إغلاق مقلط العجز !! [الأرشيف]

الأصيل

21-04-2007, 13:29

السلام عليكم و ... عليكن ( تقل من دون نفس ):good1:

الفله تعني ... الفله

يعني باختصار ..

نبي نوسع صدورنا وننسى همومنا ونرمي الثقل اللي على كتوفنا بالفله

وكم يكدر صفو فلتنا الرحيبه بعض ( التتشات )

وشيء من الحزازيات بين ( سين وجيم )

أكرر ...

الفله مثل لبن المراعي وزبدة لورباك ورغيف خبز تنور :d:
.
.

.

وشعدنك يابوثوب ؟

عندي هالعجز اللي افتتحن مجلس أومجيلس ..

يبن يسون مثل مضيف ( سمو صاحب السعادة جلالة الأطنخ طيب الله ثراو ):hala1:

لا ... ولايبن زقرت يخشون معهن ( لا للاختلاط )

ونا قدمت على وظيفة ( سكرتي ) حارس على الباب بـ ( ألف وخمس )

قالن : لا

قلت : بألف وثلاث ،، قالن : لا :(

قلت : وجع يوجع أم أبو خالة عم بنتآخي نسيب هتلر وموسوليني:148r:

ونا لك أزعل

وهي تطلع هاللي حدر

( على القارئ الكريم أن يراعي النطق بنون النسوة المشدد لضبط الوزن )

الرجاء ... ربط الأحزمه:a:

( الحين شوفن شاعر يرد ياعجز خيبر ):thumb:

آخر زمن ... جا للعجايز دواوين=وشاهي وفنجال وقدوع وقهاوي
ماباقي ألا ينطحن المعادين !!=ويرْخن رقاب مكسرين العزاوي !!
ياهيه لا ، لاتقْظن الدَّين بالدين=ولا تتْبعنّ ابليس ، وابليس غاوي
والذيب ماخذ من طبوع الشياطين=ياكل من اقصى الشاة ياجاتس عاوي
ياتاركات بيوتكن والوراعين=تفكرنّ وحسبنّ الخطاوي
مجموعكن :خمسه ، وتصْفنْ على اثنين=وجلساتكن : حش وسباب ودعاوي
وحنا مع ( الأطنخ ) على العسر واللين=( عرب ) ( وعالي ) ( مختصر ) (والمخاوي)
مع باقي الشله ومن دون تعيين=من بيننا شاعر وناقد وراوي
سوالف ونشدة علوم القديمين=وقصة ( وحيشه ) أو قصيد ( العطاوي )
وسوالف(ن) فيها القنص والشياهين=والخرب لاحول عليه النداوي
وأحيان نقرا الترمذي والصحيحين=واحيان تفسير الكتاب السماوي
وفتوة ( ابن باز ) وكلام العثيمين=ياحي مجلس فيه علم وفتاوي
وساعات نبحث في قضية فلسطين=ياجرح ينزف مالقا له مداوي
وانتن ..على المكياج أو كحلة العين=ماتنفع الكشخه إذا العود ذاوي!!!!
ولاهمّكن ألا مديل الفساتين=والعرس منوه من كبار المناوي
خلن سوالفكن عن الموز والتين=ومتبل وحمص وطبخ ومشاوي
أقول .... بيعنّ ( المجيلس ) من الحين=وتقاسمنّ فلوسكن بالتساوي

***
( عرب ) عربسات
( عالي ) دايم العالي
( مختصر ) بالمختصر
( المخاوي ) ريال الفسحه :d:

المخاوي ..حبيب الكل ،، أحد أعمدة الفله ،، عجل الله رجوعه إلينا :thumb:

..

.

زقرتنا الأبطال .. السموحه للي ماذكرت اسموه

تخبرون ،، القاف يعسر

وتحيه خاصه للشاعر أبوعارف ،، اللي يفزع مع العجز ثم ،، انكبنّوه

خلك معنا ياملا الشحم وابشر بالشبب:good1:

يا بعض مشرفات الفله ،،:a:

كزيت مسج ،، وقال لي : صندوق العجوز ممتلي :a:

روحي لبوسلطان

واشحذي منوه توسيع البريد ياخالهn)

مع تحيات ،،، أبوثوب الحبّوب ( الحبّوب وليس الحبوب يامحششين ):good1:

عجايب بنت الشايب

21-04-2007, 13:44

هههههههههههههههههههههههههههههههههههههه

قبل لا انسى

البريد مايوه الا 6 رسايل كيف ممتلي ..

وانا من كثر ماني غاليه على المضائف محتكريني ولا يبون العالم تراسلني وتعرض علي منتدياتهم ..

ثمن أروح لهم وانغوي ... وأترككم .. ثمن تدجووون

يالله أكمل

هههههههههههههههههههههههههههههههه

وعلى فكره يابو ثوب

( مختصر ) بالمختصر

ترى المختصـــر .. عجوز ماهي شايب ...

يوم انك من العجله ومن الدجره أنعميت ماعاد تفرق بين العجوز والشايب

وبعدين كفار حنا .. ؟

يومن انتم .. تسولفون عن الفتاوى والدين

اجل حنا نسولف عن البوذيه والأصنام

ولا شايفني أنشد خوياتي عن التثليث

أقول بس أمسح قصيدتك ليجي علمن موهب ذا وانا اخت العيال ..

ترى بلغ السيل الزبــا .. و قدامي الملعبــا

لا تحدن على الشينه وانا اللي ماتعرضت لكم ..

ولا قلت سكروا مجلسكم

هاللي مخنــز المضائف من ريحة الصنان والتتن ... :a:

هذا اللي يقول .. دفوني و أنا احب الدف

أحد جاك .. وتعرض لك ..

ولا بغيت تقصد ولا لقيت الا حنا ...

أبو ثوب ...

عين خير ... وأقصر الشــر

ترى والله أني راحمتكم ... من يديني ولساني ...

ولا ترى أقل شيء يمكنني أن أسويه هنـــا

لاحظ أقل شيء ..

اني احول هالفله بكبرها وبفروعها ... الى مضيف فلاويات .. موهب بس موضوع

وأقعد هنا لحالي ...

ودكتاتوركم يدور له حته ثانيه ... بعيد من هنا

قال ايش قال

7
7

مـع باقـي الشـلـه ومــن دون تعيـيـن
............مــن بينـنـا شـاعـر ونـاقــد وراوي

ممكن تغير الشكر الثاني وتقول

........ من بيننا صايع وداشــر وغاوي ..

؟؟

ياله عاد .. وقتي من ذهب وابردت الدله >> رايحه للمقلط المثبت فوق

موهب طحياتي .....’’’

سحلياتي ........,,, طيب ؟

(عجايب تطلب كاس ماء وعلبة منديل)

الأصيل

21-04-2007, 13:55

وعلى فكره يابو ثوب

ترى المختصـــر .. عجوز ماهي شايب ...

بالله؟؟!!:a: :a: :a:

والله ماأعلم !!!!

يافضيحتي فضيحاه :d:

وبعدين كفار حنا .. ؟

يومن انتم .. تسولفون عن الفتاوى والدين

اجل حنا نسولف عن البوذيه والأصنام

أشرت أنا في ثنايا معلقتي عن مواضيعكن ،، أرجو قراءتها بتمعن:thumb:

أبو ثوب ...

ترى والله أني راحمتكم ... من يديني ولساني ...

سالمين من يدينتس ... صح ،،

أما لسانتس فـ ... ( نقط نقط نقط ):d:

(عجايب تطلب كاس ماء وعلبة منديل)

ماتبين : مالبورو أبيض:a:

لولا انشغالي ،، لأطلت الرد

يبدو أن القصيدة آتت ثمارها ( رووووح يالأسلوب ):thumb:

وبدأت عجب تفقد أعصابها مما صابها :d:

ياخاله

هاتس نصيحه من واحد كبر حفيدتس :

يقول ابن عمشا يوم يعزف على القيتار :good1: :

اليد اللي ماتقدر تكسرها ،،، حط عليها كتشب ومايونيز ،، وعظه عظظظ:148r:

ابو عارف

21-04-2007, 16:12

صح لسانك يالأصيل على هالكصيدة لاهنت.
الكصيدة جميلة من حيث الوزن والقافيه والصور الشعرية ، لكن إنها مجافية للحقيقه و المعنى.

أخي أصيل الثوب أو ثوب الأصيل.

ما هو عندك المثل اللي يقول (البادي أظلم).
يا أخي أنتم الذين طردتوهن أولاً ثم ما العيب أن يكون لهن مجلس خاص بهن أو على شأن طردنك مثلما عملن معي.

هذا من حقهن ولاشك في ذلك ونحن معشر الرجال أول مانفكر في وضع خارطة البيت أو الفلا المنزل لابد أن نضع مجلس للنساء خاص ، إذا مايزود ماينقص عن مجلس الرجال.

بعدين كيف أستطعت أن تعم الحريم في هذه العصماء المعلقة وأنت تخبر وراك الداعية الشاعرة / ريوف الشمري (يحرٌض). ، أرجوا إن أرادت ترد عليك أن لاتعم الرجال وإن تجعلها نصيحة لوجه الله.

شكراً لك والله يستر عليك من النمل لاياكلك.

بروووق

21-04-2007, 18:09

ايها الاصيل

الملقب بابو ثوب

ويحك يارجل ؟؟:tongue:

انريد اغلاق محطتنا ؟؟؟:148r:

كلاااااااااااااااااااااا

انتظر..سوف تأتيك قذائف من اقوى الانواع ...

انت بديت والبادي اظلم ..:148r:

بروووق

21-04-2007, 18:15

[size=5].

[quote]أخي أصيل الثوب أو ثوب الأصيل.

ما هو عندك المثل اللي يقول (البادي أظلم).
يا أخي أنتم الذين طردتوهن أولاً ثم ما العيب أن يكون لهن مجلس خاص بهن أو على شأن طردنك مثلما عملن معي.

هذا من حقهن ولاشك في ذلك ونحن معشر الرجال أول مانفكر في وضع خارطة البيت أو الفلا المنزل لابد أن نضع مجلس للنساء خاص ، إذا مايزود ماينقص عن مجلس الرجال.

عين العقل ياابو عارف رد يستاهل التصفيق

http://www3.0zz0.com/2007/04/21/15/90716080.gif

الا عجيزك وين هي ؟؟ :tongue:

.............................................

ابو عارف

21-04-2007, 19:54

[QUOTE=ابو عارف;490280][size=5].

.

عين العقل ياابو عارف رد يستاهل التصفيق

http://www3.0zz0.com/2007/04/21/15/90716080.gif

الا عجيزك وين هي ؟؟ :tongue:

.............................................
================================
شكراً على المرور والتصفيق نعم للعدل لا للظلم.

وشكراً لسؤالك عن عجيزي هي هذي ترغفن وتأكل 2 وتعطينا 1 ، الله مار يعافيك و يعافيها ويخليها لنا.

بنت شيوخ ماعليه خوف.

تحيه وسلام.

ريال الفسحه

21-04-2007, 20:48

( مختصر ) بالمختصر

ترا هالملويه عجوز

راجعن لك

بالمختصر..

21-04-2007, 20:56

:

n)

يــافشــــلي !!!!!!

:a::a: ماهذا يابن العرب ؟؟ :a::a:

:

ع العموم صح لسانك

:goooood:

:

:d: :d: والمثل يقول ( واثق الخطوة يمشي بالمختصر) :d: :d:

:

ريال الفسحه

21-04-2007, 21:33

السلام عليكم و ... عليكن ( تقل من دون نفس ):good1:

هلا بهالعلمه

الفله تعني ... الفله

احد قايلن لك انه العام

الفله مثل لبن المراعي وزبدة لورباك ورغيف خبز تنور

طيب :puzzled:

وشعدنك يابوثوب ؟

عندي هالعجز اللي افتتحن مجلس أومجيلس ..

يبن يسون مثل مضيف ( سمو صاحب السعادة جلالة الأطنخ طيب الله ثراو ):hala1:

لا يبطن :good1:

لا ... ولايبن زقرت يخشون معهن ( لا للاختلاط )

ونا قدمت على وظيفة ( سكرتي ) حارس على الباب بـ ( ألف وخمس )

قالن : لا

قلت : بألف وثلاث ،، قالن : لا

قلت : وجع يوجع أم أبو خالة عم بنتآخي نسيب هتلر وموسوليني:148r:

ونا لك أزعل
لا تعوذ لاتزعل ترا يبون يطلبونك ويجيك ابوسلطان يطلبك ترضى:)<--على الجرح:)
وهي تطلع اللي حدر

<=ريال يراعي حد الكرسي:)

( على القارئ الكريم أن يراعي النطق بنون النسوة المشدد لضبط الوزن )

روووووووووووووووح:)

الرجاء ... ربط الأحزمه

( الحين شوفن شاعر يرد ياعجز خيبر ):thumb:

آخر زمن ... جا للعجايز دواوين=وشاهي وفنجال وقدوع وقهاوي
ماباقي ألا ينطحن المعادين !!=ويرْخن رقاب مكسرين العزاوي !!
ياهيه لا ، لاتقْظن الدَّين بالدين=ولا تتْبعنّ ابليس ، وابليس غاوي
والذيب ماخذ من طبوع الشياطين=ياكل من اقصى الشاة ياجاتس عاوي
ياتاركات بيوتكن والوراعين=تفكرنّ وحسبنّ الخطاوي
مجموعكن :خمسه ، وتصْفنْ على اثنين=وجلساتكن : حش وسباب ودعاوي
وحنا مع ( الأطنخ ) على العسر واللين=( عرب ) ( وعالي ) ( مختصر ) (والمخاوي)
مع باقي الشله ومن دون تعيين=من بيننا شاعر وناقد وراوي
سوالف ونشدة علوم القديمين=وقصة ( وحيشه ) أو قصيد ( العطاوي )
وسوالف(ن) فيها القنص والشياهين=والخرب لاحول عليه النداوي
وأحيان نقرا الترمذي والصحيحين=واحيان تفسير الكتاب السماوي
وفتوة ( ابن باز ) وكلام العثيمين=ياحي مجلس فيه علم وفتاوي
وساعات نبحث في قضية فلسطين=ياجرح ينزف مالقا له مداوي
وانتن ..على المكياج أو كحلة العين=ماتنفع الكشخه إذا العود ذاوي!!!!
ولاهمّكن ألا مديل الفساتين=والعرس منوه من كبار المناوي
خلن سوالفكن عن الموز والتين=ومتبل وحمص وطبخ ومشاوي
أقول .... بيعنّ ( المجيلس ) من الحين=وتقاسمنّ فلوسكن بالتساوي

يااه وش هالروعه
صح لساااانك ملاييييييييييين

سلم نبضك الراقي

واحساسك باخوانك المغبونين من هالعجز:goooood:

***
( عرب ) عربسات
( عالي ) دايم العالي
( مختصر ) بالمختصر
( المخاوي ) ريال الفسحه

صدز

..

.

يا بعض مشرفات الفله

كزيت مسج ،، وقال لي : صندوق العجوز ممتلي

روحي لبوسلطان

واشحذي منوه توسيع البريد ياخالهn)
هههههههههههههههههههههههههههههههههههههههه هههههههههههههه
لا يقولون الحريم حاطين لهن الصندوق خمس رسايل بس ويخب

بالذات مشرفات الفله

الاصيل مبروك التوسعه الى 400رساله

مع تحيات ،،، أبوثوب الحبّوب ( الحبّوب وليس الحبوب يامحششين ):good1:

ههههههههههههههههههههههه

اطال الله بقائك وتسلم يالعزوه وافي وشهادتي بك مجروحه وتنزف الحق وده للاسعاف:)

ومبروك

وشو مبروكوه

ايه صح

صح الله لسانك ملااااايين

ولتولي العجز الى كوالالمبور:)

المطنوخ

21-04-2007, 21:35

صـــح لســــــــانك وعـــلا شانـــــــــــك وتنال الكثير من الجنيهات الذهبية على عطائــــــــــك:)

نعم نعم نعم يا ابا ثوب

اليوم مجلسا وغدا يتجمهرن هنا يطالبن بالقياده وبعده لم يبقى الا ان يتصارعن معنا هكذا

http://www.m5zn.com/uploads/de7478e2d0.jpg

:)

وازيدك من الشعر بيت

قيل لي ان اصغر عضوة معهن هذه صورتها استطعنا الحصول عليها بالحيله :)

http://www.m5zn.com/uploads/add46e9727.jpg

انت ملاحظ اللون الازرق اللي يزهى بها هههههههههههههههه

وعنادهن لنا كالعناد الذي يتجلى بالصورة

http://www.m5zn.com/uploads/ad7186ab5e.jpg

ولكني اكتفي بكلماتك الجليله هنا

مـع باقـي الشـلـه ومــن دون تعيـيـن
مــن بينـنـا شـاعـر ونـاقــد وراوي
سـوالـف ونـشـدة عـلـوم القديمـيـن
وقصة ( وحيشه ) أو قصيـد ( العطـاوي )
وسوالـف(ن) فيهـا القنـص والشياهـيـن
والـخـرب لاحــول علـيـه الـنــداوي
وأحيـان نقـرا التـرمـذي والصحيحـيـن
واحـيـان تفسـيـر الكـتـاب السـمـاوي
وفتـوة ( ابـن بـاز ) وكـلام العثيمـيـن
ياحـي مجـلـس فـيـه عـلـم وفـتـاوي
وساعـات نبحـث فـي قضيـة فلسطـيـن
ياجـرح يـنـزف مالـقـا لــه مــداوي
وانتـن ..علـى المكيـاج أو كحلـة العيـن
ماتنـفـع الكشـخـه إذا الـعـود ذاوي!!!!
ولاهـمّـكـن ألا مـديــل الفـسـاتـيـن
والعـرس منـوه مـن كـبـار المـنـاوي
خلـن سوالفكـن عـن الـمـوز والتـيـن
ومتـبـل وحـمـص وطـبـخ ومـشـاوي
أقول .... بيعنّ ( المجيلـس ) مـن الحيـن
وتقـاسـمـنّ فلـوسـكـن بالـتـسـاوي

الله عليييييييك يابوثووووووووووووب

//

همسه لبوعارف

ان جتكم ريوف الشمري هالمره صدقني تبي توقف بصف ابوثوب لاها تنصف الحق وتعرف ان المرأة لايجب ان يكون لها دواوين و سوالف فلانه وش سوت وعرس فلان يجيب المرض:)

يابوعارف

تراك تواجه طوفان ماهو بس موج

مير البس طفاحات:)

ريال الفسحه

22-04-2007, 01:48

كل المواضيع تفرق لاقيل قلط=الدلال مبهره وسوالف رجاجيل
ماهو مجلس عجز ويقال مقلط=عوعن على ماجلس ماحافه اصيل

اقول شف هالصورة اثبات ان الصندوق توسع غديك تطرب وتقول قصيده<==جازن لي قصايد:)

خص حقت االنسحاب من الفله <==قديييم:)

خذ

http://www.9m.com/upload/22-04-2007/0.93901177195521.jpg

هاه:)

عربسات

22-04-2007, 03:28

يا عجايب ..مثل ( راعي الثوب ) ما مثله وليده = دايم بوجه المدافع ..مايهاب اللي نهابوه

يا زمان العجايب,,,

وش بعد ما ظهر ؟؟!!

وحنا مع ( الأطنخ ) علـى العسـر والليـن=( عرب ) ( وعالي ) ( مختصر ) (والمخاوي)

صار لزوم اني اشارك<< اسمي طلع:d:

حنا عصاك اللي تهبد المعادين = اضرب بنا من هو على الشّر ناوي
ارفع لنا البيرق وانصى هل الصين = وياك وياك..لو هو البطن طاوي

جويع <<<يمكن اصل معك لكازاخستان وارجع:d: :d:

صلفيق ابو قناة

22-04-2007, 10:07

لا والله الا دلّكم غاديٍ شَين=كثرت عزاويكم وضاعت هقاوي
من طاح لا مرحوم لا ذارفه عين=ومن هاش قالوا له هل العرف غاوي
يعني على ما قيل أحلى الأمرين=الراية البيضا وهجن اللحاوي*

يمدحونهن للي يبي الهجة:)

نسمع ونسلم:goooood:

عجايب بنت الشايب

22-04-2007, 12:57

يارس راسي ليتني مانيب مسحوره
...............ليت الشيبان ماعطوني .. تـــتــنهــم :a:

ابو ثوب .. وكل من ساند ابو ثوب .. وأرتز هناك .. في مجلس الشر

اليكم هالأهداء المتواضع ..

قل لأبــو ثــوب يفتش مجلسه قلـــــه

.............. يلقابها شـــيء مايطري علــــى بالـــه

الهم والغم والطاعــــــــــون والعلــــه

.............. حقـــــــــه لحاله كفايــــــه حقه لحالـــه

ياناس ياويل مــــــــن طنخان زعيماً لـــه

.............. الشعب فــي وضع يؤسف له ويرثالـــه

ياثوب أنا بأنشدك ويش إنت عايشٍ له

.............. مثلك عن مجلسه يموت أشوى له

وصح لسان المسروقه قصيدته :)

طحياتي .........’’

أبوطروق

22-04-2007, 17:02

الأخ أبوثوب
والله انك بردت تسبدي بهالعجز اللي شايفاتن نفسهن مادري وش عليه.
مشوين كانن ناسيات باب مقلطهن مفتوح وانا أويدز عليهن يمار متماسكاتن الشوش ولهن لجة ومعزبتهن عجايب ماسكتن شواربه وتفتلهن تقل شوفير بساحة المرجة.
وتدري وش سبب هوشتهن؟
قمرهم أمس جايبتن ترمس قهوة يوم جت اليوم ما لقته!
الظاهر ان أم شنب لاطته لأن ترامسه أصنقن من قدمهن.

والله هذولي مهن كفو مقلط هذولي المفروض تحط برقبة كل وحده ربدز وتربطهن بالحوش وتجيب معلف وتملاه حب وتخليهن يفسفسن،ولا تخلي أبوعارف يجلبهن للسوق ويحرج عليهن ونرتاح.

ولا هذي اللي تقول )سالخير( ودك تتسوي لسانه بزقارة وتقوله: يالله قولي مسا الخير عشر مرات وبيدك شوحط مودنه اسبوع بماء وملح وكل ما قالت سالخير تمحطه يما يتعدل لسانه.

خذانا الحتسي ونسيت المطنوخ شابن لنا أبي يمه.
أجيكم بعد الشبة ونبي نشوف تالية راعية المكنسة غرايب!!!!!

المخاوي

22-04-2007, 17:51

صح لسانوووه وسلم بنانووه

والله يخليلوه عيالووووه :7ayyoh:

وش هالقذايف العنقوديه اللي هلن ولا سمن :)

عسى بس المقلط سلموا أهلوه :)

أشوف العجيز قامت تهذري من أول قصفه :)

أبو ثوب أبي أمر المقلط المقصوف

غدينن أجيب لك من الغنايم مالذ وطاب :d:

خابرن مجلس الربعات مايخلى من الفصفص والحلى :hala1:

الرجاء عدم التدخل بالايدي والقني :7ayyoh:

ولي عوده باذن الله ,,,,,

عجايب بنت الشايب

22-04-2007, 18:06

ابو طروووق

عوافي

عوااااااافي

عاوز مايه بارد ولا سخنه

تبل ريقك

شوي شوي

لا تموت والسبه مقيليط

ترى جد ذبحتك الشفايه

بعدين منهو اللي يجلب ؟ :(

ووش عرفك الجلب .. مجرب ؟

طيب اي يوم . عندكم الأربعاء ولا الخميس > خبره

يالله

موهب طحياتي .......’’

عربسات

22-04-2007, 18:56

ابو ثوب

أثبت

إن طحت النوبه هذي

طحنا معك:d:

تقل صوت بارجه تبي تاصل<<<اشوفهم يفزعون القوى العظمى:148r:

الأصيل

22-04-2007, 22:16

متااابع هالطحن :hala1:

لعنبو بليسك يابوثوب

تسيف عقدة شوش خلق الله :d:

قريت ردودكم كلكم حرفاً حرفننن

ولاني راد الحين

مبسوووووط على الآخر :hala1: :thumb:

استمرووووو برفع ضغط بعض الناس والناسات:good1:

ابو عارف

22-04-2007, 22:51

[

ياريال يالمطنوخ وإنت ياعرب سات = وثوب الأصيل اللي يحاسب عجايب
ياهل السوالف والقصص المطمات = نـصيـحـة مهـداه من رأس شــايـب
أن تتركون الحرب حرب العصابات = لحزب الله الشيـعي وحـزب الكتـايب
أنتم هل الطولات ستر العفيفات = كفوا عن حـرب البيض شقر الـذوايب
بناتنا خواتنا ملح المضايف رزينات = وثـوب الأصيل أخطـاء بسـب الحبـايب
ونصيحتي أن يعتذر لهن بالذات = عن ذمهـن من دون ذنـب وسبـايــب
وطنخان لاتقبل من العوج الأبيات = يــامشـرف الفلـه وشـاري الطلايـب
تبحث عن الصوره بكل المحطات = وتجيــبها وتقــول هــذي عجـــايــب
هذي كبيره يازعيم المليشيات = ادخل على الله لاتجـيك المصـــايــب
نطلب هل الفله بترك العزيزات = بضيــافة بنت الشـيــخ وتـرك الحـرايب
=====================================
نذكر الإخوان المسمين إننا نقول هذا الكلام من باب المناصحة والملاطفه وتذكيرهم أن هذا الموضوع بالذات شديد الحساسية و يجب أن نكون نحن أحرص الناس على أن لا يكون هذا الشيء بيننا وبين خواتنا على هذا النحو البته.

لإن هذا المنتدى شبه عام لجميع الأعضاء والزوار فلنتجنب التخاصم والتلاسن بيننا البين وكذلك مع الآخرين إلا للضرورة القصوى.

مع العلم أن كل هذا الكلام في سبيل المزاح والمداعبه ، لكن في نظري إنه لايجوز أن يصل إلى تبادل القصائد الهجائيه ونحوها.

وبالنسبة لي فلكم اللحم والعظم عروشوه والله أطلب أن يسامحني وإياكم سلفاً.

هذا وتقبلوا تحياتي وتقديري
ابو عارف

والسلام عليكم ورحمة الله وبركاته.

عربسات

23-04-2007, 00:02

^
^^
^^^

يا بوعارف انت معنا والاّ معهم يابوعارف=العجايز مالهم غير العصا..أو نفس قشرا
حدد الوجهه..ترى ما خاب (ابوثوب )..أنت عارف= دايم افكاره سديدة..والنتايج دوم غبرا

الأصيل

23-04-2007, 00:28

قربت الطبخه تنضج:good1:

لن أرد على أحد للحين

والله العظيم ،، كلكم غالين ووجودكم هنا شرف لي

لكن

راح أرد بعدما أمخمخ شوي :thumb:

( رد سريع )

عربسات ،،

عندك أبوعارف ،،،

أبي قصيده تشلعوه شلللللع :148r:

الضوء الأخضر معك:a: :good1:

عربسات

23-04-2007, 00:31

لالالالا

غير هالحكي

أنت قدامي وحنا وراك

أبوطروق

23-04-2007, 14:29

ابو عارف

23-04-2007, 14:53

الأصيل
للحين ما مخمخت؟
أخلص علينا مخمخ ونبي موضوع يرج العجز رج.
ياحول ياعجايب تحارب لحاله مامعه أحد. بس ماعليك حاشرينه حشرة بس.

أبوعارف العذر والسموحة ترا كله مزح وتهريج واللي بالقلب يشهد الله انه ود ومعزة لجميع الاعضاء بدون إستثناء...

عن إذنكم أبي يم شبة الأطنخ
==============================================
هلا ابو طروق حياك الله.
بس أنت الله يهديك شبيته بالشيح وقبلته الريح.

ماحد شايف قلبك ، لكن يقولون اللي بالقلب يظهر على اللسان.

أتركوا عجايب بنت الشايب تمشي على دله عسى القوم ماتجتله.

راعي الوقيد

23-04-2007, 15:10

الأصيــــــــــــــــــل !!

صح لسانـــــــــــــــــــــك

ايها الرااااااااااائـــــــــــــــــــــــــ ــعhttp://www.allshmr.com/vb/uploaded/am1.gif

احسنت ؛ لاهنـــــــت

مشاركة يشار لها بالبناااااااان

يســـــــــــــلموووووووووووhttp://www.allshmr.com/vb/uploaded/kshrah.gif

والسلااااااااااام ...

عجايب بنت الشايب

23-04-2007, 15:15

8
8

شوي شوي لا يطيح طقم الضرووس

عوافي

ابو عارف ....

لا تعليق .. غير قولت ..

ليت ابو ثوب يبدل بابو عارف
..... أن كان في تبديل الأعضـاء حيله

نصرك الله ... ياأبا عارف ..

أبوطروق

23-04-2007, 16:05

أبوعارف المحترم

أي شيح وأي ريح

تعال مشب طنخان وشف وقدة الغضا وصفة المعاميل
شوف وجيه الرضا واحلى التعاليل

وخل عنك الدفاع عن أم شنب)عجايب( تر ماله خاتمة،هذه تمنى لو تبدلك بابوثوب.

تقول عجايب في البيت المشهور:

ليت أبوعارف يبدل بأبوثوب~
إن كان في تبديل الأعضاء حيله~

وهذي طبعا أمنية عجايب اللي ماراح تتحقق أبد.

‏"وش رايك يالأصيل"
أخلص مخمخ

ريال الفسحه

23-04-2007, 16:47

فليكن شعارنا

][ فلتحيا الفلــــة بلا عجـــز ][

وبقيادة زعيم المظاهره

][( الاصيل ابوثوب )][

حملة ابوثوب :goooood:

عجايب بنت الشايب

23-04-2007, 16:49

8
8

ترى التسذوووب المحوووق الحقوووود ابو ركب السووود

ربي يدخله على قلته النــــــــــار تفهم ..:a;

أبوطروق

23-04-2007, 18:08

يالربع هالعجيز وش تقول؟!

الظاهر خرفت وطقت فيوزاته وصارت تخثردز ماتدري وش تقول
‏

)طبت الفيظة(

ابو عارف

23-04-2007, 21:31

( بيان هام من المحكمة الدستورية لمضيف فلة الحجاج العليا )

ياشباب الفلة الأعزاء لاتشتتون أفكار متابعيكم ومحبيكم هنا وهناك ، خلونا في مضيفنا بضيافة الزعيم العظيم الشاب الوسيم الذي يحارب الحريم الأخ الكريم المطنوخ وبس ، لاتأخذوننا في معارك جانبية خاسرة و لاداعي لها مثل ملف إغلاق مقلط العجز كما سميتموه ظلماً وبهتاناً.

هذا الموضوع ليسى لأحد مصلحة من إغلاقه ولافائده في إستمرار المطالبة في ذلك. ، بل أصبح هذا الملف وهذا المطلب يشكل عبء على مقلط المطانيخ المجاويخ فتخان الأيدي وقد وحول الأنظار عنه وفت عضد هذا المجلس العامر والنار المشبوبه والسوالف الطريفه ذات العيار الثقيل والخفيفه.

وعلى ضؤ ماتقدم فقد حكمة المحكمة الدستورية العليا بكامل أعضائها في عدم شرعية هذا المطلب وإغلاق ملف المطالبة فيه بشكل قاطع ودائم وفوري.

كما حكمة المحكمة سالفة الذكر على ابو ثوب بالإعتذار شعراً أو نثراً للسيدة/ عجائب بنت الشايب وفي حالة رفضه لهذا الحكم يوضع إسمه في القائمة السوداء ويشهر فيه وينشر ذلك في المضيف العام.

فعلى اللجنة التنفيذية بقيادة محمد الشمري والمطنوخ وصلفيق ابو قناة متابعة تنفيذ هذا الحكم والرفع لهيئة المحكمة المؤقرة بريئاسة الشيخ الشاهري العبيدي وعضوية كل من ابو عارف وابو خليف.

وصلى الله على نبينا محمد بن عبد الله وسلم.

والسلام عليكم ورحمة الله وبركاته.

أبوطروق

24-04-2007, 07:31

أبوثوب
وينك

شف أبوعارف قلب قاضي شرعي.

أخلص علينا أنت وهالراس اللي ماحصل يتمخمخ.

ابو عارف

24-04-2007, 09:27

====================================================.

( بيان صادر من محكمة الإستئناف الفلالية العليا )

إشارة إلى الحكم الصادر من المحكمة الدستورية الفلالية العليا بحق العضو الفلالي الشاعر/ ابو ثوب في قضية طلب إغلاق مقلط العجز ، ونظراً لسيرة العضو المذكور الذاتية الطيبة وخلو ملفه المدني من السوابق حكمنا بماهو آت:

1- تؤيد محكمة الإستئناف حكم المحكمة الدستورية العليا بشأن عدم مشروعية المطالبة بإغلاق مقلط الحريم المذكور وحذف كلمة العجز من هذا الملف وإغلاق هذه القضية وحفظها وتضيف محكمة الإستئناف وقف الحملات بأنواعها بهذا الشأن فوراً.

2- عدلت محكمة الإستئناف الحكم الصادر من المحكمة الفلالية العليا بحق المذكور والقاضي بإلزام ثوب الأصيل بالإعتذار للسيدة/ عجائب بنت الشايب شعراً أو نثراً وجعل هذا الشيء إختيارياً للمحكوم عليه.

وبتعديل الفقرة الثانية حكم الإعتذار يسقط معه حكم التشهير وخلافه.

وعلى جهت الإختصاص تنفيذ حكمنا هذا وينشر بالمضيف الفلالي.

وصلى الله على سيدنا محمد وآله وصحبه وسلم.

الأصيل

24-04-2007, 09:36

ابو عارف

24-04-2007, 12:45

بيان صادر مني أنا :good1:

لا سلام:a:

لاهدنه

لاتفحيط:hala1:

لامساومه

لا تنسى تفرش سنونك:good1:

لا للعجز

لا لمقلط العجز

لا لمناصري العجز:d:

لاهواده ولا رحمه ،،، :148r:

لن تغيب شمس هذا اليوم

ألا وتجيكم الردود عليكم كلكم
======================================

أخ عزيز وإبن عم كريم ونأمل أن تتحلا بروح الفلاليين ولا تنسى أخي أن من نطلبك أن تتركها وشأنها هي مشرفتكم أيها القوم بغيت أقول الظالمين لكن خفت أيها القوم الطيبين الكرام.

إسمعوا كلام شايبكم والعقلاء من الناس لاتستمعوا للمحرضين الذين يحبون تشليعنا تشليعاً هداهم الله.
هاه يالمطنوخ أكد على الأصيل أن يتحلى بالروح الفلالية وذكره في قداسة المحكمة والقوانين المرعية.

لاتجعلونها فوضة كل من إيده اله إلا بالأكل في مطاعم برج الحمام الشهيره فحياكم الله يالمنسحبون كلوا عندنا في يديكم ورجليكم وياهلا فيكم عدد مادرهمن الحيل وبرطم الأصيل.

أبوطروق

24-04-2007, 12:58

الأصيل

لاااا تصاااالح

أريد أبي حيا

والويل للمعتدين

المطنوخ

24-04-2007, 15:03

هاه يالمطنوخ أكد على الأصيل أن يتحلى بالروح الفلالية وذكره في قداسة المحكمة والقوانين المرعية.

يقول قداسة المطنوخ قدس سره وابطه الشريف../
أن قانون الاحوال المدنية لفلة الحجاج رقم 354 / ب1000 يقول :
أن لكل فرد الحق في إبداء رأيه بكل حرية وأمبراطورية فلة الحجاج تكفل هذا الحق مالم يكون مسا بكرامة شخص أو إهدار لشخصه أو أذى بسمعته وغير ذلك لكل فرد الحق في قول مايشاء ولك أن تبدي خلافه ولن يعارضك أحدا على فعلك .

مع تحيات
العلاقات العامه لوزارة الطرطسة
لجنة الطفاية

ابو عارف

24-04-2007, 15:55

يقول قداسة المطنوخ قدس سره وابطه الشريف../
أن قانون الاحوال المدنية لفلة الحجاج رقم 354 / ب1000 يقول :
أن لكل فرد الحق في إبداء رأيه بكل حرية وأمبراطورية فلة الحجاج تكفل هذا الحق مالم يكون مسا بكرامة شخص أو إهدار لشخصه أو أذى بسمعته وغير ذلك لكل فرد الحق في قول مايشاء ولك أن تبدي خلافه ولن يعارضك أحدا على فعلك .

مع تحيات
العلاقات العامه لوزارة الطرطسة
لجنة الطفاية
==============================================.

ياقداسة إبط المطنوخ الموضوع هذا صادر فيه حكم وتقول قداستك أن التعبير عن الشعور من ضمن دستور الفله بحيث لايسيء لأحد ومن العرف والمنطق غير الفلالي أن هجاء الناس بالقصائد المعلقات وذمهم والتعرض لشؤونهم يعتبر إساءة لهم.

الم يكن ذلك يناقض ماقاله قداستكم بعدم التعرض للآخرين؟

نأمل وقف الطوفان والتسونامي والتعرض والتحريض وإحترموا المحاكم والقوانين ومشاعر وحريات الآخرين.

وشكراً لكم.

المطنوخ

24-04-2007, 16:13

ياقداسة إبط المطنوخ

نعم ايها الرجل

الموضوع هذا صادر فيه حكم وتقول قداستك أن التعبير عن الشعور من ضمن دستور الفله بحيث لايسيء لأحد

نعم , لقد نبست بنت شفتي بهذا الكلام

ومن العرف والمنطق غير الفلالي أن هجاء الناس بالقصائد المعلقات وذمهم والتعرض لشؤونهم يعتبر إساءة لهم.

كلا هناك فرق بين الاحتجاج وبين القذف

والهجاء هنا والذي رأيته هجاء محمود

الم يكن ذلك يناقض ماقاله قداستكم بعدم التعرض للآخرين؟

كــلا..

نأمل وقف الطوفان والتسونامي والتعرض والحريض وإحترموا المحاكم والقوانين ومشاعر وحريات الآخرين.
مالم يخله القذف والطعن الشخصي فهو مستمر ان شاء الله
ولك أن تختار ان تدافع او تخصص مصفح جديد للذود عنهن ولكن بشرط ان الالتزام باحترام الشخوص ولن يعارضك عليه احد ..

كتب اعلاه احسن ريّس بالدونيا كولّها واقدع بلطي بشارع محمد علي ومحب سيارات البيجو 79

حضرة الصول/ المطنوخ

ريال الفسحه

24-04-2007, 16:28

[QUOTE=الأصيل;491017]بيان صادر مني أنا :good1:

لا سلام:a:

لاهدنه

لاتفحيط:hala1:

لامساومه

لا تنسى تفرش سنونك:good1:

لا للعجز

لا لمقلط العجز

لا لمناصري العجز:d:

لاهواده ولا رحمه ،،، :148r:

لن تغيب شمس هذا اليوم

ألا وتجيكم الردود عليكم كلكم

ينصر دينك يا اصطه:good1:

رح ونحن من خلفك نبي نتجشم هالمقلط ونتورشعوه:good1:

رووووووووح :good1:

عاش سنايدي ابوثوووب

روح والله يحميك

روح لحالك:)

خخخخخخخخ

امزح

كلنا يدا بيد ضد اي عجوز او مناصر له<==مايعني ابوعارف:)

روووووووووووووووووووووح

الكنبيوتر

24-04-2007, 19:20

مادام السالفه تسذا ليه ما تلغون عضويتهن وتريحون بالكم من هالصيحه؟؟؟

ياجماعة المفروض ان اهل الفلة يكونون كالعائله الواحده يعني مقلط خواتنا لهن ودوانيتنا لنا

هذا والسلام ختام

حرر في 24-04-2007 :)

وش عندوه

سلام

الكنبيوتر

24-04-2007, 19:24

ريالووه تورشعك حاشي :)

الحين وش حارق رزك انت ؟؟

اركد ترى ماينفعك أحد ان مسكتك عجايب والله لا تسنعك

يالربع انا مع حرية الرأي ولكن بحدود يعني ماتسوى نسوي حرب على المسكينات والله عيب على علينا

ماعمري سمعت رجال شانيين حملة وحرب على حريَم

تعوذوا من الصغير ( ابليس )

:)

ابو عارف

24-04-2007, 23:41

الحمد لله وكفى والصلاة على المصطفى محمد بن عبد الله عليه أفضل الصلات والتسليم أمابعد.

أيها السادة الكرام الفلاليون العظام.

نحييكم تحية الإسلام

السلام عليكم ورحمة الله وبركاته

أما بعد رايحينن ننام لإن غدٍ عندنا دوام. ، لكن قبل ذلك نحب أن نشيد فيكم جميعاً لقد أثبتوا أنكم تمام وخاصة ثوب الأصيل الهمام وقداسة المطنوخ المقدام في ضبطكم أعصابكم وإحترام النظام.

أما نحن فحالتنا يرثى لها بعد أن زاد علينا التهديد والوعيد والطوفان الشديد وتركت بالميدان وحيد فلكم منا جزيل الشكر الخالي من الخداع والمكر على رباطة الجاش بعد أن أصابنا منكم الخوف والرعاش خوفاً من أن نكون نحن وإياكم مثل رحلة طاش ماطاش على خلي ماش.

وتقبلوا منا هذه البويتات عسى أن يكونن مسك ختام هذا الموضوع الذي الرابح فيه خاسر.

====================================================

أنتم هل الفله نشاما وعقيل = وسلوبكم راقي بكل المقاييس
مشبكم عامر بصف المعاميل= الطيب واضح ياعيال السناعيس
دلال صفر ومبهرات من الهيل = عاشوا هل الفله بعز ونواميس
ربع دعتنا نارهم تالي الليل = وسوالف الأجداد وقصايد منيس
بقيادة المطنوخ ريف المهازيل = ياروحوا فوق الهجايف مفانيس
يفرح ويذبح الجليلة من الحيل = من ماكر ماداج فيه القرانيس
وريال و الأصيل ربع مشاكيل = تمت ومانفتح قفول المحابيس

وتقبلوا تحياتنا وتقديرنا.

ابو عارف

24-04-2007, 23:42

أبوطروق

24-04-2007, 23:47

أنظم الكنبيوتر لأبوعارف
.
.
.
.
.
.
.
.
.
.
.
.
.
هونت مابي أكمل لاحد يفهمن غلط.

عجايب بنت الشايب

25-04-2007, 00:17

8
8

يعجبني من يتبع مقولة : (( من أنسحب سلم من عجايب ))

صمتي خلال هالصفحات >> مبين صمتتس ياخاله :(

لا يدل الا على الهدوء قبل العاصفه

وبما ان .. ابو عارف محضـر خيـــر بيض الله وجهه

وانضم له الكنبيوتر .. وأبو طرووق هاه هاه . تقل تقل وده ولا وده

والاعمال بالنيات :)

لذا أرى أن تنتهي الحرب .. برضـــا الطرفين

فخلونا يوم يومين نمذرح ثمن

بنسكر مقلطنا .. اللي سبب لأهلنا .. الضيق والحرج ..

حتى أنهم لم يكادوا يبيتو ليلهم

أو أقتراح أخر

وهو مفرح لبعض الناس

وهو الأختلاط .. :a:

بشرط اللي بيبلغ علينا المضيف الأسلامي بينطرد .. :)

أتفقنا ؟

تبطون عظم وانا بنت الشايب ... :(

أبوطروق

25-04-2007, 00:46

بنت الشايب

بدون هالكلام اللي لايودي ولا يجيب.
كلامتس مايرضي،مازال فيه تحدي وأعتقد الشباب وعلى راسهم أبوثوب وطنخان يوافقوني الراي.

لن نرضخ ولن نستسلم في حربنا ضد مقلط الفططر.

أحسن لتس أرفعي خرقة بيضا واستسلمي يمكن يخفف عنتس العقاب.

الله يخلي المطنوخ وينصرأبوثوب
الله يخلي المطنوخ وينصرأبوثوب
الله يخلي المطنوخ وينصرأبوثوب

شيلوها

عجايب بنت الشايب

25-04-2007, 00:55

8
8

ويلتس على الماء ياناقه

ضحكتاني وانا مابي الضحك هالساعه >> كيفي !!

طحياتي .. وسلم على جرمك .. وعلى قومك ..من وراك ..

أبوطروق

25-04-2007, 01:15

والله مادري وش قلتي

لو فيه ترجمان سيلاني يمكن أفهم

أقول: الظاهر النوم أفيد.

قود نايت

مينق يانق نااا

المطنوخ

25-04-2007, 01:17

ياقوم احلقوا رؤوسكم على الزيرو والبسوا عمائمكم وارتدوا ساعات كاسيو التي تولع في الليل

وقربوا مربط السلوقي مني هههههههههههههههه

فإننا على وشك انزال يمحي انزال النورماندي من الذاكره :)

لايروح بالكم بعيد انزال اشناطنا من فوق الكبت ههههههههههههه

أبوطروق

25-04-2007, 17:07

ابو عارف

25-04-2007, 22:24

حلقنا روسنا وكل شي على الزيرو.
بس وين العتاد وين الخيل وين الطنايا وين شرابة الهيل
وين الجيوش الي تقول نظام.

إلا ماشفتوا أبوثوب؟
الظاهر إنه وهقنا وعقد هدنه.

‏"‏""أستانسي ياعجعج"""

لكن إذا مابين الليلة راح أظطر لقيادة الجحافل شخصيا.

وانا ولد أبوي لخلي الأمم المتحدة وريسهم )بيكيمون( يحبون راسي علشان أنهي الحرب.
طرا علي الصحاف الله يذكره بالخير كان مونسنا
===============================================

ابو طروق طرق الله بطن بليسك وش بلاك تدوٌر الشر على روس الشجر الله يدفع البلاء تعوذ من إبليس يارجل ماعمره صارت حرب بين الحريم والرجال الله يهديك كما يهدي البعير آمين.

إنتبه أمامك منحنى خطر.

عجايب بنت الشايب

25-04-2007, 22:32

8
8

ابو عارف ينصر دينك

كل مابديت أربط العصبه و أمسك العجرا ابي الحرب و اعبي المطاره

يطري علي ام عارف .. ويطري علي عارف وخوانه

واهون من الحب مابي ايتم احد ...

تعرف الفوز بنفوز والموت محقق

بس القلوب الرحيمه تعسف المودمي (المودمي = الأدمي = بني أدم = الانسان )

هذا واسال الله لك .. الرضا ..

وترى لا حلقتوا حلقنا ... يابعض النـــــــاس >> (صورة نسوان متخوصرات )

طحياتي .......’’

ابو عارف

25-04-2007, 22:43

ريال الفسحه

25-04-2007, 23:01

هههههههههههههههههههههه
هههههههههههههههههههههه

يالربع ذكرتن روغة هالاصيل بكلام شنقل الله يذكره بالخير بموضوعن له قديم
يقول عن روحوه (وكثيرن مايروغ عن اخوياه وقت الفزعه:) روغات ..)

الاصيل وينك:)

مشغول وجوالك مقفل وبالبيت يقولون مو موجود وسيارتك عند الباب:)

الاصيل تذكرت قصيده بشريط للداعيه براك الفريسي يقول

تجمعن عجز الحاره=تقل بقراتن بريه
اللي تاكل واللي تضحك=واللي تشرب من شاهيه
حظ الابله والفراشه=ضحتسه واكله مجانيه

هههههههههههههههههههه

لاتبطي ترا راسي بدا يطلع الشعر مو كل يوم محلق صفر القيض جانا:)

الأصيل

26-04-2007, 01:37

إلا ماشفتوا أبوثوب؟
الظاهر إنه وهقنا وعقد هدنه.

لا يالذيب ،، مهي منك ،،

ترا أزعل عليك

أنا ورا هكا الشجره أتابع عن كثب:thumb:

***

ريالووووه ،، أنا أروغ !!!!!!!؟؟؟؟؟؟؟؟:148r:

لولا غلاك ،، تسان صارت وصارت ،،

لكن ،،

قلبي مايطاوعن ،،،:good1:

ابو عارف

26-04-2007, 09:03

مـالبـس ثـوب الأصيل إلا الأصيل = ولا أحدٍ يعيـش من دون الـريال
يالله إني طالبك منجي الدخيل = رافع السحـاب من فوق الجـبال
تـرزق الإثنيـن في جــاه الخليل = وتـرحم الحـريم من شـر القتـال
وتمنع ابو طروق من قدح الفتيل = يـذكـرونه طيـب ونشـمي عيـال
والـزعيم الأطنخي رأس الـرعيل = دايم في مجلسه تلقى الرجال
مايحاربون خواتهم ذا مستـحيل = وعسى عمـارهم دايـم طوااااال
المقـاصد واضحـه بــان الـدليـل = مـايجي من مـركـز الفلـه خمـال
لو بغوها حرب كان دمي يسيل = هـم هل الطـولات يـاحل النـزال
نشكر الجميـع وإنت يابو شليل = شـاعر موهـوب يـاحل المجــال
وننهـي الموضوع بحـمد وتهليل = ونعتذر عن ماحصل في كل حال
=================================================.

هذا وتقبلوا فائق تحيات أبو عارف إصالة عن نفسه ونيابة عن خواتكم بمقلط الحريم لاهنوا.

عربسات

26-04-2007, 10:23

يا,,,,

ابو ثوووب

اشوفك جعجة...بليا طحن ؟؟

تعبئه عامة....تاليته توايق من وراء شجرة ؟؟!!:148r:

أطحن قبل لاتنطحن:)

إلاّ,,

ان كانك منت واثق من جيشك فهذا شئ ثاني

فقد رابنا منك ماربت منّا <<<<للي ما كملوا ليلي هذي جمله فصحويه:)

المطنوخ

26-04-2007, 13:04

^
^
^
هل طلع الشعر وكأنه إبر في رؤوسكم ؟

احلقوه نوبتن اخرى ياقوم

فإن ابا ثوب كان سيأتي الان ولكن اصابه ماغص اقشر وذهب الى w.c منذ 3 ايام ولم يخرج حتى هذه اللحظه واننا اذا نتوقع خروجه مكللا بالابتسامه والمعنويه العاليه ونزهب لمقاتلة الاعداء اللزين يخرقون عن ديننا<--مالوه تسبد عن مشاهد عكرمه:)

الأصيل

26-04-2007, 13:06

والله ياعرب ،، أنا كانت لي نيه شينه:148r:

وكنت ناوي أجيب عاليها غاليها مفاليها ( على القاف ) :good1:

وكنت أبي أشحتف هالعجز بجميع قارات العالم الست:a:

لكن ،،

هاللي تشوف

أبوعارف ماخلى لنا مجال

وماعقب هالقصيده حرب ولا ضرب :thumb:

يابو عارف ،، تموووون على الرقبه:good1:

عز الله إنك شاعر شاعر

واللي تبيه يصير ،،

لو تبي أذبح لك ريال والأطنخ ،، حاضر وممنووووون ..وفرصه :hala1:

ياجماعه ربعي وشلتي وحزبي وشعراءنا الأفذاذ

ماذا تقولون في هذا الخطب الذي دهانا !!

أننهي حرب البسوس !!n)

أما أنا

فآخذ زمام ناقتي ،، وأغمد سيفي في غمده ،، وأعتزل الحرب ( إبن عباد ):d:

الأصيل

26-04-2007, 13:10

الأطنخ ،،

ياولد إنت شغلك مهو مضبوووط

عجزت تبرطل لنا هالشايب أبوعارف :a:

قام يتطلبنا من قصيده لقصيده

وحنا ياربعك ( صحيح مالنا خوي ) لكن ،، نبي نكسب الجمهور :good1:

لذا ..أرى أن يبدأ سريان الهدنه

والهدنه يعني : لاحرب ولا سلم :hala1:

المطنوخ

26-04-2007, 13:11

^
^
^
ده اللي بيسب الحكومه ياقماااااعه أأفشووووه

اضربوه ده اللي خانكم وباعكو عشان شوية ملاليم

اشوف فيك يوم ياود يابتاع التوب

الأصيل

26-04-2007, 13:11

راعي الوقيد ،،، يوايدز ويمشي

أبوطروق

26-04-2007, 13:54

آه ياطعنة وصط الظهر
مهي الهقوة يابوثوب
ياشماتة طنط طازا فيا

من شفتك متغيب ورا الشجرة وانا داري إنك نويت تقلب الفروة.

الحين أم شنب ترقص هي وعجزه بالمقلط.

وينك يا طنخان نبيك تستلم الشيخة من هالي وهقنا وتغزي بنا غزوة مايبقى من هالعجز إلا مقلطهن.

يالا ثارات كليب
يالا ثارات كليب

المطنوخ

26-04-2007, 14:10

تدري يابوطروق

مايلدغ الفطين من المتسان بزاتووو نوبتين :)

وحنا طعنا ابوثوب هذي للمره الثانيه وهو يخبر متى المره الاولى

لكن شكوانا للي ماتنام عينوه

شفناوه لابس هالجوخ ورابطن العصابة الحمرا قلنا بس الولد الزير بكبره ماينطحه لكن ماش

لكن هين الوعد دزدام

ان قاله الله نبي نعديها المره هذي

لكن المرة الجايه ان جاء يفزعنا ويبي الاماره نبي نربطه بكراع حاشي ونطلقه بسباق هجن:)

ااصفح عنه يا ابا طروق فإن من شيم الكرام الصفح

أنفك لا هنت ><

أبوطروق

26-04-2007, 14:59

اصفح ولا أصفح ))بشدالفاء((

تمت يا طنخان ولو إني ودي نربطه بجذع نخلة وندهنه بعسل.

والله ان دمي للحين يغلي ليتك ماطلبتن ياطنخان.مشتهي حرب.

أبي أروح يم ديوانك قل للقهوتسي يظبط بريدز نعناع أغديه يهدي أعصابي.

بعدين أبي حق التحليقة.
حلقنا على الفاضي"شوهتنا"
وابي باروكة سلف يما يطلعن شعيراتي.

ابو عارف

26-04-2007, 17:09

أبشرن ياحريم بالسلامة لقد أعلن ابو ثوب الأصيل إيقاف الحرب جزاه الله خير وبإمكانك ياعجايب يابنت الشايب تحلين العصايب وتسقين الصخال الماء الذي في مطارة الحرب والحمد لله على كل حال.

شكراً لكم ياكاسبين النفايل = يالطيبين اللي على الحرب ضارين
لولا الأصيل وخوف بدع المثايل = اللي طلب إغلاق بعض الدياوين
ماجيت أدافع عن بنات الحمايل = وربي أعانه على لعن الشياطين
من شمر هل الفخر والجمايل = وعلى ظهور الخيل مثل السلاطين
والأطنخي ياناس مثله قلايل = حمى البشر وخذا عجوز المعادين
وهذا عرب سات ماهو عرب نايل = وخالي ريال يسوى عندي ملايين
ويسلم لنا راع العقال متمايل = ابو طروق من النشاما المسمين
وشمر عموم من خيار القبايل = والمعركة كله سوالف مهي شين

مشكورين جميعاً ياهل الفله على نزع فتيل الحرب و القبول بالهدنة التي أعلنها أخونا الشاعر/ الأصيل عافاه الله والصلح خير ، وإلى اللقاء في موضوع آخر من مواضيع الساحه الفلاليه إنشاء الله.

ودمتم سالمين.

الكنبيوتر

27-04-2007, 02:54

الحمد لله

جزيت خيرا يا أبا عارف

thanks :)

>>>>>>>>>>>>>>> :) خربها

عقب الفصحى قام يحتسي هندي

ابو عارف

27-04-2007, 10:23

الحمد لله

جزيت خيرا يا أبا عارف

thanks :)

>>>>>>>>>>>>>>> :) خربها

عقب الفصحى قام يحتسي هندي
=================================
جزاك الله خير يالكمبيتر كل هذا بفضل الله ثم مساندتكم وميل خويانا لفعل الطيب والخير جزاء الله الجميع كل خير.

شكراً لك على الإهتمام.

صلفيق ابو قناة

27-04-2007, 14:53

[QUOTE=ابو عارف;491145]

وتقبلوا منا هذه البويتات عسى أن يكونن مسك ختام هذا الموضوع الذي الرابح فيه خاسر.

أنتم هل الفله نشاما وعقيل = وسلوبكم راقي بكل المقاييس
مشبكم عامر بصف المعاميل= الطيب واضح ياعيال السناعيس
دلال صفر ومبهرات من الهيل = عاشوا هل الفله بعز ونواميس
ربع دعتنا نارهم تالي الليل = وسوالف الأجداد وقصايد منيس
بقيادة المطنوخ ريف المهازيل = ياروحوا فوق الهجايف مفانيس
يفرح ويذبح الجليلة من الحيل = من ماكر ماداج فيه القرانيس
وريال و الأصيل ربع مشاكيل = تمت ومانفتح قفول المحابيس

مسك فاخر الله يعطيك العافية يبو عارف:thumb:

سعي مشكور وجاه ووجاه يفك ارقاب :)

والحمد لله يوم هالنشاما رفعوا نقطة هالدم والشر ما به زود :)

لا هنتوا لا هنتوا rooose3

ابو عارف

27-04-2007, 17:16

عجايب بنت الشايب

27-04-2007, 17:37

يالليل حديتونا على الشينه >> تقصد الهدنه :)

طيب

إعـــــــــــــلان

تعلن المعلمه عجايب عن بيعها لأسلحه وذخائر أر بي جي وصواريخ كونكورد أستعمال حشمه
في بسطتها الكائنه في سوق الخميس
وبحضوركم يتم لنا الفرح والسرور

الداعيات : ( مقلط الحريم )

شعارنا : ( عسى مافاتنا شين )

هديــــة : رشاش بـ 467 طلقه وطلقه مجاناً لابوعارف ... :)

طحياتي .......’’

بالمختصر..

27-04-2007, 17:50

^
^
^

:7ayyoh:

ياعلّن ماافقدتس

وعلى فكره نسيتي الحيّه اللي كنت مربيّته ( حيوان أليف:) )

خلاص مااحتاجه الحين .. امصعي رقبته بكل رقه وحنيّه لاهنتي :)

.
.
:

أبوطروق

28-04-2007, 16:04

يازمان العجايب وش بقا بك ماظهر~
ربت الحرمة شوارب وصارت الشيخة فلانة~
ألعبي يا "عجايب" وشيلي الشيلة "قمر"
وفرعن يا بنات وخلن القذلة رزانة~
يا زمان فيك شفنا حبارا تطرد له صقر~
مو جبان الطير لكن دنيته خانت زمانه~
والنهاية .. شي واحد .. ماهو مر إلا أمر~
نعتزل هالحرب غصب ماهو طيب ولا ليانه~

منقول ))من القهر((
حتى القصيد اللي يمسهن طال عمرهن ما نقدر نكتبه بأسامينا
خوفآ من البطش.

الأصيل

28-04-2007, 16:50

أبوقناه ،، ... شاعر ساعات الوزا :a:

أبوطروق .. يدور الوزا دوره:good1:

شعّارنا الأماجد:d:

شعارنا : لاتفوتك الفله:good1:

أشعر وأستشعر بشعور شاعر شعر بشعره يعرش عروش المتعارشين على العظم:hala1:

أيها اللي بهذا ...

أيها الزقرت المدخنين مالبورو أحمر:d:

إنني أول من أطلق فشقة الحرب ،،

والرصاصة لاتزال في جيبي ( محمود ياسين ):good1:

وإنني أنهي الحرب متى ماطابت نفسي ( الحرب حربي ونا بكيفي ):a:

وكل واحد حر بحربوه:thumb:

خلاص ..

كل واحد يروح لشغلوه :148r:

من أعماق قلبي ...

أشكر كل من ساهم هنا ..

من شعراء

وشاعرات

ومسايير

ووجيه خير ( شروا أبوعارف )

ووجيه شر ( شروا الأطنخ )

والغايبين اللي شرفونا بجيتهم ( أبوقناة .. شلونك )

واللي يوادزون ولا يكتبون حرف ( شفناكم تتصفحون )

واللي تفاعلو مع الموضوع ،، وأثرو الصفحات

الله لايهينكم

صدور رحبه

وأخلاق عاليه

وإبداعات شعريه

ومواهب ظهرت

.

.

.

.

وثوب الأصيل يرفرف :hala1:

بعد خشمي يالأطنخ ،،

أو

خالتي عجايب :

هل تهقون إن صفحات الموضوع ستصل للـ 20 صفحة ؟؟

أما آن لهذا الموضوع أن يغلق !:thumb:

إلى اللقاء في الحرب القادمه بعنوان :

النمر .. في قبضة العداله:thumb:

أبوطروق

28-04-2007, 17:09

عقب هالحتسي أنا أبي أسمي نفسي الجندي المجهول!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!
أبي أحط لنفسي تمثال بدوار!!!!!!! الساعة!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

عجايب بنت الشايب

29-04-2007, 01:46

هكذا انت يا ابا الثياب تأتينا وترثع في قشنا حتى لايبقى لعيالنا فانيله او سروال مارماها من الحميه والفزعه
ثمن تذهب وتغيب وتتحول الى شرنقه ثمن تنف عنك وتعود .. مثل عودتك هذه ياعودة عصويد ماهي بعيدتن منك . .. لذا في المرات الخرى سنترك لك الموضوع لحالك تطامر فيه حتى تأمرنا بأغلاقه .. ذبحتنا المطامره وراك .. حتى انني اكتشف بعد هذه الحرب ان بعض صفاتي التي أكل عليها الدهر ووشرب قد ظهرت مثل دق اللطمه وانا حرمه .. :) ..

شكراً لك . ولكن نرجو ا منك في غبراتك علينا المرات القادمه ان تكتب لائحه بــ

ممنوع التدخين لغير المشاركين في الحرب ====> وصخونا الجمهور

كلن ياخذ عقاله وفنيلته بعد انتهاء اليوم ====> تعبنا تنظيف

هذا وبارك الله فيك .. وفي غبراتك ايه الاغبر ..

تم اغلاق الموضوع بطلب من صاحبه .com

وردة ..’’