يـــاقـــليــــــــل العــــــــــرف

[ذات دلٍ بختري]

ياقليل العرف توك وراسك مارتوى

من جزيل الشعر لاجاك همال بردي

لاتهيض جاش للشر ماعمره نوى

شاعرٍ ماني بمطفوق وللا مبتدي

اخذ من الشعر دايم رفيع المستوى

ومن يزيد الصاع يبشر بصاعٍ من يدي

ياقليل العرف والهرج من فمك هوا

ثمن الكلمات من قبل تطلع وتغدي

لابتي بالسيف والخيل حمالة لوى

علمها واصل ليا سهيل واخوه الجدي

لابتي الصفران والذيب لامنه عوى

له قنيبٍ وسط ضلعان حايل مايعدي

حدرو بهيج واقفى زمانه وانطوى

مايطب ديار شمر ويدفع له فدي

لابتي الصفران والموت والدنيا سوى

لاقبلت خيل المعادي تثور وتسعدي

ياقليل العرف دوك الشريط وماحوى

ياعساك تحس بالصاع لا جا من يدي

والقصيده اطول من ذلك

[ريال الفسحه]

صح الله لسانك



\


ولاتبخل علينا بالباقي


\


لاهنت وصح كلك..!!

[حمود الباتع]

صح لساااااانك

ابيات جزلة من شاعر جزل

تقبل اطيب الاماني

[(((نجم الجدي)))]

صح لسانك





ماقصرت

[( النجــــــلا )]

أنعم وأكرم

الفاضلة ذات دلٍ بختري الف صح السانك



كل الود

[سلطان الشمري]

شاعرٍ ماني بمطفوق وللا مبتدي

اخذ من الشعر دايم رفيع المستوى

.
.

القصيده لرجل ؟ أم لأنثى لا نعلم ..

قصيده جميله ..لكن هل هي لك ِ أم منقوله ؟

.
.
نرجو الافاده ..فقط

لك الشكر

اخوك

[ذات دلٍ بختري]

اشكر جميع الذين مرو على القصيده

وانا شاعر ماني شاعره والقصيده لي

[حسين الهوران]

صح لسانك ثم صح لسانك

كذا القصيد والا فلا

الله الله

[مانع السرحاني]

صح لسانك



قصيدة رائعه

لاهنت

[ذات دلٍ بختري]

حسين الهوران والاخ مانع السرحاني صحت ابدانكم

ولأعضاء المنتدى المعذره اذا تأخرت بالرد أو مارديت لأني ماني راعي نت

[فـــــهـــــد]

صح لسانك ولاهنت

قصيده جزله من شاعر جزل

أبدعت يالغالي وسجل أعجابي ومتابعتي لكل ماتكتب

أخـــــــــــوك