مبيريك التبيناوي
بذبحة الشيوخ العواجيه




نوتن لياصاحت وزجت له أصوات = هيفاء تراه العام لجت قطينه

على شجاعن راح منا للأموات = منيع بن نوبان هم خابرينه

هذي قروضن بيننا ياالقرابات= ياحلو رداد الجزاء قبل حينه

خليت زينين المياحاء والإرات = ينام سعدونن على سهر عينه

عقابن غصيبن يوم الأفراس عجلات = وعزاه من طيرن نقر من وتينه

بالعون عقب عقاب هدمن للأبيات = لو صيحن خفراتهم عاذرينه

شله مفيزن شلة الذيب للشاة =وخلاه للي يستغله بدينه

وحجاب ياما قال بالبيت قم هات = عزيلكم يالابتن فاقدينه

فوات قبل مدورين الجمالات = ياليت عقال العرب حاضرينه

أيات خمسينن تعشيهم الشاة= من زوبع وضياغمن خالطينه

لميتين خيال وخيل مريحات =وجيش يعزل من وراهم كمينه

ردوا عليهم شمر عقب الإقفات = وغدوا بصياد الحباري بحينه

من زوبع وإلا السناعيس اللآفات= ذهيب ماعود على مرتجينه

ضياغمن ماسايلوا عنه لو مات=ولا صفحو عن واحدن طالبينه

بأيمانهم مثل المحوص المسدات =والريش من فوق الغلب مردفينه

طريحهم بالكون مابه مراجات= ياكلن حثات البراثن وتينه

من طاح خلف قطيهن بالهوى مات =وعشاك ياذيبن بالأبرق ســمينه

في رآي أبو بدرن زبون البليدات= يا طار عن جرد الســبايا يقينه

وبدر وكنعان خلاف الرديات = حبسن لتالي خيلنا ضــامنينه

ومزعل حوالي هايسن والقدورات = وأضنهم بمشوربن متهمـينـه

هذي سوايا هايسن باالمثارات = صاحوا جزاء ماصاحت أمن جنينه

والمرتعد شوق الطموح المخلات= خذاه من دوشق بشلفاء سنينه

برماح ياما سفرن يم الأموات = تروه بدف وريك يادايرينه

داوونحست القلب مابه مراوات = شوايعه وصلت لسوق المدينه

والبوق يابن هضيب يضهرعقوبات = عساه ترمي ناقـله قبل حينه

وحنا طلبتن عند رب السموات = عينه تراعي باذرن زارعينه

وصلوا على نبيكم عد مامات = أو عد ماتبني بيوتن قطينه


نوت=هي والدة عقاب

هيفاء=هي والدة الشويهري

خمسين=هي عدد السربه

وهذه برواية الشاعر والراوي حافظ تراث التبانا مبارك طناء مبيريك التبيناوي سلمه الله

[فواز الغسلان]

سعدون العواجي على لسان فريح ولد عقاب العواجي


لا وآهني من شاف فلحاء ثنيه =وقم الرباع معسكره باالمسامير

أبي عليها السربة الشمريه = أدور أبويه عند روس الخواوير

إن ماذبحت مفيز وإلا خويه = مشاري اللي كدر البال تكدير

نبي على هايس نقود السريه= أودوشق القاطع بعيد المسابير

هايس غزانا سايقته الحميه = قاد السباياء مثل أفام الخنازير

من نقرة الخابور وأرض الحويه = جونا لهذلول الشويهر مداوير

راحوا بأبوي عقاب زبن الونيه = ذيب السرب ياركزّن الطوابير

إن ماخذيت الثار والشمس حيه= يحرم على عشق البنات الغنادير

رد عليه مبيريك التبيناوي



يااللي تمنى شوف فلحاء ثنيه = تشاوحنه مبعدات المشاوير

يافريح قالو لي غياها رديه= قالولي امه من قصار التشابير

لاتجدعك فلحاء بحوض المنيه = ردية ماتنهضك بالمصادير

يجيك شوق الطفلة الغشمريه= تصير كالخرنق بوجه الصقاقير

قبل يكزونك تعــداء يديه = تجدع على نابي طوال الجثامير

أبوك ضرب بحربة شوشليه= شله مفيز شـلة الدلو باالبير

وعمك حجاب جاه عطب الهويه =شله مشاري يوم قفن مدابير

وحسن وقع بين السباياء ضحيه = من إبن سنيدان عريب المواكير

أبطال هدوا بالعزوم القويه =خيالة الصوت الـمتلي مغاوير

ومزعل غدى مابين شيخ السريه = مابين هايس والقدورات يادير

سوالفن ماهي عليكم خفيه = إلزم صدوق الهرج من دون تزوير


وهذه أيضا برواية مبارك طناء مبيريك التبيناوي رآوي التبانا المشهور00

[شموخ]

ألف شكر لك يابن غسلان على اهتمامك بتوضيح بعض الحقائق لكن اللي ودى توضحه أكثر عن قصة عدوان ابن طواله مع عقاب العواجي وسبق اني سألتك بهذا الموضوع لأنه شاغل بالي من اكثر من ثلاث سنوات :( :( ودي انك توضح الحقائق أكثر بكتابة موضوع مستقل عن هذا الشي حتى تتضح الحقيقه أكثر ...



على فكره نوت انت ذكرت انها والدة عقاب ولكن هناك بعض القصائد لعقاب التي تبين انها محبوبته ولا نعلم اين الصحيح هل القصائد محرفه اتمنى توضح لي ...


يقول عقاب



يانوت عنّا ظعونكم ليه شالت = ياحيف تم فراقنا ياحبيبي
زملك مع الحزم المشرف تكالت = وقفت أراعيهن وقلبي غضيبي




والقصيده اطول من كذا لكن لايحضرني الا هذه الابيات



ايضا قصة نومان الحسيني يوم غدى طيره اثناء محادثته لفتاة وسأله خادمه ( قنيببر ) عندما رجع عن الطير قال نومان




الطير مني ياقنيبر غدا فوت = يطرد حبارى خم تالي المظاهير
دليت انط النايفه وأزعج الصوت =إلياما ابعدوا عنّا العرب وانتحى الطير
ألهتني اللي كن عينه سنا موت = نجل عيونه والثنايا مغاتير
تقول وش قال العواجي على نوت = شبه الطيوح اللي تحظ المقاهير



فالبيت الأخير يوضح قصته ان الفتاة كانت تسأل نومان عن أشعار عقاب في محبوبته نوت وهذا دليل على اشتهار عشق عقاب العواجي لنوت ...




تحياتي لك
شموخ

[ريال الفسحه]

8


مانتي هينه والله ياشموخ



ابن غسلان لاهنت ياعزوتي
وننتظر رايك الفاصل بماقالته اختنا شموخ
اذا كان عندك علم يالغالي


لاهنتوا

[سعد الشمرى]

اللة لا يهينك يا بوفهد وقبل على دور جدى وجدك دليل صدق السالفة القصيد
والى متوارث عندنا يا اهل الشمال ان الى ذبح العواجية هايس القعيط
رحم اللة الاولين من شمر ومن كل قبائل العرب امين



سؤال يا بوفهد ولا عليك كلافة

هل صحيح ان ابن رشيد زعل على صنيتان التبيناوى وقص يمناة واخذ حلالة وزبن التبيناوى صنيتان امير الحويطات عودة ابو تاية
واذا كان الجواب نعم و لماذا وارجو اذا كان هنالك قصيدة ان تعلمنا بها
علما بانى سابقا طلبت منك قصة الفارس سليمان الخريشة وهو مريض
وشكرا
اخوك الرطاب

[ghosty]

كفيت لا هفيت يابو فهد

هالقصيدتين بالذات كانن غايباتن ولا كنت مجود منهن الا كم بيت ولا لقيتهن كاملات الا بمشاركتك

الجزلة هذي

لا خلا ولا عدم ياسنايدي

[مانع السرحاني]

الله يعطيك العافيه

ابوفهد


الله يعطيك العافيه على النقل


لاهنت

[فواز الغسلان]

هلا ومرحبا بالجميع ومشكورين على حروفكم الرائعه والجميله000


شموخ: ام عقاب نوت وزوجته نوت ايضا يالغاليه0 راح تتعجبين صح؟؟ هذا اللي صار000


الرطاب: صحيح فيه واحد من الغالين على ابن رشيد المهاد وهالرجال جدع كلمه غير مقبوله على حسن


التبيناوي الشاعر العملاق عم صنيتان0 فتصيده صنيتان لين مسكه وضربه ضربه قشرا اوصلته للموت وربما


قطع شي من جسمه ايضا من شدة الضرب فعاقبه ابن رشيد وقطع يده وسمي ابو يديه وفعلا راح الاردن


وبقى عند الحويطات ومات هناك 000 تحياتي للجميع00

[كبود الزمل]

قواك الله يابو فهد

فعلا مثل ما قال اخوي فواز ( نوت ) هي ام عقاب واسم وزوجته .

[شموخ]

شموخ: ام عقاب نوت وزوجته نوت ايضا يالغاليه0 راح تتعجبين صح؟؟ هذا اللي صار000



ايه والله متعجبه :) معلومة جديده علي ان ام عقاب اسمها نوت لأن اللي كنت اعرفه اسم زوجته لكن امه ماعمري حاولت ابحث عن اسمها :)

كل الشكر للأخ فواز وكبود الزمل على التوضيح ...

[(((نجم الجدي)))]

أخوي فواز انا دايم اعافرك
لكن خل بالك وسيع



قصيدة التبيناوي برده على ولد اعقاب


واخيراً
نوت زوجة اعقاب


اظن ان فيها ابيات زايده : مثل :
وحسن وقع بين السباياء ضحيه
من إبن سنيدان عريب المواكير
والثانيومزعل غدى مابين شيخ السريه
مابين هايس والقدورات يادير

والله ما ادري ابن سنيدان من اي فخذ على شان يقولون الناس هذا راعي هدف
لكن هالبيتين ماسمعته من الشيبان الموثوقين ان شاء الله كما احسبهم

والبيت التالي
وحنا طلبتن عند رب السموات

هالشطر ماقدرت اقراه احس ان غير موزن او خانك التعبير

[فواز الغسلان]

هلا يالغالي مليون00


ابن سنيدان هو دوشق ابن سنيدان من الجري اللي جدع المرتعد000


والبيت موزون بس انت ماقريته على اللي قال التبيناوي لان طلبه جمع طليب يالغالي والابيات مؤكدات


يالعزوه000 تحياتي (((الراوي)))

[الكنبيوتر]

الرواي فواز الغسلان مشكور على هالقصايد الجزله

[الحثربي]

الشكر موصول للجميع