الشماشيل

[ثامر]

السلام عليكم ورحمة الله وبركاته

مرحبا من جديد

قال الشاعر بصري الوضيحي :


البيض كم واحد ٍ يبسنة = يبة ( شماشيل ) العذوق النّقايض
عزي لم غر الثنايا كونة = أركن على كبدي كْوِي عِراض


وقال ابن عيد :


ثور من الديرة على مانوى به = بحزم وعزم ولا بغى الشيخ تدويل
صبح هل الروضة (بشمشول ) لابه = بعوجها لاهلها بالهوايل تهاويل


وقال ابن سبيل :


ياتل قلبي تل ركب ٍ ( بشمشول ) = ربع مشاكيل على كنس حيل
شافوا وراهم مشعل الشيخ مشعول = يوم ابرهز الليل شافوا رجاجيل

مطلوب اخواني ما معنى كلمة الشماشيل

[هايس الشمري]

تسلم يا ثامر..



الشمشول هذا صعب..



لي عوده..

[الصيرمي]

^
^
شلونك يالشاعر:)

---

الشماشيل ومفردها شمشول:)

ما اعرفه والله

الا كان ادور لك عنه بالقوقل:)

تحياتي

[هايس الشمري]

^
^
^

بخير الله يعافيك و يسلمك :)... علومك انت؟؟





رمعه


الشمشول هو اداه حاده او اداه به بلا تستخرج من النخل <<<<<<<< الله يستر

[الصيرمي]

الشماشيل:
هو لبس اسود يلبسه الغواص عشان من هجمات (الدوول) ويعرف بالغه العربيه الفصحى قنديل البحر؟

او ماله سنع هالسالفة:)

[ريال الفسحه]

8

هالثنين اللي فوقي ماعندهم سالفه :)

انا اتوقع والله اعلم انه شي صغيييييييييير واحيان كبييييييييير
واذا حطيتوه بالما يكمش:) واذا كمش يصغر ويصير صغييير:)
واذا اجابتي خطا

هذي ثانيه

هو الفارس الشجاع:goooood: <==اقول صف جنب اخوياك اللي فوقك:)

[صلفيق ابو قناة]

الشمشول يا طويل البقا والسلامة هو المجموعة الي مهم كثير سواء من البل أو الرجال أو أي شي آخر

[ثامر]

هلا والله بالاخوان جميعا يالله حيهم

اما هايس والصيرمي وريال فسحه نقول لكم مالكم لواء
على قولت الرجال او السالفه ماله سنع

اما صلفيق ابو قناة

شمشول فعلاا هو الاعداد القليله من الابل او الرجال او غير

طيب الشماشيل ؟

[صلفيق ابو قناة]

^
^
طيب يومك تشوف فرق بين الشملول والشماليل وليه ما تحط كل كلمة بسؤال بدل ما تجيب الأمثلة مشتركة؟

المهم أصل الكلمة واحد وشماليل جمع شملول على الأرجح بس تختلف شوي بالاستخدام من موضع لآخر!


ولو أن شماليل ببيت الشعر الي أوردته تعني بقايا!!

بس بقايا وشو؟ بقايا ما يمكن أن يكون شملول.


فقراءتها هنا تعتبر جمع لشملول لو أخذنا كل عذق لوحده ووضعنا مقابله ((شملول تمر)) :)


شكلي بسنتر عندك بهذيا مويضيعاتك ما مثلهن يا ثامر

[ثامر]

هلا وغلا بصلفيق يالله حيو انت تقول ما فيه فرق بين الشملول والشماليل

وانا ابي كلمة شماشيل وشمشول يعني فيه فرق بين اللي انت كتبة واللي انا كتبته
والله محيك وخلك متابع معنا ومعاني الكلمات انشاء الله كثيره اللي نبي نجيبه

[صلفيق ابو قناة]

هلا يا ثامر وعسى مجلسك بالعلوم الطيبة عامر


يفلان انا قلت لك الشماليل بالمثل الي جبت تعني ((بقايا))


وكون اني كتبت (شملول وشماليل) بدل (شمشول وشماشيل) واضح انه خطأ املاءي عفوي :(



ومثل ما قلت لك ان الشماشيل جمل شمشول عاد لا تبيد حيلي من شان خطأ املاءي الله يرضى على شيبانٍ جابوك !!

[ثامر]

هههههه
يابن الحلال لا تجي عاد كلك

فعلا شماشيل هي بقايا الشيء

وعفاك الله يالبناخي