[ مُذْكّرَاتــــْ قَرَويــــــ ]

[سلطان الشمري]

ليش دنيانا كذا ؟
..يُمه غبار..؟
ليش.. نبكي ..!
ليش لما يموت مسلم ..
ما ندور فيه ثااار ..
.
.

ليش لما نشوف واحد
يشتكي حزنه ..
نحار..!
.
.

يمه حنا ليش.. واجد..
يمه حنا ليش.. واجد..
.
وليش لما نشوف مجرم ..
يغتصب طفله ..
نغمضْ ..
ليش حنا ما نغار ..؟!
.
.

وليش حنا نخاف واحد ؟
يمه رغم إنه
( ح م ا ر )

.
.

يمه الدنيا دماااار ..
يمه الدنيا دماااار ...
يمّه آنا اختنق ..

.
ليش دنيانا غبااار؟

.
.

[سلطان الشمري]

.
.

عطني وريقات القصيد ومواضيه ..!
...... وبأتوب عن كل اللي مضى واتعداه ..

ما كل رجلٍ لا ضحك لي أخاويه ..
....... ولا كل خنجر .. لا طعني ابنساه ..

والغالي اللي وين ما رحت أداريه ..
....... هذاك اسوي كل حاجه بها رضاه ..
.
.

[سلطان الشمري]

.
.

فقط لبركات الشمري

.
.

عشرة ٍ ماهيب لله لا يمكن تدوم .. !
............. لو تطول أيام وأيام تبقى زايله ..
.
صاحبي .. والشكوى لله / لا طاح القروم ..
............ وطاح رجلٍ كنت للضيق مبطي شايله ..
.
الرجّال أشكاله أشكال بأشكال الهدوم..
............ وكل ٍ يحول المراجل ولا هي ضايله ..
.
صاحبي بالله ..لاتضيق وآنا من يقوم ..
............ ابشر بعز ٍ يعزك و لاهي مايله .. ..
.
دام رأسي فوق الأكتاف وآنا من يقوم ..
............ أبشر بروح ٍ سخيه و يمنى طايله ..
.
وكّل الله .. يابعد حيْ وارتح يامغنوم ..
............ هات حملك ..وأبشر ببرق خير وخايله ..
.
دامك بشّمر ..فرأسك ..تزاحمه النجوم ..
............ ما عليك .. و وكّل الله وشف مسايله ..
.
اضحك الله لا يهينك .. ودع ْ عنك الرخوم ..
............... وبالك تضيق .. الليالي بطبعه دايله ..
.
التوافه خلها عنكْ لا تضيع العلوم ..
................ وتنّح بصدر الشمالي .. وخل الجايله ..
.
دامني لك صاحب وحيْ ما تضيع السلوم ..
............... وكل ضيقه لا نوت لك .. فلا هي نايله..
.
دامي (غريري ) وأنا اخوك ..إن جت للعزوم..
............... مثل أجا وجبال سلمى بشرقي حايله ..
.
جدنا عدي بن حاتم و لا فيها خصوم ..
................ طيبنا من طيب حاتم .. ماهو من وايله ..
.
من رجال ٍ همته فوق .. للعليا تشوم ..
............... الطنايا .. لابة العز سقم .. العايله ..
.
برأس عيطا .. لا عدمتك وفرقاب الرجوم ..
................ طق رأسي .. وأنطنخ لك طناخه هايله ..
.
وانتبه دنياك لا جتك ْ بخروجه هموم ..
................. إنتخ بأصغر (غريري ) اليا جت صايله ..
.
تاقف الدنيا سويّه ..أو ..إنه ماتقوم ..
................. عندنا واحد / لانه بالاخر .. زايله ..
.
والردي واللاش ياخيْ .. وأشباه الرخوم ..
................ زمرة ٍ عندي لها وصف .. ماني قايله ..

.
.



قروي!

[سلطان الشمري]

.
.


كل .. شيء .. يتنفس إلا أنا ..





قروي!

[شام]

كل شيء يتنفس ..

عندما تتنفس القصيدة

وعندما تتفرد القوافي

و عندما يتجسد المعنى

في مكان هادئ للبوح

وزاوية نبث فيها الوجد

و كان التنفس هنا من

عمق المشاعر

وبقلم الشاعر

سلطان الشمري


تحياتي

[سلطان الشمري]

.
.

مليت أدور .. وجيه ٍ صادقه .. والشتا ..
................. فصل تعدى .. وخلاني .. و أنا اتبعه ..
.
.
المسأله وقت ../ وحكاية سؤالك متى ؟
................ قريتها في كلام ٍ .. ما أبي أشبعه ..
.
.
أبواب ..

أبواب ..

أبواب ..




سأتي .. قريباً

[سلطان الشمري]

.
.

نبي نصلي قبل لا يأكل الدود ْ ..
................... أجسادنا .. ونبيْ نتوقا عن النار ..!!
.
باكر الى صرنا جثث داخل لحود ْ ..
.................. الله .. أعلم عقبها بالذي صار ..!!
.
ندلج .. وندعي ربنا ركّع سجود ..
.................. نخاف من يوم بنا تشخص أبصار ..!


.



مجرد خوف قروي!

[بـنـت النـور]

كٌنْ كَمْا أَنْتَ


رَائّعْ


دْمَتْ بنْوَرْ

[سلطان الشمري]

.
.


رَحِم الله ُ أبو العَلاء المَعَرِي .. أسْكَنَني .. قَبْري ..قَبْلَ .. أنْ أموت ..!

[سلطان الشمري]

.
.


فيك شيء .. أحس به .. لو ما حكيت ْ ..!

ــــــــــــــــــــ ما آآآآ دري وش فيك .. لكن (شيء فيك ) ..
.
ليش ؟ لـــ ني ليلة البارح .. غفيت ْ .. !
ــــــــــــــــــــ و قمت و آنا أقول .. ( بسم الله عليك ) ...
.



( حب : قروي ! )

[سلطان الشمري]

.
.
.



قروي !


مُذَكْرِاتَهُ .. لا تَعْني .. أهميتُها .. بالنسبةِ إليه .. بلْ لأنها بَعيدةٌ عن المدينه ..
فمن منا لم يسْكُنْ قرية؟
ومن منّا ..لا يعشق قريتهُ ..؟
من منّا لا يرتاح إلى أجواء قريتهُ لو لم يكن قد فارقها إطلاقاً ..
حينما تغيبُ شمْسُكَ في قريةٍ قد تكون قريةٌ لم تبقي شيء .. من آفات التحَضُر ..
إلا وقد جلبتها .. إليها .. أو جلبها بالأصح البشر ..


وقد تكون غير ذلك .. لم يعبث بها أحد .. عندها ستجد المُتْعَه في كُلِ شيء ..
من وقت أذآن الفَجرِ , وتعالي أصوات المؤذنين الـــ (شيّاب ) , وحتى طلوع الشمس ,
وأشياء كثيره قد فقدناها , وحتى إمتداد الظل بعد العصر , وحتى جلسة المغربيه ,
في ( الدكة ) التي خارج البيت المسقوف بالكليّة , وإجتماع (شيبان حارتكم )
ولطافة الجو , وبرودته المصاحبة لنسمات الشمال النقيه , التي استغنينا عنها بوسائل التكييف ,
والكثير الكثير .. من رموز (القرية ) التي ذهبت ولن تعود ْ ..

ما جعلني ..أختار هذا العنوان ليس هذا كُلِه , وليس مجرد محاولة إنتماء للقرية , وليس لحنيني لهذه الأشياء , فإلى الآن لم أفقدها ..

بل .. هو موقف .. قراتهُ في وجه أحد الشباب , الذي إذا أراد أصحابه مضايقته قالوا له


( إنت قروي ! )

وهو بدوره ..يزعل .. ويضيق .. بل وترك العشاء ذات ليلة , فلماذا نحن كذلك ؟

نريد أن ننسلخ من هويتنا ؟

نريد أن ننسلخ من كلِ شيء ؟.
.

م العيب الذي يصاحب (القرية ) ؟
هل هو الطُهرْ ؟
أم النقاء ؟
أم العلاقات الأسرية الجميله ؟
أم أنه كونها بيتاً واحداً صغيراً ...؟
لم يعُد هناك بوادر تخلُفْ ! , فالــ (قروي ) أجده يتصفح الإنترنت , بل وأصبح أحدهم من (الهاكرز ) ..
وهو كذلك ,يعرف المساهمات ويغوص في أعماق الإقتصاد , بل و حصلوا على شهادات ربما لم يعلم بها

المدنيون !

أضف إلى ذلك أنهم للأن .. لم يفقدوا رجولتهم أو بالأصح لم يتخلوا عنها , لم يتحولوا ألى فتيات في أشكالهم
ولا بملابسهم , ولا بقصاتهم , فما يعيبك يا (قروي ! )

ابن (القريه ) , في الغالب .. لديه أدب ولا أنفيه عن ابن المدينه , ابن القريه تجدهُ رجلاً يستطيع ان يحمل المسؤليات ولم أنفي لك عن ابن المدينه , القروي .. تجده يعرف (علوم الرجّال) التي قليلاً ما نجدها عند المتحضرون .. ( ويعرف يصلح قهوه , ويصبه للرجال بالطريقة الصحيحة ) , يعرف يجزر (الذبيحه ) ما يخاف الدم ولا يتأفف.. من الدم ومنظره ( المخوّف ) !!


.
.


هل يعني من سكن (القرية) أصبح متخلفاً .. هل هذه النظره صحيحه ؟!

.
.

من هُنا


أنا قروي! .. لأجل ناصر .. والقريه !

[ريال الفسحه]

سلطان [ شاعري ] ان حق لي القول ....


\


آآهــ.....لو أعرف هاللي مستحي أنه قروي . ؟ ؟ ؟


/

لاقول له فقط...


أنه من أمنياتي البسيطه أن اكون قرويــ لو ليوم واحد..!!!



/


وهذا باذن الله ماسيحصل بعد فتره وان طالتــــ....آآهــ ياقروي..!!!



/




ليتني ياسلطان أديب والا شاعر بلــــ....ليتني شويعر



والا تدريـــ..


ليت عندي اسلوب لبث فيض مشاعر هنا لكــ...


او اجاري ماتسطره انامـــــلكم...


/


بث أيها القروي فيضك هنا وثقــ...بأنـــــ...!!!!


جميع اهـــل المدينه واقفــــون وصامتونـــ...ينصتون لك ...[ أيهـــا القرويـــ..!!]




\


/



استمر لاعدمتكــ..

[سلطان الشمري]

.
.

يُبه .. وينك ؟ تعبت أسأل عليك اللي بقى وأطيّر الأحلام ..
................................... يُبه وينك ؟ عسى ما غربتك هذي .. هي الغربه ...؟ !

______

يُبه .. في كل ليله .. آتذكر .. ( لحيتك ) من قبل أنا لا أنام ..
.................................... و أطيّر .. من عيوني .. لك ( كرى ) .. وأصوّت لسربه ..

ـــــــــــــ


يُبه .. ( علّكْ بخير ) ..

[سلطان الشمري]

.
.

ياهيه .. عندي شيء ودي أقوله ..!!
......................... ممكن اقوله قبل لا شمسي تميل ..؟
/

ياهيه .. تدري وش يعيب الرجوله .. ؟
........................ إن الزمن هذا .. يخون الرجاجيل ..
\

أحلا زمن .. يمكن تكون ... الطفوله ..!!
........................ أقل .. حاجه .. مانخون الفناجيل ..
/

والعن زمن .. وقت ٍ طعونه .. عجوله ..
....................... نمسك ( شهيقه ).. بس .. (زفراته ) تسيل ..
\

يا صاحبي .. بعض المواقف .. جهوله ..
...................... حاولت .. أشيله ..بس ماهي .. كفو ..شيل ..!!!

/

وبعض المواقف .. حيل تبقى .. خجوله ..
...................... أشفق .. من (الدلّه ) على ضمة .. ( الهيل )
\

لا تصد ياخي .. ماهي ..بهـــ السهوله ..!
...................... لكن .. إلى من .. رحتْ .. ( علّه ) تساهيل ..
/

و لو كل حاجه .. لو .. بغينا .. نقوله ..!؟؟
..................... بأقول لك : .. لو رحت ْ ..؟ رحنا .. رجاجيل .. !!

.
.


قروي !

[سلطان الشمري]

.
.




البرق يمه داخلي .. شوفيه .. ينقش بي رسوم .. = رسوم بنت ٍ عشقها .. ينقش .. دقاق رسومها
الــ طفلة اللي .. بُعدها .. وشّم على عيني وشوم .. = الله يبارك بالسهر .. دامه يدقّ وشومها ..
تبرق وترعد والمطر هتّان ويشقّ الغيوم .. = برق ٍ من " عيون الشمال " شقق ثياب غيومها
ياعلّ هماله شمال ::: شمال لديار القروم =يمطر عليها سابعه .. وتفيض روس حزومها
تمطر على ديرة هلي [ شمّر ] كريمين الخشوم = على جبل ( سلمى ) و (أجا ) وجبالها وخشومها
وشعبان حايل تمتلي .. والسيل بفياضه ردوم = من ( جالها ولجالها ) تصفق مياه خرومها
من حد ْ ( عذفا ) يرتهش وليا وصلْ ( لينه ) يزوم = يسري على ( أرضْ تربه ) يسقي هشاش تخومها ..
ومن حدْ ( جُبّه ) ينتفض هتّان ويجيها عموم = على ديار الطيّبين اكرامها وقرومها
وعلى ( ضبيعه ) يصطفق غيمه وبرّاقه ضروم = وتضيق وديان ٍ بها والماء يهزّ رجومها ..
تسوق ريحه ماطره / قِبله .. وبارقها يحوم .. = وجهه على (سلمى ) الكرم ويسقي هشيم جرومها
على ( الشّنان ) غيومها تقدح وناثرها يدوم = تمطر على دار [ الغرير ] الله يديم سلومها ..
العزوة اللي قسمهم بالطيب من خير القسوم = أولاد [ عدي ] وعزوتي .. والعز من مقسومها ..
ويخمْ ( الأجفر ) ماطره ويضمّ قيعانه ضموم = غيم ٍ هميله ..لا همل .. يحيي المطر محرومها ..
[ ويبار ] ياعل المطر وخياله ..مساقط سهوم .. = لـــ اللابة اللي نفتخر لاجت جميع علومها ..
ياضوح .. ياضوح السحاب اللي على عيني تشوم .. =عساك تسقي ديرتي حايل وكل شرومها ..
ومن لامني فيها عسى .. يارب حظه مايقوم = الديرة اللي عشقها .. حيّر جميع خصومها ..
دار الطنايا عِزّها عساه ياربي يدوم .. =حايل بعد حيي ./ وأنا عيني هجرها نومها ..

.
.


شكراً لأمي ..

[سلطان الشمري]

.
.
صورةٌ تحكي .. ألم !!


http://www.al-khayma.com/NR/rdonlyres/9A063293-D3DF-4171-AA6C-2CBCECAF7C66/60935/jjj.jpg
.
.
عُضَ إن شئتَ يديّا ..!!
فأنا .. وحدي .. أعيشُ ..

,

لا رويداً ..! بل تعجّل ..
لم يعُدْ .. في الارضِ عيشُ ..

,
مالـــ قومي .. تركوني ..
دونما .. سترٌ [ و ] ريشُ ..

,

أسلموني .. لــــ عذابٍ ..
ينتهي إن هبَّ .. جيش ُ ..


.
.

جيشُ ؟!!!

[سلطان الشمري]

.
.
.

اللحية الحمرا .. على خالي .. و لون الحنّا ..
...................... ما تعذرب .. يالـــ سقايط .. ديننا الإسلامي ..
.
والله إن الشعر .. الأبيض و .. الاحمر منّا ..
...................... واللحى .. إن طوّلوها .. تعني .. الإقدامي ..
.
ما أبي اقول كنّا ... / وش تغيّر كنّا ..
...................... بس أنا با قول جينا .. / والفجر .. قدّامي ..
.
لونها.. دم الشهاده .. دامنا آمنّا ..
......................... والبياض .. من الطهاره/ وأبيض الإحرامي ..
.
.
.

[سلطان الشمري]

http://z7mh.net/up/uploads/3b0d6200c1.gif
.
.
أمطري .. وصل ْ .. و أشواق .. ولطافه ..!!
................ وانثرك .. عشق .. لأسراب الحمام..
لا.. تحطين .. يا غيمه .. مسافه .. !!
................. بين رمشينه .. قبل وقت المنام ..
أعرفه .. لـــ أمطرت.. تمطر .. رهافه ..
................ يا عصافير .. أقريها .. الـــــ سلام ..
قولي .. إني على شاطي ضفافه ..
............... انثر الشوق .. و أآآآتمتم .. كلاااااامـــ ..
بس لا جت .. بأشيل ... الكلافه ..
.............. و أصبح بخير .. و أحوالي .. تمام ..

[ريال الفسحه]

انزف ياسلطان



انزف

[كحيل العين]

اليك فقط يا شاعري الأول


نعم الأول ولن ابالغ


اتعتقد اذا اطلقت عليك شاعري الاول انني اجاملك

فلا والذي نفسي بيده انني لم اقل شي الا وانني متأكد منـه


سلطان النزف


سلطان الجرح


سلطان الشعر


ابحث عنك دائما واجدك وعندما اجدك احس باحساس المستريح بعد عودته من عنا السفر

اتدري لماذا


كي اروي ضمأي واشربك حتى الثماله واستنشقك كالعطر لكن لن ازفرك



دائما ابحث عنك فانا خلفك اينما ذهبت



اخيك الصغير

كحيل العين

[سنين]

راااااااااااااااااائع



.

[سلطان الشمري]

.
.

الضيقه اللي بصدري ما تفارقني !!
من يقبل الليل تسري داخل عروقي


من مجلسي من هلي لا جات تسرقني
وتطّيح الدمع .. مدري تصرم عذوقي ..


يا ضيقتي وش تبين الحزن يغرقني ..
و أنا بدونك عليم الله مخنوقي ..

.
.


مجرد قروي !!

[سلطان الشمري]

.
.
.

من أغاني الكون ..


.
.
لو تاب قلبي من غلا الشرقيه ..
................... طشيت قلبي .. دونما ماويه ..
.
لأن قلبي خاين .. ولا يفهم ..
................... إن خان عشق الحلوه الشرقيه ..
.
لا اطروا لي الدمام .. انسى نفسي ..
................... وأحس كل أعضاي فعلاً حيّه ..
.
.



سأخبي الباقي لحينه ..فقط

[ريال الفسحه]

8


لاتبطي علينا

[كحيل العين]

الضيقه اللي بصدري ما تفارقني !!
من يقبل الليل تسري داخل عروقي


من مجلسي من هلي لا جات تسرقني
وتطّيح الدمع .. مدري تصرم عذوقي ..


يا ضيقتي وش تبين الحزن يغرقني ..
و أنا بدونك عليم الله مخنوقي ..




سلطاااااااااااان الشمري


صح لساااانك











والله متواصل معك وخلك متواصل معي على نفس الخط لا هنت :)




يابعد حيي والله انت

[سامي الشمري]

يووووووووووووووووووووووووووووووووووووووو وووه ..!



سلطان ..!


جهّز نفسك لـ رئاسة التحرير ..!

[سلطان الشمري]

.
.

من قصيدة " بؤساء " القاتمه ..



/
\
بؤساء لكن كيف نخفي ملا محنا ..!!
.... من البؤس صرنا نخاف ضحكة أشافينا ..!

.

بؤساء ويموت الفرح ..في جوانحنا ..
.... كذا غصب نقتل ضحكنا .. في خوافينا ..

.

يموت الشجر / وتموت فينا جوارحنا ..
.... ولا فرق / غير إن المطر .. ما يسلينا ..!!

.
.
.

[سلطان الشمري]

.
.

فعلاً ..



[ لكُل ما يؤذي و إنْ قَلَّ ألمْ ]

[سلطان الشمري]

http://z7mh.net/up/uploads/3b0d6200c1.gif .
أمطري لين تبْتَلْ القلوب الضّعاف
.... بلْــللي كل شبر ٍ من عدو ْ وخوي..

أمطري لين تروين السنين العجاف
.... خلي الغصن من ثقل الثمر يرتوي..

أمطري من أصابع موطئي للـكتاف
....بلْــلليني ولكن .. لنْ .. ولنْ أرتوي!!

[بالمختصر..]

:


سلطان .. سلطـــــان بكل معنى الكلمه

والله تقف الكلمات حائره أمام روعة ماكتبت

rooose3

كل الشكـــــر لك ولـ صادق إحساسك


:

[كحيل العين]

وينك ....؟؟


تأخرت علينا .....!!




اشتقنا لك .....!!

[سلطان الشمري]

الممات..
.
.


الممات ..إن متْ وأحبابك يحبوبنك حياة ..!
والموت .. أحبابٍ .. سلو عنّك .. وانت انسان حيّ !!


ماتفرق الدنيا .. كثير .. الجمع / واشباه الشتات ..
اهم شيء.. أنك .. تروح إن رحت .. مو خسران شي



والا انا .. بأبقى كذا أحب .. لو حبك رفات ..!
اهم حاجه .. الوعد ما اخون / وتبقى تعيش في ّ ..!!
.
.


تبقى تعيش فيْ

[سلطان الشمري]

.
.

وأحس إني غريب .. و ما أبي غير الألم والموت ..
و أطيح .. وانكسر .. لكن أحس .. بنبضة عروقي ..

.

طعون العمر تنزف / والبكا فيني بليّا صوت ..
كذا امسح دموعي في يدي / ويحن له موقي ..!

.
غريب .. بلا وطن / والناس حولي ممتلين سكوت ..
كأن الحزن .. غيم .. وماطره ..بين البشر فوقي ..!!

[سلطان الشمري]

رحـــــــــــــــــيل !!

،
،
ياجروحنا لو كان لــ آلآمك غياب
ماخفيت دمع العين عن خلانيه
.
أهون أموت وألتحف فوقي تراب
ولا تطيح دموعهم من شانيه
.
أحبابنا لو تعلمون بنا الرحاب
ضاقت / ولم نقوى على الكتمانيه


***

ياضيق يامال المفارق والذهاب
أودعتني بير / وطعونك سانيه
.
ولو كل من يشره يكفيه العتاب
ماصارت ضلوع البشر متحانيه
.
نبضاتنا ..درب..وأحبتنا زهاب
وأشواقنا حمل تهد أمتانيه


***

شرط الزكاة اليا بلغ حد النصاب
والحب ماله تزكيه ياغانيه
.
أوجاعنا غيمه وقطراته حراب
لو يلتئم جرحك / تشقه ثانيه
.
ليتك معي من عصرنا لين الغياب
وأنا وحيد وضيقتي تبلانيه


***


لو نك معي ماصرت رجّال يهاب
ضيقه .. ولا كانت دموعي دانيه
.
ليته تجي فيني /مراويحك سحاب
غيم/و/تباشيرك .. تُريف مكانيه
.
وردة غلا و أضمنك روحي كتاب
عطر.. وأعطر بك ثياب زمانيه


***


والمشكله صارت .. موانينا سراب
وأوجاعنا معنا ( ترُيد موانيه )
.
رحيل .. والدنيا تليتها خراب
وأوجاعنا ترحل ودنيا فانيه
.
دنياك لو تسوى ترى أهل الكتاب
مااسقاهم الله شربة من آنيه


****


.
.
.
ألم

الغانيه : من اغتنت بجمالها عما يجملها .. / لا غير

[سلطان الشمري]

.
.
.


تسربل واسبل هدوم الرضا والحب والإجلال=تفضل واقلط بصدر الوطن واشرب فناجيله

تفضل هذي ضلوعي تبي ترقص وترمي شال=تفضل هذي دموعي غلا بلت مناديله

هنا شرعاً يجوز إني أجي وامعن بك الإسبال=.هنا عرفاً طنايا حضرتي تنثر محاصيله ..

هنا حايل طنايا كلها تشبه صدر رجّال=يميل عقالها طنخه و تشعل بك قناديله

هنا شمر وتخصيصاً أنا يحق لي اختال=وتختال الرجال و كل دله ينتشي هيله

سلام الله عليك من الضلوع اللي بها يجتال=خفوق كل ما هود غلاه تشد لك خيله

هنا بين التناسي والمأسي سجة الإهمال=تشك السلك وتفصل كفن وتعيد تفصيله

ثلاث سنين مرت يالحبيب وصبر طفلك طال=ثلاث سنين مرت وانتظر ليله ورا ليله

تفاصيل الموادع والحزن ما خدّره سلسال =بعنق أختي اشوفك دايما تسكن تفاصيله

هنا ( بشرى ) نست بعدك برآءة ضحكة الأطفال=تضمضم من سؤال ٍ يا يبه ما تقدر تشيله

تلفت تسأل أطيافك عليك ولا تلقّا بال =تغص أبها الأجابه يا يبه ويطيح به حيله

أنا خاويت حزني و (انثبر ) داخل صدر رجّال=ابقوى له فديتك لو تعبت وقلة الحيلة ..

يميل عقال رأسي وانهضه واقول مال عقال=لأني بأقهر الوقت وظروفه لو كثر ميله

أنا ما زاد حزني يا يبه لو شفت دمعي سال !!=لأن آخر مدى حزني .. بكيته وانجرف سيله

أنا عندي سؤال ٍ يا يبه ( بشرى مهي رجال ) =على شان أيش تسرق دمعها من غيبتك ليله ..!!!؟؟
.
.
.

[ريال الفسحه]

نزف رائع


انا معك


استمر

[كحيل العين]

سلطان ....!


رحم الله ابا بشرى واسكنه فسيح جنانه ......!!


له الفضل بعد الله في قرائتنا لهذه الجميله ...../



سلطان اذهب عنك وانت رائع وارجع لك واجدك اروع ...!


كن دائماً كذلك أخي .....!!

[سلطان الشمري]

.
.

هلا وغلا ..


لكن أحببت التنويه .. ليس أبيها بل هو جدّها .. ياعزيزي ..

وهي ابنت أخي الكبرى ..

.
.


كحيل العين حياك الله ياغالي..