ابيات الحكمه بشعر عتيبه

[فواز الغسلان]

اشعار عتيبه قويه ولذيذه وفيها الكثير من الابيات التي فيها حكم وحاولت اجمع بعضها:

• التحية والترحيب


سلطان بن مظفر الزايدي


وتلقى سراة من هلال بن عامر = يزيل الصدى والغل عني سلامها

بهم تضرب الامثال شرقاً ومغرباً = اذا قاتلو قوم سريع أنهزامها

عليهم ومنهو في حماهم تحــية =من الدهر ما غنى بقية حمامها

محمد بن فهيد الاسعدي


اول نباشرهم بزود تهلاتي =ومبهرات في يدين الاواليد

والشطه اقفت مثل فسخ العباتي = وساحة خواطرهم بكثر التناشيد

فهد بن حنس العصيمي


ونفرش الأزهار والزل الجديد = من أسافل نجد لطلعة كرى

والمشاعر وسط قلبي ما تحيد = عن محبة من نباه معطرا

فرز الحافي العتيبي :


ما رية الترحيب طلق الحجاج =وغير الكلام الزين ومفطح الضان


• الاستغناء والتشيم

بندر بن
سرور

ياعنك ماتشفيك ذباحة التيس = ربع السلق مادام حملك خفيفي
وأخير من هاك الوجيه المفاليس = البعد عن معروفهم لو تضيفي
يلحقك منهم بعض الايام تنجيس = ثوب النجس لو كان ثوبك نظيفي

بندر بن سرور


صادق رجالن يعرفون الصداقه = يقفون صفك يوم يبسات الأرياق
ومن يرغب فراقك فعجل فراقه = جاز الذي يجزيك أفراق بافراق

بديوي الوقداني


عفت المنازل وروحي يوم اجنبها = منها غنيمة وعنها البعد أولى لي
لا خير في ديرة ٍ يشقى العزيز ابها = يمشي مع الناس في همٍ وإذلالِ


• الكرم والجود

مخلد القثامي


اوصيك بالخطار في هاشل العشا = ليا نصـوبك لا تقصر وجيبـها
باشر لهم بالطيب والكيف والذرا = وقرب معاميلٍ على الله نصيبها

محمد بن فهيد الاسعدي


يازيد انا ودي تسوي سواتي = هذي سواة معرب الخال يازيد
يازيد لامروا هل الموجفاتي = اقحص لهم عجل بالاوماي يازيد
يازيد انا يابوك لذة حياتي = شوف النشامى لا لفونا تقل عيد

عبدالمعين بن عقل بن ثعلي


الا بحب اللي بناري مناحير = صفرن على جال المناره مقاعي
يازين شبت نارها للمسايير = لجالهم عندي عليها اجتماعي

ابو عبيه المقاطي


وترا الكرم من طيبات الصفاتي =والبخل لوم وشوم وخصلة عذاريب
وكم واحد مثلي وسوا سواتي =لامات من فقر ولا حل به عيـب

محيا بن رباح


الله خلقني واعتنى بي من الضيق = والفقر عن سلم العرب ما حداني
ما قط مني راح ضيفي على الريق = ولا شان وجهه يوم شان الزماني

هلال بن دخيل الله المغيري


وليا لفا مع هجعة الخلق خطار= دور لهم كبش كبير النوادي
اما معك والا مربيه تجار = اشره ولو قالو لك الخلق غادي
حذراك حطت للمشاكيل معذار = ورزقك يجي من عند رب العبادي

حويدر العضياني


يا ماذبح من حايل صفوها = في حزة القفره ليالي الوزامي

محمد بن فهيد الاسعدي


أذبح لهم كبش رعى بالخلا هيت = كثر لهم سمن على غالي الزاد
المرجلة ما تدركه وان تدانيت = اعنز على ربك يعينك بالانفاذ




• البخل والشح


بندر بن سرور


وخطوا البخيل اللي على السد يقصف = وان مد له مده لياهي حقيره
هو مادري ان الرزق للحي يصرف = يعطيه من يعطي العطايا الكبيره

عويد بن محسن الصعاق


البخل سمي بخل مابه جمايل = ظلام سدٍ يوقف اللي مشا له
والجود دربه سمح لاهل الجمايل = سمحٍ لمن جده وخاله عنا له

مناحي الهيضل


وترى البخيل ولو جمع له قطيعين = لو كثر ماله مثل نبت الهراسه
مخطئ من الدنيا ومخطئ من الدين = راضي على درب الردى والخساسه
يبخل على نفسه ولو هم غنيين = مثل الحبيني بوم رزقه لحاسه

• الشجاعة والحزم

الأمير الفارس تركي بن حميد


تصبح مداس الخيل من غبّ كوننا = تشبع حناديها وباقي نسورها
ماينفع الا الصدق والفعل والنقا = وباقي الحكايا بايهاتن أمورها
عاداتنا لطم المعادي على النقا = والا العميلة راتعة ما نذورها

مخلد القثامي


تغانم شبابك قبل يلعبك الجهل =تغانم زهرها قبل يابس ركيبها

ذياب بن غانم


ولي حربة سميتها سم ساعه = اعرضه بالكون ما كان كايد
حنا ابلينا بالخلا الفين فارس = وحنا ثلاثين ولا زاد زايد

العفار ضيف الله بن تركي


عاداتنا نرعا الخطر دايم الدوم = يرعى دبشنا فيه والحظ قايم
نرعى بربع كنهم دولة الروم = مركاضهم بالضيق يجلا اللوايم
لاصاح صياح الضحا جن حثلوم = الخيل بالفرسـان عجل همايم



محمد بن هندي


ضرب الموارت مابها نوماس = حذفة شرود من بعيد
على قضب عنانها والراس = والله يدبر مايريد
علي باللي تبعد المرواس = والعمر لزم انه يبيد





بخيت بن ماعز العطاوي


يا خيلنا وان شب للحرب ناره = فلا يلاوي راسها كل ديقان
راحن من حت التطاريف شارة = وعود بعد مركاضنا ذود نقزان

مشيلح بن رويبح الشيباني


نادى علينا شيخنا بالحمايل =قام ونخانا بالجدود الاوايل
يقول هوشوا هوشة اهل الصمايل = والروح بخطوط القلم في كتايبه


• عزة النفس


بديوي الوقداني



عز الفتى راس ماله من مكاسبها = يا مرتضي الهون لا عزٍ ولا مالِ
ذللت بالروح لين ارخصت جانبها =وانا عتيبي عريب الجد والخالِ
قومٍ تدوس الأفاعي مع عقاربها = ولها عزايم تهدّ الشامخ العالي

شليويح العطاوي


ياناشدن عني تراني شليويح = قلبي على قطع الخرايم عزومي
ان قلت الوزنة خذوها المشافيح = اخلي الوزنة لربعي واشومي

بندر بن سرور



قل له تعلمنا على الصبر عتبان = بدنا وبيدنا دروب الجزيرة
يقطعك يارجلٍ غدى ضبي رمان =داره محل الريف في كل ديره

عائض بن زيد المحاص المغيري


كثر الشمات يبدد الحال تبديد = يغضب ملايكتي ويفرح عدايه
ان عشت يشبعني حزامي من الصيد = ون مت ماعقبت للي ورايه

ناصر الشغار


وأنا احمد الله مارفيق ٍ شمتني = والعوج ماعقّبتها فالقبيله

تركي بن حميد


ليا قالو الحكام رزو بيارق = نسفنا على شيب الغوارب ثقالها
ولا عندنا في حلتن عند حاكم= على الطول حكامن طوالن حبالها


• الصبر والاقدام

تركي بن حميد


والحر لا دبتّ عليه النواميس = يشهر وعن دار المذلة يشومي
وإلى اكترب من بعض الاشيا نسانيس = إعزم ولا بدّ الفرج بالعزومي

بندر بن سرور


أبطش ديار القوم والرزق مضمون = تصيدك الأقدار وألا تصيدي
وأحذر تخاف ألا الذي كون الكون = رب السماء محيي العظام الهميدي

بديوي الوقداني


دوس المخاطر ولا تخشى عواقبها = الموت واحد وبعد العز يجلالي
إن المنايا إذا مدّت مخالبها = تدرك لو كنت في جو السما العالي
ما قرّت الأسد في عالي مراقبها = تسعى على الرزق ما حنت للاشبالِ

تركي بن صنهات بن حميد


ما همني دنيا ولا همني مال = الرزق ياتي مثل هاتف مطرها
شفي ومقصودي من الخيل مشوال = شقرا نواصيها كثير شعرها
شفي عليها كان هو زعزع المال = ومن الهنادي صارم في طهرها
وبالكف من غالي المطارق هوى البال = يروى بحزات اللقا من حمرها

خميس الاسعدي


واعانق القالات بعزم ليث = ولا زامل من شديدات الليالي
ترى القالات لو كادت تهون = للقالات عقد وانحلالي




ثواب بن طنف الجعيد


ان ميل الميزان من قوم يمنا = صبرنا لها لوكان كبرت لهودها
وان ميل الميزان منا على العدا = نروي من السم السقطري كبودها

ابن فرج المغيري


وياما صبرنا تحت شد الرحالي = وياما تصعبنا وزدنا بالأصعاب
نوب نجي ذوب على الكبد حالي = ونوب نجي مر على الكبد غياب


• الويل والتوعد

تركي بن حميد


لا خير في كثر الحكي والتماليس = هرجٍ بلا فعلٍ يجي به وهومي
من لايدوس الراي من قبل ماديس = عليه داسوه العيال القرومي

تركي بن حميد


اما نوافق غرّةٍ تتفق لنا = والا مقابيسٍ تقدح شرورها
يرجا لفزعتنا الى جا كميننا = بدهم الفرنج اللي وساعٍ قرورها

تركي بن حميد


كم فارسٍ من راس رمحي تفرشط = مدح راسه حط فالحزم جافور
عليه خفراتٍ بالاسلاب تشعط = خلّي عشا لمرهف الذيب وطيور

راشد العمرو الاسعدي


ياويلكم من مزنة فجة النور = سيلة عليكم ياالعمارات ضافي
ترعد وتبرق غيمة قيمةالدور = يصبح بردها فوق الاضلاع جافي
والله لوانك من وراالشط بالهور = ماتهتني بالنوم بالليل غافي




ذعار بن ربيعان


يا اللي تمنى سربة العتبان = ابشر بهم علم وكيد
خيل تنازى فوقها فرسان = وبيامينيهم صلد الحديد

مجدل بن بعير


مافيه حب خشوم دون المصاغير = ما دام لي يمنا عطيب سهمها
لحيان هل القشع مثل المناشير = بأرض طرا واللي خلقها رحمها




عسكر الغنامي


ياشرنا لاهل القلوب الشريرة = وياطيبنا للي يبي الطيب بالطيب
وياويل من هو في نحانا نحيرة = اليا ركبنا فوق شهبن شلاهيب







• المودة


شليويح العطاوي


ويفدى عشيري من عظامه تقله = البدو واللي يلبسون الخزاري
وبن رشيد الشمري فدوة له = مودع صماصيم القبايل وقاري
والحر يسمح لي ثمانين زله = واللاش ماني عن زراياه داري






• الكره والبغض

بندر بن سرور


ما أحب ترديد الغنامير مشحان = ما أدمح خطا اللي شاهده رأس ذيله
والا خطا الطيب زبادٍ وريحان = لو يدعي لي بالفنا وادعيله





حمود بن مقرب الاسعدي


ولا احب الجلوس مع النجوس = حبايل سوهم صادت كراعي
ملاقاتي لعودان البلنزا = ولدغ السم من سم الافاعي
اخير عندي من لاماي غلمة = عيا طبعهم يركب طباعي



• رد الجميل والحشمة

تركي بن حميد


وقم في قصير البيت حشمه ومقدار = لو جار فادمح له ولو به خساره
ترى النبي وصّى على الجار لو جار = خذ الحذر ياعبيد عقب النذاره

تركي بن حميد


إخشع تواضع لا تكبر تزرا = ماشفت ميلات الليالي مراديف
ورفيقك الغالي منه لا تبرّا = إدمح خطاه إلى تعبث عجاريف
يشرب معك صافي وكدرٍ ومرّا = ويارد معك حوض المنايا الى عيف
نوبٍ تذرّى به ونوب يتذرّا = عديل عمرك بالليالي الشفاشيف

محمد بن فهيد


الجار له حق علينا ثباتي = اودع عياله من حساب المواليد
العمر يفنى والتجاير شتاتي = والمجد يبقى والثنا للاجاويد
واللي ورانا من عيال وبناتي = يرزقهم اللي حدد العمر تحديد




• ال؟؟؟؟؟ واللؤم

بندر بن سرور


أبن اللئيم أمشارك ال*** بطبوع = عينه على حرمة قصيره دورها
مادارها خوف عليها من الجوع = خوف تفوته غرةٍ ماسبرها



بندر بن سرور


أحدٍ على ربعه يحب التحري = للشر بلاسٍ وخيره بجيبه
هذاك أنا يالربع منه متبري =لو عظني ناب الدهر ما انتخيبه

ثواب بن طنف الجعيد


ترى الثعالب ما تغير عيالها = لو كان تنقش بالزمرد جلودها
والحر الاشقر ما سكن فوق عرفجه = لو كان مالت بالثماري فنودها



• المدح والاطراء



فراج التويجر العضياني


حنا عتابه للحرايب ماشتحنا =ونضير الراكب ويركب له وليف
برقا لا يامن الحرايب ولعنا = منزحه عن نجد دقلات الحفيف

بديوي الوقداني


عتيبة جناح الصقر وثبيت اعضاه = ولايستوي طير بغير اجناح
رعو نجد بالسيف اليماني وبالتفق = ومعها من العود الطويل ارماح

بريك الاسعدي

وتلقى حلوس الحيل بمركاض خيلهم = على مجنب البطحا فلوذ وبدايد
لا روحن غب الثرا يبحثنه = وتشضف من صم الحصا كل كايد






تركي بن حميد


انتم كما ضلع في الارض عالي ومزموم = وحنا كما نجم يجي فوقه ويهله
وانتم كما حوت في البحر لاهوم = وحنا خلقنا الله للواهيم عله





• الذم والهجاء

بندر بن سرور


خطو الولد يامال قصف التماهيل = يشرح عيوب الناس ماشاف عيبه
يفرح ليا شاف المجالس هراميل = يكره ليا شاف المجالس أمنيبه
ماشوقنه طيبات التماثيل = مع شايبٍ قد بيَن الوقت شيبه

بندر بن سرور


والله ما همني قاضي العمر ترغيد = ابن اللئيم اللي حياته رغيده
اهني ال*** الحجل بالمراقيد = وضب الخلا لو كان يأكل رديده

بندر بن سرور


أحدٍ ينام وحط رأسه بكمه = وأحدٍ يخم النوم عينه وتخطيه
أحدٍ يحاول بالردا بنت عـمه = وأحدٍ يحاول ستر عذراء عوانيه
ماني وأنا بندر ببياع دمه = يقطعك يا بياع دمه ومهفيه



مناحي الهيضل


ياكيف يمدح راعي النيشان =حذفة شرود بمهوى
خطلان اليدين مالهم ميدان = الخبل والطيب سوا
ماعاد يوجد للعرب ميدان = ويلاه ياعصر مضـى




• الرثاء والندم والهم

صنيتان بن صنهات السعساع الشيباني:


الله من قلباً سراء الليل مابات = من شافني يقول حالك علامة
بعد صلاتي للعشى عشر ساعات = والعين ماذاقت لذايذ منامة
قالو علامك قلت لي غالياً مات = وانا بلاي الي طواني هيامة

بندر بن سرور


أمشي وقلبي يابساتٍ غصونه = ومني صناديق الضماير حطامي
ابلا مرض حالي تقول مهيومه = والكبد صامت عن لذيذ الطعامي

بندر بن سرور


ياونةٍ ونيتها في حجي الروح = ونة جزع ماهيب ونة مودة
يا جهاد ضاق بي الوطن وين أبا أروح = ولا عاد لي يا جهاد فالبقع لده





سعيده الثعليه


يا لجتي لجة خلوج المصاغير = اللي على بو ٍ تزايد حناها
ويا حنتي حنة خلوج ٍ على ضير = استلطفت حب النما في حشاها

نوره بنت ابراهيم النفيعي


اليوم انا عديت في راس مرقاب = في ماقع عسر على اللي يعديه
واهل دمع العين والراس قد شاب = والقلب يالاجواد كثرت طواريه
مظنون عيني ناحر دار الاجناب = رجلي ولا تحته ذلول توديه

مويضي بنت زعيفر العصيميه


انته تدور لك بكارٍ ذهيبي = وانا ذهيبي ضايع وين ابا القاه
اعوي توالي الليل كني صويبي =كني صويب يسهر الناس بعواه
عيني تخايل كل نجم يغيبي = الليل كله بس اهوجس بطرياه
قالوا تطيب وقلت والله ماطيبي = يافاطري جيب مولوع القلب فرياه

العفار ضيف الله بن تركي


ياونتي ونة كسير الجبارة = إلى وقف ما احتال وليا قعد ون
عليك يا شباب ضوّ المنارة = عليك ترفات الصبايا ينوحن
فندي بن عزارم المقاطي


الناس تدري به وتذكر عهوده = كل خبر فعله وذكره وطرياه
شيخ الشيوخ اللي عريب جدوده = نرجي عساه بجنة الخلد ملفاه

طراد المغيري


امسو بني عمي تهنوا بالأفراح = وانا من الحسات اخفي عذابي
الشيب يا غلاب في عارضي لاح = والصبر له من عند ربي ثوابي





• دعاء وتضرع

بندر بن سرور


يالله ياجال الامور المهمه = تجلا وهج قلب برا حال راعيه
البر دجته والبحر رحت يمه = اسعى ورى رزق عسى الله يهيه
يوم ان ولد اللاش رزقه على أمه = رزقي على اللي ميت القشع يحييه

تركي بن صنهات بن حميد


يالله يا عالم خفيات الاحوال = يا اللي ذنوب العبد لاشا غفرها
طالبك انا الجنه وحسنات الاعمال = تقدر تفرجها الى جا قدرها

شديد الحثري العصيمي


يارب توحي جابتي عند حاجتي = ياخالقٍ روح البن ادم حسيبها
ارجيك يوم انك براجيك تعتني = وعينٍ ترجاك الرجا ماتخيبها
تطرح لنا غيث صدوقٍ به الحيا = يسقي ديارٍ بالقسى نلتوي بها

محمد بن فهيد الأسعدي


يالله طلبتك تالي الليل رعاد = من مرزم بالليل نوحي هديده
يسقي من الشنبل ليا حد بغداد = والبصره الفيحا ويسق الجديده





• المجالس والاصحاب

تركي بن حميد


ياما حلا ياعبيد في وقت الاسفار = جذب الفراش وشبّ ضـوّ المنارة
مع دلة(ن) تجذا على واهج النار = ونجر إلى حرّك تزايد عباره


بندر بن سرور


أخاف لي من مجلس مايذري = في جانبه بوم حساسه صليبه
و سوالفن ما بين بحث و تحرّي = يجرح فؤادي عيةٍ وأبتلي به
والله خلق بالكون لي ثلث بري = يكفن ثلثين البحر ويش ليبه






بريك الاسعدي

كثر قذا عين الفتى من ذريفه = وكثر هذيان الرجل يبدي زهيفه
وكثر حساني الرجل يبلى بسيه = جزا لبذال الحساني سليفه

ذيخان بن وازع العضياني


اخوي كنه يحد ضلع زمي لي = كل العلوم الطيبة تلّقى فيه
ليته يجي بالبيع لو كان غالي = لو كان بياعه بالاثمان مغليه

[مانع السرحاني]

الله الله عليك يالرواي فواااز


مشكور على الموضع الجميل

والمجهود العظيم


لاهنت

[خبايا الصخوور]

ن..ـعجز عن الشكر
وتعـ.ج.ـز الكلمات بما تقـ..ـلت لنا من روعة مكتبواا شعرائنا
والحكمـ.. الجميــله المأخوذه من صولاتهم وجوالتهم
فــــــــــــ،،ــــــــي هذه الدنيــا واحوالها

عفــاك ربي لما امتعتنـ..ـــا بروعة مااحضرت
وسلمـ.. بوح قلمــ..


\
/
\
تح.يـــتي.

[شموخ]

اختيار موفق وابيات رائعه تشكر على نقلها لكن عندي طلب ابيات تركي بن حميد


انتم كما ضلع في الارض عالي ومزموم ...... وحنا كما نجم يجي فوقه ويهله
وانتم كما حوت في البحر لاهوم.........وحنا خلقنا الله للواهيم عله




ابي تكملتها واكيد لها قصه منهم اللي يخاطبهم بها الابيات لأن بصراحه اعجبني فخره بها الأبيات :)


تحياتي
شموخ

[ghosty]

كفيت لا هفيت ياسنايدي

نقل مميز واختيار موفق

ولا خلا ولا عدم

[فواز الغسلان]

لاوالله يااخت شموخ الان ماعندي غير قصايدهم بالجمل وهو جمل اراد بن حميد تهديد الاعداء بطريقه


غير مباشره واسمه سرساح00 ووعد اجيب طلبك خلال يومين انشالله00



قصيده (( سرساح)) وهي ثمانيه ابيات على بحر المسحوب ، وفيها يتحدث الامير تركي عن جمل خرافي يولد من لقاح نعامه وبعير واصفاً اياه بالكبر في الحجم ، والطيران ، وسرعه الحركه ، وهي على خلاف ما اعتبرها البعض من قصائد الشعر العبثي حيث اتت هذه القصيده في وصف قبيله عتيبه وتأكيد قوتها واتساع رقعه اراضيــها وهو ماجعل ابن هادي يرد متحديا على هذه القصيده
..
يقول تركي



ياراكبٍ اللي مــايــداني الصفـــــيري = هميــلعٍ من نقــوة الهــجن ســـرســاح
أمه نعــامه واضربــوها بعيـــــــري = جا مشبهانــي على خــف وجنـــــــاح
عليــه خــرجٍ من سلــوك الحريــري = وسفايـفــه مثــل الغرابيـــــن طفـــــاح
يسرح من الطايف ويمسـي البصيري =والسوق والبصــرة دهجــهن بمـرواح
مزهبك يارعيــه تــمر ومضيـــــري =واحذر تشب النار يجـــفل من الضــاح
والى ورد يشــرب ثمــانيــن بيـــري = غرافــهــن تسعيــــن ودليــهن مــــاح
رجليــــه بالحـره وصـدره يسيــري =ويشرب براسـه من على جمه رمـــاح
ياويش هو شيٍ طــويلٍ قصيـــــري = يسبـــق زعــاجيــل الهــوى يوم تنداح

تعتبر هذه القصيــده بمثابه تحذير شديـد اللهــجه للقبائل المجـــاور ، فرد عليــها ابن هـــادي بقصيــده

جميـــله جــداً يتسغرب من اين هذا الجمل ؟؟؟يقول ابن هادي




ياتركي بن حميـــــد هذا يصيري = ماتجلبونــه كان تبغــون الاربــــــاح؟؟
لاعـــــاد له خــف وجنـــاح يطيـــــري = انا اذكــر الله راكبــه كيـف ماطــــاح ؟
انا لقيـــت الكــذب في كل اميــــــــري = ويــاحلو كذب مــرويـه علـط الارمـاح
كيف النعـــامه نوخـــت للبعيــــــــري = اقـــول ذا كـــذبٍ على النــاس فضـاح

[فواز الغسلان]

--------------------------------------------------------------------------------

هذي قصيدة تركي بن حميد شيخ عتيبه مسندها على ابن قرمله لموضوع جرى بينهما جبته لك

ياشموووووخ وتستاهلين يالعزوه0000







يازبن كرب فـوق مايطـرد النـوم=حرايـر يازبـن مـثـل الاهـلـه
مرباعهـم مابيـن ظلـم والكمـوم=ومـن السفيـف يرمحـن الاظلـه
ملفاك شيخ بالقسـا يذبـح الكـوم=شيـخ وشيخـان القبايـل تـدلـه
تلقى محمد زبن من جـاه مضيـوم=زبن الذليـل اللـي مخيـف محلـه
شيخ على الشيخان له حق ورسوم=تخاف من غيضه وتمشي رضى له
وليا لفيت الشيـخ يازبـن ملـزوم=تعطيه مرسوم في وسطـه سجلـه
وان كان جيت النضو يازبن ماسوم=رد الخبـر والنضـو يازبـن خلـه
جانا من الشايب مكاتيـب وعلـوم=حي الكتاب اللي لفـا حشمـة لـه
الشايب اللي ينقـل الكبـر والـزوم=باغي لحكمي مير انا عاصـي لـه
الله يغشـك يـوم غشيتنـا اليـوم=تقـرا الكتـاب ولا تهـاب المظلـه
جزاك من عندي من الخيل حثلـوم=مثل البـرد مـن مزنـة مستهلـه
ان كان تذكر سابق لك مـن اليـوم=فـرس عتيبـي ورد شاهـد لــه
انا رمحـي بـاول الخيـل ملحـوم=والا انت رمحك عند سـاره تشلـه
اديت انا اربع قحص والخامس التوم=بقعود زبن اللـي بغـي ماحصلـه
والحرب شب وشبشبه كل شغمـوم=من شبته ملح الفرنجي عصـا لـه
اعرف ترى من طاح ماهوب مرحوم=اكود مـن رب المـلا شافـع لـه
شافي وجرمان غدوا بـاول القـوم=خلوا امطوعهـم وانـا شاهـد لـه
خلوا مطوعهم على غوجـة التـوم=وعزي لمن حط الردي مسنـد لـه
وانتم كما حوت على الشط لاهـوم=وحنـا اخلقنـا للواهـيـم عـلـه
وانتم كما ضلـع طويـل ومزمـوم=وحنـا خلقنـا الله انجـوم تهـلـه
وانتم كما طير البحر ذاك ابا الحـوم=وطير البحر مايذبحـه غيـر ظلـه






وهذا رد محمد بن هادي شيخ قحطان








حيّ الكتاب اللي من الـزاج مرشـوم=حيّه وحيّ اللي مشى حشمة(ن) لـه
ساعة قريته شفت ماعفـت مرسـوم=ردّ النقا تركي وهـو منحـي(ن) لـه
يا سابقي غاشن عتيبـه منـك لـوم=مثل الربيع اليـا غشـى نجـد كلـه
كدّي على العتبان خمسة عشر يـوم=قعدان والجمـال بيتـي هـل(ن) لـه
أطلب عسى نجد(ن) من الوسم ماسو=حتى تقـرّب حلّـة(ن) صـوب حلـة
وان كان رمحك بأول الخيـل ملحـوم=فانا برمحـي حامـي(ن) نجـد كلـه
من شافبا بالحلم فرقـز مـن النـوم=ون شافنـا بالعلـم بطنـه يحـلـه
عدونا لو جض فـلا هـوب مليـوم=واللي وراه يجضّ من جضة(ن) لـه
حربـك اليـا جانـا نقلنـاه بسهـوم=وتر حربنا لا جاك مـا حتلـت شلـه
وان كان تطري النجم فالنجم مفقـوم=والنجم يدوي والجبل راسـي(ن) لـه
مانشتحن للحرب والحـرب مفهـوم=ويا سعد من حن باللقا فزعة(ن) لـه
ماخلقت الدنيا ولا النـاس فـي يـوم=واللي تمنى حربنـا مضحّـي(ن) لـه
وان كان في نفسه فلاهـوب مليـوم=نعم الشـوارب وافـي الشبـر كلـه
مشبـه(ن) مابيـن عتبـان وبقـوم=والله علـم فـي دقّ سلكـه وجلـه

[ريال الفسحه]

موسوعة


والله موسوعة






لاهنتي يابعدي وجهد تشكر عليه لاهنت يالغالي....



تسلم يالعزوه

[شموخ]

يسرح من الطايف ويمسي البصيري ....... والسوق والبصرة دهجهن بمرواح



:) :) :) اثاريه سارح من الطائف :)

الف شكر لك يابن غسلان ..

[صدى الشمال]

مبدع



ماشاء الله عليك




اطربتنا يالغالي



لاعدمناك


تقبل تحيتي

[فواز الغسلان]

شموووووخوووووه تطلبين مني قصايد ابن حميد وابن هادي من فتره



ويوم جبتهن اشوفك مااهتميتي؟؟؟ ليش تخليني اتجشم العتبان الفجر



واجلبهن لك بهالبرووود حتى الفروه ماهي علي؟؟؟ لكن ماياخذ حقي


غير راع الوقيد خليه يجي بس والله لاعلمه عليك000

[سعد الشمرى]

اللة لايهينكم اجمعين وبيض اللة وجيهكم ورحم اللة اموات شمر وعتيبة
وانا واللة مايعجبن من قصيد اعتيبة الا شخص واحد ومايحضرنى اسمة الا انة يقول

المال يحيى الرجال لاحياة ابها


اللة لايهينكم ياربعنا
اخوكم الرطاب

[فواز الغسلان]

تسلم يالرطاب وهذا بديوي الوقداني الله يرحمه هو اللي يقول:


المال يحيي رجالن لاحياة ابها00 كالغيث يحيي هشيم الدمدم البالي


مشكورين جميعا (((الراوي)))