سعد الحامد
24-03-2007, 03:08
بما اننا مبطين عنكم فاقبلوها كما هي ..
الكيف ياهل الكيف ماهوب فنجال = الكيف كيف اللي شعرها تفلّه
وقت الغروب وكل حيٍ على فال = وهي على طلع المشارف مطلّه
مزمومة الخصرين مزبورة الجال = مرن تعقد الشال ومرن تحلّه
وبنحرها من شلفت الزين سلسال = يشكي تعبها لا تغيّر محلّه
وقت السنع ماهمها زول خيال = محسوبةٍ عن عسكر الجيش كلّه
جتني على راس السنه تنشد الحال = والعام حالي حال واليوم فلّه
قالت تحب وقلت مانيب تمثال = احب واعشق وازبر الطين بلّه
قالت تخاف وقلت مانيب رجال !!= الخوف من عينٍ هدبها تسلّه
قالت ضعيف وقلت والله ماأحتال = وقت اللقاء مابين خلٍ وخلّه
قالت تغني لي عن الحب موال ؟؟= قلت الله الله لو بغيتي اشلّه
يالالالاله يالالاله يالالالا لاال = يالا لالا له يالالاله يالا لا لّه
قالت كفايه شكلك اليوم ميّال = وش اخر المشوار ياهل الأهله !!
انا نصيت بس ..تخبيل وخبال = واخاف هرج الكذب بعدي تهلّه
انا عريبة جد مانيب صلصال= ماني من اللي كل يومن بحلّه
قلت انتي اكبر في عيوني من القال = درب على غير النقا ماندله
الكيف ياهل الكيف ماهوب فنجال = الكيف كيف اللي شعرها تفلّه
وقت الغروب وكل حيٍ على فال = وهي على طلع المشارف مطلّه
مزمومة الخصرين مزبورة الجال = مرن تعقد الشال ومرن تحلّه
وبنحرها من شلفت الزين سلسال = يشكي تعبها لا تغيّر محلّه
وقت السنع ماهمها زول خيال = محسوبةٍ عن عسكر الجيش كلّه
جتني على راس السنه تنشد الحال = والعام حالي حال واليوم فلّه
قالت تحب وقلت مانيب تمثال = احب واعشق وازبر الطين بلّه
قالت تخاف وقلت مانيب رجال !!= الخوف من عينٍ هدبها تسلّه
قالت ضعيف وقلت والله ماأحتال = وقت اللقاء مابين خلٍ وخلّه
قالت تغني لي عن الحب موال ؟؟= قلت الله الله لو بغيتي اشلّه
يالالالاله يالالاله يالالالا لاال = يالا لالا له يالالاله يالا لا لّه
قالت كفايه شكلك اليوم ميّال = وش اخر المشوار ياهل الأهله !!
انا نصيت بس ..تخبيل وخبال = واخاف هرج الكذب بعدي تهلّه
انا عريبة جد مانيب صلصال= ماني من اللي كل يومن بحلّه
قلت انتي اكبر في عيوني من القال = درب على غير النقا ماندله