طلب مجاراة لهذا البيت من شعراء مضايف شمر

[راكانوفتش]

أعزائي شعراء مضايف شمر


هذا طلب منكم وليس امر

والطلب يكمن في إن كل شاعر يكتب بيتين مجاراة للبيتين التاليين




انا طلبت هالطلب لإن الشاعر الأمير / عبدالله الفيصل

كتب هالبيتين ولم يكملهما .. ولشدة أعجابي بهما اطلب من اخواني شعراء مضايف شمر

مجاراة للبيتين








ان كان قلبك ياحبيبي نساني=فانت اللذي تخسر ولا نيب خسران
انا اتبدل بك من الناس ثاني=ولا انت ماتلقى بدالي كحيلان




واتمنى التفاعل من كل الشعراء

































roooose

[فلاح السعد]

يسلم راسك


نبدأ




ان كـان قلبـك ياحبيبـي نسانـي=فانت اللذي تخسر ولا نيب خسران
انا اتبدل بـك مـن النـاس ثانـي=ولا انت ماتلقى بدالـي كحيـلان
ماهو غرورٍ بس هالوقت فاني=وصعبه تلاقي من يسمون خلان
ياصرت جيتك يامنى الروح عاني=قدّر وخلك للمحبين عنــــوان

[زاهي التومي]

يا صاحبي كانك على البعد باني=روّح عسى الله يحفظك كل الازمان

ماني بضايع لا و لاني مُعاني=كل العذارا منيته هرجت لسان

[نافع بن طواله]

ان كـان قلبـك ياحبيبـي نسانـي=فانت اللذي تخسر ولا نيب خسران
انا اتبدل بـك مـن النـاس ثانـي=ولا انت ماتلقى بدالـي كحيـلان


الحزم واطي والجبل هو مكاني=مايرقب المشراف ياكود شيهان
ان كنت عايف للجبل فانت فاني=جعلك مع اللي يعجبك وسط بستان
لكن حشا لله منت وهواني= انا الشموخ وعزتي دوم نيشان
انا الذي عز ٍ لمنهو لفاني = واللي جفى لا شك ماهوب كسبان

[ريال الفسحه]

عاشو وصحت السنتكم

[عساف التومي]

صح لسانكم جميييييييييييييييييع شعرانا

[عجايب بنت الشايب]

الله الله ...


فلاح السعد


زاهي حمود


نافع بن طواله


صح لسانكم جميــــع


شعــــــار ولا غبــــــار على أقلامكم


لا هنتم ....

[راكانوفتش]

اتمنى التفاعل من جميع شعراء المضايف












































roooose

[فواز الغسلان]

وان كان قلبك في فراقه نواني,,,

نرقد وجفنك تالي الليل سهران,,,

وان كان مسمارك بناره كواني,,,

تكويك من غيري على الظلم نيران,,,



(( الراوي )))

[نوف الفهد]

إن كان قلبك ياحبيبي نساني
............ فانت الذي تخسر ولانيب خسران

أنا اتبدل بك من الناس ثاني
............ وإلا إنت ما تلقى بدالي كحيلان

يومي عن العذال أسدد أذاني
............ مالي هوى في قولة فلانة وفلان

صديت حكيٍ لجل رمشك لفاني
............ خيرٍ فعلته والجزا منك نكران


يذوب حبل الوصل بيد الأناني
............ وحبلي معك قد ذاب بأسباب هجران

الله يبيحك كلمةٍ بالمحاني
............ بس إعرف إنك فاقد اليوم إنسان



كيبوردية بسيطة أتمنى إنها تكون قد المجارة
صح الله لسان طويل العمر الأمير الشاعر عبدالله الفيصل

وتسلم يا راكانوفتش على الموضوع الحلو هذا فعلاً موضوع تحدي رائع

تسلم ولاهنت وتقبل هالمشاركة مني ..

وصح لسان طويلين العمر فلاح السعد .. وزاهي حمود .. ونافع بن طوالة .. فواز الغسلان

لي الشرف إني أكون أول بنت أكتب من بعد شعراء كبار مثلكم

تقبلوا تحياتي

أختكم
نــ بنت الفهد ــوف

[راكانوفتش]

صح لسان كل شاعر شارك بهالموضوع


ومازلت أطمح بالمزيد من المشاركات من باقي شعرائنا

































































roooose

[ابو عارف]

والطلب يكمن في إن كل شاعر يكتب بيتين مجاراة للبيتين التاليين
انا طلبت هالطلب لإن الشاعر الأمير / عبدالله الفيصل
مجاراة للبيتين


ان كان قلبك ياحبيبي نساني=فانت اللذي تخسر ولا نيب خسران
انا اتبدل بك من الناس ثاني=ولا انت ماتلقى بدالي كحيلان
أنا الذي ماحدٍ يحل بمكاني = أنا ولد فيصل عظيم ولي شأن
ياعود موز مغرسه باللياني = خل التغلي وإرجع وقول غلطان




واتمنى التفاعل من كل الشعراء

































roooose [/align][/color][/B][/QUOTE]

[هواوي نجد]

تقبلوا هذا التفاعل والمجاراة لشاعر كبير بحجم الامير عبدالله الفيصل(المحروم)


ان كـان قلبـك ياحبيبـي نسانـي=فانت اللذي تخـسـر ولا نـيـب خـسـران
انا اتـبـدل بـك مـن الـنـاس ثانـي=و لا انــت مـاتـلـقى بـدالـي كـحـيــلان
أفهم كلامي وأستشف المعاني=بتلقى انك انت اللي من الحب كسبان
إما تعيش ومسكنك فـ..المحاني=و إلا الـفراق إن كـنـت لـ.. الـبـعد طربان

[راكانوفتش]

مازلت أطمح بالمزيد من المشاركات من الأخوان والأخوات





























































roooose

[حمود الباتع]

ارحل واناابقى ثابت .ن.في مكاني=مثل الجدي لمضيع الدرب عنوان
لاتحسب اني بشتكي من زماني=والا انت ماضي في تصاريف الازمان
والله مارجي واحدن مارجاني=ولا اتحرى منه عطفه والاحسان
معناي يؤخذباقتباس المعاني=ويمناي تقصردونها كل الايمان


حمود الباتع

[محمد بن غنام الشمري]

http://www.shmmr.net/vb/showthread.php?p=487546#post487546


اتمنى تعجبك