ابو محمد111
21-03-2007, 13:18
مضى لي على هجر الحبيبة ثمان سنين = مع مثلهن واليوم زاد العنا فيّه
عليه المحاني تختلج والبلا ضعفين = تجاذب همومٍ داخل القلب ورديّه
يجيني خياله واهتني بالحلا والزين = وأداعب ملامح وجهها كل عصريّة
عذابي يزيد ويحترق قلبي المسكين = إليا من نظرته وأقترب موعد الجيّه
مسحت الخدود اللي تجرّح بدمع العين =واخفّيتها مابي حدٍ ينتبه ليّه
صبرت ونفذ صبرٍ تعرض للقسا واللين = ألا عزتي للي على البعد له نيّه
لها ريحة ياناس فيها الدواء صنفين = تداوي عليلٍ دوم حاله شقاويّه
ولها قبلةٍ ماشفت بالغرب والا الصين = ولامثلها لورحت جنوب وشماليّه
ولها لون تزهى به ولاحطت التلوين = تمخطر دلال وحسن لاشك فرديّه
ولها بالمفاتن باع خذت حلة الحلوين = جماله طبيعي غصب ! علاماتها ميّه
نويت أعترف واعلن لأخواني الغالين = عن اللي لها بالقلب غلا لاجيٍ فيّه
عسى مرزمات الغيم تسقي ديار الزين = عسى ترتوي قاعٍ عقب موتها حيّه
عسى ديرة خطّو على ضلعها أهلين = ماينقطع عنها الحيا كل وسميّه
حياتي هي وعشقي وشعري بها يسلّين = على ذكر طاريها نفسي هواويّه
2/3/1428 هـ
عليه المحاني تختلج والبلا ضعفين = تجاذب همومٍ داخل القلب ورديّه
يجيني خياله واهتني بالحلا والزين = وأداعب ملامح وجهها كل عصريّة
عذابي يزيد ويحترق قلبي المسكين = إليا من نظرته وأقترب موعد الجيّه
مسحت الخدود اللي تجرّح بدمع العين =واخفّيتها مابي حدٍ ينتبه ليّه
صبرت ونفذ صبرٍ تعرض للقسا واللين = ألا عزتي للي على البعد له نيّه
لها ريحة ياناس فيها الدواء صنفين = تداوي عليلٍ دوم حاله شقاويّه
ولها قبلةٍ ماشفت بالغرب والا الصين = ولامثلها لورحت جنوب وشماليّه
ولها لون تزهى به ولاحطت التلوين = تمخطر دلال وحسن لاشك فرديّه
ولها بالمفاتن باع خذت حلة الحلوين = جماله طبيعي غصب ! علاماتها ميّه
نويت أعترف واعلن لأخواني الغالين = عن اللي لها بالقلب غلا لاجيٍ فيّه
عسى مرزمات الغيم تسقي ديار الزين = عسى ترتوي قاعٍ عقب موتها حيّه
عسى ديرة خطّو على ضلعها أهلين = ماينقطع عنها الحيا كل وسميّه
حياتي هي وعشقي وشعري بها يسلّين = على ذكر طاريها نفسي هواويّه
2/3/1428 هـ